ka1128的個人專頁

上星期日， 我地同屋企狗仔去咗科學園散步，見到一間西餐廳叫做"HUNKY DORY"，我地就入去嗰度食午飯啦。呢間餐廳真係留低好深刻嘅印象！ 首先，要講下佢嘅環境同氛圍。佢有一個好靚嘅戶外區域，好適合大家放鬆心情同埋放寵物。我帶咗我個狗仔入去，佢都好開心， 真係一個寵物友善嘅餐廳，我好中意呢個概念！食物方面就更加令我驚喜啦！我試咗佢哋嘅招牌菜，包括愛爾蘭建力士牛肉批同牛油果青醬雞肉扁意大利粉。味道真係好出色， 價錢y亦唔太貴， 性價比絕對高過西九龍沿線餐廳愛爾蘭建力士牛肉批香口多汁，牛肉嘅味道好濃郁，份量超多， 仲有大大舊薯仔， 同埋批底鬆軟香脆，一咬落去就好過癮。而牛油果青醬雞肉扁意大利粉都好特別，雞肉嫩滑多汁，配埋牛油果青醬，味道鮮美得嚟！意粉掛汁都做得好出色飲品方面，我試咗佢哋嘅芒果益力多梳打同Shakerato。芒果益力多梳打係一杯好清爽嘅飲品，芒果嘅香甜同益力多嘅氣泡令人口感更加豐富， 使用了蝶豆花的藍色和芒果作為襯托， 好打卡able. 至於Shakerato，係一杯意式咖啡飲品，好濃郁香醇，夠涼快。喝咗呢兩杯飲品，真係令我舒服到爆！總括而言，HUNKY DORY真係一間令人印象深刻嘅餐廳。佢嘅寵物友善環境同埋出色嘅食物同飲品，真係令我食完之後好滿足同埋開心。如果你有機會去科學園放狗嘅時候，記得去HUNKY DORY試下佢哋嘅美食啦！…查看更多

今日放工嗰陣，同男朋友去咗九龍灣淘大食嘢， 見到有間新開既fusion 菜， 一於試試餐牌超多花款， 想食邊類型都得入到去嗰陣，個氣氛好乾淨同埋好舒服， 同已經滿哂座， 好受歡迎首先，我叫咗個焗咖喱雞扒飯。咁個咖喱味道真係好吸引，令人唔禁食口水。而且，個雞扒好多汁肉嫩，每啖都係一種享受。然後，我試咗茶舍嘅冬蔭公雞肉pizza。咁個味道真係好特別，甜甜辣辣， 香辣口味好開胃。餅底脆脆嘅，同個拉絲芝士一齊食。 真係好完美。最後，我試咗茶舍嘅香草鮮野菌忌廉天使麵。呢碟麵食好creamy多汁，每一款都好正好食。好滑順嘅麵條配上新鮮嘅野菌同香草嘅香味，真係令人讚不絕口。總括嚟講，呢餐味道好好食，仲食得好飽。而且，佢哋嘅位置喺九龍灣淘大，真係一個值得嚟試又方便嘅好地方…查看更多

最近在觀塘發現一家名為「串燒屋」的串燒店呢度提供兩小時任食，以旋轉式燒烤的個爐方式烤製食物。入到去用QR code 落單， 好方便。 九點半諗住食個宵夜， 其實都滿座除了傳統的串燒外，店家還提供了多種口味的燒烤，其中最令人印象深刻的是多春魚、雞翼、清酒煮蜆、一口牛柳、炸雞軟骨、蒜蓉烤蠔和蒜蓉茄子。多春魚係目測最多人叫既之一，口感十分美味。雞翼也是我的最愛之一，烤得剛剛好，醬汁十分入味。除了串燒外，店家還提供了清酒煮蜆和蒜蓉烤蠔等海鮮菜品，清酒煮蜆的酒香味與蜆肉的鮮甜口感相得益彰， 而蒜蓉烤蠔則是蒜香味濃郁，加上烤出的蠔肉鮮嫩多汁，口感十分豐富。如果您喜歡吃肉類菜品，店家的炸雞軟骨也值得一試。炸雞軟骨則是口感酥脆，肉質鮮嫩，搭配店家特製的醬汁更加美味。店家的蒜蓉茄子也是一道吸引到我的菜品。茄子經過醃製後， 搭配上蒜香味濃郁的醬汁，非常開胃。串燒屋係值得一試的串燒店。食物種類繁多，而且價格實惠，非常適合與朋友或家人一同前往品嚐。推薦大家來嚐嚐店家的多春魚、雞翼和炸雞軟骨同場加映貓店長， 跟埋人地出黎 食到人地收門先走 先記得影鋪面…查看更多

觀塘區茶餐廳比較多， 想收工有間闊落同打卡性高既餐廳比較少。 呢排收工見到有間新開既餐廳， 係日式簡約風格， 於是搵日同朋友試試入到去原來餐廳面積好大， 睇落走兩個格調， 一面係走日式慢活風， 另一面係走校園風（連地板都油上籃球場綠色 同有個鞍馬添！), 可以跟你自己喜好去選擇邊度岩你， 特別一提有張好大八人枱， 一大班朋友聚會都得。餐廳夜晚會做set dinner, 一個餐已經有主食， 野飲， 前菜， 都幾抵食。 我地就揀左 西京燒比目魚定食 同鹽燒安格斯牛小扒定食先黎比目魚西京燒定食， 一望到條魚啖啖肉咁就吸引我眼球加食慾 前菜就有醃青瓜同小菜， 撈飯一流， 呢間d 漬物做到好好味。 麵豉湯仲有兩舊大蜆肉。 食剩半碗飯先醒起食主菜比目魚上面，有啲辣椒絲， 可以提味。 不得不提比目魚真係好滑好啖啖肉， 連埋帶照燒汁既皮， 唔夠撈飯食。 之後就係安格燒牛小排， staff 會問定係全熟定7成， 我地揀左7成。成品完全符合我哋想要嘅七成， 牛肉好嫩唔硬， 蒜片加埋牛一齊食係最好配搭。 雖然睇落隔離嘅芽菜係一個配菜， 但原來佢都有被汁調味過， 配上珍珠飯好有日常日式家座料理風最後走嘅時候， 原來仲有啲特色嘢飲， 下次會叫女仔朋友一齊試相約女子聚…查看更多

雞翼山一直都係旺角， 葵芳掃街之選， 今次終於開到黎觀塘， 可以外賣一大埋雞翼番屋企刷餐飽。雞翼山位於YM2 , 睇落好新好乾淨餐單有1人set, 2 人set, 仲有觀塘限定。我地揀左一個A 餐， 再加上$128/ 12 件雞翼， 可以揀3款口味。 等左15分鐘好快就準備好， 雞翼即叫即炸熱辣辣 個袋仲好少女心雞翼方面我地叫左咸檸七味， 泰式冬蔭公， 同玫瑰雞翼。 泰式冬蔭公真係有冬蔭公嗰種酸辣帶勁既感覺 配埋即超級惹味。 玫瑰雞翼（左）沾滿玫瑰蜜糖味， 令到雞肉肉質更juicy鋪埋食用玫瑰， 少女心滿滿打卡一流咸檸七（右）港式咸檸七味都好特別， 食既時候主調以檸味為主， 後尾有番咸檸既咸味 , 好開胃A 餐 溫泉蛋唐揚雞翼丼配唐揚蝦唐揚蝦炸完之後蝦既香味包圍成兜飯， 撈飯一流。 雞翼白烚又有另一款風味， 然後外賣番到去個溫泉蛋都可以keep 到流心效果。最後食完大滿足， 但冇幾耐再叫過encore…查看更多

今日去完大角咀探朋友, 順便買啲嘢返屋企食,經過被呢間有賣刺身丼飯吸引， 兼且有同茶星人cross over, 就決定今餐喺呢間落腳啦。 .比起茶星人， 呢間特別在可以有套餐優惠， 我同我男朋友就叫左2 人餐。 先黎個大合照先 牛油果蟹肉飯對於好中意食蟹肉既人黎講呢個係必試 😻 蟹肉多到可以撈飯。 加埋蟹籽可以令個丼既口感又加分。 值得一讚仲有個玉子， 好厚實， 份量大到可以切成兩舊食 😹香蔥吞拿魚腩蓉飯佢魚蓉打得好綿滑， 可見得出食材係好新鮮。 有時一d 冇咁好既餐廳會比較粗身， 代表食材品質未必好。 加埋醋飯一齊食特別開胃年糕同雞翼係我好驚喜既小食， 因為跟餐本身冇咩期望 , 估唔到雞翼做到明太子辣辣地雞肉又好juicy 既感覺。 同埋年糕就算外賣拎到番屋企都暖暖地， 燒得好入味。跟餐仲有得補差價叫茶星人兩杯草莓撞上番石榴真係有粒士多啤梨喺入面， 加埋番石榴好清新冇死甜。 香蕉朱古力脆皮有時有d 香蕉好有藥水味， 但呢個完全冇， 朱古力同香蕉好match 同場加映外賣袋一個， 可愛到唔捨得扔…查看更多

今日收工同男朋友去觀塘東廣場搵食，本身都想搵間西餐, 成日經過都見到呢一間大排長龍，趁今日時間尚早,未有太多人嘅時候就即刻決定入呢一間食個early dinner餐廳糅合urban, 田園風格， 再加埋有少少日式風格嘅庭門， 令人會好享受呢一次用餐嘅體驗, 亦都係聚餐同閨蜜打卡嘅好選擇我哋用QR code落單， 點左一個前菜一個主食同一個小食。 前菜我哋食芒果蟹肉牛油果沙律, 主食我哋叫咗燒烤醬烤豬肋骨, 小食我地叫左芝士茄汁焗素肉丸。 首先上菜係芒果蟹肉牛油果沙律, 初頭以為係類似泰式嘅沙律咁， 但今次嘅賣相令我驚喜到第一時間拎起電話打卡先 食用花嘅伴碟再加埋火箭菜嘅裝飾， 用咗15分鐘先開始食先講火箭菜,自己好怕食火箭菜， 因為成日食到啲唔新鮮嘅火箭菜有浸苦味， 但今次嘅菜係極度新鮮同好食, 一啲都冇草腥味。 之後繼續食個"沙律塔", 本人建議食法係一匙筆哂三層黎食， 因為牛油果嘅奶滑加上芒果既酸甜加上蟹肉既鮮味， 好似食高級法國菜一樣滿滿層次感， 味覺好有衝擊地好食另外特別欣賞蟹肉唔係得一兩舊咁少, 係啖啖都係蟹肉， 對於我本身就好鍾意食蟹肉嘅人來講, 呢個更加錦上添花之後就到芝士茄汁焗素肉丸， 本身對素肉冇乜好感， 因為之前食未來新肉既質感好似食緊麵筋咁。 但今次嘅素肉好有驚喜， 唔覺得似食緊素， 亦食唔出麵筋味。 加埋焗出嚟嘅咬口, 成個肉丸嘅感覺出晒嚟, 芝士同茄汁都好入味, 食完又反而唔太膩過咗大概15分鐘, 主菜豬肋骨出場啦。 豬肋骨肯定係即叫即起， 因為上菜果刻仲出緊煙同埋有好香既水牛城嘅味。 薯條炸得好香脆， 豬肋骨夠嫩夠入味， 不過份量太多食唔哂 同場叫咗兩杯嘢飲， 一杯係牛油果香蕉奶昔淡淡嘅牛油果味加上香蕉， 岩哂想飲奶類既我， 飲完好果腹。 以下呢杯係期間限定既detox juice, 每日嘅餐牌都唔同， 今次係粉紅石榴配菠蘿配香蕉， 呢個配搭好清新， 甜度岩岩好， 如果食啲好飽嘅嘢， 啱晒消滯。 餐牌上仲有好多其他嘅菜都想試， 可惜眼闊肚窄， 下次要再食呢間高質cafe場外亦都有特飲外賣帶走, 啱晒附近返工嘅人…查看更多

今日夜晚想食韓國野, 觀塘韓國餐廳有唔少, 當中頗有名氣就係今次呢間小火焰韓國餐廳, 亦都吸引左今日想平食炸雞既我再次光臨。夜晚7點幾到, 已經9成滿(平時lunchtime 更加唔使講)。餐廳用QR code 落單, 方便快捷, 我地叫左個韓式甜辣年糕炸雞(半份) 同埋石鍋蟹籽彩雲拌飯。除左主食, 仲有D 特式飲品, 我地叫左藍柑白桃梳打。石鍋蟹籽彩雲拌飯一上菜已經比熱辣辣既"炸炸聲" 吸引, 有唔同顏色既配料, 青瓜絲, 黃蘿蔔, 菠菜, 菌類等等, 再加埋蟹籽撈埋一齊食, 感覺夠哂健康。同時有附上秘制辣醬, 食唔到辣千其唔好落哂, 係好調味同時亦都好辣。材料夠新鮮, 配飯已經食到材料既鮮甜。石鍋亦夠熱, 食到好多飯焦, 絕對係飽食又健康之選。韓式甜辣年糕炸雞(半份)唔好睇少半份, 一男一女既食量都食唔哂。落左單之後大概等15 分鐘先上菜, 即叫即整。一上菜聞到甜辣醬既香味。餐廳都好有心比即棄手套食雞。但D 雞用左手套依然好熱, 小心翼翼食。雞有兩隻脾,兩隻雞胸。甜辣味好濃好入味。甜味因為少少辣更加調味, 雞肉好嫩好juicy, 外皮炸得有D 焦脆, 夾埋食好惹味。因為食得太辣, 叫左杯藍柑白桃梳打。梳打藍白為主好有少女心, 同埋係連埋成枝梳打水比你, 好抵飲。梳打水牌子比較少見, 但又幾好飲喎。唔會死甜, 酸酸地夠清新。得兩個人食實在太眼闊肚窄, 下次要約多D 人再食。 …查看更多

呢排天氣熱到出哂汗，成日都想食冰涼甜品解暑。 而鮮芋仙開喺apm 對每個觀塘人都係一個好消息， 亦因為地方便利而成日都大排長龍。 今次諗住叫外賣番去食， 估唔到外賣都好快喎， 等10 分鐘就有。 入面格局光猛闊落， 入去拎外賣都有位置。 叫左個冰小芋圓奶綠， 首先原來杯野咁大杯 小芋圓有三款芋圓， 煙靭度十足， 奶味比茶味重但同芋圓好搭另外買左芋圓4 號夜晚食， 不過唔小心擺左入冰格 , 要攤凍好耐先變番下次唔敢擺入去冰底用黑糖汁配， 令到冰底加埋芋泥一齊食， 降哂暑， 芋圓夠煙靭， 加埋紅豆更加有層次有機會下次要堂食添！ …查看更多

吉列牛食得多， 但有一間銅鑼灣既吉列牛餐廳想去好耐， 因為佢除左有吉列牛， 仲有忌廉咖喱烏冬！ 新開張時期因為太多人， 所以一直等一直等， 到而家有機會之下， 突然醒起呢間餐廳， 即刻冇猶疑地決定左喺呢間餐廳食午餐。 大家唔好誤會佢係日本餐廳， 其實佢係韓國餐廳黎喺星期日既下午三點， 都仲係見到既場景， 可見餐廳人氣依然高企我地叫左招牌菜- 吉列牛同忌廉咖喱烏冬外， 仲加左個小食餃子餃子估唔到好脆好食， 入面d 餡了似係肉同粉絲， 咬落好有咬口主角之一登場啦！ 好似和食set 咁豐盛有冷盤小吃， 麵豉湯， 同埋飯素飯。 醬料有點吉列牛既芥末醬同燒肉鼓油。店員為我地送上石燒爐， 火唔係用煤水， 係用火燒石， 不但夠環保， 個火喺之後時間仲愈燒愈勁 , 熱力完全足夠個吉列牛係皮薄餡靚 麵包糠炸到好脆口既時候， 仲保持到牛肉既嫩， 燒完一d 都唔難咬。不得不提番定食既配搭， 加左飯素既飯配上被麵包糠蓋住吉列牛， 絕對係一個完美配搭。 單食吉列牛， 亦記得點上開胃清涼既芥末醬， 中和吉列牛既膩感。 然後終於到忌廉烏冬啦乍看之下如果冇做過功課真係唔知係什麼來的， 但入面內有乾坤， 係咖喱雞肉烏冬。將烏冬醃上忌廉一齊食， 令我諗起白汁卡邦尼 日本版。 忌廉望落好heavy, 但其實食落又唔係好濟， 因為烏冬好掛汁， 點下點下都冇左一大半， 同埋忌廉唔會搶左咖喱味， 我覺得呢款忌廉比較light, 唔會令食客覺得濟， 反而配咖喱又好夾。最尾飲佢地既特飲收尾， 特別推介佢地既特飲， 唔太甜， 又清新…查看更多

灣仔呢個舊區有好多餐廳小店， 今次嚟到幸屋， 俾佢個門面吸引， 好有日本居酒屋嘅感覺，就決定喺度食晏晝啦餐廳簡潔光猛， 陽光透過玻璃晒落嚟，灣仔舊區情懷。有分開吧枱同埋卡位，可以比客人有唔同感覺。仲會貼唔同嘅poster,記得曾幾何時日本其中一間居酒屋都係咁做法。雖然出名拉麵，但都有其他主食同埋小食選擇， 而且無論返定面都好，有彈性嘅選擇啱晒唔同人胃口。仲有沾麵系列添！ 我哋揀咗廣島蠔沾麵， 燒牛丼配糖心蛋，和風餃子同芝麻手羽。叫左冇耐已經好快上菜， 影張大合照先 醬燒牛肉丼岩岩上菜聞到一陣陣燒肉香味， d 照燒汁仲會流喺飯度， 飯桶既我已經覺得好好撈飯。牛肉好嫩， 撈埋蔥花椰菜一齊食有種壽喜燒既感覺。 之後係廣島蠔沾麵 , 拉麵你可以揀溫拉麵或者凍既。 我就揀左凍， 個沾醬由石鍋裝住一上菜沖滾下滾下 , 好似溶岩咁。 先試下廣島蠔先 , 加d 檸檬汁上去好creamy 都唔腥， 唔太中意食蠔絕對可以一試。沾醬唔太咸， 有淡淡魚介味， 令成個沾麵有海鮮既感覺。 我最中意拉麵質感， 可能因為冷上關係， 更加有咬口， 食哂一d 都唔覺漏。芝麻雞翼夠脆夠juicy, 不過小心熱親口令我最驚喜係和風餃子， 原來有個脆煎底， 再加上餃子本身同沙律， 有d 似章魚燒既味， 又食到脆口既餃子， 比食章魚燒更好食。最後飲個巨峰梳打做結尾。食既期間都keep 住有人拎外賣， 睇黎呢間喺灣仔街坊都頗有名氣…查看更多

有時想食點心， 但得兩個人冇理由去傳統大酒樓。 今次黎到觀塘呢間新開張既龍點心， 主打巧手點心單點， 對二人組合黎講算係完美配搭。一入到去門口已經比佢兩個吉祥物吸引住， 特登為餐點設計吉祥物， 都幾花心思。 餐廳裝橫好有港式味道， 地方好闊落光猛， 我地被安排喺卡位坐。 可以望住佢地開放式廚房， 望師父蒸點心。 點心黎講 價錢算相宜， 仲有d 未曾見過既點心配搭， 好似龍蝦汁墨魚燒賣， 蕃茄海鮮燒賣， 大玩fusion 創新。 如果你一個人食都唔成問題， 因為佢有一籠大滿足， 岩哂一人黎食又可以試唔同點心。 餐廳更支援qr code 點餐， 方便又快捷。 等左冇耐陸陸續續送上 , 影張大合照先五指毛肚雞湯雲吞五指毛桃係植物食材之一， 清潤去濕， 味似椰子，再加埋雞一齊煲， 可以話係平民版椰子雞湯清甜好飲。 雲吞亦粒粒分明， 皮薄餡料多。 厚切叉燒腸粉平時酒樓用碎叉燒， 呢度叉燒大大舊一件過， 加埋又薄又滑既腸粉皮有咬口龍蝦汁墨魚燒賣初頭見到平平無奇咁既樣， 仲要白雪雪， 有懷疑係咪上錯左。 但一咬就知龍與鳳， 濃濃既龍蝦汁由內爆出黎， 加埋墨魚滑同蟹籽，昇華左另一個層次 松露野菌精瑩餃蝶豆花既顏色已經令人心心眼， 咬落去濃郁既松露味湧出黎， 加上野菌， 紅蘿蔔既配搭， 色香味俱全， 性價比最高之選。 一口咸水角五顏綠色既波波感覺好可愛內餡係茄子肉碎而成， 唔太咸。 外皮炸得好煙un, 入面既餡仲係熱辣辣。 黑金流沙包係我最期待既一份甜點， 當我一啖咬落去， 入面既流沙唔小心噴左去對面， 食既時候小心d 麵包蒸得好軟熟， 但入面流沙餡仍熱到出煙， 本人中意奶甜多過蛋黃， 而呢間做到我想要既效果。 本身有諗過食六碟會唔會唔夠食， 但食到第四道已經飽到上心口， 下次有機會再食其他款式。 …查看更多

疫情下禁堂食， 無飯煮婦既我已經比食勻樓下商場既外賣食到厭。 有晚探索附近有咩新外賣食黎到帝景灣既商場， 好多鋪頭都關門時有一處燈光， 原來係有間餐廳仲開緊！6點後既禁食時段黎到， 餐廳好大好闊落， 容納到好多人數， 如果中午時段黎個午飯都係一個唔錯選擇。我諗住將軍澳附近既人都會為唔知邊度有小炒食而頭痛。當我見到張menu 有小炒， 心諗以後我想食獲氣小菜就有著落啦！價錢又唔太貴喎， 兩人餐包哂小菜客飯都係每人$90 我叫左一個$188 二人餐， 千島蝦球， 欖菜肉鬆四季豆， 湯揀左西湖牛肉羹， 另散叫左個土匪雞翼。 飯就因為屋企有煮飯就叫佢走飯 。等左冇十分鐘已經拎得外賣 , 加上人唔多， 好似搵左間隱世外賣店咁。 包裝用app 袋裝住， 先知除左外賣自取， 都可以經app 點。 番去一個個盒裝好， 賣相同份量又唔錯喎最抵係同一個價錢仲可以叫埋海鮮。欖菜肉鬆四季豆， 一開出黎就有欖菜咸香味， 四季豆都好唔老， 加埋肉碎撈飯一流。千島蝦球有菜同伴碟 包保唔會太油， 食落去炸漿脆而薄， 包住大大粒蝦球， 夠哂真材實料。蝦球好彈牙， 加埋酸酸甜甜千島汁， 寧舍開胃。細細個已經好中意食羹， 但除左酒樓之外好少地方仲有， 今次竟然比我搵到舊時既蛋花羹。 味道同以前酒樓一樣， 少少芫茜味夾住牛肉碎， 好味又懷念 D 料好似古法咁有火腿， 豆腐等等， 夠哂足料， 味道夠清新土匪雞翼， 純粹想過一過孜然癮。 炸到好脆口夠juicy。呢幾碟餸撈埋飯食夠食足兩餐， 亦都估唔到帝景灣附近有間隱世小店， 希望疫情後可以去食餐晚飯小炒。…查看更多

星期日去開長沙灣， 肚餓時候咁岩見到一間好日式既店， 驟眼似日系既餐廳， 而櫥窗出面擺咗好多牛角包既display, 完全吸引左我目光， 實則原來係炯記餐室。本身一心諗住食牛角包， 但原來鵝油撈粗同手撕雞亦都係佢既招牌菜， 難得黎到就一次過試哂佢啦下午茶係包例湯， 我地再另外叫左$16 冬菇扒生菜， 驚喜既係例湯唔係味精湯， 係煲出黎既鮮甜， 一啖接一啖飲唔停。冬菇扒生菜 - 雖然係冬菇仔， 但炆得好淋好入味 , 會同埋爽甜生菜一齊食 又幾夾喎。鴛鴦手撕雞蝦籽撈麵， 因為驚下午茶size 唔夠食 , 所以叫左午餐份量， 再加埋$8 蝦籽鴛鴦手撕雞係包括鹽焗手撕雞同口水手撕雞兩種。 一上菜就比蝦籽既份量嚇到， 果然值得比$8 加蝦籽， 而個人建議將所有材料， 雞、撈粗、青瓜一齊撈， 先食到蔥油香同雞與麵既層次感。 蝦籽已經佈滿喺麵上， 啖啖都食到蝦籽精華。雞夠嫩夠滑， 麻辣只係BB 辣， 唔食得辣既都食到，撈埋撈麵同爽脆青瓜， 食完好開胃， 會比十個讚。而男友就揀左咖哩腩叉炒蛋飯， 我初頭對呢道冇咩大期望， 因為唔係招牌菜。 但個咖喱汁真係比一般好食， 咖喱以香甜為主， 有d 似日本嗰款咖哩， 撈飯一流， 再加埋滑嫩炒蛋，同埋肥瘦適中既叉燒， 好有滿足加飽足感。最後上場就係我最期待既牛角包！ 我地揀左腩叉牛角包。一上菜我已經聞到牛油香， 拎上手仲係暖， 將叉燒， 夾喺牛角包入面一齊食。牛角包本身冇得頂， 唔油， 好皮薄酥脆， 食到好多層， 但唔會覺得油覺得麵皮太厚， 一啖食落去好輕薄， 反而仲令到肉同牛角包既配搭更加浮現。 令我低估既， 係低估左胡麻醬帶黎既畫龍點晴，原來胡麻醬同牛角包係100% match 酸甜開胃既胡麻汁， 配上mild 既牛角包皮， 味道係我既感覺。炯記飲品都好有特色我哋叫咗番石榴四季春烏龍， 同黑糖紅豆咖啡，一開始我對黑糖紅豆咖啡有啲保留，因為覺得唔太夾，但原來又出奇地夾出新既味道，紅豆係平時紅豆冰嗰啲，夾埋微甘嘅咖啡， 中和左紅豆既過甜， 同咖啡既太過苦。番石榴四季春烏龍亦都係清新之選。食完之後，成日留意屋企附近有冇炯記， 好想再食希望佢快啲開到黎附近…查看更多

仲記得好耐之前為左朝聖DONKI，山長水遠都搭過黎，咁講法都算見證海之戀由最初得donki, 到愈黎愈多餐廳進駐，基乎已經全部租出。今日再黎到海之戀，諗住去DONKI 之前先食下個brunch 再出發shopping 。 行行下黎到呢間西餐廳，見到坐得幾舒服同埋有我最愛既burger ，於是就決定呢間啦！星期六既兩點半依然十分多人，我地等左15 分鐘先有位，睇黎都深受荃灣居民歡迎。餐廳用木色既裝橫再加上紅磚，好有歐美cafe bar 風格。原來餐廳仲有戶外座位，啱晒有寵物嘅朋友。星期六日會有weekend嘅lunch set,價錢原來都唔貴喎！我哋揀咗burger同埋意粉，仲包埋餐包同嘢飲。咁抵嘅價錢怪唔得星期六日都滿座咁滯。先來跟餐嘅麵包， 原來係烤過嘅法包， 脆脆地又幾好食。冇幾耐就送上burger,一望到burger 個size 就好驚訝， 巨人份量， 兩層牛肉都不特只，每塊牛肉嘅厚度都有返咁上下，再加埋蕃茄芝士， 結果我係拆咗兩層分開食。識落好有驚喜，個包係烤過嘅所以做到外面脆入邊鬆軟嘅感覺，上面嘅芝麻都有發揮用處，有小小嘅芝麻味， 令包皮更加香。牛肉本身做到好Juicy, 但係唔會太油同成個麵包好match。再加埋均勻嘅牛油同芝士，夠晒滿足。薯條都炸得好香脆，同男朋友share,兩個都冇食到好濟。然後就送上肉醬意粉，熱辣辣仲出緊煙，睇嚟係即叫即煮，夠晒新鮮。茄膏個酸甜啱啱好，扁意粉夠爽夠掛汁，食落好開胃。連埋上面嘅肉丸，粒粒肉質都好rich, 撈埋意粉好好食。最後送上西柚紅茶同凍忌廉朱古力， 成個brunch 份量岩岩好。見到個餐牌原來平日嘅晏晝仲平！60幾蚊仲免加一， 下次有機會再嚟試吓！…查看更多