烏治的個人專頁

今天和朋友相約到尖沙咀睇戲，仲有30分鍾時間到樓下6樓選擇了這間快餐形式的拉麵店，點餐後大約3，4分鐘，麵已送到，趕時間的我地，這裡是一間不錯的選擇我叫了一個紅丸拉麵，麵質普通，但是我喜愛的豬骨湯底，加上小量的辣醬，令到開胃一點，好彩辣度只係小辣，太辣會完全蓋過了豬骨湯的味道，叉燒幾大件，肥瘦適中，叉燒上有小量的蒜蓉，一齊食感覺不錯整體黎講，$68這個價錢在尖沙咀區內，他們已做得不差，當然同區有其他更好的拉麵店選擇，但價錢也貴2倍，普遍都100蚊以上…查看更多

好耐無食過點心，今日經過厚福街決定一試餐廳不算大，我地11點幾去到，客人唔算多今次重點要推介，墨西哥叉燒飽，本來以為都係普通一餐，結果佢超過預期好食另外我地叫左蝦餃燒賣，其實幾好，因為一份只有2粒，可叫多其他唔同既野食服務方面，d姐姐幾有禮貌，會主動幫忙加熱水價錢方面唔算貴…查看更多

今天約了好友去APM行街, 朋友話發現APM旁邊有間西餐好好食,又唔貴, 今晚一定要我去試一試間餐廳就係APM旁邊,行過去只係2-3分鐘就到, 位置方便上到去朋友BOOK左位既關係, 所以唔洗等位, 我朋友係呢間餐廳既熟客仔, 所以個女服務員一見到我個朋友就識叫"謝小姐,你好阿!", 我朋友有晒FACE ,  一日咁多客都記得人地姓咩, 值得讚一讚呢度環境比較細, 我們7點半上到黎都FULL , 但係佢安排D坐位好闊, 起馬唔洗好似d大集團餐廳咁2個人坐到迫一迫, 起馬比晒成張4 人桌我地晚餐由68去到158都有, 不過68個d係沙律餐, 意粉飯個d 70~80, 一d都唔貴, 我叫左個青口南瓜意大利飯,我個朋友叫左個西冷, 跟餐有埋頭盤同湯, 我地簡左凱撒沙律, 呢度沙律有個好處就係個d沙律汁會"no"埋, 唔似出面會汁另上, 幾好食主菜, 我個朋友話佢個西冷幾好, 一分錢一分貨,158呢個價算唔差,起馬無咩根位, 唔會好似食牛肉乾咁,算靚, 我唔食牛肉所以無機會試一試, 我個飯都唔差, 飯軟硬適中, 我唔中意食d意大利飯係"林"既, 硬硬地先好食架嘛最後有個自家制雪糕做甜品, 奶味比較重, 不過幾好食!!…查看更多

今日晚上和朋友經過，先知道原來淘大也有上海婆婆，便入黎食飯。可能星期一關係，８點唔洗等位。我們２個人點了：１）小籠飽：有２隻個皮「痴」住下面塊青羅白，搞到穿左，但整體ｏｋ！（大家食既時候要小心一點）２）麻辣粉皮：呢個係我最鐘意食的！！個汁整得好好，加上小許瓜絲一齊食，唔會太辣！３）咕嚕蝦求：比起屯門分店，呢到好食ｄ，唔會太酸，蝦亦入味，口感不錯！４）粗炒：這個一般，上海菜一慣作風「多油」！這間分店很大，環境ｏｋ！我地入去的時候ｄ侍應好齊心又好大聲咁叫「歡迎光臨」，搞到有ｄ唔知點咁，好似全世界都知我地入左黎。不過ｄ態度幾好，落單時也會覆單，上菜都唔洗等好耐，大致上幾好！…查看更多

本身同親戚諗住去東薈軒飲茶，點知去到先發現原來已結業！（可能我們有一個月無去既關係）轉了聯邦，由於太多人等位，所以決定黎稻香。我地都係第一次黎，由於位置距離巴士站較遠，所以等了十分鐘左右就有位。我地一共叫了７個點心，除了長粉之外，其他點心等了十五至二十分鐘左右都有了。當時我見門口都冇咩人等位，可能廚房問題，我地叫左個長粉竟然等左４０分鐘都黎唔到，我地已經追左２－３次，但係個ｄ呀姐態度認真馬馬！叫我地等一等，之後當無件事發生！最後我地等唔到，埋單走左。我對呢間野真係有ｄ失望，估唔到大集團，食物唔係特別好食，追野食又比人當透明，如果有得選擇，一定唔會再黎！！！最過份一碟長粉竟然等咁耐都無！唉…查看更多