黎海榮的個人專頁

話說而家九點後禁堂食，所以諗住打去叫七隻韮菜餃外賣，點知老闆（幫襯左10年，我認得佢把聲）話驚我放飛機，要求我去到間鋪先開始幫我整，我已經表明我已經喺大南街，差唔多到，但老闆堅持，我表示你咁嘅態度我唔食啦如果一間餃子店七隻韮菜餃都輸唔起的話，我諗唔到理由再去幫襯佢，太子區內餃子店多的是，我唔一定要幫襯你，同樣我都明白，多我一單唔多，少我一單唔少，可應老闆今日搵夠想早啲收鋪p.s.剛剛想上社交平台睇下佢有無專頁，一睇先知，原來唔只我一個話佢地服務態度差，咁嘅態度都可換來日日排長龍嘅氣勢，真心佩服香港人對食肆嘅要求可有可無…查看更多

今日一條友幫公司買完野,行到旺角本身想食拉麵但見到呢間野新開,於是試一試,入到去職員好有禮貌,我一條友佢竟然俾張四人卡位我,十分感動,佢介紹我試下佢地既豬扒,我二話不說聽佢講叫左個豬扒餐,先黎杯咖啡都OK,同出面D茶餐廳差不多,再黎個忌廉湯,有忌廉但完全無咸味,要自己落鹽,感覺有d奇怪,跟住main course到,有2大塊豬扒,鬆化得黎唔係梅果種,但個蒜蓉汁濃左少少蓋左d豬肉味,但d配菜十分有heart,有車厘茄,豆角,飛機菜,薯仔,矮瓜,幾十蚊同你搞咁多野,我覺得廚房都幾用心,另外仲有白飯跟,埋單80有找,旺角區黎講算係幾抵食,可能同佢位置有少少關係,下次搵多幾個老友試埋佢d牛扒同其他野食先…查看更多

今日同班中學同學慶祝生日,天氣凍凍地,有人提議去打邊爐,呢間野我之前都有食過lunch,價錢都唔平,我地23人包左間房,間房都幾大又有toilet,成間藍色都幾舒服,仲有部機可以插iphone播歌,幾正!講番食物先,我地一共叫左8個湯底,8個一齊開果陣都幾澎湃,我地果個係胡椒豬肚拼麻辣,胡椒果邊夠晒足料,麻辣果邊就真係辣到食唔到,牛肉我地叫左2隻,本地果隻好食d,d餃子同d波波就真係多到記得,我最有印象係黑松露和牛餃,好似好貴重咁,食落去都幾香,不過d皮好似硬左d,另外我地叫左海鮮船,都幾大隻,有魚蝦蟹帶子螺片包魚,仲有響鈴同我至愛既豆苗,最後我地仲試埋個湯丸,另外仲有生日蛋糕,番屋企搭車果陣直頭飽到郁唔到,好豐富既一餐,下次都會同屋企人去享受下!…查看更多

今晚去左太子打波,打完波行過呢間興記雲吞麵,見佢幾旺,於是試下,因為同行有朋友食煙,所以揀左路邊既台坐,見到有人(郭x城)特登渣車黎外賣,應該幾好食,打完波好壯餓所以叫左個水餃撈麵食,首先黎個淨湯先,一飲就知好野,好夠胡椒味,好足料,跟住黎水餃好爽口,蝦同豬肉唔多,但好多木耳好多荀,正,撈麵爽口彈牙又唔係硬身,個硬度我簡直可以用完美黎形容,係我食過最好食既撈麵,友人叫個牛腩米,唔知點解筋仲多過腩,不過d筋都好林,油菜好香,應該係落左豬油,好正但唔係太健康,環境麻麻,但如果只求好食,係值得一去再去既…查看更多

同幾個fd睇完戲,12點鐘,天氣凍凍地,有人提議打邊爐,於是就去左火鍋本色,我地叫左黃金蜆湯,湯底夠濃好好味道,蜆size適中,湯底d豆腐好滑,叫左本地手切肥牛,正,夠林又有肉味,丸子幾彈牙,象拔丸好似有d搵笨,因為象拔本身就無乜味,響鈴夠脆夠新鮮,唔錯,叫左豆苗佢地話賣晒,但係佢地員工食宵夜果度我見到有一籃豆苗,我覺得應該做生意緊要過員工用膳掛,最慘係俾我地見到,包魚仔幾新鮮都算抵食,油炸鬼釀左d蝦膠幾特別幾好食,粟米好甜但係講到服務就真係麻麻地,d人十問九唔應,好似唔休做咁,明明話2點關門,1點3已經又執野又拉閘,個經理又同d伙記講:你地收工先啦,搞到我地都唔好意思坐咁耐,拿拿林食完就走,但係總括黎講係好食既,值得再去,不過下次應該會早d去…查看更多

今日下午落街食下下午茶,食厭左牛x水,行過發現開左間新既茶餐廳,成間橙色幾搶眼,於是入去試下,原本諗住食d唔係咁飽肚既野,點知佢d下午茶set全部都係炒野,又無理由食雞比薯條咁普通嫁,跟住就問下個伙記果個肉絲紹菜炆年糕係咸定甜啦,但係佢講左幾句,我都係唔明,於是就叫左個越南炒金邊粉食,出到黎都真係好大碟下,心諗呢個直頭係晚餐既份量wor,炒河炒米食得多,炒金邊粉就好似炒米咁不過粗少少,好足料,有札肉絲叉燒絲火腿絲芽菜等,個粉炒得好乾身,師傅既功力唔錯,奶茶亦相當有水準,下次一於試埋個炆年糕另外建議可以加番d比較份量少既tea set for女士,例如火腿煎蛋呢d…查看更多