sharonpoon的個人專頁

外賣叫咗芝士奶蓋抹茶，唔知佢係俾錯定係真係咁，佢個芝士奶蓋不但無芝士味，奶味仲要係奶粉味。飲到一半放棄咗，個肚有啲唔舒服，個口成陣嘔奶奶粉味，好反胃。枉佢個名仲叫做真·奶…..…查看更多

同老公講咗好耐去試呢間，終於試到。睇openrice個map就顯示響商會小學果邊，再search 幸福樓就顯示媽橫路果幢幸福樓，好彩無行錯去果邊，終於響元朗廣場隔離見到佢。叫左個龍蝦牛油果牛角窩夫配伯爵紅茶，同埋兩個朱古力榛子窩夫諗住拎返娘家俾爸爸媽媽試。現場即食個龍蝦牛油果窩夫，估唔到影相打卡就靚，食落係龍蝦仔係霉既，跟餐杯伯爵紅茶俾我果時隻紙杯已浸濕、亦都霉咗漏水。講返個包，係特別既，炒蛋係好食，但真係唔好揀龍蝦仔呢款。…查看更多

難得放低個女，就黎呢間試下，有驚喜！未夠十二點就開始有人排隊等開舖，同老公一人叫左個餐，每份餐加$20有兩隻生蠔，我哋叫左兩份。蠔味算鮮甜，剩係加兩滴檸檬汁已經夠，加醬汁就會遮左陣蠔既鮮甜味。我就叫左份豬手，驚喜之作！皮脆，肉都脆！連最怕食手手腳腳既老公都食左半隻（隻豬手都唔細隻），薯條都一樣超脆。老公就叫左煙三文魚貓耳朵，呢個都唔錯，但豬手更好食（唔食豬手既老公講）。兩個餐+四隻生蠔午市都係$219，絕對要再嚟食。…查看更多

食厭咗建生良景果頭既野，經朋友介紹去Gogo Mall 試下。剛開果時黎過，但果時揀唔岩有咩食，最終又去返萬芳食炸髀，事隔咁耐再黎呢邊，估唔到有新驚喜！行左一圈，都係俾呢間既原隻龍蝦麵吸引咗，店員推薦佢地既龍蝦湯底係用原隻龍蝦熬製，就揀埋龍蝦湯底。龍蝦鮮甜彈牙，湯底濃郁有鮮味！超級推薦！下次要再試佢既炒意粉配龍蝦湯！…查看更多

店員態度超差，老公明明指住同講話要撈刀削麵，佢一句話聽唔到睇唔到就出左份湯麵，個男店員仲要好串話唔會睇你指咩喎！我份醉雞刀削麵超淋，軟過河粉，無正常煙韌口感，餸又超少，湯底又麻麻，無下次。去返元朗食生記刀削麵或爽爽既醉雞河好佢多多聲！…查看更多

上菜速度極慢，落單後等了一小時分鐘才上碟韓式雞肉炒飯，味道一般。一小時十五分再上埋個聲稱係華橋整、好食既喇沙...實際味道未至於難食，係d蝦仔雪味好重，辣椒油味多過喇沙味。咁既質素，完全唔值等一小時。當時都係四至五台客（遲過我地黎既一台等到放棄走左），就算係一個人煮，都無可能咁慢呀⋯⋯…查看更多

同朋友聚會諗住試下呢間，點知我個牛排叫五成熟就變左Well Done，朋友條豬肉腸就變左五成熟，中間生既。專登預留既海膽無味/部份鯹到呢⋯⋯以後都唔會再黎呢間野！…查看更多

之前雜誌成日介紹雪洞洞，今次Girls' Gathering 就來試呢間! Mini 意粉，好彩我地唔大食。很硬的豬肉都ok, 只係要襯熱食。食滿唔記得幾多錢加$1有新地，味道有點奇怪...我地諗左好耐都唔知咩味其他食品﹕服務方面，明明唔多客人，但當叫侍應幫手影相佢就即時扮忙，查詢雪糕劵優惠時態度又不好。環境方面，佢主打係雪洞洞，但係事先睇左Openrice 知道坐洞洞要加$100 及有最低消費，所以都放棄了坐洞，亦幸好無做到傻事。眼見個洞口又矮，入面又窄，就算係為情侶而設，但這個設計，要加錢坐入去都未免太傻喇掛! 眼見有對情侶坐入去時，個男既個頭髮Gel 高左D，都俾個洞口整到，我真係忍唔住笑左出來。更何況，有人在洞內食鐵板燒鍋! 佢既通風已經係唔好，我地坐得唔近，都感覺到油煙，不敢想像坐在入面的人的感受。但係果個男人仲想下簾，唔怕焗住D 油煙嗎? 佢試完，都放棄左落簾....感覺真係一般...可以不用再來。…查看更多

改左名後未有食評，就等我黎寫啦!平時d 酒樓都係d 花生，咸菜。呢個係估唔到咁好食，個味咁夾既桂花糖車厘茄！很有心思呢！食辣野最好係有d甜甜地既野解辣，佢完全o岩哂! 只係佢太好食，坐低無耐就差唔多無哂lu！為了這碟口水雞，我要再來多次！醬汁做得很好吃，麻多辣少，亦很香，不會吃到一粒粒花椒殼或八角。忍不住用醬汁撈飯！雞方面，就連雞胸部份都算滑。豆腐外脆內軟滑，熱辣辣！除左佢配既甜酸醬外...我亦點口水雞既醬汁！太好吃了！主角當然係避風塘炒蟹，一斤九既肉蟹淹沒在香噴噴的炸蒜當中，又點會唔好食呢?更貼心既係，侍應除了準備了折蟹工具，用來洗手的茶，還有濕紙巾，Tempo! 為了撈炸蒜，口水雞汁及蟹肉，忍不住叫了個白飯分來吃!很滿足的一餐! 要再來吃!…查看更多

Happy Birthday to me! 同左朋友去食Rome Italian Café ，愈來愈懶假日走出去食...結果響返元朗食。餐湯﹕朋友轉唔到最愛既酥皮洋蔥湯(唔係一定要跟佢set左既紅/白湯架，有時可以試問佢有無xxx湯，佢有多既就會隨便你轉)，而我就轉左白松露忌廉蘑菇湯，很香很好喝! 蒜蓉包亦很脆，很香蒜蓉味!頭盤﹕叫左個白酒蒜片藍青口，淡淡酒香太濃忌廉味配略帶雪味藍青口..幸好蒜片及黑醋勉強中和到忌廉味..只要唔好一口食埋個汁主菜﹕叫左羊架及鴨腿一齊食，佢地個名呢...真係唔記得咩汁配咩煮法喇! 羊架有少少羶味，味道不錯，只係老左D。鴨腿呢...因為法式煮法太複雜，又浸又焗又煎，要整幾日，自己未必有心機煮。見到佢有就即叫啦! 味道不錯，只係太老...其實，仲好似炸雞腿既感覺! 主菜入面，其實我最鍾意沙律菜...個汁! 甜甜蜜桃味及黑醋，很開胃很好吃!…查看更多

食完個雞煲已經很飽，但因為濃味，就想食下d 清新既野去中和一下。叫左個生果拼盤及芒果炒冰。大概係太口渴，個小小既生果盤就極速掃哂，個炒冰先來...本身想整成生果炒冰架麻!依家始終唔係芒果既季節...(除左澳洲芒!!! 但小店又點會用到澳洲芒呢....都係呂宋芒)所以呢...芒果味都唔係好重既，作為中和之前食既濃味雞煲，算係咁架喇!…查看更多

最近有朋友講起成日有人撩人食辣野(e.g. 雞煲) ，但原來撩人者係唔食得辣既! 今次就到我遇到喇! >.<第一次去水邊邨附近食野! 街邊檔，聽講有時會走鬼tim! 等左陣終於開張新枱俾我地。好彩可以叫半隻奇味雞煲，半隻小辣雞煲，分兩個爐俾我地四個人，真係太好喇! 至少我都有得食辣，雖然係小辣!唔知係唔係因為小辣，所以都唔多覺有辣椒。辣&奇味雞煲內除左有半隻雞，仲有青椒，洋蔥，蒜頭，冬菇。雞略嫌太老，亦唔算入味，食到有少少辣味，幾香既...(但根據唔食得辣既人士，係話好辣，仲話呃左佢食架! ....根本無人同佢講過係無辣味個喎!)再三催促下，後加既薯粉到埋，呢個先係精華所在! 佢既薯粉係傷心酸辣粉果類，有少少粗身的，煮完後索哂d 汁，吸收哂d 精華! 正! (亦很掛念滿江紅小甜甜的手拉麵呀!)掛住食薯粉都唔記得再影相喇!總而言之，唔食辣真係食少好多好野呀! (食唔到辣既朋友講架!) 我會再約人來食，我要食中辣以上!…查看更多

朋友介紹去呢度食，點知中招!!!認識我既朋友都知我食得辣，而我亦好清楚元朗既辣野係辣極有限，所以第一次試都揀大辣。食之前朋友都同我講，佢上次同另一個朋友食中辣既撈紅薯粉，辣到呢，佢未見過人食大辣。我就答佢...咁我就食俾你睇啦! 叫左個豬大腸大麻辣紅薯粉(大辣)，睇個樣都似係辣啦，但聞落唔對路! 勁大陣八角味! 食埋...我係俾陣八角味"濁"親架!麻辣欠奉，得個八角味，稀爆既湯底，味道極不平衡。我知佢平，咁唔該佢節省返少少八角，唔駛咁重手會平衡D。朋友話撈紅薯粉會辣D，但會有好多八角渣，咁我都唔會再試架喇﹗…查看更多

早排響元朗分店食完小辣既口水雞及我覺得甜，而朋友覺得好辣既麻辣肚絲後，就一直好想同返個食辣朋友去再食!結果同同事出完中環買野都要再專程入返去深水埗就係為左個口水雞! 佢亦無令我地失望呀!叫左個二人餐有兩碗酸辣粉(中辣)，一份麻辣肚絲(中辣)，一碟口水雞下例(中辣)，一碟生菜，兩杯飲品。呢間個中辣口水雞果然唔同D 架! 浸滿哂紅油，差D 見唔到隻雞!元朗分店既小辣同佢完全無得比!因為有D 唔舒服，所以剩係叫左中辣。個生菜當然係俾我地浸哂落碗粉度食啦!個麻辣肚絲，頭幾啖食到甜甜辣辣，但之後就麻到呢! 配埋爽脆既青瓜絲...正!…查看更多

響奧海城諗唔到食咩，德國菜就要等兩個鐘先有位，行過自家烏冬同朋友對望一眼...都係決定去屯門食別府!一去到Menu都唔駛睇就叫鬼石坊主地獄湯(牛柳粒+溫泉蛋) 轉手打烏冬6椒，朋友就叫4椒，再加多兩杯非常高興!今次再加埋個鐵板牛油香草帶子!係屯門呢間先會夠辣同香濃架，食過尖沙咀果間，叫6椒感覺連2椒都無，又水喎! 所以千萬唔好執呀!要同別府朋友食多幾次! 依家講起都流口水好想食!…查看更多