eatgoodsleepwell的個人專頁

平時成日覺得食素食嘅話一定係淡口無味今次嚟到荃灣呢間素食餐廳發現原來素食都可以好好味好似肉蜜汁脆鱔 $98其實即係蜜汁炸冬菇有啲似咕嚕肉嘅質地同感覺但係食落去幾開胃幾好送飯 第一次食到呢一度素菜 個人幾鍾意唔講真係唔知佢係素菜泰式鳳梨炒飯$98🍛食得出入面加咗少少鰻魚汁同平時食嘅鳳梨炒飯唔同雖然見唔到大大粒嘅鳳梨但係炒飯質地比較濕 食落去味道好濃好出 加埋入邊嘅蔬菜材料好似冬菇嗰啲咁樣食落去真係可以媲美平時食開嘅港式炒飯海鮮炒飯 總括嚟講發現原來素菜都唔係想像中咁差可以整得好有特色我食如果食素又想搵一啲外食嘅餐廳可以嚟呢度試吓👍🏻…查看更多

去開中環食嘢嘅朋友都知道呢間勁出名嘅甜品店 出名嘅一定係佢哋嘅刨冰佢哋唔同嘅時段會有唔同嘅特別口味推出今次推出嘅就係士多啤梨果凍刨冰 士多啤梨冰中間有奶凍食落去冰嘅質地同埋奶凍嘅質地都幾match 最值得一讚嘅係呢度嘅冰選用嘢都係奶冰 所以食落去味道都幾夠 而中間同埋最底嗰啲有少少都係水冰 但係因為有中間配料嘅配搭所以食落去味道都好足夠總括來講中環呢間冰店第一間一定要來打卡同埋真係幾好食嘅甜品店 去開中環食飯食甜品一定揀佢…查看更多

今日去開深水埗記得之前成日食呢間上海餐廳今次特登嚟呢度試吓今次食感覺上比上次食退步咗 今次嚟到下午茶時間叫咗四個小籠包 小籠包味道都唔錯嘅不過價錢就貴咗啲囉而且入邊肉汁都唔算太入味雞絲粉皮 雞絲嘅份量雖然幾多 但係佢哋用嘅麻醬怪怪地 粉皮食落去亦都一般般有進步空間整體來講覺得依間上海餐廳喺深水埗來講算係偏貴而且食物都唔算做得特別好食有進步嘅空間另外仲食咗佢哋嘅芋圓冰 同其他甜品唔同呢度用咗比較多中式甜品嘅材料 今次食落去冰底剩係得水覺得麻麻不過呢度嘅老細係年輕人開而且又係本土企業都可以嚟呢度支持下㗎…查看更多

之前喺網上見到一個焗豬扒飯大比拼見到呢間茶餐廳竟然拎咗第一於是今日特登黎會一會佢嘅豬扒飯焗豬扒飯雖然面頭睇落去燶哋但係食落去都冇問題 佢嘅焗飯汁做得幾好唔會太稀唔會太濃 不過有啲失望嘅就係呢個焗豬扒飯竟然無我最愛嘅拉絲芝士 最好味嘅可能係佢嘅豬扒同埋飯底 食得出佢嘅豬扒係炸過嘅亦都好林 飯都係蛋炒飯底另外就叫咗一個茶餐加杯凍奶茶其實都只不過係冇乜特別嘅一個公仔麵不過純粹太懷念香港以前呢啲傳統特色嘅茶餐廳 總括嚟講呢間茶餐廳算係傳統舊式香港嘅茶餐廳 喺上環地段價錢唔算貴大家不妨嚟呢度支持下…查看更多