lu.hoo的個人專頁

／雲桂香／太子／｜熱拌水晶粉｜撈咗先記得影，本身有肉碎喺面，仲有啲酸菜、花生。個汁喺底，要撈勻先食，不過個汁唔惹味。嗌咗bb辣都好辣，食到嘴唇都麻咗食咗一個鐘，最後都食剩咁多，細食嘅話建議嗌少麵…查看更多

／鮮芋仙／銅鑼灣／閒日下午6點去到，都排咗半個鐘先有位｜布丁Q麻糬牛奶冰｜2人share一份都差啲食唔曬，$52咁大碟仲咁多料真係好抵食。最外層嘅冰淋咗大量煉奶係最好食！之後中間嗰層淋咗焦糖醬都好食，得返最尾無乜醬嘅位就比較寡。麻糬嘅質地都係好煙韌，布丁都有雞蛋同奶味。唔中意食杏仁嘅人可以要求轉曬兩款都係雞蛋布丁～…查看更多

／米線陣／上環／中上環食lunch時段真係好難搵位，喱間都排咗10幾分鐘，但質素真係麻麻午餐set lunch｜蕃茄濃湯雞脾肉貢丸米線配凍檸茶｜個湯底其實唔太食得出蕃茄味，好似清湯咁，不過蕃茄咬落去就好甜。雞肉同貢丸嘅份量都算慷慨，但米線嘅質地淋得濟…查看更多

／Labels Cafe + Bar／荃灣／帶咗狗狗去南豐紗廠，揀咗依間cafe有室外位，2月時份天氣都好舒服，空間又好大可以比狗狗跑吓｜明太子燕尾蝦闊蛋麵｜明太子味道做得好好，幾推薦食｜黑蒜油青口意粉｜睇落唔大份，但食落都ok，味道正常發揮｜熱情果伯爵茶配雜果冰｜係用水果雪成冰，好啱夏天飲…查看更多

／ChaTraMue／銅鑼灣／泰國過江龍泰式奶茶，曾經買過佢嘅茶葉返屋企沖，但點都整唔出喺店舖買嘅奶茶味。｜正宗泰國奶茶＋珍珠｜茶底香濃，珍珠軟硬程度適中｜泰國蜂蜜烏龍茶｜嗌咗少甜甜度剛剛好，不過味道普通…查看更多

／皇冠呂宋芒專門店／銅鑼灣／｜皇牌｜底係芒果綿綿冰，不過冰唔算磨得幼細。芒果份量算多，有啲爆珠口感幾豐富，奶蓋如果再濃稠啲會好啲｜芒果牛奶布甸｜芒果都幾甜，同布甸一齊食可能會蓋過布甸嘅味，但如果淨食布甸，牛奶味都幾香…查看更多

／麻辣派對／銅鑼灣／｜酸菜味型（江團）｜$188｜魚肉數量好多，最後食唔曬，揀咗小辣，食咗一陣都即刻感覺到嘴唇有啲麻。江團依款魚無骨，幾厚肉，亦無乜鯹味。加咗一份水晶粉，份量都幾足夠。但整體好似無乜酸菜，同埋食到中間覺得啲魚好鹹，會食到好口渴｜麻辣雞鍋（半隻）｜$158｜調味好好食，洋蔥好甜，雞肉都嫩，揀咗bb辣，辣度幾適中｜冰雪鮮檸c飲｜$38｜建議要點飲品，食物都重味精，食食吓會好口渴。依杯水果茶唔會偏甜，同埋好大杯～…查看更多

／Mandarin Grill + Bar／中環／3-course lunch $698| Amuse Bouche |面頭是一些hazelnut碎頗香吞拿魚味/ 𝙨𝙩𝙖𝙧𝙩𝙚𝙧 /Chicken Liver Parfait Terrine雞肝凍頗大一片是香的但如果有多幾塊桔能更好解膩Jerusalem Artichoke Panna Cotta椰菜花炸皮香脆/ 𝙢𝙖𝙞𝙣 /Venison Wellington文華最出名就是威寧頓貼心地用上暖碟令食物保溫牛柳medium rare的酒紅色很完美酥皮焗得金黃切下完整/ 𝙙𝙚𝙨𝙨𝙚𝙧𝙩 /Apple Tarte Tatin單純說句 好吃！Dark Chocolate Caramelised Almond Praline膩⋯⋯服務很好，只係食物味道未至於很驚喜。離開時送上Madeleine，拎到返屋企先食，雖然凍咗，依然好香好好味。…查看更多

／Grain Of Salt／中環被依個拱門形設計吸引了，室內裝潢橙白tone為主，簡約舒服一打開menu，睇咗一輪，朋友就話「無肉嘅」，先知原來店主係註冊營養師，餐牌仲有qr code比你scan每款食物嘅營養素，適合想食健康啲或者keep fit嘅人｜The GOS Yoghurt Bowl｜$98｜份量適中，生果新鮮，仲有goji puree（橙色嘅醬）嘅味道好特別｜Avocado Toast｜個sourdough超硬⋯切得好辛苦，放入口咬都有啲痛｜Iced Latte｜…查看更多

／Urban Coffee Roaster／將軍澳／將軍澳海濱長廊嘅cafe，室內空間好大綜合朋友食評：1／Iced Chai Latte“Never try chai latte!” (朋友極大怨氣😂單純是不好拍 味道也是她不喜歡的 中立地說如果喜歡肉桂的話可以試)2／松葉蟹肉飯 配 炸軟殼蟹「軟殼蟹飯隻蟹好吃 多膏 個飯就普普通通」3／炒野菌菠菜 配 賓尼迪蛋「認真咁講 我嗰個Benedict嘅sauce(唔係hollandaise)幾特別 食落有啲蟹味」4／法式焦糖班戟「個人覺得個pancake太紮實 小乾 啲醬融入唔到落去」建議pancake要share食！紮實程度好易膩，落單記得揀 more dressings，多啲醬會好食啲…查看更多

／Zeng／銅鑼灣／位於登龍街v point 30樓嘅餐廳，有室內外座位，飽覽維港景，但附近高樓大廈其實都遮擋咗不少海景嗌咗1個 Zeng’s Signature Seafood Collections同1個Harbour View Delight｜Acipenser Baerii Caviar｜先上魚子醬，配餅乾，蛋黃，蛋白，蔥一齊食，值得一讚係餐廳提供貝殼匙羹，唔會影響魚子醬嘅味道｜Assorted Seafood Platter｜生蠔新鮮，清酒鮑魚都唔錯，海螺肉口感清爽，唯獨醃製過嘅蝦味道普通，亦都唔太鍾意依種質感｜Cold Served Lobster Salad, Yuzu Dressing｜半邊波士頓龍蝦，配牛油果沙律，有啲柚子醬點綴｜Mentaiko Spaghetti Carbonara｜明太子醬意粉味道出色，明太子口感粒粒分明，醬汁又唔會太膩｜Roasted Free-range Spring Chicken with Herbed Potato Wedges｜三選一揀咗走地雞，雞肉嫩滑｜Parma Ham and Goat Cheese Green Salad｜羊奶芝士羶味重，淨係食parma ham同沙律菜味道好夾｜52°C Slow-cooked Salmon｜不太喜歡慢煮三文魚嘅肉質，一放入口就散，食唔到半點魚油香味｜Crème Brûlée｜焦糖面夠厚同燒得脆身，蛋味偏淡不過唔會過甜｜Japanese Cheesecake｜芝士味道濃郁，配嘅醬汁清新食完咁多道菜最後會俾你揀飲咩茶，消一消滯，唔經唔覺都食咗兩三個鐘～…查看更多

／假日士多／東龍島／東龍島只有假日先會有船，士多都只會喺假日經營。每次露營起好個營就會落去叫返碗麵，加多杯紅豆冰｜餐肉雞蛋公仔麵｜＄30｜山上唯二餐廳嚟講，依個價錢十分有良心，同埋食物質素同市區茶記都差不多。｜紅豆冰｜＄20｜夏日必點消暑飲品，紅豆比例都佔接近一半士多仲有售飲品、零食、菠蘿冰等比一班營友補給。老闆仲會裝定食水比營友免費使用，又肯開放廁所比大家，要好好珍惜～…查看更多

／滑嘟嘟／大埔／去襯大埔墟街市都要買返一盒（＄35／6粒）有幾次去都摸門釘店員即場包，大大粒糯米糍 ，外皮又薄又滑，餡料塞滿曬豪不手軟。花生磨得好碎，咬落去口感超豐富…查看更多

／The Coffeeology／銅鑼灣／店舖座位唔多，排咗15分鐘左右先有位，室內設計偏工業風。｜Matcha Latte｜＆｜Iced Latte｜飲品漸層都做得好靚，茶味香醇，滿足到抹茶癮｜Matcha Cheesecake｜口感順滑，抹茶味到位，中間有少少軟心…查看更多

/ Pizza Express / 赤柱 /年初一好多人入赤柱，要等位食物味道唔錯，咖啡就好一般| Chicken & Apple |揀咗個沙律，好中意依款沙律有配到紅莓乾，雞肉亦都唔會乾身，整體味道配搭得宜，幾推薦| Lava |Pizza方面揀咗依款軟心芝士，芝士味相對清淡| Spaghetti ai Frutti di Mare |有蝦、迷你帶子、迷你八爪魚，仲有好多蕃茄仔，好食，份量足夠| Chicken wings |雞翼皮脆口，肉又鎖到肉汁，配埋個芥末醬一流| Cappuccino |敗筆在於依杯咖啡，$40不過係似酒店自助早餐咖啡機嘅質素，奶泡雖然厚，但飲落去毫無咖啡味，連奶味都非常淡，建議都係點返非咖啡類飲品比較保障…查看更多