上年11月去食, 埋單用VISA, 因為大病咗一輪, 有幾個月無細心check月結單, 到今年6月再翻check先知碌多我一次錢首先打去card center, 有同我check過確實係有筆double咗嘅交易, 但要退款就要120日以內先受理, 呢個我係知嘅, card center呢邊無辦法, 咁就試直接聯絡店家網上搵到佢email, 就即管試下, cap咗月結單double咗嘅部份比佢, email去公司, 係有覆, 佢問我有無其他証明, 例如碌卡機單, 當日座位...等等碌卡機單當然無, 因為真係隔咗幾個月, 好難會keep咁耐; 座位只知太約位置, 邊有可能記得枱號, 我只搵到當時scan qr code點食物條link, 同埋網上book位嘅cap圖, 再send 埋比佢, 當然, 又都係repeat又repeat叫我提供更多證明之後佢哋係有打電話比我, 但office hour我唔方便接, 但都有通whatsapp, 佢自稱係會計部, 佢又係問我有冇碌卡機單, 我反問返佢係咪要比邊兩套單佢先check到收咗我兩次錢, 佢竟然覆我話係...如果我當場收到2張單, 咁即時知收多咗錢啦, 使等到而家, 然後又話要經銀行退返比卡戶口先退到, 過咗期就攪唔到如果有人話只係我唔小心無睇月結單, 係, 我係認無睇, 但咁係咪代表佢收多咗錢就好合理? 係咪每次去任何商舖比錢/埋單都要當對方係賊咁提防? 如果係咁, 咁作為商舖, 吓吓碌多你幾次, 搏人唔睇月結單, 咁佢咪好著數其實都預咗佢哋唔認數, 但講呢D嘢真係太荒謬, 佢有心退大把唔到形式, 講埋D嘢完全不合理總之大家小心此店…查看更多
以上食評乃用戶個人意見 , 並不代表OpenRice之觀點。
讚好
用餐途徑
堂食
用餐時段
晚餐
