Kaikaikai的個人專頁

難得一班分散五湖四海嘅老best返來香港，一於選擇外國無嘅放題，食物多樣化人人都有自己岩食嘅嘢，唔洗煩。 網上預約系統非常方便，過程快捷，完全沒有任何問題，當日還有短信提醒，體驗唔錯。剛入座點餐系統唔多順暢，要等差不多10分鐘先成功落單，menu 算多選擇，連榴槤都有。鍋物一般，來到暖暖地，但裏面的牛肉依然7成生，隻雞蛋係全生… 刺身拼盤質素對得價錢，唔要求太多壽司當中，鰻魚特別差，其他由於嚴重漏單，好多款試唔到，卷物完全無來過員工大部分幾好，但收碗碟的阿姐好倒米，一係當看唔到，就咁skip 你張台唔收，一係啲碗汁滴返落野食上面。 然後埋完單等朋友去廁所返來，就係隔離俾說話你聽，話你班人阻住佢🙂‍↕️多得呢個阿姐，另大家對呢間第一次幫親的餐廳，留下負面印象，大家講講下盤點漏左幾多碟無上員工真係好影響一間餐廳…查看更多

朋友OT 要自己食住先，唯有求其搵食。見無人排隊，就走去等位，當時完全無其他人。等等下，後面開始有人排，後來侍應出來，我話只有一位，跟住她直接skip 左我，安排後面嘅人入座，見咁情況，我行前去侍應度，她好醒目自動話無一人位…….第一次去朗豪坊唔知無bar 枱，下次如果單丁，會記得唔好排beans 😐…查看更多

喺Pop up Store買咗開心果綠茶芝士撻，返去做下午茶並非堂食，估唔到咁好食，好想記錄低。起初見到啲開心果醬咁綠色，有啲擔心係香精味。入口開心果味夠，芝士味不會太搶，剛好襯托出開心果香，味道自然一點都唔假，食得出真材實料。撻面啲果仁脆脆，係琥珀核桃的香脆口感😍，撻皮鬆化相當出色，不會充斥過量牛油味一口肥膩，係少見咁好，撻底入面嘅麻糬軟糯🤩各方面都好高水準，唯一可以挑剔的地方，個撻有多種口感，但無法做到完全融為一體的感覺，對女士來講，都幾飽肚，但唔係肥膩飽滯、幾個鐘消化唔到嗰種。總體而言，絕對對得住定價，會久唔久心思思，想重溫舊夢😋…查看更多

預訂了5點到7點時段，去到只有2台客。 坐低開始上小食，炸茄子，蝦多士，凍食辣蜆仔，味道一般般，可以skip。慢慢地終於上刺身船，打卡一流，但三文魚、帶子、油甘魚、墨魚片都鮮味欠奉，海膽還好，魚子醬得個鹹字，非常失望。雞煲反而無過鹹😂，正正常常，只有幾片豬皮做配料。等了一陣先上火鍋料，有珊瑚蚌、鮑魚、沙白、蝦🦐、鱔片、蠔🦪、脆肉鯇片、雲吞和肉丸、蔬菜藍、炸魚皮枝竹、牛肉一碟。 海鮮無預足人頭數，有部分只夠一半人份量。都係老問題，海鮮無咩鮮味，蠔只有腥味，沙白真係好多沙🤣。 雲吞肉丸類係下價酒樓中午蒸點心水平，竟然係山竹牛肉的味道質地🤣。牛肉唔係特別靚，有些許牛味可惜有啲韌，要食完牛，問侍應先有得上豚肉，呢碟反而好過牛，肉質鬆軟啲。蔬菜藍，勁多唔知咩瓜，菇🌽都無條上完豬肉，侍應已經話last order 😅，不過野食一般，都無野想叫。全晚其實無出現過餐牌，餐廳根本唔預你 reorder 火鍋料，客人只能逐樣問有咩可以叫。 好快就有侍應不斷催交檯，好多嘢食唔切，不過餐廳都無浪費，看著她們將食了三分一的蔬菜藍攞返入廚房，下檯客會繼續食埋它😁2個鐘時間，超過一個鐘先上火鍋，啲野無預先set 好，慢慢上，火鍋仲係等的特別耐，好明顯餐廳係有心要啲客食唔切😏呢間嘢無下次👋…查看更多

店鋪不大，大概就是7-8張台，週六下午茶時間，堂食有4台客。環境幽靜，客人斯斯文文，都是三五知己聚聚聊聊，感覺舒服自在。店內只有兩位員工，碰巧有幾位客人預定及攞蛋糕 ，店員親切的請等位的人稍等，等了一陣就可以order，過程都算流暢，唔耐。入座幾分鐘內，食物飲品🍸都已經上齊，幾有效率，期間蛋糕🍰先上，店員主動解釋，飲品已在沖調，稍後就準備好。 服務態度值得一讚🌞點了百香果芝士和cappuccino，百香果的酸甜配搭芝士，一點都唔漏 ，剛剛好，咖啡也是正常水準，完美的下午茶。…查看更多

首先，店內衛生有待改善，用過的碗碟堆滿車仔，就咁擺係收銀處。近大快活的用餐處，多張台在食客用餐後無人執檯，碗碟紙巾就咁攤係度。第二，排隊時間不長，7成滿 （不計近大快活無咩人坐的位置），可惜店員服務態度認真麻麻，見人等位無理以無示意😐。 等到店員空閒，向一名長髮戴眼鏡瘦高女店員示意入座人數，2-3次都無回應，最後一次係你等下先，仲趕人出店鋪外等，話企去來好大壓迫感😇跟著有人企鋪外面等位時看電話，她大聲「喂！咪企係度玩」，個客最終有入座，都講了句「我都想有嘢玩」嗱，做生意的唔好知怪人不肯留港消費，咁趕客的態度，幾好食都不會回頭。 其實大家都仲好想支持本地飲食業，但服務態度搞到咁，好似搵氣受咁，何必！不追起5星級服務，合理正常的對話態度已經足夠，但連咁都做不到。…查看更多