口廿田的個人專頁

一個月去左 2 次漁民，一次雞煲一次粥底首先，上月生日想食雞煲，想唔限時又坐得舒服就想起漁民先來一隻雞煲，食到咁上下再加湯打邊爐，雞煲好惹味火鍋配料好新鮮, 睇相唔多介紹，但係要介紹下個蝦餅，新鮮炸彈牙同埋炸魚皮好脆，唔係現成一袋袋硬身個 d 再黎，琴日去左食粥底火鍋，$218+10% 7 款海鮮加點餐紙 5 種火鍋料，之前見人介紹已覺抵，親身試埋，係真係抵不過，可能白粥水底, 烚出來既海鮮有 d 淡，精華去晒個粥入面，所以要留肚食粥呀…查看更多

早幾年食過尖東個間，成日都好想再去試見黃埔有間 openrice 訂檯有 85 折，抵丫，即訂食物不過不失，只可以講好食同抵食過 pizza hxx湯唔夠熱三種唔到味既春卷，普通肉丸好食意大利雲吞，好好食意炒，辣辣地，好食，蝦彈牙，但清楚可見係無挑腸pizza, 好食牛排沒特別，反而薯條好味豬仔骨，ok ，無乜特別呢 2 款都無 85折甜品tiramisu 就係旦糕，醬，旦糕，可以不吃Brownie 玩雪糕，好食既，正常既甜品…查看更多

首先要講 食物係好食，員工服務有禮貌，但落單係有錯漏既😅未齊人先叫 2 款小食黑松露薯條，炸得好好食，黑松露味濃水牛雞翼 ，就係水牛雞翼味，無特別驚喜海鮮袋，最小要叫 3 種海鮮再選一個汁，店員來到會 shake 幾下再幫忙打開個袋，好香，煮海鮮個個汁好好味，蟹肉好甜，d 蟹腳都好多肉，不過因為個汁，大家一致覺得蜆係最好食題外話，當晚我地叫左 king crab (1kg)，波士頓龍蝦，蜆打開之後都奇怪點解有 2 隻蟹，我地仲講唔通隻蟹唔夠重比多 1 隻？ 😂😂原來錯左單店員之後夾走送錯左既蟹換返一隻龍蝦出來，唔好睇佢無入袋 shake 幾下以為差左 d , 其實我覺得咁仲好食，好蒜香味，啖啖肉香草包用來點汁時一定要搞幾下個汁先點落去，如果唔係只會吸左面個層辣油😓個生蠔係落左單再追先送來，每款都係 $52 一隻，因我唔食蠔，所以唔多介紹甜品，棉花糖下面係朱古力醬配麥餅，鍾意甜食既人一定好鍾意…查看更多

早排朋友同我講係尚善食左條赤陸魚好好食赤陸魚？未試過喎咁岩朋友生日，就約佢去試啦朋友平常要照顧小朋友，去到睇餐牌樣樣都想試如果叫一條魚怕試唔到其他，問下店員可唔可以好似刺身咁散叫，又得喎先黎雜錦刺身，機本上就係想食乜叫乜再放一個盤入面最右下邊就係赤陸，係堅好食喎，最後要叫多件壽司再試真 d 😆成個盤基本上睇光澤都知好新鮮，唔洗多講，正！個海螺係店員介紹，佢話佢地公司海鮮係每日新鮮運到，咁岩個日有返海螺，又叫個試下，爽脆，有小小甜味因為有小朋友，叫左冷烏冬，鰻魚同和牛比佢地，大人心態等佢地食飽再執佢地手尾，點知清晒，我地要叫多碟壽司😂😂本身有件旦壽司，未影相已經係小朋友個口入面😅最後餐廳送左時令生果比我地，甜到 2 個小朋友食晒總結，以食物質數同價錢來講，絕對値得再去！…查看更多

今年爸爸生日碰正星期五又近年尾公司團年，好多地方都唔係唔比訂檯就有限時，所以搵間坐得舒服又唔限時既餐廳慶祝 我地叫左 4 course, 由飲開始到甜品，大家都好滿意最後餐廳知道我地係同爸爸慶祝生日，仲專登送左碟用生果同macaron 做成既生日碟比爸爸吹蠟燭，多謝😄是晚頭盤有牛肉他他, 唔識形容味道, 就只知好好味。 鵝肝, 正常味道, 有油香味杯蘋果味啤酒, 讚呀 ! 湯 松露湯正常味道, 都係個種味, 好味既, 洋蔥湯有驚喜, 甜呀! 湯面塊芝士食完真心想再問可唔可以加多件, 好好味 。主菜牛柳配大蝦, 個蝦好得, 有驚喜豬柳,  個女仔介紹係先慢煮再煎, 好肉汁, 個人覺得好味過牛  …查看更多

生日月朋友請食飯由我話事，我呢d 唔熱氣唔食既人梗要搵D 唔係燒就炸既餐廳啦😂串燒，真係即叫即燒，出來全部熱辣辣芝士薯條，好味呀，新鮮炸出來再加芝士焗，食多盤都得呀…查看更多

沙田呢間school food, 新開時等位等到呆，入座限時 75 分鐘，好趕餐牌只得飯年糕麵，味道唔差但人多叫食物就會有d 悶, 最好味烏卒卒，另外年糕同炒都都好味，因為本身自己唔食辣，所以覺得好辣，其他不過不失啦…查看更多

食完譚仔三哥路經隔離甜品店剛試業，膽粗粗開門入去問係唔係可以坐底， 我地 6 個人叫左 9 款甜品，好味喎，有驚喜最鍾意牛奶拖肥香蕉窩夫，個窩夫唔同平常食既格仔餅，原來叫比利時列日窩夫，好味！…查看更多

盛記，由細到大都知道有呢間麵店，但從來唔知道原來有火鍋，因朋友facebook 放相先知，第二日即訂檯試下第一次去叫醉雞湯底，嘩！好似以前成日返深圳食個個味，濃酒味，甜！第二次叫蘋果豬骨，又係好正，狂咬豬骨第三次 番茄薯仔豬骨，濃番茄味，正！下次，應該會叫胡椒豬骨湯底，期待....…查看更多

見朋友食過讚好又有生蠔又有泰生蝦就去試， 原來生蠔係要同餐廳facebook 做朋友先每人送一隻，泰蝦就每人加$20 任食雖然限時 2 小時， 但上食物快，所以一小時已飽食物不過不失，炸大腸有驚喜魚生除左第一碟冰上既好食之外，再叫既完全不同，第二碟變左細細隻無頭甜蝦，三文魚薄左熱食大致上 ok, 出得快都夠熱…查看更多

唔係第一次去尚善，但就第一次試午餐星期日路經上環搵食，記得朋友話午餐好抵食好抵食，打電話去問原來星期日都有午餐定食，咁就上去試下啦我地叫左牛肉定食，壽司定食同海膽三文魚子定食，全部都好味。12件壽司加埋麵豉湯蒸旦都係$260，全完係連鎖壽司店價錢，高級壽司既品質，好新鮮好正！個海膽魚子飯，大大件海膽 +三文魚子+ 飯放入口個一種好滿足既感覺，但係食到最後唔夠飯配魚子時覺得魚子略略略咸走時見隔離檯剛上魚生定食，我即時嘩左出來、大盤魚生厚切好吸引，仲有西京燒銀雪魚都好吸引，下次下次一定一定要試！…查看更多