酒筲箕的個人專頁

今個新年老媽子話唔想煮, 咁我同妹子就攪攪新意思, 係市區搵左呢間叫樂園既樓上餐廳BBQ, 燒野食, 因為地點就到灑阿媽個邊既親戚=)其實本來搵左幾間, 一係新年無開一係就太貴, 而間就每位$238 任飲任燒, 可以由6:30PM燒到12PM, 時間多D, 同埋見D COMMENTS都係幾好, 所以就BOOK 左呢間, 要下訂$300, 當日可以退返訂, 不過人數訂左幾多人就要收幾多個人頭錢, 就算人少左都要收返個個數, 所以如果有人臨時黎唔到都幾大獲!! 要俾埋佢個份!!個晚得我地係揀燒野食, 其他枱食西餐, 所以個燒烤露枱我地係用灑既, 而室內都安排左 20人枱俾我地, 所以都算係可以兩邊坐下, 走動下, 食物方面, 其實都係大路野, 雞牛豬, 丸類蔬菜個D, 醃得都入味同感覺幾衞生幾新鮮, 一盆盆包好, 調味料個D都幾齊全, 最好食應該係牛肉串, 同豬頸肉, 豬頸肉用炭黎燒係好惹味同點燒都爽口彈牙, 牛肉串又係好香黑椒味同有肉味, 一口一粒, 唔洗煩! 飲品都係汽水個D, 不過佢呢度可以任帶酒上黎都無收任何費用, 所以我地都無咩飲佢D汽水, 飲啤酒紅酒多!如果想係市區方便燒下野食, 玩下, 呢度係唔錯既選擇, 不過可惜無K 唱!! …查看更多

今日想去食日本野,依間之前食過一次覺得佢幾特別,所以就決定入左黎。好彩唔洗點排隊。入到去覺得都幾特別,差不多同自助形式一樣, 首先就揀左個豚肉烏冬, 之後就當然要試下佢個天婦羅, 但所有炸野都放哂出黎,好似好多,不過就驚佢放得耐唔夠熱,揀好野食先比錢,都幾特別,但都係鍾意坐低叫個種感覺,價錢其實都幾公道既。之後就有個醬料櫃加配料,有部分唔係太岩食。加左自己鍾意食個d醬料就番埋位。講講個湯底先, 味道就咸左少少, 但都幾濃既,不過就唔夠鮮甜,依個要扣小小分,豚肉方面就份量十足,幾好味,都幾鬆化但又唔會無哂味,但都係覺得咸左少少,唔通我熱氣?個烏冬就單調左少少,不過都夠滑,夾埋d配料,就岩岩好,如果你鍾意濃d既話,仲可以加好多。…查看更多

今次第一次黎依到,睇落環境都唔錯, 地方又易搵,入到裹面佢個氣氛幾好唔錯嫁,仲有人會現場幫你地唱生日歌,服務都應該唔會太差。入番正題,講返菜式先,首先朋友叫左個唔知咩名既野,咁佢入面就有3款腸仔,依個都唔錯嫁,自己食落都覺得幾好,起碼款款個皮都夠哂脆,而且做到內軟既,款款都幾好味幾特別嫁,平時唔鍾意食腸因為太咸,但依到唔會過火,之後就叫左隻豬手,依個值得推介,首先佢做得個皮好脆,而且咸味適中岩岩好, 唔會太咸,平時都唔鍾意食依個,但今次唔同,而且服務生會幫我地切好哂D豬手方便慢慢食,如果食豬手食得太膩既，可以搭埋少少酸菜一齊食,咁就岩岩好,最後就係一個農夫包,除左麵包之外,另外仲有一碗飯同埋咖喱汁，不過食完豬手都真係有少少飽。不過佢味道都唔錯,佢既咖喱食落係甜甜地既，雖然唔辣但都幾開胃嫁，又唔係日本個種,一塊包仔加埋少少咖喱汁已經好好味,不過真係食唔多。 …查看更多

前幾日朋友約我黎銅鑼灣食飯,佢話一定要黎依到,唔知咩原因,都記得佢好鍾意食到既野,但點解咁突然呢,原因我就唔知喇,不過依餐係幾好味既,佢叫我黎食,當然比佢話事叫咩咁就要左兩個煎扎肉凍檬,一個好特別既牛油田雞同埋茄汁牛腩配麵包,三樣野我都非常鍾意。.首先係凍檬,佢既扎肉食落唔似煎既反而似係炸, 不過咁樣反而又幾好味,炸到有少少乾身,不過味道就反而幾好味,食落真係唔錯,再加埋魚露,依個凍檬真係分唔錯,之後再黎既就係茄汁牛腩,依個係我最鍾意既,做得當然出色,茄汁食落好好味,應該有用到好多新鮮蕃茄,控制得好好個汁有少少鮮甜,唔會太酸,而且牛腩炆得夠哂淋身配埋法包咁食真係唔錯,最後就係牛油田雞,份量都幾多, 炸得唔錯嫁,鬆脆得黎而且唔會太油膩,田雞肉就當然夠哂嫩滑,不過主角牛油味就無咩喇。 …查看更多

今日經過嘩鬼拉麵咁岩又唔洗等位，朋友話試過都唔錯,咁就當然要入去喇今日既我叫左依個A餐,依一個吉列豬扒芝士湯底拉麵,仲有嘩鬼炒飯,炸餃子最後要埋熱檸水,首先講下個炸餃子,佢有兩件既,炸餃子係即炸既，食既時候當然係熱辣辣，不過就油膩左少少,味道都差既.嘩鬼炒飯,飯上面有少少蟹籽，賣相都幾吸引，裹面就有少少蛋絲、粟米粒同埋豬軟骨等，不過炒飯有少少一舊舊咁，不過我認為味道真係唔錯.仲諗住已經食完,原來仲有碗拉麵未食嫁,咁樣好似太飽,吉列豬扒芝士湯拉麵,拉麵同吉列豬扒係分開上既，豬扒個鬆脆度做得非常好，芝士湯底味道淡左少少，芝士迷應該唔夠喉,個人就覺得幾易入口，不過拉麵質感就唔夠爽，做既時間太長喇，搞到林得濟唔係太好食. 至於豬扒味道就正常，但無咩特別,. …查看更多

麥文記麵家 佐敦白加士街51號地下今日黎左依到食雲吞,一黎到當然要先叫番個淨雲吞,如果係傳統既雲吞大多數都唔會係大粒既,成粒都有少少似金魚嫁,食第一啖,咬落去就已經食到好濃既蝦味,佢個餡料真係好多蝦,不過真係無豬肉係裹面,佢話如果有包豬肉既就係水餃,唔係雲吞,雲吞都係無豬肉的,只有蝦,同埋依D大地魚末,所以食落去個味道先會咁新鮮,當然好既雲吞只會令你食到鮮味既料,之後就叫個雲吞麵食下,依到係雲吞係下面, 麵係上面,咁樣先會爽口,麵就會係用鴨蛋做既,食落會有種特別既香味,依到食落去係無鹼水既味都可以好放心咁食,之後就叫多個牛腩河,依到既牛腩係用五香既做法去做,但佢肉質唔算太軟身, 食起上黎食少少韌度,口感唔錯,牛腩都唔算太肥,肉其實算係瘦,不過佢個腩汁個味道真係好好,整得非常夠味 …查看更多

黎到和民都算係平有平食既推介，依到都算係一間幾大眾化既日本料理店,因為價錢黎講唔算過份,每人大概 $100 左右晚餐黎講都算係好抵食,仲要係旺區,而且野食都算唔錯嫁依個溫泉蛋凱撒沙律,都算係我既推介,我自己真係幾鍾意沙律,鍾意佢在於夠平和而且好食,夠哂新鮮爽脆既生菜，加入少少濃味既煙肉係底，加少少芝士碎,同埋沙律汁仲有就係主角溫泉蛋,幾樣野夾埋都算係好好食,幾岩味,之後就係依個三色刺身,就係有甜蝦,三文魚同埋帶子，三樣野黎講都係十分之新鮮嫁，不過就唔算鮮甜度,不過質地都算幾好,都算好食喇,之後就係依個黑椒糖脆雞翼,鍾意佢將雞翼一開二，非常之方便,一啖就已經可以食左一舊,非常之唔錯,仲有就係一個串燒盛合,都算燒得好好唔算太乾，幾好味,不過唔算太出位,最後就係依個燒玉子,依個有明太子汁加埋依個厚厚既蛋卷,兩樣夾埋都算幾好。 …查看更多

今次同朋友決定一齊去食麻辣火鍋，雖然依個一個鍋底價錢都唔算平嫁,不過佢一個鍋既份量好多又大，而且料都唔算少,今次就叫左依個地鍋牛肉, 佢有得揀大中小辣，當然我地係揀左小辣,因為第一次唔敢去得太盡,試下個湯底,好香花椒同八角味，真係好香，食依個鍋最特別就係有時會咬到少少花椒，味道太強,刺激得濟；而辣方面,今次小辣我地係接受到既,雖然都有感覺；另外就係佢既牛肉片份量有好多，而且肉質都好柔軟,味道都不錯；仲有鍋底有好多酸菜同埋白蘿蔔，白蘿蔔慢慢入味之後，外面麻辣裹面鮮甜，好正,好食！依個地鍋就有半碟生菜同埋麵，用依個湯黎煮生菜，吸哂味食落去真係殺死人,另外個個麵條，份量都有好多,依個麵條都算好好食，煮極都唔會爛，不過又幾軟熟彈牙同埋幾有麵味，口感同味道都配合得好好， 加埋湯底味,一流。 …查看更多

好少去九龍城食野或者做野，今日朋友就話依到有D特色小吃, 佢知道有間好地道而出名既小食, 話要同我去試下,咁當然唔能夠拒絕喇,原來依間小食係九龍城街市頂樓既,位置都幾特別。就係圖書館則邊,夠哂方便,睇完書做完野就黎食野,雖然位唔多, 但人就幾多, 又圖書館及室內運動埸側,所以都多人，好熱鬧，不過冷氣同環境當然唔算太好,不過無所謂,叫左一個沙嗲牛肉西多士, 同雪菜肉絲炒米,另外朋友就叫左五香肉丁公仔面同咖啡紅豆冰沙嗲牛西多都好特別，之前都無咩點食過咸既西多士,不過依到都令到我鍾意食,牛肉都算多,幾林,口感都唔差,反而個炒米我好鍾意,用左好多料去炒,就係鍾意佢有好多菜, 味道唔會太咸, 炒得D粉好爽口, 最緊要就係佢唔油膩; …查看更多

今日黎左依到,乾杯串燒居酒屋食晚飯,不過都算晏嫁喇,差唔多九點先黎。由於我地太肚餓了,所以都叫左好多野食下野食未到之前,當然就先叫兩杯日本生啤同朋友啤一啤佢.首先黎既係金菇肥牛,金菇本身已經夠juicy,再加埋肥牛有少少既牛肉汁,一齊放入口,更加更加Juicy,至於牛舌,之前食過牛舌,好難咬,依到口感岩岩相反,牛舌唔係生生地,不過柔軟度適中,咬得入,又夠味,正,羊架,我自己非常鍾意食羊,朋友都被我感染左,今次依個個小羊架,肉質好鮮嫩,調味料都好鮮味,之後就燒粟米,食左咁多肉,都要食下蔬果平衡下.,今次試左依個個燒粟米了. 起初以為粟米用燒會令到粟米會無哂水份,估不到,燒完既粟米,依然仲有粟米原本的水份, 仲好甜既,唔錯唔錯。 …查看更多

今日同個女仔朋友食飯,佢要求十分高,除左食物質素，環境同服務都好重要,所以我都無主意,所以決定由佢揀,之後就食左韓國野喇,佢揀得應該都唔錯。今次得兩個人去，佢就訂左枱，果然準備大足,讚!不過兩個人佢竟然比窗邊四人枱，唔錯唔錯,有幾私人既感覺,幾鍾意,就算韓燒都唔驚會吸到成件衫好大陣味,當然係佢發板叫左三樣野炒年糕有d甜幾好味,岩哂口味喇,不過就真係甜左少少既,另外佢個牛肋骨好香好入味，又唔會太硬,d配菜都好好食好足料,好味道,個餃子湯幾好味,我覺得,不過女友人話咸左少少,但都可以接受,成個感覺好舒服,好私人,但佢地又唔會照顧唔到你,非常之好既服務。 …查看更多

今日去左觀塘食野,記得之前試過係觀塘番工,不過都唔算太鍾意食到地方,因為番工放工實在太多人喇,好彩今日係黎食飯既姐。今日就係去左APM同朋友食泰國菜,估唔到間野咁多人,好彩朋友叻仔有BOOK到,我地都好準時到,同埋只能夠食一個半鐘,一去就有位喇,一黎就黎個炸蝦餅,佢仲有埋蝦片一齊上,今次真係蝦蝦蝦喇,當然要試個蝦餅先,唔太大舊,幾脆口,不過油多左少少,味道係唔錯既,最搞笑係個蝦片,好脆口,蝦味同個餅有得比,反而依個好食DD,另外加多個酸梅汁比你, 味道唔錯。-西蘭花炒蓮藕,西蘭花配蓮藕咁既配搭都幾新鮮,蓮藕夠爽口,夠薄,西蘭花就硬左少少,少少汁,不過味道唔差,份量就唔夠多,之後就係一個蟹肉炒粉絲,依個好食呀,粉絲夠晒入味,蟹肉好味道雖然唔多,加埋配菜,夠食。之後就係飲品,D名全部都改得好正, 有一間夕陽醉了,粉紅加橙色, 不過味道就淡左DD,食完濃野飲都唔錯,清番個口,另外就係一杯仲夏夜之夢, 應該係菠蘿特飲,味道好突出,同我個杯唔同, …查看更多

我最鍾意呢個地方係因為依到前菜特別多野,仲要樣樣都好好味!首先食到泡菜煎餅,一定唔會失望嫁, 幾好味, 煙煙韌韌,口感適中, 甜鹹岩岩好,如要點汁就要問佢攞, 因為佢唔會自動俾你地嫁,另外就係個五花腩,份量好足,好大碟! 雖然冇咩技巧可言, 但佢既準備功夫係值得一讚,不過有時有D地方有陣味,佢無既,依到啲大醬, 辣椒, 生蒜都幫你撈好哂,啱哂我,唔想煩,今次我地就唔太肚餓, 叫得一個五花腩,同煎餅,但佢個五花腩真係好大,所以嚟呢度食,唔洗叫大多野食,除非你好肚餓喇, 真係幾抵食。 …查看更多