BEAUTYnBEAST的個人專頁

成日食得打邊爐多，想試下食蒸氣窩，係網上面搵到呢間評價又高又係尖沙咀地理位置咁方便既蒸氣海鮮！一坐低就有前菜上比我地食住先，之後就比左好多配料醬油比我地自己混醬。食蒸氣海鮮唔洗咁多醬油其實海鮮夠新鮮都好好味。食蒸窩最好既係有人幫你計住時間蒸，d野食唔會蒸過濃，真係好好服務！我地叫左個牛肉海鮮餐$428！粥底叫左粟米雞仲加左個黑松露蒸蛋蒸得時間岩岩好，好滑，而且有埋松露既香味配搭！正！跟住4款海鮮都好新鮮，所以我地唔洗點醬汁都好夠鮮味！牛肉入口即溶！梅菜蒸菜心味道搭配好好！粒墨丸仲要好彈牙！最後最緊要食埋個粥底，因為蒸完d海鮮，牛同菜，d鮮味溶入曬係d粥入面！…查看更多

朋友介紹呢間新開既居酒屋，所以放工咁岩得閒就去試一試！一去到見到門口裝修好特別，好富有日本特色！原本店員帶左我地上二樓，二樓裝潢同佢餐廳名雙映，但最後我都係簡左坐黎係樓下Bar台，因為Bar台上面有一個玻璃盤入面放左好多蟹仔好可愛之後店員比左張餐牌比我地，但由於太多選擇，而且店員同廚師都好熱情推介今日新鮮既菜式，所以我地簡左廚師發辦！第一道前菜就係日本蕃茄豆腐柚子汁，酸酸甜甜好開胃！之後炸蟹仔，好爽脆！汁煮南瓜🎃，入口即溶！味噌煮牛俐呢個真係煮到d牛俐咁厚生都好林，食落口勁多汁，廚師話煮左成個晏就！仲有呢個櫻花蝦炸豆腐！必食之選！❤️之後黎既都係燒物，全部都燒得好入味，而且燒得岩岩好！勁juicy最後甜品係自家製水信玄餅:)所有野食我地都清曬，就知道好好味！👍🏼❤️❤️…查看更多

星期日通常都會出去搵食，咁岩開車經過見到呢間酒店餐廳又有甜品食，一次過滿足曬2個願望！晚餐佢有2人餐選擇，兩款燒味再加多一個送，仲要有油菜，2個飯，2個湯，2個甜品！都係百令蚊左右！其實真係幾抵食！味道又唔錯，坐得都算舒服！…查看更多

呢間開左唔係好耐既餐廳，一見到雞煲就想試下，兩個人去食，半隻雞，黎到有點失望，可能因為佢地用既雞好細隻，所以其實骨多過肉！價錢仲要唔係平，但味道係幾好，不過因為太少雞所以都唔會再去食啦，唔抵！…查看更多

食完飯通常都想食甜品，呢間係正大本營對面，馬路邊！食完飯去到都好多人，不過等左一陣就即刻有位坐，叫左個summer同埋一個芝麻糊！價錢黎講仲要都好經濟！味道都ok！食完反屋企都好方便！…查看更多

Lunch time去勁多人排，真係要早少少落去！呢排成日ot勁忙，所以都想食d無咁熱氣既野！所以簡左呢間食，叫左個番茄湯米線！個湯真係好夠濃，同埋番茄有少少酸味，感覺開胃好多！不過真係勁多人食，有時去到等得太耐唯有買外賣！…查看更多

聽同事講過呢間魚生飯好新鮮又好味，所以終於有機會去試一試！餐廳係環上樓，但入到去都好傳統日式簡潔設計！同朋友叫左個魚生飯同一個燒牛肉飯！真係意想唔到刺生食材新鮮，個牛肉燒得好好味，配埋飯食真係一流！…查看更多

Lunch time去到都好快有位，除左熱狗好食之外，個火鴨絲紋米同炒公仔麵都好好味！不過炒野佢地個價錢都算貴，但炒得好香！紋米又夠味唔會太乾，份量都算正常，3個女仔叫2個炒野食都夠食！…查看更多

同朋友去慶祝生日，好彩一早訂左位，因為真係好多人！坐底就出去拎野食，因為食蠔好多人排，所以食左其他海鮮先，之後再去食熟食，係中間仲有得去寫字比佢地畫落隻碟道再加一個心太軟！因為朋友生日，佢地仲準備左一個小蛋糕！服務同食物都好好！…查看更多

一班人做完運動去打邊爐！海鮮新鮮好味！最緊要係成班勁肚餓，叫左白飯會有埋豬油比你去撈飯！真係而家係香港少之有少！雖然咁食真係好fat!但間唔中食下都好爽！另外，如果食得辣，呢道既送菜都好岩！…查看更多

一班人去食飯又想坐圓台傾計方便d，所以通常都會簡食大排檔，香港風味，但係而家天氣真係好熱，放左工大家著住恤衫，都唔想出曬汗咁食！妹記真係一個好選擇，佢既豬手真係好正，其他野食都好好味！…查看更多

專登開車去石門食晚餐，因為見石門開始都好多餐廳！見呢間食評幾好去試下！叫左個龍蝦意粉，同牛扒，等左勁耐都唔到，之後問一問，搞左好耐發現漏左單！黎到份量好細！正常味道，唔特別好食！…查看更多

Lunch time都勁多遊客食，因為想食點心又要快食，所以黎呢間！個酥皮叉燒包係真係幾好食！但個黃沙腸粉得個勁細粒既豬潤！真係唔抵食！加上佢d野食都偏向油膩，所以食少少點心都好飽！…查看更多

Lunch time一去到就拎number先，再拎紙畫自己想食既野，我就唔係好食得辣，但佢d咖哩真係好好食，同埋個湯底好夠濃！價錢中上環黎講都算ok!最緊要係好食丫嘛！😋…查看更多

Lunch time去食，用QR code落單再有架火車仔送d野食到你面前，小朋友睇到應該好開心！不過用車上餐真係快好多！而食物質素都ok，不過我至愛都係軟殼蟹手卷！次次去元氣必食！…查看更多