kittyame's Profile

今天大伙兒入去食，碟蝦籽炒麵在三催四請下等了半小時才有，但食到底也見不到有蝦籽。不過已經因為天氣太熱及等了太耐而到唔記得追問番，食完只想快點走。以四十幾元只食了一小碟豉油炒麵和墊底椰菜加蔥，實在無奈。另外點了一碟椒鹽豆腐，廿幾蚊得8小粒。又係唔值。只不過是一般的炸豆腐，沒有食到椒鹽味。燕麥凍豆漿已是最好味和價錢合理的項目了。家人點了紅油抄手和炸翼。炸翼賣相一般，只得3隻。抄手個樣okay.應該唔會再來幫襯了。…Read More

今天第一次光顧，點了All day breakfast同鴨胸意粉，阿仔話個意粉唔好味。另外我們之後都肚痛，阿仔仲有食物中毒的情況，又疴又嘔。我也點了Latte,但有很重的酸味。應該唔會再來光顧了。…Read More

同事介紹我到這家新餐廳用膳。不過佢講明佢只係食過一次,同埋佢上次碟Risotto好硬。所以今日會試下佢的意粉。在set menu揀了clams spaghetti, 同事本想點carbonara, 但職員話要轉肉醬意粉, 所以佢都係叫番Risotto, 因為佢想食白汁.先來個杯裝白湯加法包. 個湯有點凍了, 3啖左右都飲完. 塊包唔錯, 不過無蒜蓉.我碟意粉來了. 份量好多, 不過clams就唔係好多, 殼就一堆. 個職員明明話係無白汁, 而係蒜油汁, 但我係食到有薄薄的白汁. 第一口感覺到有金寶湯忌廉湯的味精味道, 不過之後就無咁覺.  但係個汁其實唔夠咸, 所以後段啲意粉開始凍咗個汁又無味但粉又剩了很多, 有啲捱的感覺.不過其實佢個意粉應該係新鮮的, 因為唔似平時嗰啲.我覺得如果佢個汁好味啲, 其實個帶番起成碟粉.我同事食緊個Risotto, 突然發現旁邊比我地遲來而撘枱嗰人客竟然食緊Carbonara, 咁之前又同我同事講轉咗既? 不過我地無去深究了.坦白講, 在對面街Newsroom Express買的外賣即炒意粉比起呢間好食得多了, 但價錢只係$38或以上, 呢間要$60+10%.應該唔會再試住啦...…Read More

老公呢排好鐘意去東大街搵食。不過發覺條主街都無太多可正正經坐低同又好味的餐廳。佢昨晚心血來潮想食日本菜, 便亂打亂撞在開飯網找到了八沢, 於是訂位試下。訂了星期日8點鐘, 我們遲了約10分鐘到達. 餐廳告知要多等一會。因店內很少地方, 所以我和小兒在店外大概食了10分鐘西北風, 終於有位了!坐下後立即點了個「三文魚帶子炒飯」, $52。諗住會好快上同埋等阿仔可以有個炒飯打底。不過這度菜差不多最後先到。不過等待原來真係值得的! 唔講點解住。我們又叫了人氣食品例如: 廣島蠔肉碎烏冬$68 (阿仔唔好烏冬都食了好多), 豬頸肉串燒 (好肥美), 蒜蓉太子貝(個醬料夾埋檸檬勁好吃, 同埋太子貝係成隻元貝, 有埋橙色的邊圍住白色的帶子, 但係好多油, 要好味就唔諗得咁多), 牛舌串燒(因我們有牛舌情意結, 覺得都ok juicy好食)。白鱔串燒, 大蔥雞肉串燒, 和明太子雞翼串燒只屬一般。早知試三文魚腩串燒, 好似幾多人點。講番個飯, 原來佢等埋幾個order一次過炒。不過上碟已經見到好多料同埋唔太乾。原來佢都係用咗太子貝和三文魚dices來炒, 好正! 好多蔥和洋蔥的香味。食咁多item都只不過係$261! 原來好似無加一架!美中不足係, 佢地開頭無俾水或茶給我們, 後來我地頂唔順問佢地先俾! 似乎唔係好夠職員。不過啲姐姐都好甜美和友善, 讚!…Read More

昨日生日，今日想到天膳食餐壽司enjoy下。被安排坐在bar枱位，但這個位可算是全餐廳最差的位置，因為所有壽司刺身都在我們的位置出餐。Bar枱週圍的食客都像和一個叫Tommy的師傅很熟，但講真，有兩堆女士都幾扮嘢，成日都叫師傅幫佢地custom-made一啲食物俾佢。我旁邊來了兩名盛女，她們帶了枝香檳要店員幫她們雪凍點才飲。其中一人的衣服已常常「料」到我隻手，跟住不知何是餐廳突然爆了一聲佢響，然後我見到好多泡和液體噴到我老公件衫。原來店員開香檳。旁邊那位扮嘢的食客只要很淡然地說，「可能係開我枝香檳」，然後同佢朋友講，「我最怕啲餐廳啲人唔識開香檳」云云。間餐廳只係遞上啲廁紙俾我。要我叫佢地換過啲濕毛巾佢地先去做。點知換了毛巾給我之後，旁邊那位盛女又攞咗我條毛巾用，我又要再攞。今次發覺食物加了價，自選十項要$170+10%，但食物水準好似有點下降，不夠鮮味，海膽尤其死實實，可以不點。心情真是會影響味道。本來用來慶祝的一頓飯被弄得不太愉快，只能以「以後不再來吃」作為對自己的交待。…Read More

見佢有幾間分店, 橫掂太古坊一帶都無幾多間新餐廳, 就試下.叫了$58 1 slice pizza+ pasta set, 想一次過試晒兩種主食.Mushroom & sausage pizza都幾香, 亦食到鮮茄和豬肉的香味.餅底介乎厚和薄之間, 幾煙韌. 不過食完都真係有點口渴.Pasta 選了茄汁肉醬長通粉, 個汁唔錯, Pasta 都 Al Dente, 唔會太"林"我以為自己一個食唔晒, 點知食下食下又食得晒. 不太漏.…Read More

去完六四燭光晚會,同老公和朋友訂了枱試下Baby Cafe.當時9:30pm餐廳唔多人,少於一半.叫了$118的套餐. 沙律都唔錯,但塊白晒晒的肉的質感有啲梅,似唔夠新鮮.個餐包係驚喜,好脆同好暖,真的很好食.主菜我點了Angela三食. 見係Baby推介, 捧捧場.點知上枱時已很失望. 份量好少. 賣相有點不討好.個所謂的鵝干Risotto係凍冰冰的. 唔係啊嗎...個火炙三文魚ok好食仲有炸雞就非常普通...最後有杯餐飲係金盞菊, 熱的ok, 凍的聽老公朋友講係淡而無味. 像大快活的低糖綠茶(再淡啲).…Read More

第一次食, 完全係唔知道哪些食物最出名, 所以只係隨心叫自己想吃的東西.試了10號餐, 麵線套餐, 選了以下3個項目:1. 招牌鍋貼5隻2. 豬大腸麵線(類似阿宗麵線)3. 濃粟米湯鍋貼好似日式炸餃子,加了醋好味.不過由於係外帶,所以已經無咁脆.麵線味道幾好,豬大腸好好味亦有咬口. 最奇係加了些墨魚丸切粒, 不過都好, 多啲味道.濃粟米湯好大碗, 亦有好多料,ok.食完以上都已經好飽.不過可能係用了好多蒜頭煮麵線, 我覺得自己個口好多味, 要食香口膠!…Read More

最近發覺她的miso拉麵真的太咸了, 由於它永遠是在餐牌的第一項, 我常常記錯以為它是最好味的拉麵. 睇番openrice才知原來鹽味才是推介呢!我反而覺得她的炸雞定食很不錯, 抵食夾大件, 又可以點濃味醬或沙律醬或芥末.另外, 我覺得她的烏龍茶很好喝!…Read More

老公食過九龍灣嗰間話好食, 所以帶了我來試這間.叫了餐牌上推介的牛肋骨(排骨), 份量多, 但肉質和新鮮程度都不理想, 無味道牛舌還好三種Kimchee其實有兩種都唔係韓國泡菜, 很local送了一份燒魷魚(係可以取回家中享用)老公話可能叫石頭湯飯餐會好味啲商場消費滿$200有免費泊車…Read More

3個大人，1個BB，星期六去食午飯，叫了很普通的菜，肉都唔多，竟然每人平圴＄150。原來茶錢都＄20一位，好過去搶。有啲平套餐，但中環分店不適用。糖水蓮藕可以唔叫，味道與我以前食開的很不同，口感唔好，加了桂花好奇怪。雞絲粉皮有點驚喜，好多菜係底，個醬都好味。…Read More

We were in Causeway Bay, near Sogo area. We called Nice Sushi at about 8pm, asking if they have a table for 2. The waitress said we can just walk over and there was no need to reserve. Okay, it took us 5 mins to walk over. When we arrived, she said there is no table. And she said another 2 persons have taken the table. What service is this?! She said she thought the other 2 persons were us!? Okay, we stayed patient and asked if she can arrange another table. She said they are "opening" a new table for us. Then, another 5 mins passed. We chased again, asking why it took so long to "open" a table. Normally, if you were her, I think you would go inside and urge the other waiters to do it quicker. Tell you what, she just stood there and said, "they are still opening the table", without feeling sorry or taking any action. Then, she said a small circular table has been opened for us. We moved in, and suddenly she stopped us and said she can give us a bigger rectangular table that can sit 4 persons. So we waited for a few more minutes as the other waiters are cleaning up that table. Then we moved in again and found that they are breaking up the table into 2 smaller tables. She was indifferent again on our concern. We then "e e or or" and then the other waiters agreed to merge the tables together.The above has already ruined our dinner. I don't want to mention about the food, as there was nothing special that I want to mention.…Read More

買了一個$2.5的紙包蛋糕, 諗住咁平即管試試.都幾鬆軟好味, 又唔會太甜.如果買兩個, 只要$4.5. 抵!另外買了皮蛋酥, 不過啲蓮蓉係深色的, 與我想像的不太同, 所以No comment…Read More