CCKKWONG的個人專頁

同成班朋友gathering 朋友叫咗poke go嘅到會真係有驚喜! 估唔到係迷你版poke bowl (雖然係迷你版 但係份量都好夠😋) 仲要可以試多幾款 堅正👍🏻 佢仲要提供咗好多唔同款嘅醬同配料俾你配搭 感覺都幾新鮮 自己就最鍾意嗰個wasabi蛋黃醬 同埋個是拉差沙律醬(唔肯定個醬名岩唔岩😝) 佢仲有其他唔同嘅小食 個人好少食炸物 所以炸嘢冇試到但八爪魚好好味👍🏻個Mac and Cheese都唔錯第一次食呢類型嘅到會😂推介👍🏻唔使再食菠蘿腸仔咖喱角🤣 試吓啲新嘢唔錯唔錯 下次會再叫😬…查看更多

本身我係去砵蘭街地舖嗰間AMOUR CORNER因為我係open rice係search扒房搵到嘅點知去到就無位佢就叫我地行兩條街去佢嘅分店話係一樣嘅 即係4樓呢間我叫左個二人餐三百幾蚊既見到佢有頭盤沙律主菜甜品 都幾吸引估唔到個沙律...唉! 都係唔好提講主菜，我叫左份美國西冷牛扒五成熟唔知係我見識少定係點嚟到嗰陣我切開裏面係白色嘅唔講重以為係豬扒 都算我叫嘅係五成熟 基本上佢係整到全熟食落去仲要勁"鞋" 可能你會話三百幾蚊係咁上下啦仲想點啊咁可能係我期望太高啦 我錯!我主要係黎食扒嘅 但係你比啲咁嘅嘢我食 真係極度失望雖然佢環境其實算唔錯 張沙發又幾舒服但係食咗啲咁嘅嘢我係極想快啲走囉可能地舖嗰間嘅質素同樓上舖呢一間係真係有分別 但係我應該唔會再去試! P.S. 鵝肝多士同肉丸都算OK…查看更多