foodie_hk的個人專頁

話說約朋友去食high tea點知去到嗰陣佢話我聽好飽，淨係諗住嗌杯茶飲結果我哋揀咗一件朱古力蛋糕，自己再加一杯茶蛋糕$130正常水準，只係覺得個餅底太普通，又淋咗d去到5:00左右有啲肚餓，嗌咗一份黑椒牛柳跟白飯白飯似乎出現少少煮得過熟嘅情況用咗高質素嘅牛柳，口感好腍好滑同埋一齊炒嘅紫洋蔥都好甜，酒店亦都唔吝嗇青蔥嘅份量希望下次可以食返佢哋嘅high tea…查看更多

唔知點解見到喺網站見到有人介紹就想試啦雖然個個都話唔抵，俾幾廿蚊食一個自己屋企都煮到嘅麵但係我覺得呢種舖頭係sell概念同體驗,冇話絕對啱定錯有得自選啲食材又免費俾你任食，係得塊芝士攞完第一塊之後再攞就要另外俾錢（$3）。如果你想買糖心蛋或者午餐肉，亦可以喺販賣機度選購上次試過辛辣麵，冬陰功味湯底，今次同朋友嚟試吓昆布味，佢話會分享，點知淨係食咗三條麵同一粒魚蛋最正係成個過程都好簡單易明，佢哋將我啲餐具放喺顯眼位置，令整個體驗好暢順。你買完面之後即刻出一個紙碗俾你個底有鐵片，咁就可以直接放喺個爐上滾熟佢，記得唔好將塊芝士放喺底同埋要定時撩個面餅，確保煮透販賣機容易使用，收信用卡電子支付等等，絕對係適合飲完酒，想食少少嘢，但係啲鋪又閂晒，過嚟食返啲熱野嘅好地方另外如果你係悶悶地約個朋友出嚟傾偈嘅話，呢個地方都算坐得舒服又同時可以食到呢d comfort food 個場好乾淨，側邊有啲夾公仔機，啱晒你等緊啲麵煮緊嘅時候去玩佢哋應該認真考慮吓喺中環蘭桂坊又或者灣仔酒吧佳附近開返間…查看更多

呢間餐廳行過成日都見要排隊，今日因為打風終於唔見條隊就即刻衝入去，眼見無乜人，以為早收，原來佢哋收6pm…簡單食個午餐，原來入邊餐廳都好大，室內裝潢除咗泰式之外，啲枱嘅擺位同選擇亦都令人感覺新鮮有熱湯有飯，亦都有小食成個用餐體驗就覺得係接近香港人口味嘅泰菜冬陰功湯口味偏甜唔夠惹味，但係隻大蝦非常鮮甜同埋其他料例如草菇香茅醋都足夠，另外略嫌個湯比較稀啲，唔同平時喺九龍城食開嗰啲有少少椰漿稠杰度跟住上咗雞肉串燒，我覺得個汁幾香但係唔夠辣，又係偏甜佢哋最好食嘅係和牛炒飯，炒得好乾身，和牛份量亦都交到功課，但係伴碟個碟魚露汁好似同啲飯唔好夾其實食材非常新鮮，但係個煮法可以更泰式，希望佢可以搵人諗吓醬汁同埋啲食材嘅配搭…查看更多

呢一餐係透過restaurant week 訂枱，2人出席之前喺呢個網站睇過環境我哋book咗6pm但係去到估唔到一出𨋢已經係佢哋嘅沙發枱，主要靠高身梳化背去營造屏風同私隱度，但係以法國料理同埋氛圍嚟講，就略嫌粗枝大葉- 大廳格局係先窄後濶佢哋俾咗一張接近門口嘅枱，雖然係梳化位，但係接近門口嘅位置比較窄同對面窗口枱好近，所以我哋問佢換枱，而最後佢都肯換一張喺大廳中間位置嘅二人枱我哋叫咗一杯gin + dubonnet, 聽講係英女皇最愛嘅cocktail 🤣,而dubonnet 係法式aperitif, 黎到依間餐廳一定要試吓- 廚師好明顯對於食材選擇，配搭同處理手法上落咗唔少功夫，由佢一開始嘅麵包籃，用乾蔥酸忌廉醬去配搭，另外牛油選擇亦都有兩款，其中一款係輕輕哋溝咗鹹魚嘅牛油佢哋最出色係前菜同熱食，尤其係吞拿魚，牛肉他他就好巧妙咁做成三文治形態，方便食客享用，油甘魚配青蘋果嘅擺盤對於法式料理嚟講太簡單熱食嚟講青口算係最好，配帶子嘅mousse 似帶有西芹味，但係味道上又唔算係夾得好完美，法國蝸牛食材處理上邊預先挑咗啲肉，然後放返係一個蝸牛形狀嘅陶瓷杯再烤上碟，都睇到佢哋顧及食客方便嘅心思- 主菜我哋唔係好敢嗌skate, 因為係煎，好擔心會過熟嘅情況，所以最後揀咗黃油雞同埋牛肉黃油雞處理手法傳統得來又保持水準，聽講佢嘅雞胸同雞髀係分開烹調，以避免出現部份過熟令到肉質好嚡嘅情況至於加$118嘅牛肉pithivier ，啲肉質煮得剛剛好，但係食完前菜同熱食已經飽咗七成，再俾咁大份，仲要係用酥皮包住嚟焗嘅牛肉加鵝肝醬就實在食滯咗，好彩唔係我嘅選擇，但係佢擺盤上面如果配合返少少菜蔬會好啲- 甜品有熱有凍，隔離果個食完個牛肉已經再食唔落croffle, 佢最後揀咗pistachio cream而我見歐陸式食法總會會有芝士配乾果呢類型嘅「甜品」，最後揀咗一份熱金文巴芝士配蜜糖同埋多士，呢個算係全晚焦點，原來用煮溶哂嘅芝士去配多士，再加少量蜜糖，實在係簡單得來又非常出色嘅一道菜整體評分我會俾8/10，因為食材尤其係甜品嘅熱芝士跟法式麵包🥖再加蜜糖有驚喜，但係佢嘅環境氣氛都需要認真處理一下咁先可以再爭取到米芝蓮星星希望餐廳加返多啲植物或者綠化類型嘅裝飾提升氣氛，另外可能加返地氈減少食客傾談嘅時候聲音迴響…查看更多

行過記得之前有youtube介紹, 6pm左右以為未開舖，見到門口有張紙貼表示只售A5和牛有位菲律賓姐姐即刻俾位我坐低跟住拎咗一份好簡單嘅餐牌，個位日本廚師好忙，又要set 枱，又要切肉，爭d連買單都要佢做個餐牌食燒肉最少都要$250起，見第一次你就下一份細嘅燒肉盛試吓，佢哋上菜會遷就客人用膳節奏，其實一坐低佢就上咗一杯細嘅綠色糊狀，暖身前菜，似係打成糊狀嘅菠菜蓉之後先上蕃茄沙律，然後再上燒肉，食到差唔多中段有廚師親自拎咗蘑菇湯出嚟，呢個菇湯好足料，杰度都差唔多似gravy 咁，味道偏鹹牛肉嘅質素都幾高，入口即溶，另外深色小小嘅肉味香濃，廚師介紹係harami (skirt steak)啲牛肉份量都幾多，下次要搵埋朋友一齊食大概7pm 有2枱人walk-in ,都冇位，店主叫佢哋坐對面飲杯嘢等一陣環境就好似一般日本小店咁，自家一腳踢搞掂🫱🏽‍🫲🏼今日埋單$545，冇加10%…查看更多

我哋用咗Afinity 飲食會籍去訂枱，晚市套餐50% Off呢間新派法式餐廳，味道唔錯，但係d份量樣樣都似上主菜咁多其實一坐低，落單後好快已經俾咗啲麵包同牛油，果塊包條邊（crust)好硬，同埋d牛油無預先放出黎回室溫，所以好難挑出黎，莫講話搽落塊包度因為係兩個人食，所以差唔多試哂所有款式前菜係一個變奏版嘅凱撒沙律，d生菜原棵上牛肉他他份量其實比另一d法式餐廳少，但係仍然算大份飲埋個法國洋蔥湯已經好飽,洋蔥湯上面有一塊預先焗溶咗芝士嘅麵包，d芝士瞓啦，好明顯唔夠，因為焗溶之後見到有好多孔，一般嚟講應該係脹卜卜咁先好睇我哋等咗差唔多15分鐘後再上主菜（相信俾時間消化），唔知係咪廚房同侍應溝通上有啲混亂，佢地一開始上錯法式燒黃雞俾我哋，後來好快換返青口主菜係白酒青口，另一份係牛柳，兩份嘅味道都各有特色，但係我嫌牛柳冇乜肉味，如果佢哋可以用啲靚啲嘅蕃茄就更好食完主菜喺5分鐘之內就已經上咗甜品，但估唔到好似正餐咁大份嗰個檸檬蛋糕比起桑盆子撻甜d,檸檬蛋糕中央位置應該係用咗lemon curd ，有少少澀味我麻麻地鍾意呢d配搭整返你講上餐飯嘅味道都ok，只係每道菜都有奇怪嘅特色…查看更多

一間已經存在左係香港>20年嘅餐廳，最終因大業主從新規劃而係3/8結業。佢哋啲枱已經俾人book爆曬，下星期只會做set menu～前菜有生蠔🦪6隻～海鮮沙律-煙三文魚，帶子，鮮蝦，蟹肉撈埋沙律菜同沙律醬食～牛肉他他牛味偏淡口，歐洲做法同韓式完全唔同～羊架$398，有4支骨，配少量沙律菜，另加$70配菜～Black cod Bouillabaisse 汁底係正宗provencal 式加咗白酒去煮，魚肉好滑，配咗蜆同埋青口最後叫咗soufflé ,佢比你揀朱古力雲呢拿或者橙酒，配一球雪糕唔知呢間餐廳第時會唔會用另外一個形式出現呢？…查看更多

Wow 估唔到自己係第一個寫食評Southside開幕咗好耐，但係自從city‘super同戲院都開咗之後成個旺晒食飯差唔多間間都要排隊，見王子飯店6:30pm冇乜人排就睇吓餐牌見到啲價錢有啲貴，但係都想試吓呢間飯店入邊鋪咗地氈，令到傾偈嘅時候冇咁嘈，整體感覺上比較高檔嘅中式餐館結果兩個人坐低就每人叫咗一個湯，一份叉燒一個海參心豆腐煲，然後再由侍應介紹$78一隻蟶子或者蛋白蒸蟹鉗，最後決定要蒸蟹鉗佢哋嘅餸每樣都做得好好，例如叉燒係搵到最稔嘅梅頭豬肉，另外白肺湯同埋鮑參翅肚更兩樣都好足料，調味剛剛好海參豆腐煲啲海參肉質好厚同埋炸豆腐口感好滑，至於蛋白蒸蟹鉗，蟹肉好甜，蛋白如果再滑啲會更好味唯一少少缺陷就係上菜嘅時候冇乜伴碟配菜不過其實呢啲細節唔會影響到口感買單嘅時候侍應俾咗一張現金券，下次$500　可以用$100…查看更多

快食午餐，見到$58有當歸湯底梅頭肉面，有三款麵揀，最特別係外賣包裝，湯同麵分開上，最特別係裝湯嗰個盒蓋中間有一個凹位，可以將比較細啲裝麵嘅外賣盒放入去，咁樣可以確保成份外賣包得穩陣d另外值得一題係陳皮檸檬茶味道醇厚，好味呢份午餐等咗大概7分鐘就拎到…查看更多

其實可能係老闆擔心芫荽味太重，唔係個個人接受到嗌咗芫荽梳打水$54，味道唔甜，好正，其實只不過係生芫荽，加一片青檸再加梳打水去飲至於芫荽汁蜆肉蕃茄意粉，其實都幾有趣，一紅一綠作對比，最緊要係芫荽汁夠多可以撈勻落意粉到食呢間餐廳有fusion ,新配搭味道最好反而係凍八爪魚片+pesto 同火箭菜如果單獨叫一兩味餸，其實唔係好貴，但係呢啲環境同朋友一齊食會開心d盛惠$314，下次唔知仲有冇機會嚟啦，聽講就嚟結業…查看更多

我哋有兩個人去食，嗌咗牛油果味青花椒鍋為咗用NF touch $100券就去食，每$400慳$100，可以先攞到南豐嘅$50電子食肆劵再加$30一般電子購物券如果係用Mox 信用卡夠$800，仲額外送多一張city’super $100 電子消費券，但係自己冇Mox 卡，係最後去3/F禮賓部玩消費券嗰陣先至知其實呢間舖頭你冇可能食唔飽離開，因為佢喺個自助吧有肉燥飯食佢哋山海一盤海鮮，差唔多上齊晒有鮑魚，帶子，細蜆，魷魚🦑，蝦🦐…另外肉類亦都有三文魚，牛肉同埋豬肉最後補嗌咗一個金菇然後飲品亦都有好多款最正係用外賣杯上菜，可以拎走慢慢飲自己睇幅相，唔解釋咁多…查看更多

打完波好熱，三條友專登去搵呢間舖食刨冰OpenRice明明寫2pm開，去到見佢喺門口貼咗2:15pm先至開門結果我哋走咗去隔離麥當勞食套餐到2:25pm左右行返過去已經見到坐咗10個人喺度等好彩啲人食完好快走等咗10分鐘左右就有位，一路等嗰陣已經有侍應幫我哋落單同埋收錢我哋計到每人$50一位，最後三個人嗌咗一個抹茶味刨冰🍧加黃豆粉厥餅套餐個朋友食完就話下次要再返嚟，好鍾意上面嗰粒白玉另外呢間舖頭都幾體貼，知道你有三個人就俾三粒白玉上次我同另外一位朋友去食，佢地放兩粒🍵抹茶味係經典，呢一間刨冰嘅冰做得比較鬆散容易食，上次試咗季節特定櫻花味，我就覺得冇抹茶咁好食🤤$110一人食有d貴，但係都見到有一個客人自己一個人食得好滋味😆…查看更多

呢間舖頭香水檸檬茶幾得意，除咗特濃，同埋綠茶底之外亦都有一啲糯香茶，同埋季節性嘅特飲今次試咗佢水牛奶🥛，係幾香可能係因為好少人，所以5分鐘內出到貨呢類飲品喺夏天應該好暢銷，好飲過珍珠奶茶唔知香港幾時先至有橄欖茶呢？…查看更多

今次買比屋企人食，入去見咁多款式，最後揀咗4款，唔需要加熱，直接外賣帶返屋企，問佢點加熱，佢提起bresaola 200度2分鐘，其他200度熱3分鐘餅底脆得來有煙韌口感，家中長老食得開心，尤其係truffle 茹類個款佢仲送咗兩支喜力樽裝啤酒俾我哋（冇解釋點解）…查看更多

呢間開係Jollibee 對面，平價取勝其實餐牌有雞，有漢堡，又有飯，絕對滿意到追求中西合璧品味嘅顧客雞肉🍗肉質幾滑，比KFC 好食，但又未去到Jollibee 級數推介藤椒雞值得一試，新鮮炸，肉質鮮嫩，連d肉都有藤椒味熱奶茶已經加咗糖，味道唔係太甜，咁樣啱啱好雞柳有少少失望，因為口感似麥當勞麥樂雞，Jollibee 真係原條雞柳炸出黎，同埋佢哋有自家製醬汁，德克士欠缺左一啲招牌貨，令人記得佢哋嘅食材可能係接近收舖，薯條唔夠脆同熱，不過今次主要試雞肉，所以無所謂如果佢哋想取代到Jollibee,似乎需要再提升雞肉品質先得…查看更多