day_yat的個人專頁

見窗邊位幾靚，於是打去book位request窗邊位，個staff話應該冇問題。Book左4:30，佢話個個時間冇lunch set, 得野飲問我有冇問題，我話ok.結果我早咗去到，大概3:45左右，同門口個男人usher講早左到入唔入得，同埋問佢有咩menu。佢話淨係得lunch set ($188+10%), 我問有冇a la carte? 佢好似不太情願話有蛋糕野飲。結果我話ok, 佢就求其比張檯我，我話但我book個時明明講話要窗邊位你地都話ok, 佢話都係盡量安排。明明窗邊有張兩空檯，於是我問個啲係有人book左唔坐得？佢就答：「如果你叫lunch set就有窗邊位，唔叫就冇」我覺得好差，原來要叫lunch set先有窗邊位？逼人消費？個陣都三點幾四點仲點食得落lunch set? 而且book位時都唔係咁講，有啲狗眼看人低。我覺得與其為左打下卡而要受氣，不如唔好食，於是話咁唔食喇。走左。勸大家不要幫趁。小心受氣。…查看更多

見網上介紹有芫荽拉麵，身為芫荽控緊係要試下。嚟到嘅時候十個有九個客都係叫芫荽拉麵，呢個招牌菜相信吸引唔少人，可惜中晒大伏。上一檯見到啲湯已好出事，好稀好清，食落好似啲開稀左嘅鹽水撈左芫荽，比打邊爐湯底更冇味，仲話係濃湯？然後啲麵係鹼水麵咁，感覺比食公仔麵更差，啲叉燒又細塊，一早就整好咁，食落好似越南扎肉，完全唔係日本叉燒個回事。隻蛋無端端係紫色覺得已經怪怪地，雖然食落係普通唐心蛋，但食到呢個位已經再冇胃口。雖然啲staff好友善同有禮貌，但都無補於事，真心係香港食過最難食嘅拉麵，充住芫荽之名搞啲gimmick 但完全係冇誠意之作，仲要$98一啲都唔平，食完好似開稀鹽水漱口嘅感覺，我相信打邊爐芫荽湯底掉個公仔麵落去會令人開心好多，總結而言，大伏。…查看更多

見到餐廳做promo, 有個九道菜lunch menu, 每人只需$138，好似好抵，所以去試。點知中伏。所謂九道菜，其實裡面啲嘢好濕碎，燒賣、水晶粉果、腐皮卷每樣一舊已經當三道菜，而且係唔好食，質素比外面普通酒樓差。唯一一道好食嘅菜係乳鴿。就連甜品嘅雪糕一食就知係買啲平價牌子，好似維記、雀巢嘅味道。完全係欺騙消費者。好心啦，做咩要做衰自己個名，你做唔起貴野都用心啲去做呀，唔好用gimmick嚟厄人。絕不推介。…查看更多

諗住喺韓國街求其搵間韓國野食，呢間貌似ok但原來中晒伏...首先叫左個泡菜薄餅，個餅勁鬆又厚，一夾起就散，麵粉味重，而且好鹹，好難食輪到炸雞，首先雞嘅份量少，有一半都係薯條沙律。無汁個款雞好乾，冇味，有汁個款d醬都好麻麻，kfc好食過佢。最後排骨湯係最正常一道菜。總結，又唔係平，又難食，服務又唔特別好（搵兩個貌似孟加拉waitress serve客）。我相信周圍有好多更好選擇。都唔明點解呢度仲有咁多好評，真心覺得差。唔好幫襯。…查看更多

年三十晚諗住同屋企過黎食餐飯, 知道好多餐廳都唔開,於是之前已經打黎問會唔會開, 聽電話個位職員話開, 於是留左名BOOK左位。點知個晚去到, 冇開喎, 摸門釘。做生意咁做既咩? 如果你唔清楚咪CHECK清楚囉, 仲有BOOK左位係咪都應該個日CONFIRM下呢?通知電話咩都冇。真係嬲。…查看更多