SamuelSum的個人專頁

其實長期都响中上環工作，經常去文娛中心旁邊嘅熟食市場食午飯，間間都食過但唔會間間寫。依一檔不是最近出入口，下午也只有數款粉麵飯揀，還有事頭婆從來唔會主動搵客，大多數時候坐低玩手機。不過，我食過一次午市特價乾炒牛河，晚上都會約朋友上去炒下小菜、飲下啤酒。最後再食，究竟有幾好呢？就講下碟乾炒牛河，上枱先是一大碟出晒煙，再而有淡淡韮黃香氣，河粉條條分明及顔色均勻，牛肉份量亦是合理。開始進食第一片牛肉，不會老而少少咬口，再試韮黃、芽菜無出水，河粉有燶邊、完整及軟硬適中亦夠味。我相大家去食晚飯，都唔會失望。可惜我食晚飯時無影相。…查看更多

其實時時下過見到中午好多人排隊買飯盒，但見到雙併飯$27而燒腩仔/ 燒鵝都係4字頭；平到咁真心係有啲驚。星期六行過無人，就以不妨一試嘅心態去買叉燒燒肉飯。返到去打開都覺得可以的，一咬去燒肉皮真係好脆但知道是凍肉，而叉燒就好瘦少少硬，不過沒有好似其他平價叉燒畀鬆肉穿透至紅到入芯及無肉嘅質感。作為上環街訪都覺得可以再食，因為收嘅價錢低得嚟已經可以話交足功課。:)除了各式各樣燒臘，門前還有好多款滷水小食，我會找機會再試再寫。…查看更多

餐廳有很多年歷史，上一次幫襯都有十年前。因為office响附近都有好多選擇，但見到咁老舊嘅舖頭，長期都有一定客量，劣評又咁耐之前，真係諗著搏一搏心態。其實點半入去，都有一半位有人，我諗唔應該好似食評平均分咁低。食咗全店最貴的其中一樣小菜套餐，$65蚊有例湯，加多$3就有埋杯熱飲...快餐$48送例湯，週六就食豪啲啲食落豬排好入味，有少少美極及辣椒香，並相當有鑊氣，看來這舖要食就應食炒嘢——掂!!! 份量都好多，最少五件帶骨豬排，食完成個飽晒及牙胶都有少少攰。之後，一定會再多試不同炒粉／麵／飯。咁多人幫襯又真係有其道理！…查看更多