bobojoanwu的個人專頁

麥記出新包McGriddles，即刻買黎試下，未食過日本同韓國，所以都係第一次食呢個包，叫咗楓糖班戟豬柳蛋漢堡早餐 $36.5，向Apps叫定 10分鐘就拎得。班戟軟熟，加咗楓糖粒甜甜地，好香牛油味，配埋芝士豬柳，甜甜鹹鹹又幾夾，雖然班戟略嫌濕咗少少，但都值得encore。McGriddles有分2款口味，楓糖班戟豬柳漢堡及楓糖班戟豬柳蛋漢堡。聽說有朋友去嘅店要等超過半小時，今日大家都咁期待 如果想食最好提前叫定啦。…查看更多

朋友生日，一行6人，想搵間坐得舒適又多選擇嘅餐廳，就揀左呢間地點就腳向k11 Musea既fushion菜。==============================💎吞拿魚牛油果藜麥沙律 $158吞拿魚同牛油果都好新鮮，數量足夠，不會菜多過料。💎炸蝦芒果米紙卷 $108配咗荔枝汁，配埋芒果酸酸甜甜好醒胃，入面炸蝦都幾彈牙。💎香辣沙嗲雞肉串(3pcs) $128串燒肉質不夠嫩滑，但沙嗲醬汁出色，香甜花生味道好出，辣味剛剛好。💎小食拼盤 $248入面包含: 春卷, 蝦餅, 雞翼, 魷魚鬚, 牛肉雞肉串，因為串燒重覆了唔多講，炸物香脆，但略嫌太油膩。💎厚燒豬腩肉串及薯格配泡菜醬 $148豬腩肉一層肥膏一層肉，食落爽口，配泡菜醬令肥膩感降低。💎"沙薑"燒春雞  $268雞肉不嫩滑，完全沒有沙薑。💎12oz烤美國頂級肉眼 $328選了7成熟，來都有一半都9成熟，肉質有靭度，只能說有牛味了，建議可以叫5成以內。==============================環境不錯，露天位置比較靚，但夏天真的唔適合，還有被蚊咬嘅機會啊。由於向openrice訂枱晚上8點點後有75折，每位3xx，環境加食物尚可接受，但正價就要考慮一下了。 …查看更多

新商場元點開幕，有好多新餐廳加入，其中一間就係有好幾間分店嘅Pause IT，我同朋友2個人叫咗3樣嘢食🎈凱撒沙律 $68生菜夠新鮮脆口，麵包糠脆身，凱撒沙律醬夠多，每一塊菜都能夠食到醬嘅味道。明太子櫻花蝦意粉 $98每一條意粉都掛滿明太子，但又唔會好鹹，陣陣櫻花蝦嘅香味，意粉軟硬適中。牛油果莎莎醬炸薯條（含酸忌廉） $78 薯條夠大份，香脆鬆軟，酸忌廉上加牛油果蕃茄醬，食落清新，令薯條冇咁油膩。薄荷朱古力咖啡 $42薄荷朱古力味，令我想起細個嘅時候食嘅薄荷朱古力片，完全係嗰個味道，不過咖啡味較少。價錢合理，味道不差，約三五知己傾計好地方…查看更多

朋友生日要求食日本菜，就揀咗佢屋企附近一路想試嘅餐廳，訂枱時店員話新出咗個“海鮮月光寶盒”，個名咁勁就訂咗2份試試佢🥰店舖環境企理，有吧枱同卡位選擇，有家庭式居酒屋感覺😆💎手握壽司赤醋壽司，刺身夠新鮮💎軟殼蟹沙律沙律醬同菜剛好，軟殼蟹好脆口💎自家製奇味炸雞呢個炸雞非常出色，外脆內軟，入邊嘅雞肉仲有汁流出嚟，非常juicy，一定要點個醬汁，甜甜酸酸好惹味💎鯖魚一夜干平時食日本料理好少見到，用咗呢個煮法，令到鯖魚嘅肉質更加有質感，勁好食💎仲有叫咗炒菜、串燒、軟殼蟹卷，每樣都好平均💎海鮮月光寶盒主角最後出場，上菜時真係好驚艷，無諗過2百多嘅海鮮拼盤咁足料，大大隻龍蝦、蟹，仲有瀨尿蝦、鮑魚、海蝦同東風螺，勁鮮味彈牙，煮得啱啱好，唔會過咗火，因為太好味，已經好飽，都要繼續食😂唔好睇佢屋村小店，竟然有咁高嘅質素，價錢合理性價比高👍🏻…查看更多

朋友聚會揀咗呢間餐廳，因為佢唔限時，去到環境同一般小菜館差不多，有兩層，上層有兩間房，夠多人可以唱K打麻雀，有機會真係要試吓。講返食物先，我哋四個人叫咗五個餸。💎生炒骨甜酸味適中，好脆口又唔會太硬💎椒鹽鮮魷炸得好鬆脆，魷魚同炸皮唔會分開，非常香口💎油鹽水花甲有粉絲底，花甲鮮味，但湯底胡椒味太重，一般💎 碌鵝夠入味，肉質不會乾，芋頭好粉💎薑蔥焗桶蠔黎到個煲仲熱，好香薑蔥味，蠔大大粒，食落無腥味小菜夠鑊氣，食物份量適中，環境可以，唔會話好嘈，服務態度也不錯，適合一大班人聚會。…查看更多

呢個夏天食咗太多美食，係時候要清吓腸胃，食返啲清淡健康嘅餐，今次搵咗呢間專門食poke bowl嘅餐廳。Poke Bowl是夏威夷魚生飯，佢顏色豐富，食材健康，選擇多，吸引到時下追求塑身嘅美女，打卡一流。今次我選擇咗自選嘅，揀咗三文魚同珍珠糙米，可以配三個小食，揀咗粟米粒、酸蘿蔔、麻醬豆腐，再加$16牛油果，醬汁選擇了果仁芝麻醬，seasoning方面選擇果仁同炸蒜粒。可以DIY對揀飲擇食嘅人非常welcome，淨係睇個樣都好吸引，味道清爽又醒胃，夏日之選❤️…查看更多

能夠遇到一班志同道合嘅朋友好難得，仲要遇到一班全部都食榴槤嘅朋友真係唔容易😂向榴槤關注組鬧得熱烘烘，就係呢間極尚大瀛喜，因為只有觀塘呢間大瀛喜先有呢個極品榴槤燒食。我哋一早訂咗位，星期六夜晚特別多人，全院滿座。一黎到就即刻有位，即刻就落order💎先黎3碟榴槤燒，熱熱哋又香又甜，食完即刻再叫多幾碟😂💎叫咗刺身，都好新鮮，吞拿魚質素很好，有中拖羅嘅級數💎燒物有燒蠔、燒羊鞍、鰻魚，燒比目魚太甜，感覺一般💎一品料理有乳鴿、磯煮凍鮑魚、牛肉粒、粟米、燉蛋💎仲有海膽手卷，一口一啖可以食好多件，不過我叫咗啲壽司，唔知點解最後無黎，不過都食到好飽了💎出面自助區，有唔同嘅甜品，飲品，同小吃好似豬耳、中華沙律咁大瀛喜集團不嬲都係放題抵食之選，今次大家都衝住榴槤燒黎，一啲都無失望不過如果有朋友唔like榴槤就要清楚啊，因為成間店都係個陣味，而且非常濃郁🥹…查看更多

6月時想同朋友飯局，大家不約而同話想試呢間潮州菜，就打去訂枱，足足打咗3x個電話先有人聽，話最快黎緊都7月中，唯有照訂，等咗一個月終於有得食我哋一行10位，叫咗12個餸💎宮廷醉鴿擺盤一流，食落唔算好重酒味，係特別嘅，出面好少食到醉乳鴿，但無咩肉食。💎酥炸蠔餅炸得鬆脆，蠔大粒新鮮。💎椒麻蟶子 冷盤蟶子好少有，鮮甜爽口。💎薑蔥豬油大地魚撈麵普通，都好食但唔係出色。💎滷水拼盤感覺好普通，鵝肉好韌，其他又唔入味，可以skip。💎煎馬友外表平平，無諗過咁好食，出面脆口，入面肉質滑溜👍🏻💎花甲蒸蛋 佢同平時嘅做法唔同，就係打咗個芡，蛋好滑，花甲無沙，都算ok。💎酒香/滷水鵝肝我哋每隻味叫咗半份試下，滷水食落無乜味，鵝肝感覺係爽爽哋，但酒香就完全唔同，好香好入味，鵝肝感覺係粉粉軟腍嘅，有種入口即溶嘅感覺，好好味👍🏻其他一般唔特別講了整體來講，食物質素、環境都ok，每樣食物都好有佢嘅特色，唔同一般潮州菜，尤其鵝肝非常回味，但如果要再打3x幾個電話訂枱，應該會卻步。最後每位大概250，價錢合理…查看更多

今次同朋友來鋸扒，門口有啲歐陸式，入到餐廳見到menus原來都幾十年歷史我哋叫咗份德國咸豬手、香草焗羊扒同法國田螺💎焗法國田螺有6粒，焗得啱啱好，蒜蓉加橄欖油勁香，啲汁流咗落薯蓉度，令到佢無咁乾，出色💎德國咸豬手我平時麻麻地，因為好多時都會好咸同乾爭爭，但呢個反而我覺得好好食，佢皮脆又唔會硬，肉又多汁，夠味但唔會好咸👍🏻💎香草焗羊扒自己冇留意，原來鐵板上，本人鍾意生少少，如果有需要可以走鐵板，味道中規中矩💎酥皮龍蝦湯加咗錢轉龍蝦湯，啲湯新鮮滾熱辣，但就覺得佢唔夠濃郁，有啲淡整體嚟講都唔錯，會帶朋友嚟再黎，舊式扒房嚟講佢算唔差推薦度🌟🌟🌟（5星最高）…查看更多

前幾日放工好想食日本野，但已經好攰，就買外賣返屋企食，諗起好耐無食嘅田中，平時佢好多人嘅，所以我會早咗打去叫咗先💎三文魚腩刺身必食，勁肥美💎三文魚壽司、魷魚壽司、炸蝦卷田中出名大大件，啲蟹子多到流出來💎燒油甘魚鮫肉質好滑，唔會鞋口💎燒羊架無咩要求嘅佢算燒幾好，唔會燒到乾哂其實佢都出哂名好食夾大件，雖然勁好味就唔能夠講，但最重要係抵食，2個人食咁多都係300蚊有找推薦度🌟🌟🌟🌟（5星最高）…查看更多

呢間之前都聽講過出色，放假就過來試下，可能都8點幾無咩人，唔使等直接入座，4個人叫咗6樣嘢食。💎鳳梨咕嚕肉甜酸啱啱好，個皮仲脆嘅💎紅燒牛肉麵牛肉夠晒林，又入味💎鮮蚵煎蛋大大粒蚵仔💎蟹肉金絲炒新竹米粉炒得好乾身，但又唔會一餅咁其餘仲有💎樹子炒水蓮💎擔擔麵呢2樣就中規中矩啦服務還不錯，環境唔算好大，但坐位都寬敞。如果有揸車嘅朋友，佢出面就有咪錶位，好彩嘅都有機會泊到。整體來講每樣都夠哂地道，感受到佢哋用心製作，下次都會再嚟❤️…查看更多

大圍新開咗呢間居酒屋，就同朋友試下，環境好有日式feel，樓底好高，空間感好大好寬敞，嗰日俾咗間房我哋，但就要坐高櫈，自己就唔係咁鍾意，坐得耐會唔舒服。當日我放工遲咗黎，朋友已經叫咗嘢食，我就想叫杯茶或者水，職員話要15蚊一個人，任飲嘅，老實說我唔明咁大間居酒屋，叫杯普通白開水都要叫15蚊，但賣單都仲要加一，呢度令我食成餐飯都唔舒服！我哋叫咗好多嘢食刺身盛合（6點）$388鹽燒油甘魚鮫 $88松葉蟹肉炒飯 $108三文魚加州卷 $108角切刺身和風沙律 $88其他仲有烏冬，鰻魚卷，雞泡魚乾，壽司同串燒食物唔差，但唔係特別出色，價錢環境都ok，最後賣單2千幾，食2千幾竟然係一杯水都無，好難令我再回頭食了。…查看更多

放工同屋企人向深水埗搵食，經過見到餐廳空間幾大，環境唔錯就入去試下。我哋4個人叫咗4個主菜2個甜品💎溫泉蛋什菌牛肝菌汁貓耳朵粉橙黃色流心蛋配濃濃嘅牛肝菌味好creamy，汁包滿每粒貓耳朵粉，味道很豐富👍🏻💎炸雞煎蛋窩夫炸雞勁juicy，炸得啱啱好，將佢同窩夫一齊食再加楓糖漿原來咁夾👍🏻💎安格斯牛腰扒配阿根廷青醬煎到大概7成熟，肉質鬆軟，但欠缺左啲牛味💎松露西班牙豬柳配燉菜粒就咁睇樣以為佢無味，食落好嫩滑💎意大利芝士蛋糕好creamy，入邊有脆脆好有層次感👍🏻💎法式多士睇落好靚，但味道一般呢間cafe價錢都合理，環境舒服寬躺，幾個朋友一齊傾偈都適合。…查看更多

之前見到香港區有間生吐司，但太遠未有時間去，見到四喜新出就去買來試下。佢每日有3段時間出爐，每段時間限量，每人只限買1件，$28個。我哋排2點個轉，1點半到前面已經有3個人，所以想買嘅至少都要提早半小時。買到後感覺吐司有點小😂撕開麵包有好香嘅牛油味，味道好熟，🤔有啲似排包嘅味，面頭脆皮食落有啲酥軟感，一片片薄薄搣開感覺都幾治療，我數過大概有13-15層，如果遲啲無咁多人，應該都會再買來食😋…查看更多

上星期臨近中秋，帶媽媽去尖沙咀搵食，見到幸匠燒門面華麗就入去試下，店員安排咗海景位，店內簡潔舒適因為我同媽媽食量唔多，就叫咗個午餐定食同幾碟串燒share定食份量適中，味道過得去，有麵豉湯同沙律，沙律入面有帶子刺身，醬汁酸酸甜甜好醒胃，我哋將飯加10蚊換了讚岐烏冬，彈牙份量少。但串燒比較出色，由其和牛脷、活鰻、魷魚。要讚一下店員非常有禮細心，見到我杯漏水主動換，會一路跟貼但又不會俾到壓力。整體黎講食物質素高，望住維景食得開心，服務態度也值得加許😍👍🏻食完之後都一直回味…查看更多