RonaldFan的個人專頁

今日去到元朗一間小舖，只得兩個位，主力做外賣生意，舖頭不是太明顯，但係有很出色的花膠湯底，有花膠龍躉片花膠湯飯或烏冬任選，花膠好大塊，龍躉片厚切四大件，仲有特色的手撕雞，例如芥末蜜糖手撕雞，亦有花膠湯雞或豬什，價錢相當合理，舖頭親民，事頭婆親切，有貓店主好靚的緬因貓，亦提供免費餐俾有需要貓貓，詳細可以睇吓佢門口佢嗰張貼嘅poster，在眾多元朗小舖，這家算是具有特色湯底的小舖，值得支持的小舖。👍…查看更多

睇到網上推介，所以前往去試吓，同阿爸阿媽太太行四人上到走廊位置非常之滑，老人家非常危險，入到去裝修簡陋，只得兩至三台客包括自己，叫咗四人最貴嘅火鍋和牛套餐，淨係啲波波蜆同牛肉可以，其他生蠔丶蝦嘅所謂海鮮就好差，啲肉腍啤啤，食物質素欠奉，蔬菜枱上食物沒有添加，連豆腐都冇再添加，侍應生一個，收錢一個，負責串燒兩個，串燒乾到冇朋友，每次都有主動行去搵侍應生，先有人理你，同網上所講食物質素有天淵之別，食到我阿爸阿媽都馬晒面，希望佢多多改善🙏🏽…查看更多

海景靚，環境好，但上大烤鴨非常慢，等個半鐘，不知所謂，價錢貴過北京樓，但浪費時間，其他還可以。烤鴨味道上可，其他餸沒有甚麼驚喜，要$600不太值得。還有其他枱同樣投訴慢，服務麻麻，又要取消落咗單的鴨。簡直一個差字。可以不去。…查看更多