AlanKugo的個人專頁

一間細小的冰室，在一條無乜人行的內街，附近都係舊樓車房基本上無乜裝修，如果唔係去開嗰頭，睇埋其他食評，基本上唔會考慮入去食，真係好似行入去都要好大勇氣咁入到去基本得老闆同老闆娘，唸好食咩好就同老闆娘講，佢唔使用紙抄低，直接大聲覆述一次俾老闆聽就完，仲要記得哂無漏沙嗲牛通係必食，湯底係極重沙嗲味，唔係hea嘅，正到想飲埋個湯完全唔明點解會無人發現，真係掘到寶。奶茶係基本茶味重，雖然已經好多地方做唔到，但呢度真係好飲，係奶味略嫌唔夠，可能要加糖/轉茶走，加翻甜去中和平衡呢度係無餐嘅，但就算散叫都唔貴，個質素絕對對得起個價錢…查看更多

一直都係Lockeroom的fans，由旺角食到油麻地再到佐敦對比旺角同油麻地店，佐敦呢間Express店就更加貼地，$5x就已經可以有交易用餐環境好舒服，依舊有老細的個人珍藏，阿迷朋友好幸運Burger好好食，個包有烘過仲要加牛油，唔乾，牛肉食得出係手打，又有肉汁薯角就維持一直的高水準熱朱古力號稱係有奶打出來，即係好似coffee shop咁，飲得出唔係溝粉，夠濃又夠滑收銀姨姨仲會邀請你自己斟湯飲，仲話飲多幾碗都得，嗰日係雜菜湯，足料好飲…查看更多

將結論放在頭：飽到傻，係無可能食得哂呢個價錢食到手工pizza，抵到爆星期六下午，接女朋友收工後，去試吓呢間鋪The Pizza Project的staff都係外國人，但service都係一流，好nice，又會耐心答問題，搞笑又得去到後餐廳入面無位，manager就問我地介唔介意坐出面，話好舒服確實係幾chill，喺個大傘下面，夜晚開埋燈應該會更正$185 pp, 兩個人去就有1×前菜，1×沙律，2×pizza，2×甜品，癡線架前菜揀咗cold cut，ham唔太鹹，芝士夾包好食Caesar salad雖然無其他配菜如煙三文魚，但本身羅馬生菜加咗超多Parmesan cheese，就咁食已經好正係個麵包粒硬過龍去到主菜Pizza，揀咗Marghertia 同 Breakfast Carbonara最基本的Pizza就最易test到一間pizza鋪的水準Marghertia雖然簡單，但個茄醬本身已經好出色，係自製版，仲會漏出嚟Carbonara幾特別，bacon上面有隻蛋，下面就有薯仔片，但奉勸唔好加隨送的糖漿，pizza都係咸食最好12塊pizza，兩個人食到7塊就投降，呢度的staff係預咗你食唔哂，係會歡迎你take away，係會幫你pack埋盒，仲會見你兩款pizza，問你一盒過定兩盒甜品×2，唔飲咖啡所以真甜品各揀一，nutella pizza就邪惡到癲，個pizza包暖暖地加勁多醬，勁肥又勁飽，所以奉勸主菜pizza就食少舊Pici Tiramisu係超正！！！好好食！！下次會選擇兩個都要Tiramisu！最後埋單發現竟然收咗我地舊價 170pp, 同埋manager講，佢睇咗睇後竟然話 “you're lucky”癡線，俾著其他餐廳，只有收多唔會收少但係佢地竟然無去改單，咁當然我地有俾翻多tips去補翻係吖，呢間係無10%service fee，All Tips to staff，所以擺低多少悉隨尊便，但呢度的service係值得多過10%…查看更多