whitebone的個人專頁

作為街坊既我，平時局住都不時要幫襯。但係都唔好咁離譜啊！價錢年年加，但係份量就比起以前少咗1/3。啲肉 la 到都分唔出係咩野肉。啲汁雖然個名唔同，但係啲味竟然可以一樣。矇住對眼食，你係唔會知自己食緊咩嘢嫁！啲野又成日洗唔乾淨，杯碟啲油多到可以攞嚟炒菜，杯熱檸水次次面頭都有層油嫁喎！街坊茶記都預係街坊式服務，但係都唔使越來越差嫁。啲阿叔阿姐例牌全日粗聲粗氣，黑口黑面。落單又成日落錯/漏落/上錯野，真係食到一肚火。唔係街坊野會有人情味啲既咩？！所以有時候寧願行遠啲，去寶達食，起碼有餐正常飯食下。…查看更多

本身見門口好似懷舊餐廳，又有 trip advisor 個 logo，諗住應該唔錯，就一心入去試下，點知一入去就知出事。入面逼到冇朋友，啲枱一張貼一張，行都行唔到。下午去時，得幾張枱坐咗人，但已經覺得好逼好嘈。夜晚如果多啲人，一定嘈到聽唔到人哋講咩野。服務態度差過街邊茶記。個個全程黑面。手腳又慢，好似唔使做咁。同佢講張枱濕咗，佢應咗聲就算，完全唔會擦乾淨張枱。仲有，個員工放低杯水嗰陣，成個手掌掂住個杯口，仲要旋轉一周。大佬，我仲點飲杯水啊！講到野食，真係令人大開眼界。我第一次見到有人用飲羅宋湯既西湯碗裝餐蛋麵/ 沙爹牛麵！ 啲麵塞到實一實，啲湯少到似濕撈公仔麵~ 湯底同沙爹淡而無味，牛肉俾啲粉攪到無晒質感，食咗都唔知自己食咗啲咩野。杯凍飲仲驚嚇。凍檸水但係用普通大細既玻璃杯裝。支飲管突出黎嗰部分仲高過個杯。無味道，無裝修，無服務！…查看更多

已經訂過好多次。最鐘意佢哋成日有特別既新款曲奇，外面真係未見過。最鐘意食佢哋既 "蝦米曲奇" & "車打芝士曲奇"。蝦米曲奇 - 食落去好鬆化，又有陣陣蝦米香。細細粒，一口一個。平時下午茶，加杯咖啡，真係幾正。車打芝士曲奇 - 睇落去好薄，橙紅色。咬落去好香趣，而且車打芝士味好濃。最啱我呢啲鐘意食芝士既人。有朋友試過佢哋既 "燕麥曲奇" & "紫菜曲奇"，好以都唔錯。之前中秋節，送咗佢哋既月餅曲奇俾朋友試，個個都話特別！ ：）最好係佢個樣好似Mini月餅咁，食落去除咗有曲奇既甜味，仲有咸蛋既咸味。咸甜適中，又唔會滯，食多幾件都仲得。平時中秋節次次都係送月餅，令次終於搵到樣又應節又特別既野送。佢哋次次好 nice，好細心咁介紹唔同款既曲奇。收貨地點又方便。鐘意可以要多個包裝禮盒，送俾人嗰陣就會更加靚。…查看更多

元綠既水準，板長既價錢啲魚生冇味壽司飯又散啲壽司款式又係啲大路野除非你係想唔使等位，又冇人趕你走，可以慢慢食的話，啲間都可以係一個選擇如果唔係，都係簡第二間吧la…查看更多