hazen_'s Profile

見到間舖頭都知, 呢度專賣芋圓同芋頭產品。見佢咁專一當然要試下佢！叫咗個佢特別推介嘅炸包心芋圓球。首先要讚既係佢哋跟 order 即叫即炸, 好不客氣咁叫我等 10 分鐘返嚟攞。美食係值得等待嘅😬😬💛炸包心芋泥球 - $28 三粒啱啱炸起嘅芋泥球外皮酥脆但唔太油膩。薄薄一層煙韌嘅芋圓, 包住入面嘅芋蓉餡料非常香同幼滑。三種唔同 texture 同味道加埋一齊都幾正！直情可以改名做芋香炸彈！喺香港地, 小店要做得咁專門其實好困難, 仲要係良心小店就更加要多多支持啦係咪先~ 下次過嚟試埋佢個炸芋圓配煉奶先🤤…Read More

去旺中點少得炙燒壽司? 今次試呢間個人覺得唔單止旺中第一嘅壽司店, 仲可以砌低好多所謂日本餐廳!!到門口已經聞到鮮味, 見佢成間店淨係專賣刺身類嘅嘢, 食物連埋炙燒都係即叫即做, 就知道佢哋對自己嘅出品有要求。$27 海膽壽司: 💛💛💛💛💛抱住 "27 蚊食到海膽仲想點啊" 嘅心態去試。點知不得了, 超新鮮超 creamy, 有鮮甜味, 完全冇腥味!! 難怪 menu 都有 recommend👍$12 炙燒三文魚腩壽司: 💛💛💛💛唔知食咩嘅話點佢就實冇死~ 鮮甜, 厚肉, 加上炙燒後帶出獨有嘅油脂香味, 冇得頂!$17 炙燒鮮帶子: 💛💛💛💛都係即叫即燒一定好食架啦。俾我嗰陣熱辣辣, 帶子表面 + 層醬燒得好香。因為夠厚, 同下面層鮮甜嘅肉做到溫度同味道嘅對比, 正!今次冇嗌太多嘢, 因為旺中仲有其他非常值得支持嘅小店, 費事食太飽!…Read More

叫咗杯黑糖冬瓜茶, 額外加黑糖珍珠。平時叫黑糖嘅飲品都係中規中矩冇乜特別, 不過呢度主打之一就係黑糖, 所以專登加咗個黑糖珍珠試下佢。珍珠個黑糖味罕有地好正好有feel, 好似去咗沖繩咁XD 真心喺香港幾難得。口感都適中, 煙韌又夠軟淋。平時冬瓜茶普遍甜度都係煮嘅時候已經定好咗, 所以呢度都一樣冇得揀甜度。冬瓜茶好香, 不過可能因為個人口味覺得有少少太甜。非常值得支持嘅小店💛P.S 極力推介大家試下冬瓜茶加珍珠呢個 combination, 真係好正 xD…Read More

8點幾同個 frd 喺上環D 小街周圍行, 睇下有咩好食, 經過見到有間拉麵店好似幾得就入咗去。入到去環境唔錯, 幾有日本小店 feel, by the way D waiter 講"歡迎光臨" 日文幾準, 唔會好似其他香港嘅日本餐廳變左做 "二一三一四"😂😂幫襯呢D 小店, 我習慣都係叫佢哋 menu 冇嘅期間限定, 今次呢個係魚湯拉麵。賣相唔錯, 拉麵掛湯好煙韌, 而且湯底好濃好足料, 木魚味真係好香! 叉燒都好冧好有肉味。我最怕喺香港食D 拉麵太冧, 湯底太水, 呢度完全冇呢D 問題。隻糖心蛋睇相都 feel 到啦, 做得好好。如果叫普通 menu D 拉麵嘅話要額外加錢先有, 但係我覺得呢個點都要試下!整體來講非常出色, 香港有貴好多嘅大型拉麵店都做得唔夠呢度正宗, 而且重點係, 一碗只值 $88!!! 仲要冇加一!!!!!!! 各位一定要嚟試下, 支持下呢啲性價比高嘅小店 (都唔算太少, 起碼有分店😂) 我一定會再嚟 ga!…Read More

平時經過見到間舖頭咁懷舊 feel, 次次都好想食, 今日得閒經過終於就入去試咗。環境係正常舊式茶餐廳裝修, 幾正常唔覺得好污糟我本身鍾意食牛腩, 見到有牛坑腩同崩沙腩, 就是但叫咗個坑腩河。河粉正常。牛腩非常有肉味同油香, 肉質都十分鬆軟, 同埋份量好夠, 加幾滴辣油仲香。重點係, 碗嘢38蚊就食到!!! 真係超級抵食👏👏👏牛腩肥瘦適中, 件件都好大舊, 完全值回票價, 我個人覺得就算係50蚊都抵食呢啲咁嘅老舖, 香港越來越少見啦😣, 大家要多啲支持。以後有機會一定會再返嚟試下其他嘢…Read More

今日朋友帶我哋來呢間灣仔隱世水產市食飯, 三個人夾埋食咗好多嘢😋先講下環境, 暗暗地, 幾有日本高級餐廳 feel, 同埋算叫做望住半個維港食飯 la😂呢個飯賣相幾靚, 不過嫌佢份量有啲小, 得一片炙燒吞拿魚, 一片赤身, 一片中拖羅, 一片大拖羅同埋吞拿魚蓉。吞拿魚蓉正常, 但係炙燒吞拿魚, 赤身同中拖羅一般般, 口感正常冇渣, 但係味道唔鮮甜, 少少酸酸地😵大拖羅有少少油香, 但係都未到入口即溶嘅境界, 有啲失望😣個綠茶甜品set 幾得意, 幾好食😂我朋友叫咗個 sukiyaki, 湯底有陣藥材味, 但係居然幾夾幾好飲。牛肉好好食, 超級林同埋幾香, 但係得三片唔夠喉, 另外有好多配菜, 都幾好味, 可以一試。另外一個朋友嗌咗滑蛋吉列豬扒飯, 蛋正正常常, 有啲冬菇同洋蔥幾好。豬扒表面都好脆, 肉味正常, 但係太厚同埋肉唔夠林。最後白飯魚天婦羅都幾脆, 配埋個蛋黃醬幾好食…Read More

朝早十一點半經過見到難得冇乜人排隊, 就心動試咗呢杯 $30 嘅黑糖珍珠鮮奶攞到杯嘢後 摸到啲黑糖珍珠仲係暖暖地, 應該係啱啱炒起嘅奶味好香濃, 應該係全脂奶, 所以都幾滯下😵黑糖味唔會太甜, 飲落有少少黑糖碎幾得意, 我覺得濃過去台灣間珍煮丹啲黑糖味, 比較啱香港人口味珍珠幾彈牙, 唔會好似香港某大型台式飲品店貢X咁, 咬到散開一細粒粒好奇怪😂🙈由於杯嘢實在太滯, 結果我係飲唔曬嘅, 掉嗰陣好肉痛😭 我下次飲嘅話應該會試 $28 嘅黑糖珍珠奶茶, 感覺應該冇咁濟30蚊貴唔貴就見仁見智啦, 不過我都覺得物有所值, 可以一試, 下次可能試埋隔離杯虎糖再比較下先…Read More

夜晚七點入坐，剛坐低出面就開始排隊，所以我地幾好彩。 環境清潔，坐位唔會太窄，似日本餐廳嘅裝修風格。 我叫左咖哩吉列豬扒飯， 而我朋友就叫左吉列豬扒定食。 冇三分鐘就上菜， 而且熱辣辣，似即叫即炸。 咖哩汁，豬扒同飯嘅份量非常足夠， 豬扒厚切，肉質好林唔會乾身，炸粉好薄好脆， 唯獨浸咗落汁嗰部分林咗, 不過冇所謂都好好食。 咖哩汁好香， 而且呢碟係我喺香港第一次食曬飯仲有咖哩汁剩嘅日式咖哩飯😂，完全做到日本嘅水準! 總括而言非常之滿意，值得一試。 提醒大家枱側邊有一樽點豬扒嘅汁, 食豬扒定食可以加。…Read More