wyh88的個人專頁

原來食物評分要200字，簡單寫真係諗唔到仲可以寫d乜⋯所以呢段係用黎補夠字數⋯等自己有個記錄。見到有麻辣水煮鮮牛肉，又有黎麥飯/三色飯等選擇，所以揀左呢間試下～牛肉數量、味道正常，d薯粉係厚身，個人都幾鍾意，但d湯淡如水，完全唔覺得食緊麻辣湯，結果自己加餐廳提供的辣椒油，先至好味返dd，叫勉強送到飯⋯三色飯亦冇乜特別，凍檸檬茶一般，係比較澀果種，正常發揮。餐廳附近有好多選擇，之後都唔會再食呢間了。…查看更多

一行3人，同細佬慶祝生日，用左openrice訂位有85折，加一後3位合共約$1100。之前見有羊架/三文魚之類，今日係呢4款。😅商量後叫左‘牛肉’和‘豬腩肉’試左先，相片如下：我們一致認同豬腩肉真的很一般，酒樓和燒肉店出色好多倍，皮唔脆肉唔嫩😵‍💫🤔牛肉就好味，其實係牛𦟌，肉質都稔，薯蓉芝士都幾好味，但第三個main我地揀左意粉就算，已經冇興趣再食返呢個牛😅甜品反而好正，款多質高，焦糖燉蛋好味👍🏻雪糕係自家製，朱古力味最出色。…查看更多

點左pizza同長通粉，店員建議加餐湯$38同有半價飲品，職員指埋俾我地睇邊版飲品係半價我地加埋餐湯同飲品，好快上左餐湯同飲品，等左半個鐘，都未有pizza同長通粉終於pizza到，長通粉仲未有原本加多個蝴蝶粉同甜品，問清楚職員個蝴蝶粉要等20分鐘最後取消，要個可以即上既甜品算當時對單冇睇清楚，結果飲品唔係半價，冇味草莓雪糕飲品盛惠$48😑真係去飲迷客夏好過！加一後合共$436，無乜特別都唔會再幫襯…查看更多

由於疫情關係，唯有食外賣，家人想試吓呢間炸雞，一收工就去旺角了我一直以黎，都知道外賣炸雞唔好要求高蜂蜜芝士炸雞，一盒大約十幾舊，每舊細過麥樂雞，一早知份量唔多，所以2個人叫左2份，夠飽。由於外賣，仲搭在約一個鐘車，返到屋企，芝士粉已黐埋一舊叫多個芝士蟹子蛋卷，除左蟹子多，都冇乜特別總括黎講，之前外賣過其他炸雞店，其實返到屋企都唔太差，有d甚至都仲脆脆地如果你對炸雞好有要求，你一係堂食，一係快啲返屋企食🙈…查看更多

偶爾便會入西貢，在看看有什麼下午茶吃時，初時想到的是一起果Jam走著走著，看到其他店的餐牌，突然老公停下來原來該店有個主打牛油果的餐牌老公是牛油果fans,自不然被牛油果餐牌吸引入店我點了一個蕎麥麵，是水準合格的麵，沒什麼特別老公點了牛油果蝦蟹肉沙律（名太長忘了），另加咖啡，這個配搭是好味的雖然不是下午茶meun,食物份量仍較精緻環境方面，設計較日系，亦有黃店特色如果要同朋友來個輕鬆下午茶，這裡靜靜的，挺不錯…查看更多

叫左兩個main course ,燉牛面珠：有4舊面珠，肉質淋，牛味都重黑毛豬豬膝：無乜特別份量係小吃既份量，2:55我地想加單叫意大利粉/飯，店員話轉左snack meun，但都係小吃，廢事食完都係唔飽，所以過隔離泰cool食金邊粉算。總括呢間店食物份量精緻，如果大家想Lunch食得飽肚，main course外可能要叫多個粉/飯，或者係main course+$38有配菜（不過唔知份量有幾多)順帶一提，俾＄果陣有大大隻蒼蠅飛落張枱度，店員梗係當睇唔到…查看更多

-$198 12oz 5成熟剛剛好,烤得香噴噴，值得一試-乾辣椒百里香蕃茄白蝦意大利麵就普通左d-煙三文魚橙柳沙律伴果香黑醋汁最為普通但都成舊水-星期一做緊89折～-環境方面有幾隻小飛飛飛黎飛去，結果有一隻飛左落d食物度😲同侍應講有幫我地換過…查看更多

唔係講笑，男朋友平時甘大食，都哇左一聲話好大份！個芝士汁豬扒蛋飯d飯起碼有兩碗個英式早歺亦很豐富，$68有埋紅湯同salad,真係抵到爛但當中值得一提係黑松露薯條，唔係粗薯條，幼過m記，個醬係我食過最難食既黑松露醬，最失望真係呢份乾硬薯條～…查看更多

其實我對食物要求不嬲唔高，行過女人街連續幾間餐廳都差不多食呢類西餐，而價錢亦大致相同。行左一陣，見呢間野環境幾靚就入左去，叫左三文魚長通粉set,加$20配埋一塊蒜蓉包，一少碟沙律，睇落都幾好，但食落就中伏，個湯真係好咸，三文魚長通粉d三文魚又乾又冇味，紅豆冰飲半杯要放棄，係塊包同沙律正常dd...如果再去呢頭食飯，真係要好好考慮其他選擇了！…查看更多

喜歡抹茶館的飯，很多款都很有興趣想試。當中以溫泉蛋系列最愛。這個是沾著湯吃的麵，很特別，且挺好味。冬天來一杯熱呼呼的抹茶，作為抹茶愛好者，真係飲過再三回味。我很愛吃抹茶館的芭菲，第一次吃嫌太多忌廉，如不太愛可以選擇少忌廉甚至走忌廉。我會再次光顧，輪流試不同的甜品^^…查看更多

 男朋友喜歡吃芝士，在雜誌上見到這間餐廳的宣傳，看見芝士豬排骨，就馬上訂位了。事前看了Openrice的簡介，一心只想叫一客芝士豬排骨和一客飯，然而當天要吃芝士豬排骨的話，沒有單點，只有套餐！套餐有芝士豬排骨、燉雞湯、蟹子紫菜飯、烤肉和甜品南瓜粥。但一場為了芝士豬排骨而到來，所以算了，點了2人份。當天座位的烤爐壞了，結果擾攘了一陣子又不肯給我們換位，最後給我們一個"平板爐"在GAS爐上烤，一邊烤肉手很接近火所以很熱。最後想休息一會兒再烤(因為很熱)，但職員突然把烤肉全都放到爐上，然後收去裝肉的碟…過程來得很突然…禮物上都應該說一句吧？！…查看更多

由於朋友要結婚了，希望找個地方傾一下做兄弟姊妹的流程，最後就找了玩具小屋咖啡室。進去後大約有十張以內的大桌，我們坐的地方是要脫鞋進去，大家都慶幸沒有著穿窿襪。其實點了很多食物，但已無暇拍照。眾食物當中，以雞胸肉的賣相最吸引，因為你會見到半隻雞躺在一隻大碟上。另外很吸引的飲品是水果茶，附有一果凍另上，吸引一眾姊妹們的目光。…查看更多

這是間閒坐hea時間的好餐廳。下午茶基本是早午晚餐都有的選擇，看了meun,晚餐也好像不太貴。突然想吃熱湯飯，就點了個泡飯當晚飯吃了。很大碗飯，鮮菌很香但湯有點鹹。下次希望試試西多四重奏~~…查看更多