彌賽亞的個人專頁

呢個抗疫時期,屋企有大有細, 最岩就係買外賣.外賣首選一定係燒味飯 快! 靚! 正!呢間新開無耐既燒味舖, 連個名[港猿]都充滿港式味道.經友人推介, 今日終於有機會試下. 雙拼飯我差唔多隔個禮拜都會食. 食過咁多間都食唔出有咩大分別,  所以普遍都會揀間最平既黎食. 但今日呢間港猿絕對可以為燒味平反！我Ｏrder叫左兩個雙拼飯1.  雙拼 (叉燒+燒腩仔)叉燒肉嫩有肉汁. 唔鞋. 最重要係個燒腩仔！我諗係佢間舖既靈魂都不為過. 個皮仲脆過薯片！我仲要特登過去外賣. 返屋企都要半個鐘.但返到屋企都仲咁脆. 可想而知堂食應該會好感動  2. 雙拼(叉燒+燒鵝)呢個飯又係好有驚喜. 我地去到叫店員推介下.佢好親切咁推介個燒鵝. 原來個燒鵝係用荔枝柴煙燻.我本身好鍾意食燒鵝. 但真係唔係間間燒鵝都好食. 有D食落好肥. 有D又好鞋. 但試左呢間. 真係好好食 ! 皮脆肉滑. 仲真係有陣煙燻味. 樓下雙拼$25, 係求其食餐飽飯.港猿雙拼$49, 係求真正既港式燒味質素. 講真! 就咁睇相. 我都睇唔到同平時D燒味有咩分別.所以食物一定要放落口先知係珍饈定係豬兜個燒腩仔我一定會黎翻兜 ! 真係超好食 !Ｐ.S 佢地連外賣個袋都有設計. 利害! …查看更多

見電視雜誌吹得咁行, 身為香港人梗係要追風啦 本身都好鍾意芝士乜乜乜既我地, 特登山長水遠去試下個芝士煲仔飯有幾邪惡.夜晚八點半左右到, 好多人排, 老闆娘講明要等既, 大家食得煲仔飯都知唔係炒個飯咁簡單, 都預左要等既.所以見有人聽到要等半個鐘就走左.我呢D咁有誠意既梗係食唔到毋寧死就因為有人走左, 所以好快到我地.Order左三個招牌煲仔飯1. 芝士煲仔飯 $682. 流浮山金蠔蝦乾煲仔飯 $1283. 火焰玫瑰肥牛煲仔飯 $128個芝士d味好濃, 但又唔漏, 一落場半分鐘比我地三隻餓狗清哂就知幾好食 !之後到金蠔蝦乾, 可能我地仲年青人口味, 感受唔到雜誌講到D蠔有幾貴haha 不過個飯焦係特別好食:)最後到玫瑰肥牛, 見老闆灑聖水咁落D牛肉到, 再點聖火果刻真係嘩左出黎, 好有睇頭喎哈哈個肥牛睇落去得D肥牛加飯, 以為好DRY,  平時同韌既食物講拜拜既友人, 今次佢算係相當驚喜. 因為D牛唔乾唔韌, 仲好香牛肉味, 真係阿婆都食得對於全新界區既我地係遠左少少, 不過下次食煲仔飯就會諗起呢到 !  U WIN!…查看更多

本身係想去黃金海岸酒店入面試新扒房，點知原來要Book。所以盲中中，中左去呢間平時游水只會略過嘅餐廳。未行到去門口，入面個員工已經笑容滿面咁喺入面走岀黎介紹個Menu。叫左個二人餐，啲嘢食岀乎意料咁好食，個沙律果D唔知乜葉，睇個樣以為會有陣青味，點知好好食。個鵝肝好令人難忘，食落去會知道無黎錯地方。果兩個湯飲一啖就知道好有心機煮，好濃好滿足。啲員工好體貼，每道菜會清楚介紹，好好笑容，食梗個扒時又會遞上牙簽。每個員工表現好專業。可能平時去開D好多人排隊嘅食肆，都唔好奢求有乜服務質素，已經麻木哂，所以今次真係要比滿分。…查看更多

昨晚一行七人預約左七個人坐四五人卡位 .. 七個人共用一個爐燒 .. 真係是但一個King Size都大檸樂食物雖然OK不過服務欠佳友人問佢有無多個裝蝦殼既桶佢就答[每張台得一個架咋喎] 囂張態度加上SORRY都無句[架咋喎] 無禮貌到不行 !!!轉頭友人見個火細想整大少少黎燒個服務員即刻衝埋黎喝止[宜家個火夠架喇喎 其實你地隻大蝦可以放中間囉]大佬呀 開大少少個火都要管 ? 咁食乜駛唔駛你欽點埋單每人兩舊幾三舊 仲要受你氣間野唔改善下D員工質素真係好快閉門大吉 !!…查看更多

平時去開大酒樓打邊爐好少去火鍋店九點半後一行五人盲頭烏蠅衝入去位都唔駛等二樓雅座無人有主見就唯有叫最保守既鴛鴦鍋底叫左好多食物 ~ 印象比較深係牛肉粒真係好好食 有幾粒煲左好耐先錨返上黎都竟然唔韌 (Like) 仲叫左兩Set 青島 邊飲邊吹 談笑風生 不亦樂乎加上有大電視睇魚躍在花見結局 (Like)有樣野都要讚好 .. 就係個女廁間舖唔算大但係有兩格女廁廁所都算乾淨仲有充足既廁紙提供真係體貼 !…查看更多

兩個人星期日晚上八點竟然唔多人:)門口攞位服務員好好笑容好親切等左兩分鐘就可以埋位 巧合有窗口卡位 十分舒適Order左 $188 二人餐- 餐湯 x 2- 蒜蓉包 x 2- 是日沙律 x 2* 個沙律得粟米同椰果, Dry左少少- 蜜味BBQ燒豬仔骨 x 1* 豬仔骨配薯王, 個薯王汁酸酸甜甜好開胃- 煙鴨胸天使麵- 芝士蛋糕 x 1 雲石蛋糕 x 1- 餐飲 x 2埋單加埋一 $206總括黎講好豐富價錢合理 環境舒適 服務員態度良好 十分滿意:)~ 十分抱歉 食飯好少會影食物 ~…查看更多

本身去丼吉點知要等位 :(之後行左去海港城 .. 見到又係食吉列 最重要係晚餐竟然唔駛等 唔駛等位已經要俾滿分Order 左個二人餐1. 味噌湯 2. 和風醬油蕃茄 3. 日式上湯燉蛋 4. 吉列美國黑豚肉5. 牛乳汁燒日本北海道帆立貝6. (唔記得個名) 個鍋入面有菜有魚7. 白飯 x 1 烏冬 x 18. 香蕉+花生醬薄餅↑ 全部都好好食一個餐八樣野食 ! 絕對豐富 ! 埋單$ 328 每人加埋一都係$164 ~ 抵到爛:)唯一美中不足係我地揀左坐Bar台…查看更多