SiuFeiMon的個人專頁

見雜誌介紹呢間新開嘅放題，話有活八爪魚、醬油蝦食，諗住同老公嚟試吓，結果係伏中之伏。無論刺身、壽司、串燒、鍋物，無一樣好食，八爪魚係會郁，但刺身、壽司唔新鮮，未食過啲甜蝦係無味，串燒無香味，同鍋物一樣好重味精，好咸，清酒淡而無味，雪糕雪條係任食，但個冷氣勁到好似雪房咁，唔好講話食雪糕，就算坐喺度都凍死人，我凍到不斷要落樓下解凍，有嘢食先上番去，從未試過食放題食到有嘢淨，仲要凍到病，真係貼錢買難受😣，唔會再幫襯。…查看更多

突然想食waffle,見呢度有間甜牙牙，即刻落去食。叫咗個鮮果waffle,同香蕉三色雪糕waffle,一上枱個鮮果waffle有西果,橙,火龍果及奇異果各兩舊再加一大球朱古力雪糕，貨真價實，但另外個香蕉三色雪糕waffle就強差人意，話明香蕉waffle,主菜係香蕉係常識吧，但此店嘅香蕉waffle竟然得一小片香蕉另加三小球三色雪糕，問店員點解得一片香蕉，佢話因為有三色雪糕，呢個理由太牽強吧！鮮果waffle都有六舊生果加一大球雪糕啦！香蕉少到得一小片，呢個唔應該叫香蕉waffle,應該叫三色雪糕waffle啦！對個waffle好失望，對啲店員嘅解釋更失望，完全被騙，唔會再幫襯。…查看更多