friesholic的個人專頁

其實由佢得尖東一間果時已經好中意去食，大確半年前旺角都開埋，超開心以味道黎講兩分店都差唔多，但論服務態度，旺角分店係絕對比尖東優勝，而且落單姐姐好似係台妹黎，更有親切感！基本上每次黎都會必點呢樣！呢碗可以話我係香港暫時食過最好食嘅滷肉飯滷肉唔會太肥膩，啲汁亦都好正，撈埋啲飯真係超開胃。如果女仔唔太大食，可以單點呢個，已經好夠飽，又抵食！牛肉唔會話好韌，湯底好惹味，麵質又適中，再加埋啲酸菜，超正！！…查看更多

早排成日見到好多人介紹呢間野，今日終於有機會黎試下。星期日嘅下午，仲以為會好多人，點知完全唔洗排隊，有啲surprise。除左原味梳乎厘班戟之外，仲有幾款期間限定，大部分都係40蚊有找，以價錢黎講，的確係吸引嘅！而我就揀左香蕉朱古力味，第一啖擺落口，已經超失望好似食緊風咁，同埋完全冇蛋味，加上啲cream搞到個班戟好濕。今次係第二次食梳乎厘班戟，好彩唔係第一次就試呢間，如果唔係應該以後都唔會再想食同類食物！…查看更多

由於見到佢有不同時段收費，所以book左七點鐘，以為佢會照計1800-1900果個時段。點知六點十去到，職員話已給勁要計下一個時段，理論完一輪，佢地都肯計返平啲果個價錢。其實食物款式真係唔算多，特別係雞類，連雞扒雞軟骨都冇得燒牛係多選擇，但大部分都唔好食。個人覺得呢碟雪花牛仔肉算係最好食最有牛味，但朋友都係覺得一般。熟食有炸雞、炸魷魚鬚、韓式粉絲、年糕等等，味道都係一般般，特別係炸雞，好似有啲雪味咁。最後每人可選一樣甜品，建議揀返雪條，因為西米露非常淡！如果比得呢個價錢，相信有唔少更好嘅選擇…查看更多

成日經過都發現唔到有呢間餐廳，原來隔一條街又有另一間分店，開頭以為menu應該一樣，但比較返，呢間分店應該係貴少少。同想像中嘅酸忌廉有少少出入，反而覺得似係蛋糕啲cream多啲，而且又夾左少少檸檬嘅味道，同薯條唔係甘match。扒有啲韌，味道亦唔太突出。好有驚喜。開頭以為飯餅一定好乾，但食落口發現係外脆內軟，口感非常好 又唔會煎到好膿 南瓜汁mix埋啲芝士都好正 雖然係南瓜飯，但又唔會整到好甜。唯有要挑剔嘅就係入面太多青豆了，對於唔中意食青豆嘅人黎講會係一大缺點超級甜！！而家冇乜朱古力味…查看更多

預早一星期訂位，訂位時候職員已經表示用餐時間只有1 小時15分鐘，對於聚會黎講，未必係好選擇，實在太趕了。咖哩忌廉牛肉烏冬 - 咖哩味非常膿，mix埋啲烏冬感覺好smooth,而入面啲牛肉都幾好食。香辣忌廉雞肉炒麵 - 完全唔特別，得個辣字。唔食得辣嘅朋友真係唔建議叫。吉列牛定食 - 十枱有九枱都有order呢個set。牛肉算幾嫩口，就算燒得耐左都唔會覺得好韌。不過就真係冇乜牛味。原本expect佢會係脆脆地，但原來唔係。整體黎講味道唔算好特別，亦冇乜驚喜。但價錢尚算合理，一試無防！牛油蜜糖單骨雞翼 - 唔推介！好似就將啲蜜糖袋落去甘，雞翼完全冇味，冇葉過。係全晚最差的食物！秘特蛋卷- 入面有啲溶溶地嘅芝士，好好味…查看更多

Lunch時段嘅鰂魚涌，唔理係好食定唔好食嘅餐廳，都一定會大排長龍，呢間都唔例外。大熱天時，仲要等齊人先比入香酥雞扒麵 - 雞扒一般，炸粉比較厚而且冇乜雞味。個麵贏在有啲肉燥係度，亦都有粗同幼麵揀，不過麵質略微淋咗少少。份量適中，岩岩夠食。招牌乾燒牛肉麵(辣) - 牛肉幾嫩口而且好入味，比雞扒優勝幼麵比粗麵好味，冇煮得甘淋。呢個價錢，係同區午市時段黎講算係適中，味道可接受，最重要嘅係同區真係冇乜同類嘅選擇。…查看更多

去完朋友喺屯門嘅屋企後，去左附近嘅龍門居搵下有咩食，見到呢間餐廳有超多選擇，而且價錢唔貴，所以就入去試下。其實menu真係有好多選擇，焗飯、鐵板餐、撈丁、湯粉麵、韓式食物、小食，甚至甜品都有得揀。我同朋友都掙札左好耐先諗到食乜，因為大部分都幾吸引。最後我地揀左卡夫芝士雞扒黑椒撈丁、忌廉粟米龍脷柳撈丁、流心奄列芝士魚柳飯同埋鹽酥雞。當食物未黎之前我地仍然充滿期待，點知。。。卡夫芝士雞扒黑椒撈丁 - 呢個嘅味道係普通到唔普通，而且塊雞扒一啲都唔嫩口。忌廉粟米龍脷柳撈丁 - 叫之前有問過侍應呢個撈丁有冇芝士，佢話有我先叫。但食落口係完全冇芝士味，而且連粟米味都冇乜。但塊龍脷柳好大，仲要有兩塊，如果只為填飽個肚，都可以接受。流心奄列芝士魚柳飯 - 奄列冇流心，同一般屋企嘅炒蛋冇乜分別，魚柳有啲燶，芝士都係冇芝士味。鹽酥雞 - 伏中之伏！一黎到我同朋友們都嚇一嚇，點解會黑色賣相特別，食落口重特別，點解會有糭味嘅可能係特別既煮法，但我都係接受唔到原本諗住叫甜品，最後都放棄了，唔想再中伏。…查看更多

甘岩見到有人推介呢間餐廳嘅薯條，所以就黎一試。餐廳裝修佈置都好簡單，座位亦唔算多，星期日中午黎都唔需要等位。今次點左一份薯條、芝士煙肉荷包蛋包同檸檬梳打 ，全部單點，冇套餐。首先講個包，係脆豬仔包，超級鬆脆，而入面嘅蛋、醬同埋煙肉都好配合，特別一讚係佢既煙肉，好厚身口感好好👍🏼由於入面嘅餡太豐富，個包要分開食先食到，同埋食完都已經幾飽。至於薯條，外形雖然冇乜特別，但食落比一般薯條脆同埋重薯味，而配薯條個醬亦都幾特別，$38都幾抵食。唯一美中不足嘅係杯飲品，成杯都偏淡，比起平時飲嘅檸檬梳打，呢間的確係沖得麻麻，唔知係咪因為佢地主攻咖啡呢！…查看更多