Carin ^_^的個人專頁

自從大約一年前發現咗呢間小店，呢度就成為左我嘅飯堂.... 無他，價錢平（$40包無糖茶）但質素唔錯，喺呢個閒閒地都 $50+ 一個茶記 lunch 嘅鰂魚涌真係清泉....食左幾十次，個人最鍾意就係佢個芝麻醬撈烏冬，暖暖地又有糖心蛋，正。如果唔訂定先，十次有九次12:15pm之前都會售罄....（每朝喺社交平台可以睇左 menu 打電話/WhatsApp預訂左先，咁就可以排條快隊同唔怕賣哂）其他例如番茄湯米線同日式咖哩飯都係好味之選~~ 滑蛋類嘅飯都整得好靚+好味（包括外賣）！唯一就係鋪仔比較細，堂食得五個位，所以主要做外賣。小店都算好有心，可以俾人自備食物盒外賣。希望多 d 人留意到呢間喺角落口比較難搵嘅小店，始終有心做價錢又唔貴嘅良心小店真係買少見少.....…查看更多

見佢新開張就入去試下，睇睇下個餐牌咁熟面口，原來係銀龍集團旗下。落單落左20分鐘乜都未有單都無張，問下個女侍應就話出緊單架啦等等啦。再等多10分鐘，隔離另一枱差唔多時間落單都到齊，再問個女侍應都唔同返我講無落單，check 完後專登行開，要我行埋去佢度另一個男侍應先出黎講話電腦故障無落單。個男侍應仲要態度麻麻咁好似係我欠左佢咁。作為一間連鎖集團嘅餐廳，呢種態度同服務質素，就算係新開張都不能接受。無下次!…查看更多

餐廳位置有 d 隱蔽，喺恆生銀行隔離嘅凹位。唔細心留意好易會miss左。今日試左白咖喱炸豬扒拉麵，湯底唔可以同沙嗲王嘅白咖喱比較，呢間係清淡少少，感覺無咁油膩。豬扒炸得剛好，味道都 ok 唔會太重手。拉麵食得出幾新鮮。試埋冷盤小食，揀左芥辣四季豆，麻辣雲耳同埋麻醬菇菇，其中個人覺得芥辣四季豆最好味。 雖然份量唔係好多(合理份量啦)，但$10有三款都幾開心。涼茶係夏枯草，喺咁熱嘅天氣飲真係好正。感覺係有心機嘅小店。會返轉頭試下其他湯底…查看更多

話說原本 book 左位同朋友慶祝生日~~~仲提早上去放低蛋糕先~~staff 都好幫得手~~~點知o係 booking 時間前 20mins.....收到 Cafe Pavilion 打黎....話佢地成間停左電......-____-"""星期日遇到呢 d 真係好無奈.....因為好難o係其他地方搵位......不過我明白呢 d 都唔係佢地可以控制到的......o係好徬徨地係咁打電話搵 cafe 都搵唔到時.....唯有打返 Cafe Pavilion 睇下佢地有無野可以幫到手結果佢地都幫我地搵到一間附近既 cafe 有位可以容納我地~~雖然去唔成 Cafe Pavilion~~不過都唔該哂好 helpful 既 staff~~~希望你地依家已經有返電啦..... ^^"…查看更多

尋晚食完煲仔飯但唔夠飽~~諗住反正去開花墟~~就"順道"去買碗阿升麵線試下啦~~~因為一直都好鍾意食麵線~~~阿土麵線又係我至愛~~所以就想睇下阿升會唔會有驚喜~~~今次食得比較趕.......有機會有少少影響評價...............首先, 佢唔夠熱..........我食得趕都無辣親........haa~第二, 佢 d 大腸唔得.......覺得佢處理得唔好......阿土的好味 d第三, 湯底唔夠濃, 阿土的好味 d.............人地真係好有木魚味的!!其實講價錢阿升同阿土都差唔多 [都係 $12 小碗加 dd 大腸]但講好味程度就阿土略勝一籌啦~~~~[不過講環保, 阿升的紙碗就好過阿土的發泡膠碗啦~~]可能阿升都有下次o既~~不過應該係試鹽酥雞而唔係麵線 lu~~…查看更多

話說某人係三文魚精~~~ 佢生日就梗係要食餐好架啦~~~~見 Pink Salmon o係 OP 評價咁唔錯~~~又係三文魚宴~~~就 book 左星期五o係度 dinner 啦~~~~~~6:30pm~~留位留 10 mins~~都 reasonable o既~~佢地留左卡位俾我地~~很好呢~~~ ^^果度環境都 ok ~~雖然地方唔大~~但氣氛幾好~~~燈光暗暗的~~卡位有射燈~~仲有個小蠟燭~~ ^^"由於想食三文魚刺身 [都幾無聊o既理由 =w="]所以就叫左二人餐 ($235)包括：三文魚刺身 (4塊)三文魚白汁醬伴法包 (4塊)餐湯 (我飲紅湯～男友仔加 $20 飲泡沬煙三文魚忌廉湯)小食: 燒豬仔脾Main Dish: 招牌煙三文魚蟹子忌廉汁扁意粉甜品: vanilla ice-cream + pancake & tiramisu 各一餐茶: 凍檸水, 凍奶茶 三文魚刺身 (4塊)睇落都幾新鮮~~同埋比想像中大塊~~最搞笑係佢又俾 wasabi 又俾檸檬.....有少少搞笑........ ^^"不過某某話落檸檬汁的感覺幾清新~~唔會怪wor~~最可惜我同某某一人食到一小條魚骨......扣 dd 分 la~~~ 三文魚白汁醬伴法包睇食評大家都勁讚的三文魚醬~~~個人就反而唔覺得太特別~~~可能因為有期望吧~~~不過都係好味o既~~~只係比較清淡左少少....同埋有 d 得意野呀~~~請睇相~~~件法包係心形黎架!! 某某發現的~~好得意!!~~ 餐湯 (我飲紅湯～某人加 $20 飲泡沬煙三文魚忌廉湯)為左慳$20我無試到酥皮龍蝦湯......哎~~下次再試........ =w="紅湯都係一般紅湯~~~正正常常咁無乜特別~~~三文魚湯就很不錯哦~~~賣相幾特別~~~濃湯來的~~~有少少煙三文魚肉~~~感覺良好~~某人俾我試左先又留左 d 俾我飲~~~嘻~~~ ^^" 小食: 燒豬仔脾 [兩件]某人食得好痛苦o既一道菜............因為好難切 XDXDXD唔知點解我又切得好順利~~~哈哈~~~~都幾好味呀~~~燒汁甜甜的~~幾惹味~~~同埋肉質都幾嫩~~~yummy~~~ =] Main Dish: 招牌煙三文魚蟹子忌廉汁扁意粉呢個意粉 suppose 係成餐最好味的~~~可惜........由於我地食得太慢......變左佢太早黎.........燒豬仔脾都未食佢就黎左........結果食佢果時就凍哂啦..........好可惜.............[不過佢凍左都仲 ok 好食果下先勁!! @@"]佢個忌廉汁有少少似 PizzaHut 海鮮寬條麵果 source~~加埋煙三文魚 + 少少蟹籽~~~感覺不錯~~~size 其實就一般 la~~~同平時散叫一人份的意粉差唔多~~~不過係夠食的~~~~ 甜品: vanilla ice-cream + pancake & tiramisu 各一正常~~~無乜特別~~~不過剛剛好可以用黎唱生日歌切蛋糕~~~ XD 餐茶: 凍檸水, 凍奶茶個人幾鍾意佢o既凍奶茶呢~~~因為係多奶的!~~~雖然茶味一般~~~但都幾滑~~~比預期好~~!不過凍檸水可以自己加糖水~~但凍奶茶又無架喎~~都幾有趣~~~至於環境呢~~~其實情侶黎食野係唔錯架~~都有情調的~~但傾偈就差少少啦~~因為 d 枱都少少密~~~同埋都少少噪...........可能因為全場爆滿~~不過 so far 都接受到o既~~~toilet 就真係要避免去啦.....雖則佢好粉紅 ^^"~~~但比較濕滑..............整體而言成餐都好滿足~~~~某某俾左 90 分!!~~對於呢個咀叼o既小子而言~~都係幾難得o既分數~~~我都覺得呢餐好滿足~~~一來因為好多三文魚 ~~~二來價錢其實 ok~~~~同意粉屋差唔多~~~但感覺上呢間做出黎o既食品係有 heart d 的~~~絕對有下次!~~~ ^^…查看更多

連續兩天都吃了中碗的阿土唔知點解真係好鍾意食 =___="但佢真係太細碗了......唔夠食........大腸又得果 dd =___="食到到喉唔到肺 =______="味道好似有少少差左咁但又講唔出點解 =___="個人覺得多醋比較好吃的說~~…查看更多

o係"鮮日本料理"食完晚餐~~就同某人落樓下行左陣~~醒起輕鬆飲o係附近~~又咁耐無飲過~~~就走去買左杯啦~~好彩去到果時唔太多人~~~好快就排到買得 ^^原本同某人諗住一人一杯~~但見咁大杯~~都係 share 飲好 d~~~叫左 招牌珍珠奶茶 ($10) ~~~但唔記得少甜 =_________="結果真係勁甜............Orz 不過都仲可以接受........幾鍾意佢比較重奶味~~~呢方面好過檸檬仔仔~~~其實兩個人飲一杯都覺得佢太大杯~~haha~~~情侶飲一百分~~~下次一定要記得少甜少甜少甜少甜.........…查看更多

尋晚同某人行左成條彌敦道都唔知食乜好~~只係 target 左食日本野~~青葉太貴~~板前太多人~~~行過呢間樓下有人派單張話有八五折~~好似 d 價錢都 ok 咁~~就去左試啦~~~上到去~~~跟見得邊位有兩枱人 =_________="作為星期六晚都幾靜局...........好~~~嗌野食~~~~三文魚刺身 ($38)海鮮雜菜餅 ($38)天婦羅拉麵 ($38)網燒牛扒飯 ($52)三文魚刺身很一般.......有六片~~但肉質比較散~~~~滿足唔到我地兩個三文魚精~~海鮮雜菜餅~~ok la~~但無 sauce 感覺得唔太好食~~~最後點天婦羅個 sauce 先好味返 d~~天婦羅拉麵~~個人覺得係四樣野中最好~~~~豬骨湯底幾濃~~~感覺唔錯~~~天婦羅就一般吧~~有蝦 * 2, 青椒 + 茄子 + 冬菇各一~~~一般質素~~無乜特別~~~~網燒牛扒飯~~~最貴但我覺得最唔得一黎到果時心諗~~「哇!!乜咁細碗的!?」雖然有一整塊牛扒~~但 d 飯少得可憐..........同埋塊牛太熟啦........熟到有 d 乾.........不過某人話鍾意呢隻質感o既牛 =w=" 真係無得講~~~好~~講講服務先~~~so far 都 ok~~~有定時倒茶~~~執野都幾快手~~~唯一係埋單時拎錯單黎嚇親我.........一聽見三百幾真係嚇親 =___=" 不過見到成 list 都係蠔就知係拎錯單 =w="其實黎食熟食都 ok~~都坐得舒服 kei~~~又唔使等位~~…查看更多

見 Baby Blue 係開飯o既食評唔錯~~我同 mama 又未試過~~所以今晚就去左試左啦~~~叫左一個拿破侖意粉 dinner set ($78) + 一個煙肉洋蔥焗藍貝 ($98)~~dinner set 有頭盤 + 湯~~叫左蟹子沙律 + 周打魚湯~~一黎到坐低未叫野食已經有侍應放低兩個小麵包 + 香草牛油~~佢見我同 mama 都無乜反應仲特登行過黎推埋 d 籃去我地度~~ ^^"麵包唔係好夠熱~~暖暖地的~~~牛油我覺得無乜特別.........同埋比較淡.........對我黎講就麻麻地~~蟹子沙律有 d 搞笑~~佢係青瓜絲 + 紅蘿蔔絲 + 蟹子 同埋 生菜 + 紅椰菜同另一種沙律菜~~再加埋沙律醬~~感覺上有少少西式 + 日式~~唔太夾得黎味道都 ok o既~~周打魚湯~~好在夠熱~~~最驚 d 唔凍唔熱o既餐湯 =w="都幾多料~~但感覺上似忌廉湯多過周打魚湯~~無乜周打魚湯果種感覺~~~拿破侖意粉 ok~~~係茄蓉 + 煙肉腸 + 洋蔥~~簡單得黎幾好味~~~本身都加左少少芝士粉~~唔錯~~煙肉洋蔥焗藍貝~~好味的係煙肉洋蔥唔係藍貝..........可能係製法問題~~藍貝焗到好乾.........十六隻入面得兩三隻比較有 d 汁.........可能係我唔識欣賞啦~~~我諗白酒煮會好味 d~~~ [不過又會貴好多呢 =w="]餐飲凍奶茶比想像中好~~~係比較多奶的~~~但正合我口味~~~講到服務~~就一般 la~~好基本o既覆單都無~~不過收野收得超快手~~~好似一食完就收........有兩次問都唔問就收左........感覺唔太好~~題外話一~~見人地 set dinner o既田螺好有趣~~~一隻杯仔一隻田螺~~~咁隔離木台o既 auntie 就覺得會食唔哂~~~就問可唔可以打包~~~男侍應諗左一陣就話「都得o既」~~就拎左個盒俾佢啦~~跟住 auntie 就成杯 pack 左落個盒~~男侍應就少少緊張咁話「你唔可以拎走隻杯架喎, 係公司物資黎」之類~~咁 auntie 就話一陣再處理啦~~之後 auntie 就再問女侍應可唔可以連杯 pack~~~因為田螺同薯蓉"畢"出黎就唔太好睇~~女侍應就話 ok~~遲 d 拎返落黎就得~~個人覺得男侍應o既處理方式可以改善下........感覺上佢搞到人地好似想貪佢隻杯咁 =__="女侍應o既做法就比較有人情味 d~~~~題外話二~~話說隔離木台叫餐飲~~就想叫 d 唔係奶茶咖啡o既野~~~女侍應就話「要加錢架喎~~」本來要加錢就好平常~~但佢講o既態度就真係麻麻............係會令人有 bad feeling 果種態度........~呢間應該會有下次o既~~~但唔會係近期 lu~~~有機會先再去試下白酒煮藍貝吧~~~…查看更多

又係情意結..............食左十次十次都係食呢個配搭 =___+"講緊o既係 "玉子豆腐肉燥飯" + "珍珠奶茶" ($27 + $5 = $32)唔知點解好鍾意佢將 d 玉子豆腐炸左佢o既感覺~~加埋佢 "杰杰地" 的醬汁~~好味!! ^^飲埋珍珠奶茶就真係最開心o既配搭~~~不過又唔係個個接受到佢個 "杰杰地" 的醬汁~~hai~其實佢野食方面都 ok o既~~~但衛生就一般 la........成日覺得佢 d 木台好 "che lup lup" 咁 =__="…查看更多

無論邊個時段去 [午餐 / 一至五下午業茶 / 晚餐]~~我幾乎次次都係食同一樣野 =w="又唔係話特別好食~~又唔係平~~只係食開有感情~~~同埋美孚無乜好野食...........次次都係食果樣的就係 - 擔擔麵 ($30)正唔正宗就唔知~~只不過係幾鍾意佢個湯都幾香同埋幾濃~~只係食左咁多次 (~6 次).........真正夠濃的都係得一兩次 =____+"其他都係個湯好水 feel.............水準唔太穩定~~但自己又係衰.........成日都想食 T^T另一樣又係差唔多次次食的就係蒸素餃 ($20 / 3隻)其實佢蒸得又係一般~~有時會蒸得唔太靚仔.........但偏偏自己又鍾意食呢隻餃 +___+" 真係無乜得好講..............總括而言~~~純粹係自己情意結想食............但唔會推介............因為實在唔係話好值呢個價............…查看更多

尋晚一團五人落左餃子皇吃晚飯~~~原因係小妹見開飯評價都幾好~~但成日經過都無機會試~~今日就拉埋大家一齊去吃啦~~~ ^^我就吃左清素餃上海麵(中)[餃子放湯] + 熱豆漿~~ ($20)某人就吃左煎咖哩雞肉餃米線 + 凍豆漿 ($20)~~其他人我唔記得左 =__= 總之五個人都叫唔同野就是了........... =w="可能我本身都好鍾意食餃子~~尤其係素餃~~所以都幾鍾意佢呢個清清地o既餃子~~入面有木耳, 粉絲同少少菜絲~~清淡之選~~放湯應該會比煎好味~~另外試左一隻煎咖哩雞肉餃~~煎得幾香口~~同埋都唔算好油~~味道都 ok~~但真係有少少認同另一篇食評o既大大話齋~~有 d 咖哩角o既 feel~~~haha~~幾得意~~另外我同 k 都叫左熱豆漿~~~感覺都 ok wor~~雖然要等一陣仔~~~不過唔太甜~~~幾好味~~聽返其他人 feedback 都覺得餃子唔錯~~同埋份量都唔細~~~有成五隻餃子~~一般女仔可能會食唔哂~~~特別係煎餃~~始終油膩一點嘛~~另外食野時聽到另一木台的姨姨在投訴~加左價之後水都無杯~~其實就算加左價.............都仲係算係抵食級數呢..........同埋如果個個都俾杯水........杯都要洗多幾隻啦......成本又高左.....又唔係個個會飲........咁不如 on request 先俾仲好啦~~~總括而言~~$20 有麵有餃子 * 5 再有杯豆漿~~仲要全日供應~~算好抵食架啦~~係迫少少~~四人以上都好難有位坐.........…查看更多