紫冰風的個人專頁

近排係置樂返工，晚上食飯時成日遺忘呢間餐廳冇計，因為呢間餐廳獨立一間自成一角...平時都去開垃圾佬到食，諗住平平底....點知今日突然先記起呢間野！😆🤣🤣去到坐底，我真係犯賤....明明人地間野主打車仔麵....但我果刻又想食飯...手撕雞肉就好少，不過都好食就係唔知點解又雞尖，又有雞架軟骨..海蜇令我驚起，凍凍地又有酒味，配飯一流！其次就係隻蛋，相信係一大煲跟肉燥煮...非常入味！ 初頭仲以為碗飯太小唔夠飽，仲諗住叫多個車仔麵拎走！🤣食到8成開始飽，最後放棄叫車仔麵！不過整體黎講，53蚊晚市有呢個份量，呢個質素，仲要跟杯凍奶茶！我冇野可以挑剔，遠勝置樂其他食市！🥰美中不足就係晚上9點關門，食唔食到都係睇緣份吧:)…查看更多

彩華附近真係慘，星期一好多食市都休息！小弟唯有試下其他舖頭，咁岩想飲冬蔭功湯！所以想試下食呢間，但好多街坊都叫我唔好試！小弟又中伏，首先就係講所謂菠蘿海鮮炒飯，呢個炒飯除左飯上面既豬肉鬆係好食之外，成兜野我食左三啖就放棄！ 唔知呢間野係出自泰國邊個市，炒飯可以落咁多油，油到可以每一啖都有大量油份包住d飯，搞到連菠蘿，蟹柳等等全部都係油味！最慘係擺係底既生菜，嘩，多油到呢！ 70蚊一盒飯😅，我要食油我去超市買一樽都得啦！ 跟住就係鮮蝦冬蔭功湯先講味道，完全唔辣，係1d辣都冇！ 再黎就係好酸，呢種酸度係飲一啖都會好抗拒果隻！ 其次就係小小甜...都唔知整d甜味黎做咩，完全比酸既味道遮掩哂！不如幫我倒左碗野落廁所好過啦 100蚊碗比d咁既湯我，我驚我飲完真係會（湯） 最後就係講 鮮蝦！ 點解要剪哂d蝦頭？我連蝦膏都食唔到，何為鮮？最慘係你不如將d蝦殼剝剩蝦尾啦😅 最少能夠方便盡食，剪左個頭又唔去埋蝦身d殼！搞到我用手剝殼時，10隻蝦有8隻蝦d肉都係（霉霉地），我當我自己比100蚊食兩隻蝦算數！ 下次不結剪剩蝦尾部分去煲冬蔭功湯算啦！呢間野真係唔值得試，我寧願去美景果間食，又平又好食過佢😅…查看更多

屯門太多米線舖了，當中雲川呢間舖越開越多分店，質素越黎越差，價錢更加越黎越貴！另外那些什麼譚仔米線，小弟覺得十分難食，辣度冇厘頭分十個等級，更加比外界拎黎做辣度等級十分好笑，唔食譚仔既真係唔知講梗乜！今次食置樂既雲川燒！都係離不開徒弟學偷師，而辭職出黎自立門戶！ 味道同當初雲川創業時味道咁好食，湯既味道又係味精包開出黎，質素尚算可以！但當中我比較注重既係價錢，1餸1熱飲既米線賣47蚊！ 仲要大大碗夠飽肚，小弟完全收貨…查看更多

新年唔係間間開，唯有試下呢d大集團多分店既餐廳！首先 咖哩雞扒飯，我老婆話咖哩汁味道少辣，唔錯，我諗住其他食物一樣ok啦點知去到咸魚蒸肉餅就出事， 咸魚肉得幾粒，其他都係東菇絲，完全食唔到咸魚味！不如叫東菇絲蒸肉餅啦，我真係未試過去餐廳叫咸魚蒸肉餅，得幾粒咸魚肉粒舖係面，數埋數埋都唔夠10粒...其他店舖都會有一整舊既咸魚擺出黎比你睇到！呢碟餸真係完全失望，仲要肉餅裡面又有馬蹄粒，蓮藕粒...搞咁多小動作做咩？我只係想食 咸魚 同 豬肉... 咁簡單既餸居然可以整到咁難食，呢間牛奶冰室真係勁😊 個廚師簡直係天才 食左兩淡完全食唔落…查看更多

偶然黎呢度食甜品，發覺甜品食物質素可以！某日晚上行過諗住搵下小食送酒！叫左個椒鹽四季豆（28蚊） 同 椒鹽炸餃子（21蚊）全程落單，到拎走要等25分鐘，期間不停追紫頭髮果位嬸嬸先肯幫我跟進....椒鹽炸餃子 18蚊 3隻，肯定係叫貨，唔會係自己包既餃子，其實本身炸出黎夠脆，味道都唔錯！ 係唔知點解落一堆椒鹽粉落去又兜唔暈，搞到死咸死咸....唉...好地地一隻餃子都比你搞到咁...椒鹽四季豆 28蚊 16條， 我以為等25分鐘會有乜野驚喜，16條用滾水碌熟既四季豆，然後又係落椒鹽粉就算，最慘又係唔兜暈....個碗就大丫，四季豆就16條佔個碗8份1既size!幅相我係未食過....真係好過份，難怪香港人都北上消費！要食椒鹽粉我去超市買啦:(乜都落椒鹽粉就算，兜都唔兜下，份量又少！紫色頭髮嬸嬸仲話廚房整梗四季豆所以會慢d點樣整丫？烚熟就叫整？拎餐時果位紫色頭髮嬸嬸都好尷尬地比我，我終於明白發生咩事，28蚊 16條烚熟四季豆？餵狗嗎？狗都唔會食啦，成碗野倒落廁所沖走佢算！呢間野以後唔好再搞我，救命…查看更多

紅橋蛇王如 ，小弟就成日食！今日偶然見到蛇王輝就想試試其質素如何！首先小弟係1月31號晚上10點買外賣走，店舖堂食客人已經所剩無幾！叫左個細蛇羹 同 糯米飯 ，總共89蚊！另外還有一個大蛇羹版 連糯米飯，需要115蚊！幸好小弟抱住一試心態去食..！先講糯米飯，店舖買外賣時已經見到唔開胃！雪櫃入面居然擺放兩大兜既糯米飯！仲要上埋色....即係翻蒸又翻蒸糯米擺入口，冇哂應有既口感，冇牙都食得落！其次就係豉油翻蒸完又落多次老抽，咸到想死！糯米飯配料：花生： 脆身，但有一陣油益味潤腸：細細舊都算，咬一細啖已經成舊爛哂，肯定係某平價牌子既潤腸臘腸： 又係一細舊，一啖擺入口...完全冇臘腸味道，仲要有陣怪味臘肉：真係救命，簿如紙！我勸你留返比自己食啦！ 完全唔知自己食梗咩！---------------------分隔線----------細蛇羹首先要講既係老闆比到好大碗！ 開蓋時碗蛇羹真係好杰身，食到後半段 ，食物開始（射水），成碗野變到成碗水汪汪咁....連最基本既煮食知識都唔識,我覺得真係似轉左手！檸檬葉得幾條，只能見住老闆夾落去，大約6條左右！卜卜脆就一大包...但開出黎聞到一陣油益味...冇食到！蛇肉同其他料，其實真係好少蛇肉，木耳絲同其他肉絲就好多！食頭兩啖其實已經知道呢碗野落左勁多味精！唔想浪費食物唯有食哂佢！即晚訓教時已覺得非常口渴！如果呢間野同蛇王如比，真係差天共地！以前蛇王輝未搬黎置樂果時，係新墟都唔差架，而家點解會變成咁....唉！下次都唔會再食，好難頂…查看更多

見好評眾多決定試一試😄不論蕃茄湯底及沙茶湯底都試過只係簡單搭配牛肉餸就算！連凍飲堂食價58蚊都算便宜先評論蕃茄湯底，酸酸辣辣的確幾開胃！但辣度真係有點兒嬉！要問職員拎辣椒油先有足夠辣度！:)最後當然連湯底都飲哂:)但沙茶湯底質素真係唔得！死咸，有好足夠既沙茶味...令人十分卻步完全唔知自己飲梗乜野湯！自己係屋企用沙茶醬膽煮既湯底冇分別每碗都幾多配料，有菇丫，娃娃菜等等！我兩次都係點選台灣麵，其實麵質同上海麵口感一樣，完全唔覺有任何分別碗野份量其實唔多，我坐正廚房出面見佢煮！見女廚師執麵既份量只有半隻手份量！當然可以要求加底，但我試過就算了…查看更多

呢間野老細覺得自己d野勝在夠平，又做到深夜引來一班網上平台食客幫襯！其實苦心自問，深夜營業既商舖又有幾多？食過唔掂，漸漸客戶數量下降！我曾到過舖面，老細見衫d污穢漬仲勁過地盤佬....凍飲永遠冇冰只放雪櫃，煎熟既扒類堆積如山！引來不少昆蟲注視！每日收舖都一堆扒丟棄！老細曾透露自己係雅都商場伙頭仔出身！又話大埔有間串燒舖頭好賺錢！但比我既感覺完全唔覺你有擺個心去經營！幾個外賣平台追你食環牌照都冇續到，可憐此舖於9月尾將會正式執笠！一間舖就算比你食物賣到有幾平都冇用....連最簡單既衛生都搞唔好....執笠只係遲早既事！…查看更多

其實呢間舖質素出品都唔錯！但對於小弟而言，真係一般！首先咖哩味道食完會喉嚨成晚都係果陣味，難頂其次就係所謂牛腩真係好普通，試過咬成分鐘都係刷子膠咁....食左幾次都一樣，好辛苦！如果真係想食牛腩...我諗新興，金銘真係好過佢！最少人地入口咬得爛....此舖唯一好食我諗就係蕃茄大胃王餐！幾粒丸都唔錯，當然工場整定好難唔好食只能夠講，蕃茄湯大胃王可以一試，如果真係想試牛腩可以去其他地方紙飲筒都係敗筆之處…查看更多

突然想食豆腐，晚餐餐牌見到 豆腐鯪魚球煲幾吸引不過呢間野炒野真係可以推介，但小弟從未試過其他小菜先唔講價錢，好食既其實幾多錢都冇所謂豆腐完全冇豆既味道，勉強能稱呼為硬豆腐！鯪魚球完全唔掂，擺入口咬落仲要好腥！最慘就係娃娃菜 成顆放落個煲到煮當我每塊咬出黎都見到有污漬...食到一半先話冇例湯，改飲品免費....連最想飲既例湯都冇....如果成80蚊食呢煲野就真係唔值....最少睇得出廚師求其煮完就算...…查看更多

服務質素可以，味道可以，價錢黎講3餸連凍飲58蚊真係冇得輸:)當然所有米線舖唔落味精就真係呃你！但每個人求飽肚，求味道平平無奇！偶然食下呢間真係覺得下面果兩間點解會咁貴...一間就多分店做爛市越黎越難食！另一間就做深夜市場才有生意...坦白講句，香港人求其平平地醫下肚何需60，70蚊食一碗米線！食完又唔飽肚，全部都係味精作怪！如果屯門區米線平價黎講我會推薦呢間！最少味道還可以！服務仲唔錯而家仲有間雲在線 同 雲川燒 越黎越貴！食碗米線者，要70，80蚊一碗！有冇搞錯…查看更多

先不論我早前對呢間野印象如何！早餐還是第一次幫襯！早餐牌隱約有六至七款粉麵類比你揀！然後就一定要配蛋類 及 麵包一款！蛋類就問你食乜野蛋！然後麵包就 白麵包 同 牛油 麵包收36至38蚊，凍飲另外收費！講真句，紅橋早餐舖頭真係好多，麵包種類可選擇款色更加多！配兩款或以上餸菜！ 大家價錢相約，點解呢度會咁孤寒？粉麵類份量十分少，味道又唔係特別...就算隔離舖頭都比佢飽肚....我真係對呢間舖十分失望！賺錢唔係咁樣賺的....…查看更多

小弟都好耐冇食呢間野！係我心目中只係貴夾唔飽肚！因為做旺左，多分店，價錢越黎越貴叫了一碗酸辣米線，餸有腩肉 蘿蔔！另加一杯凍奶茶！收61蚊，同1年前相比貴左10蚊！湯底味道越黎越淡，蘿蔔又太硬！腩肉仍然係大大條，咬斷入口比較辛苦！雖然叫左小辣，但完全唔辣....雖然我覺得唔好食，但仍然有一班粉絲幫襯！每次都要排隊... 有冇咁誇張...可能真係做起左，太多生意....賺唔少錢情況下引致食物質素下解！而家都轉去食川辣館米線，好好味:)我就唔會再幫襯，唔值呢個價…查看更多

難得小弟生日 老婆請食飯！就去左屯門傳說中比較污x既合興大排檔食飯叫左5個餸，3支藍妹！賣單800蚊黑椒茄子牛仔骨： 茄子太硬，汁太少！肉太Un豉椒炒蜆：第一碟唔辣，完全唔掂！另外叫多碟辣既，都係唔辣豉汁蒸鱔：太簡單既餸，好難蒸得唔好食！蒜蓉蒸元貝： 一隻30蚊，完全唔掂，雖然係新鮮，但只係食到蒜蓉味....成碟120蚊，我寧願比錢買樽蒜蓉返屋企蒸黎食....總括黎講，價錢太貴，寧願去何福堂食好過！同埋食食下感覺佢只係因為開到深夜4，5點先有生意我就永遠唔會再幫襯5碟餸，有4碟唔掂，加3支藍妹！ 要800蚊係何福堂只要600蚊就搞掂…查看更多

呢間餐廳令我回想起住四川果一個月的回憶！雖然每次我黎呢間餐廳都只係叫牛肉米或紅薯粉....每次都叫中辣，辣得好過癮，湯既味道同四川時冇分別！同紅橋其他所謂既米線舖比，我覺得呢間湯頭贏10條街其次就係碗入面d餸好多...有花生，肉碎，娃娃菜同金菇等等...雖然每次食完都會成身汗，同埋幾張紙巾！但食辣野就係咁樣先叫爽！每個人食野既味道同辣道都唔一樣！但我介紹比其他朋友都一致認同呢間野真係好食另外老闆娘服務態度好好:)又開朗！一碗48蚊既牛肉麵真係覺得好值 好抵…查看更多