garfieldying的個人專頁

早幾日去晚市食飯一去到現場環境周圍都非常嘈吵多人，同枱基本上同鄰座人交談都有困難。某侍應態度惡劣冇禮貌，起初因為物品擺放椅子問題態度已經唔好，到點菜下單嘅時候，有一半嘅菜式已經售罄，最後重複下單嘅菜式時又好似唔識比反應我哋咁樣，一副你點就點唔點就罷就嘅感覺，並用命令式語氣跟客人談話，最基本嘅服務態度都冇，食物質素唔可以話難食但味道很一般。本身一班人食餐飯開開心心，都搞到氣氛唔高興，我哋係嚟食飯唔係嚟受氣。冇下次。…查看更多

去旺角行完街肚餓，就開OPENRICE睇下有咩燒肉好推介，見呢間就腳係附近，就去試下。去到排隊拎飛等左40-45分鐘，係門口冇座位可以坐低等，諗住都會幾好食。但真係從來未試過食燒肉食到咁差既體驗，我揀左中價個隻牛肉，但真係韌到咬左好耐先咬得開，係幾款牛肉都有呢個情況，比一啲價錢更低既任食放題質素仲要差很多，真係好失望，呢個價錢完全唔值，沒有下次。唯一一樣好食既就係牛油金菇，ENCORE左幾次，（因為其他野真無唔好食）環境就舒服既，座位亦闊落，服務亦都可以。…查看更多

天氣凍凍地，突然間想去打邊爐，睇到OPENRICE啲食評都唔錯，就WALK IN去試下，去到唔使等即刻有位，坐低就點完個湯底，就上左個刺身拼盤同牛拼盤，我再掃CODE點其他野食，成程飯我只能夠講得個刺身拼盤同個炸饅頭係正常啲，其他食材真心完全唔好吃，尤其係啲牛，幾款都好韌，碟手切肥牛上枱個時雪到夾唔開，淥完佢擺入口食係好難咬。。。。另外食緊既過程入面，有2-3隻蚊滋係咁飛嚟飛去，仲要飛左埋盤菜到停留左一陣，即刻唔想再食了，衛生真是一般，性價比相對地低。…查看更多