kingleeboy的個人專頁

呢間嘢簡直就係呃Q人！求其喺網上面偷啲圖，又話係新鮮吊籠現切！簡直笑話，求其攞啲牛冧肉切咗片，醃一醃又話扮吊龍，食落仲有渣添，根本就係以前啲鮮牛麵咋嘛，真係食到火都嚟，唔係幾多錢嘅問題，係唔值70幾蚊㗎嘛，真係諗住舉報海關，違反呢個商品說明條例啊！❌❌❌，雖然你話旺角區做遊客生意啫，但係人哋都食得出㗎嘛，個個人傻仔咩，即係你好好地賣你嘅牛三寶，咪好囉！仲有啊，啲廚師係講國語㗎，都唔知係咪黑工？同佢反映佢竟然話唔知喎，仲話係半成品添，激到火都黎！都舉報下入境處先。…查看更多

《完全窩心的對白》叫左個燒鵝雙蛋飯凍咖啡$79，上到枱師傅用雙蛋遮住啲燒鵝，夾開啲蛋，果然不出所料，大部分係皮，得三兩舊背脊肉，心諗送飯都未夠！唯有出絕招同其中一個男侍應講，我想加$12轉鵝胸（其實係借啲意話佢聽，碟飯冇肉），個男侍應見我冇食過，一手想拎去廚房換。個女經理真係好醒、好叻，一嘢就制止左佢，話唔好將碟飯拎來拎去，唔老黎！又口中唸唸有詞：人哋成$80食碟飯，得果兩舊肉，全部皮，點食之類！哇！妖，完全窩心的對白！妳堅好嘢，我近年在香港已經好少見，能夠同客人同一角度睇嘢，將顧客放第一位，真心少之又少！反而同客人講：一百幾十蚊，你想食咩就好多！最後：有斬返一小碟凍肶俾我，很讚！凍係凍D，但心意是暖的！☀️…查看更多

個飾櫃啲麵包同蛋撻，以呢個檸檬撻係最吸引，真係忍唔住買咗一隻．滿心歡喜的我，完全被它外表所誘惑，一啖咬落去，松泡泡，原來係椰撻底，完全睇唔出，好嘢咁都俾你呃到！檸檬係合成品，用啲檸檬汁整出嚟，完全不是那一回事！都是外貌惹的禍😂😂😂…查看更多

嚟到太和叉電，真係諗唔到有咩好食，於是乎蕩下蕩下去到呢間細蓉記，佢係食雲吞麵、點心嘅，不過見到隔籬枱有人叫咗個下午茶，40幾蚊雲吞麵，得嗰三粒細細粒雲吞，啲面又唔多精神，梗係唔叫啦。睇完個下午茶餐牌，都唔覺得有啲咩好食，冚嘭唥都40幾蚊，有時都唔係錢嘅問題嘅，要睇吓啲嘢食，值定唔值囉！最後都係叫咗焗嘢，焗芝士肉醬意粉，諗住一定穩陣啦，點知都唔使5分鐘就上咗嚟啦，有冇焗到㗎？一啖食落去，點解會有渣嘅？仲有啲筋嘅物質，於是乎睇真啲，原來係牛腩啲筋，咬唔爛嗰部份，我妖呀！竟然用賣唔晒嘅牛腩剁碎做肉醬，再嚟啲意粉一食落去，冇咬口不特止即刻溶嘅，煮到過晒火喉，杯奶茶就更加唔使講啦，剩係得奶味冇茶味，零分😅⚠️咁都唔執笠，因為開係屋村位，難為晒啲太和邨民了😵‍💫…查看更多

我久唔久都會嚟呢度食下早餐，因為佢有燒味瀨粉，之前嗰個師傅乜都到晒落去，當然就淋晒啦，今日唔知做乜嘢轉晒死性，竟然幫我分碟上，叉燒又夠淋，燒肉又夠脆，極有可能換咗個師傅！總之今日係好評😎😎😎之前我都有話過佢嘅，成日俾埋啲雞頭雞尾鴨頭鴨尾，用來做早餐！我有講過都三十幾$40 㗎，唔可以馬虎，結果真係有改善，咁佢啲燒味朝頭早係靚嘅，杯奶茶都OK嘅！最好都仲係舊叉燒，真係同周星馳裏面嗰舊有得費㗎，希望以後次次嚟都係啲舊啦😅…查看更多

早餐當然去到邊就食到邊，車泊邊度食邊度。咁岩見到大埔道有位，入去試吓啦⚠️叫咗個西式牛扒餐，賣相原本都唔錯！叫阿姐比一杯水嚟洗吓啲刀叉，都好似唔係好情願，又冇紙巾提供🙄，呢一點就唔合格啦，疫情剛過去，點都有啲嘢提供下抹下啲嘢啩🥹！由於肚餓即刻試吓啲牛扒，要成口梳打粉味，又冇汁！有種反胃嘅感覺，於是同阿姐講，佢都費事睬您！香港果然係咁嘅態度，只係鍾意好評不接受差評！冇計，由於肚餓，叫多一碗淨面，試吓將牛扒嘅梳打粉味，掩蓋！結果當然係唔得啦，$63就咁食咗個好無謂牛扒餐😞錢都唔係一個問題，主要問題係，啲餐廳都唔願意接受意見！…查看更多

凍嘅！塊牛扒⚠️間嘢冷氣就凍呀，天氣熱入黎分分鐘感冒，溫差大呀嘛🤧諗住食過熱辣辣嘅午餐，平衡返個溫度，點知塊扒嚟一切，凍嘅！咪叫個經理咪同佢講囉，佢話可能水吧煎定咗幾塊喎😴跟住就行咗去㗎喇，冇再同我處理㗎喇！$63個午餐話知你食成點啊？🤨肚餓都冇計啦，都要夾硬食埋佢！難怪香港啲飲食業越嚟越差啦，廚師差，出品又差🤓服務更加只係差！🙄🙄跟住去個廁所小便，男廁壞咗只可以入女廁，壞咗都唔整⚠️…查看更多

見呢間幾多人,又試下,因為其他幾間都食到冇咩好揀!我係俾個餐牌吸引到,見到名為黯然消魂煲仔飯,所以好奇之下試下,因為其他幾間來來去去都係雞啊,排骨啊,臘味啊,有D厭倦了!更何況星爺食神里都有,比較下又何妨!點左10分鐘到啦,就有得食啦,今日唔知點解仲有碟泡菜送喎,唔好理咁多啦,食左至講!佢地用既唔係叉燒,而係用炭燒豬頸肉,正!好過用叉燒添!隻蛋剛剛熟,蛋王的香流入飯,顯得錦上添花!飯飯一粒粒,有咬口,應用的是泰國香米,飯味唔錯!再試埋唔駛錢既泡菜,簡直係想好似嘉燕姐咁流眼淚!不過問左店員啦,原來老闆去完韓國旅行,泡菜只送一次,下次係冇既!唔怪得D泡菜咁韓味,不過唔緊要,下次會約埋D朋友黎,因為呢個黯然消魂飯成條廟街應該得佢地有!…查看更多

食完煲仔飯去到源記喳咋食個飯後甜品,緊係點返招牌甜品喳咋啦,果然好快咁有一碗熱辣辣既喳咋!食咁間喳咋都仲係源記好d,因為料多營養好,冇得頂!其他品種我都好少食,下次可以試下其他囉....…查看更多