環境🍽️以環境嚟講呢間自助餐係相當舒服嘅坐得，位同位之間有足夠嘅空間。但落地玻璃嘅位只有近窗邊望住廣東道大概四至五張枱。如果要坐呢啲位要預早book定，但係唔一定俾你。不過如果你係坐近鐵板燒同埋刺身嗰個位嘅話呢，因為好多人會排隊，所以其實會有啲唔係咁舒服。其他嘅位置應該就冇乜大問題 👓 食物🥘食物嚟講呢海鮮算係呢一間自助餐其中一個重點佢有皇帝蟹亦都有雪場蟹🦀而且皇帝蟹係已經幫你剪開咗，相當之易食肉質都係算係鮮甜同結實嘅，雪場蟹呢都大條而且易剪易開。唔會好重鹽水味蟹腳嚟講得算係好食嘅，🦞波士頓龍蝦呢大部份都係雪白嘅，只有少量粉紅色或者少少灰色。但係可接受嘅範圍內。亦有橙膏同埋綠色嘅軟膏佢refill嘅速度都算快。青口嗰啲就都係一般酒店嘅質素冇乜太大嘅特別位。🦞龍蝦除咗凍龍蝦之外亦都有燒龍蝦，但係佢嘅燒龍蝦係預早燒定一堆擺喺嗰度，然之後再加熱落牛油。如果佢可以蒸龍蝦或者烚龍蝦之後再燒會更加好。我係比較鍾意食熱嘅龍蝦多過凍龍蝦，佢有得俾你咁樣揀凍或者熱，呢個係加分位。亦都係近年酒店自助餐嘅一個改變多咗好多熱龍蝦嘅選擇。但係啲燒三文魚、燒豬胺就一般🐟燒豬胺肉呢🐷佢切到一條條，但係其實佢燒定擺咗一堆喺度食落去係有啲韌嘅三文魚呢就好一般嘅煎三文魚肉冇咩特別。沙律嚟講呢🥗佢呢一間都佔比例比較多，除咗有10幾款撈好咗嘅沙律之外，亦都有俾你自己撈嘅沙律如果鍾意食冷盤沙律嘅話，呢一間嘅選擇非常之多，亦都係健康之選但係芝士同埋凍盤嘅肉類相對比較少。只有火腿，但係冇Parma Ham。芝士有四款都係啲基本嘅選擇熱盤嚟講，佢有咖喱魚、燒蝦、烤雞、炸雞、燒味同埋蒸比目魚另外仲有一堆望落唔係特別有食慾嘅熱盤冇咩邊樣特別有記憶點係個印度薄餅佢真係有個爐即刻整出嚟可以叫佢新鮮整俾你。嗰個新鮮整出嚟係好食嘅蒸魚呢，近年都見到好多係呢一種類型嘅蒸魚，無頭無尾就咁一大條唔知咩魚，你問我呢，我覺得完整一條魚望落會吸引啲。同埋個食慾望會大啲，同埋通常呢啲咁大條嘅魚都係冇咩魚味🐟我諗熱炒或者熱盤，唔係呢一間酒店特色嘅菜系刺身嚟講🐋有少少唔開心，因為油甘魚係食到有骨嘅。呢個係有扣分嘅。其他刺身有三文魚帶子八爪魚等等嘅刺身啦冇咩邊隻特別好食或者驚喜除咗刺身之外佢都有啲卷物但係係好普通嘅加州卷見到都冇話特別想食鐵板部份呢🥘有鐵板鮑魚，鐵板牛肉同埋鐵板鴨肝本身應該係佢最signature嘅菜式亦都係全晚最多人排隊排到落場為止都仲有好多人排隊拎緊但係佢嘅鴨肝雖然好食，但係佢每一粒個份量都大小不一，有陣時有啲人會攞到大嚿啲，有陣時有啲人會攞到細舊啲（我就係嗰個攞到細嚿啲嘅人😆）🍛另外雖然佢話限每人只可以攞一份，但係有陣時有啲人可以攞多啲，有啲人可以攞少啲，有啲唔係好明白鮑魚其實個味好主要係嚟自個汁個汁係有少少重口味嘅，但係撈埋一齊係好食嘅鐵板牛肉真係有陣時拿捏唔到嗰個生熟程度，我試過有一舊係接近一至兩成熟，中間係生到咬唔到，但係有啲呢佢煎得啱啱好呢，有四至五成熟嘅牛肉呢係好食嘅，但係佢三隻汁普遍都係用同一種汁就有啲普通另外就係佢啲炸蒜片應該係擺咗好耐唔係新鮮炸出嚟，所以會有啲韌令到佢個鐵板牛肉扣咗好多分🧆甜品嚟講呢因為佢做緊個東南亞主題嘅甜品corner咁呢佢係有呢個泰國糯米飯、椰汁糕、千層糕呢啲選擇啦🥭🥭🥭我覺得最欣賞嘅係佢個芒果糯米飯🥭🥭🥭第一佢將啲芒果全部切粒係俾你任畢嘅，如果你鍾意食芒果糯米飯又可以自己DIY嘅情況底下你鍾意多啲芒果嘅話，其實呢個係個非常之好嘅安排另外就係佢嘅糯米飯係好好食，好食到佢糯米飯係好軟糯，再加埋佢個椰汁呢，係全晚食過最好食嘅一樣嘢，亦都係我最有記憶點嘅一樣嘢啦另外甜品入邊，佢都仲有朱古力噴泉比較普通啲嘅選擇啦，但係佢係冇雪糕食嘅。佢唯一嘅雪糕就係佢有個類似Häagen-Dazs嘅朱古力雪條然之後俾你有少少DIY嘅元素去整啦🍫我覺得係唔吸引我嘅，我比較鍾意係有唔同味道嘅雪糕俾你畢離食係會開心好多然之後佢仲有一個甜品嘅枱🍩上面嘅甜品，我全部食過晒冇一樣特別記得只有嗰個朱古力蛋糕係好食嘅，好濃郁嘅朱古力味，亦都好柔軟，係全晚最好食嘅甜品水果就算啦，都係菠蘿哈密瓜同埋西瓜冇乜邊樣特別好食🍡另外就係佢有飲品任飲嘅，佢有兩三款果汁，韓國汽水，咖啡，煲緊嘅香茅茶，同埋自製珍多冰我覺得飲品嚟講佢嘅選擇算係豐富，而且好多DIY嘅元素喺度，亦都欣賞酒店唔係淨係free你一杯嘢飲，而係佢有好多飲品俾你去選擇，我覺得呢一樣嘢係酒店自助餐入邊比較重要嘅一環我見KKday有折。有折食，我覺得係抵食嘅，但係如果原價俾我食嘅話呢我未必會揀呢一間。推薦必食項目有：波龍（熟食或凍食） 🦞帝王蟹腳雪場蟹腳 🦀芒果糯米飯🥭朱古力蛋糕🍫新鮮整嘅印度薄餅🫓燒牛肉（著名要五成熟）🐂燒鮑魚🐚燒鴨肝🦢建議有折先好食🤣…查看更多
