好食芝桃的個人專頁

唔望你然後冷言 -- "卡位要3000蚊！" 態度真係好好！-------------講第一次。。。。////見open rice 好似幾多好評， 環境好似幾特別，外子生日就黎試下。 由於係星期六，預早幾日book 定台。一家大細準時出現， 雖然將近晚餐時段， 但場內唔多人， 大概只有3枱人。外子先入座， 帶位嘅男職員將我地帶到去卡位位就走左，各人就下意識喺卡位坐下， 然後個男職員又行返黎叫和人起身， 因為唔係呢個位，外子就問可以坐卡位嘛，個男職員冷語道出 : " 呢度要$3000 喎" , 生日外子感到不悅，因為係呢個男職員將人帶到卡位然後行走，然後又話要坐就要俾得起錢。$3000 以我地嘅食量真係未必食到， 因為我地半數都係小朋友，於是我地都起身轉換枱。 ------講第二次///內子5mins 後到達， 入門登記未知以上事件， 於門口問男職員 可以坐卡位嘛？ 男職員無直視內子，冷言一句 : "卡位要$3000" 對眼差d 反到上天花🙄內子都有d 愕然， 個卡位特別到需要minimum charge ? 就算要minimum 但要咁嘅態度？ 然後內子入座準備點餐， 見外子有d 煩燥， 細問先知原來大家入座都被人提示"要有$3000" 先可以坐卡位。由於係外子生日， 而外子俾人激親， 內子就決定離開去第二間食， 無謂成餐飯見到激氣嘅人， 食都食得唔開心。起身離座， 行到門口都無任何一個職員問過一句有無咩問題導致離開？仲聽到男職員大大聲悔氣一句 " 唔知喎"服務態度咁樣嘅日式料理真係第一次見。難怪星期六晚市都只係得3-4枱人2人餐有龍蝦$1988, 其餘餐牌食物都3-500 , 可能因為咁所以好易食到$3000 ? …查看更多

新開張， 米漿好有米味， 餡量適中， 腸粉算滑同薄嘅， 老闆每日用6hrs 磨米造漿， 一日一桶漿，賣哂就無架啦～營業時間話到12:00am, 但好多時賣哂無腸粉。仲有豆漿、糖水同砵仔糕如果有蔥花賣相會靚d …查看更多

朝早見有半個鐘， 諗住快快食個沙嗲牛面再返工，第一， 落單好慢， d 姐姐全部好似未起身， 唔止本人， 餐廳不同角落都充滿想落單、催野食嘅客人。等左15mins 只有一杯落錯嘅飲品，完全唔知d 姐姐慢速行黎行去係做乜的。 第二， 衛生程度差， 張枱無抺， 但佢有執枱員？？ 同場有另一枱客大聲同姐姐講仲未有食物， 催完都仲係俾少一樣， 再俾又係錯餐。 輪到本人， 白等20mins 完全唔自有人有意識會俾餐我， 唯有轉外賣。 服務差、慢、錯 乜都有齊， 勒大家唔係放假唔好諗住食…查看更多

下午茶時般黎到， 純因為唔想食錦麗所以試下佢。 大概都有8成full, 都係單人黎多。叫左個生熟牛肉河，因為未食早餐所以叫大碗。見到佢個餐牌是其實都有d 擔心， 咁唔專一， 又有芋圓、又做蛋糕又waffle , 成間茶餐咁嘅？ 但諗住試一次啦， 叫左碗大 (因為未食早餐。。。 點知真係錯， 唔應該咁放心。黎到，waiter 姐姐無俾筷子， 咁就唯有自己拎， 雖然全部都係用即棄餐具， 但即棄餐具唔係個個位都有，你隔得開d 客， 就係唔想有interaction 啦， 咁我又要問隔離位拎餐具， 你又唔俾埋我， 咁隔乜野離呢？ 飲第一啖湯， 唉， 錯，無味嘅？ 我仲要叫左大碗， 咁點食哂佢呢？ 個熟牛，係牛腩， 唔係牛肉。。 比較硬， 同埋。。 都係係味。。。然後全程食野都聽到cashier 呀姐鬧人同用唔正嘅廣東話講野。。。 都幾影響印象。好浪費食物囉。。。 咁大碗粉， 仲要無醬料落， 個蒙粉汁都係淡都偏酸嘅， 幫唔到咩忙。。。 快快趣食完走， 唔會有下一次…查看更多

難得去葵涌廣場想搵d 好野食， 上openrice 睇comment 發現呢間好似幾唔錯， 點左一個辣雞面 同辣雞尖辣雞面其實無乜特別， d 雞好麻辣，但估唔到好戲係雞尖度。。見佢色水咁深諗住起碼都有剛剛個麻辣雞面嘅水準， 充電期待，點知一入口竟然咩味都無，只有辣味。。。繼而再湧出黎嘅係雪味。。。omg.... 開始懷疑自己食緊急凍屍體。。然後整個冰鮮畫面湧入腦海。。 究竟呢盒野雪左幾多日？因為我order 中辣，係好辣， 辣到咀都痛， 但真係零味道。。…查看更多

今次唔係第一次黎食， 第一次都係豬手飯， 實在係好味。黎到係2:10, 店鋪依然有7成full. 坐低好快有人招呼， 上菜快， 豬手飯$58, 價錢喺銅鑼灣區叫中規中矩，份量夠食，唔會食完唔飽。豬手淋，夠味，配汁食一流，因為酸味減輕左豬手嘅肥膩感， 肉同飯嘅比例ok, 再加少少鹹菜，白飯唔會無野送。因為太肚餓，我今次配左個菜 再加杯野飲+38 配菜， 再+10 龍眼茶上到枱真係豐富到爆， 又菜又肉又有飯，菜唔老，亦唔會太鹹， 有少少辣， 我食得辣，可以再辣d。龍眼茶唔太熱， 岩入口，亦唔會太甜，飲落舒服， 岩哂近日口喉有少少燥。3樣野食哂真係有d 飽到反艇。。。 最點係， 3樣加埋， 再+10% 都係$117比前幾日食同一條街嗰間越南野好70% 最起碼貴得黎，食得飽！！ 老闆熱情，員工都有禮貌，唔錯嘅食店～ …查看更多

又到搵lunch 嘅時候， 本身想去食泰國豬脾飯， 但行經見佢新開又似好好味就行左入去。點左個順化牛肉河、加蝦餅、再加咸檸七， 先唔講好唔好食， 淨係咁樣加加加， 已經心算over $120, 黎到嘅時候，一撩個粉真係嘩左出黎。。真係無誇張， 就得呢一住， 多都係， 應該幾口就食完，但盛謂$78 真係好o 咀。粉其實係米線， 牛肉係好食， 但相都睇到， 非常咁整之薄， 札肉亦都一樣， 好比火腿嘅厚度。。。。 然後到加左$22 嘅蝦餅， 無特別、無驚喜食哂碗粉、蝦餅， 再飲哂成杯野飲都只係勉強飽， 真係。。。 賺錢都唔係咁呃秤法。。。女子一個都唔飽，試問男人點會夠食？？最黎所有野盛謂$127 唔飽仲要咁貴，又無特別。。。。 銅鑼灣咁多粉面都好過佢， 絕對無下次…查看更多

前排睇到fb 嘅介紹，撞埋呢排都經過第一城就特登黎試下， 但完全無fb 介紹咁驚為天人。幾個菜都好普通，口水雞更係唔掂，無味、唔辣亦唔香老上海炒隻唔錯蔥油撈面 無味係個家常煎餅最好食 但為煎餅黎食飯就無謂了…查看更多

某日心情不快經過灣仔，想食泰國野開心下，openrice 左一下見到呢間有船河食，就行黎試下，果真雖然當時已經係下晝2pm 幾， 但仍然有7成滿，仲要係鬼人多，就知道應該有d 料子。雖然坐低見$128一碗野，個心係有點嚇一嚇， 但既然黎到又見咁多人推介就order 左碗船河，跟手要多個通菜，set lunch 係跟杯普通冰茶/奶茶， 但由於心情唔好， 就豪$42 轉杯lychee lemon grass soda 黎開心下。order 完已極速黎左杯soda, 係好飲嘅， 而且支lemon grass 仲可以用黎篤lime.. 幾好嘅設計。主角同菜都好快上左枱， 船河真係無令人失望，個湯好濃， 有金不換嘅香味，唔太鹹，食落仲會有少少甜，味道非常適中。面頭嘅炸豬皮增加左碗面整體嘅層次，因為脆口，唔會淨得淋滑嘅粉絲口感咁單一。粉絲幼細，有d 韌度，吸左湯真係好好味，但就略嫌份量少左d, 如果我無叫菜，可能會唔夠飽。牛肉係和牛， 都食得出牛味同淋滑，但份量亦同樣。。少左d... 以$128 一個set 黎講， 佢個整體份量相比佢嘅價錢都仲係幾貴，不過滿足度係100分。我亦食話九龍城 兩間唔同嘅船河，Samsen 係比泰國鋪更好味！唔會得死鹹同過多魚露，食完唔會超口渴。通菜普通，唔係好夠味，偏淡味，要夾船河嘅湯黎食，可以不order。…查看更多

銅鑼灣兩間榮記都食過， 但係真係覺得呢間好食d, 佢個腩汁真係好好味， 牛腩﹑牛筋﹑牛肚﹑雞尖又淋又入味， 墨魚又爽， size 岩岩好唔會太長， 湯面自動加入少少菜平衡下，感覺非常好！辣椒油夠辣， 試過加錢食麻辣/ 辣咖哩， 真係好辣……不過外賣嘅擺放真係要小心d, 早兩日買外賣， 塊紙皮太細根本承唔到力， 連下面個蓋都壓爛埋， 紙皮又入哂湯度， 好污jo 都唔知食唔食好:(…查看更多

之前成日聽同事講口水雞口水雞， 今日終於都去試食。鋪頭門面細，行過左都唔知…一入到去， 見個個堂食嘅客仔都一碗碗紅油咁， 就知道呢間都係食辣之人的選擇。$50一個口水雞米線， 喺上環區其實都唔算好貴， 碟雞都唔會太細， 又夠味。不過碗面就淡d, 無左麻辣同酸， 所以應該撈面係正d座位一d 逼架勒， 而且食口水雞嘅人好多， lur 骨嘅人亦多， 而且唔係人人食野都有manner, 周圍吐都幾不雅………查看更多