WINNIE.M小姐的個人專頁

【九龍灣新開日式洋食店，終於有新嘢試喇！】好彩我同同事妹妹12點就落去食，一過12:15就即刻好多人喇，就算座位唔少都要等位。Menu都幾多選擇之餘而且價錢都幾親民，我哩個係”唐揚雞咖喱飯定食”份量都算多、夠食有凸，啲雞嘅皮都幾脆、甜咖喱配珍珠米係絕配😋如果可以再熱啲就好啦！整體上都係一間可以encore嘅餐廳。食店最早開8點，下次再去可以食早餐添吖！…查看更多

之前嚟過一次，不過因為上次要等位所以最終冇食到😣今次終於可以食到啦！！店舖座位唔多，午餐時段多人就要等下。店舖內嘅餐單選擇都幾多，我選擇咗”香草檸檬蝦意粉”好驚喜～終於可以食到一個係超級熱嘅意粉，唔係微溫熱少少，而係全熱；意粉嘅配料多（菇同蜆肉）、隻蝦算大隻，蝦身實淨但好彈牙、檸檬味唔搶，香草加埋檸檬味唔係清新嘅味道，而且惹味嘅口感！而且價錢算親民、包埋飲品，整體感覺好正！又一可encore餐廳！❤️🧡💛…查看更多

某日碌碌下IG見推薦，又喺觀塘近我，就即刻約Fd試一試佢，果然冇揀錯。Book咗位，6:45去到時都仲未算多人。舖頭內嘅裝潢幾有復古feel，2個人坐梳化位舒服得來又唔迫。·試咗佢個西班牙黑毛豬，嘩！黑毛豬超級肉軟多汁，肉同脂肪比例平均，啲皮又脆脆地，好好味！不過酒鑲雜果就唔太覺有酒味，甜甜地咁。另外，原來滿200蚊送個魚餅，都好正，外脆彈牙！哩間係絕對推薦同可encore，下次想試埋佢個封門牛呢😋😋…查看更多

失望，餐牌個樣就好似好靚？但嚟到之後個實物富士山飯係有啲崩壞，而且一啲都唔熱。醬汁我揀咗栗子南瓜汁，但味道好淡，幾乎冇乜味咁😥比較好食係個小前菜、素豬扒同焗焦糖西米布甸甜品，素豬扒個皮都夠脆，而且啲餡都多、口感幾豐厚；西米布甸上面啲焦糖幾平均。同埋好在花茶唔使加錢，不過唔會有下次。…查看更多

去完中環街市行完，因為嗰度啲餐廳太嘈所以就決定出去食Tea。然後就喺Google Maps搵到EverShine Cafe😋雖然地方唔大，但係真係勝在好寧靜、好舒服、靜靜地傾吓計好正！餐牌上面嘅菜式都會寫晒卡路里、蛋白、碳水化合、總脂肪，好適合啲鍾意食美食但又怕肥嘅人🤣．．．鹹蛋黃羅勒雞翼-好香蛋黃味，鹹蛋黃醬唔多，咁樣反而唔會令雞翼得個鹹字，而且即整即上熱辣辣好正！香煎比目魚配檸檬牛油汁伴意粉-意粉麵條煮得爽口，檸檬牛油汁嘅比例很好，檸檬微酸嘅口感令整個意粉味道好清新。比目魚煎得好靚至金黃色，而且肉質非常滑！**絕對推介去食啊～**…查看更多

喺尖沙咀食完晚餐，過咗嚟K11諗住食甜品，企喺個水版面前即刻俾佢個疏乎厘樣吸引咗，就食佢啦！其實價錢都偏貴，不過當試下。哩個疏乎厘雖然只係微溫，但質地卻好香好軟好滑，配合蘋果同雪糕又唔會太甜喎，只係冇pat cream就仲好！另外一個根本就係pancake形嘅Tiramisu，但係都做得好味😋中間嘅cream同蛋糕好均勻。值得推薦去食呀⋯⋯…查看更多

整間屬於乾淨整潔嘅白色牆身我哋一行四人差唔多4:30先去到，好彩完全唔駛等之下就可以入坐。店舖座位與座位都很闊落，所以坐得好舒服！黑松露忌廉雜菌意大利麵: 賣相不俗，醬汁係屬稠身同creamy，意粉內嘅雜菌同黑松露碎都算多，但黑松露味卻不濃。整體上係好味！另外，點咗一個特別嘅飲品叫”雞尾酒生果茶”但飲落完全冇雞尾酒味🤣反而係似蔓越莓味。不論係場地、服務態度定食物質素都係完全可以接受嘅程度，想嚟觀塘文青Cafe chill一下嘅可以考慮呢度😊…查看更多

諗住去九龍城搵間Cafe食下飲下hea下，點知搵到好嘢😋😋係九龍城嘅高質小店不嬲知道九龍城係無論何時都咁多人，我去到嘅時候前面都有兩位等緊，不過好好彩我都唔算等咗好耐，而且安排我坐喺bar枱位置，對住咖啡師哥哥🤣「波甚·Blossom」我覺得好推薦鐘意咖啡嘅朋友們，有好多專業嘅器具，而且店員好樂意介紹咖啡嘅種類。這款咖喱定食是湯咖喱，所以完全唔係日式嗰種甜咖喱，落到喉嚨會有一丁點辣，但成個感覺好順口，口感我會形容為輕咖喱，口腔氣味唔會好大負擔，與漬物及配料嘅配搭亦都非常夾。食完咖喱最後食蜜瓜，又會有種清新嘅口感。推薦一定要食Tiramisu、一定要食Tiramisu、一定要食Tiramisu；用咗House Blend Espresso、Cold Brew、Dark Rum同咖啡酒去浸手指餅，配搭Mascarpone Cheese、雞蛋等，口感軟滑香濃，店員話有時落Dark Rum時重手咗，不過我今次食落覺得幾均勻，超好味！…查看更多

出開元朗做嘢，冇理由唔趁機幫襯黃店嘅，所以去咗”初心”，我係較早嘅時段去，所以唔使等就入得；店內座位唔算好多，但闊落，坐得舒服！胡麻雞肉意粉😋新鮮熱辣即叫即整·意粉沾滿又香又濃嘅胡麻醬味，但嗰種濃又唔會令你覺得好Heavy好重口味；而口感結實嘅雞肉則加咗黑胡椒作調味。雖然”初心”唔係專做咖啡，但尚可接受，口味偏(小)苦。·個人覺得性價比都高，食物有水準之餘，而且午餐免加一又唔貴！…查看更多

原來喺荷里活商場都開咗新分店，不過都等咗幾耐下。「黑松露野菌意粉」醬汁多而且好Creamy，醬汁+芝士粉+蛋黃+香料+菇菌一齊食嘅口感好豐富，不過我覺得反而掩蓋咗黑松露嘅味道🤔🤔重Creamy所以食完都飽咗一半😅「燴雞肉蛋包飯」試咗一舊雞肉同啲醬汁，醬汁好濃味，雞肉煮得好冧，幾好！「5款玉子串燒」玉子燒整得好，仲食到一層層嘅口感；配搭玉子燒上面不同嘅配料，我就覺得最好味係第二嗰個配搭(由右至左數過去)。個人覺得食物價格屬正常價位，擺盤亦都幾靚👍🏽…查看更多

難得咁啱有機會去尖沙咀，當然要試吓嗰度嘅出名黃店啦！因為舖頭座位都比較少，所以去到嘅時候都要等一陣先入到去，不過好彩我哋去嘅時間比較晏，所以都唔駛等好耐。試咗熱門嘅”黃金蟹肉軟殼蟹意粉”；首先軟殼蟹炸到好脆，意粉嘅醬汁多但唔會太稠。每一啖都食到蟹肉同黃金(即蛋黃😆)，整個意粉食落嘅口感係喺同一件事上面，唔會意粉還意粉，醬汁還醬汁，料還料咁！不過冷氣比較大，食物好容易就吹到凍😅而美式咖啡嘅啡與苦味均勻且不酸，好飲！(啱我的口味)仲試咗另一樣熱門嘅”九宮格多士”；盲猜果jam大賽😂應該係有：雜莓、肉桂蘋果、丁香香橙、蛋黃菠蘿、芒果。佢哋舖頭仲有果jam賣㗎，最後入手咗”蛋黃菠蘿”果jam😋😋…查看更多

九龍灣飯腳團終於成團，第一站去咗”一冰廳”；午餐時間好多人要等，但好彩都唔係等咗好耐。食物質素有驚喜喎😋呢個蝦伊麵，蝦都幾大隻，記得食嘅時候要撈勻啲汁，唔係麵會乾身。粟米忌廉湯通粉，湯底粟米忌廉味濃郁，而且湯底唔稠身哩個粟米忌廉芝士蛋包飯配原條鰻魚不得了呀，雖然條鰻魚唔算厚肉多醬，但都總算不錯，我覺得個蛋包飯好正，啲飯煮到粒粒分明，配埋粟米忌廉汁一齊食，成個口感好夾又好好味😋一冰廳係九龍灣中有質素又唔算太貴嘅黃店，性價比高！值得再去食吖🤩👍🏽…查看更多

入到去發現，唔單止有日式料理，仲有泰式食物；所以決定嚟個泰日混合。不過食物可以有更大進步空間沙律係一般標準水準，正正常常咁至於牛肉丼其實食落堅有少少似”吉X家”嘅牛肉飯，只係拾月嘅牛味重啲啲本身我哋最期待嘅皮蛋，不過佢上枱賣相差啲，而且蛋皮分離，有啲失望，味道都係標準水準，正正常常咁。聞落係香嘅，不過汁稍為稀咗啲，而且肉得好少。…查看更多

餐廳環境係正嘅，裡面大，有露台可以坐出去，餐廳職員都好nice😊不過期望高於食物真正質素，下午茶價錢都偏貴，自然會有啲期望，我嗌嘅”香蒜白酒海鮮意粉”；香蒜白酒味幾乎係完全食唔出，配料同意粉食落感覺係分開兩樣嘢咁，但意粉嘅軟硬度就煮得啱啱好，同埋大蝦幾新鮮幾彈牙。至於下午茶包嘅咖啡係非常非常濃，濃到苦，要加奶先搞掂(不嬲我飲開黑啡都頂唔到)佢收得哩個價錢，但我覺得食物質素同價錢有啲唔成正比，不太值🤷🏽‍♀️…查看更多

今日陪老媽子喺尖沙咀做完啲嘢之後，去咗The One行街，行到攰攰地見到fifth element menu嘅食物相好似好正咁，所以就決定試下。坐低之後，職員好好地同我哋講個袋可以放住喺隔離先，有人坐先拎開總括都多食物選擇，有飯、意粉、薄餅、小吃、輕食，不過星期六、日、公眾假期就冇lunch Set。一嚟到已經勁香蒜蓉包味，牛舌煮得好淋，而且肉質唔榎歰歰，啲汁又可以點蒜蓉包食。我哩個係黑毛和牛溫泉玉子自家咖喱飯;似7成熟嘅薄切嘅黑毛和牛重牛味，而且個咖喱一啲都唔辣，點醬食都完全唔會搶咗啲牛味。而飯係我最鍾意食嘅珍珠米，撈埋咖喱同溫泉蛋食好好味，不自覺下就食晒啲飯。哩間我覺得服務質素同食物質素都係算小高水準！唯一少少不足就係食物唔算好熱。…查看更多