hojieat的個人專頁

已到訪第二次，食物仍然保持水準 環境舒服 好適合同朋友過一個下午櫻花蝦豆乳擔擔讚岐湯烏冬 $88面頭好多櫻花蝦！豆乳湯係甜甜辣辣咁，入面有豆腐同肉碎，幾開胃班蘭珈央椰子戚風蛋糕 $68 呢個真係好好味，蛋糕體好鬆軟，忌廉滑同好香班蘭椰子味 ！👍🏻👍🏻Hojicha latte 丸久小山園 $55 用日本丸久小山園焙茶粉，好香濃！👍🏻整體很好，聽住舒服嘅音樂員工有禮 服務也很好，下次會想再嚟試其他食物同蛋糕 ！…查看更多

星期日嚟到 唔洗等位 入面坐咗三四枱客有兩枱都帶咗幾隻大狗用餐叫咗兩個主食同一杯飲品香煎帶子明太子扁意粉 $148上面有兩粒凍嘅帶子，好明顯煎都無煎過，解凍完就咁用火槍燒一燒就放上去 意粉就算撈完明太子都係無咩味 煙三文魚牛油果炒蛋貝果 $118 等咗差不多20分鐘staff 先行過嚟話無晒牛油果，比多啲沙律菜或轉腸仔得唔得，最後換咗大啡菇個Bagel 一咬落去，無烘過同好乾 似係擺咗好多日嘅麵包…炒蛋同啡菇係正常嘅 個包食咗兩啖之後就再無食過最後叫咗一杯伯爵茶朱古力鮮奶 $60 Oat milk +$5 朋友飲第一啖已經話好怪好難飲成杯嘢好粉 然後伯爵茶嘅香精味好重都係飲幾啖就再飲唔落去..原本想試埋蛋糕同咖啡，但食完主食都覺得唔洗試質素真係好差，同網上評價好大出入 埋單 $360 而且設有加一服務費但感覺不到任何服務，呢個價錢唔應該係呢個質素 另外，怕狗嘅人都要特別留意因為狗隻會周圍走呢間暫時係我去過最差嘅一間cafe…查看更多

平日10:30pm 嚟食宵夜，諗住咁夜應該會無咩人？但竟然都滿座，出面大概有2-3組客人排隊幸好等咗20分鐘左右就可入座食物叫完亦好快上 👍🏻 全部味道都做得不錯醉貓炒河$88 好惹味！叫咗小辣因為見其他評價話好辣，河粉係闊身，幾特別！燒牛肉 $138 燒牛肉燒得剛好，大概6-7成熟，甜甜地好似加咗蜜糖燒，好食！呢個價錢性價比好高😋馬拉盞通菜 $88 正常發揮，調味做得幾好整體幾好，會想再嚟試其他菜式！😋…查看更多

夢王卡邦尼 $128 一上枱見到意粉上的蛋未完全隔走生蛋白，有點扣分，意粉係幾creamy，但食到一半會覺得好漏，略嫌Pancetta 切得太大舊好難入口。青醬蘑菇意粉 $138 青醬意粉其實都好難整得難食，但呢一間竟然做到，佢並無將香草做成醬，好似就咁將大量碎咗嘅羅勒加落意粉到煮，每一啖好似食緊菜撈意粉咁Oat milk Latte $50 正常發揮Long Black $38 有點淡總括來說 呢個價錢食呢個質素，真係有點失望，同區有更好嘅選擇。…查看更多

見到新開張，作為湯咖哩既fans 就嚟試下，之前係日本食過嘅湯咖哩覺得好好食，當日平日夜晚去到，企咗係門口幾分鐘都未有人理會，有員工經過對望咗幾次但都扮睇唔到，後來見入面有位行前問收銀嘅人先帶我地入座。同行三人 分別叫咗三款唔同嘅湯咖哩三款都一樣有炸過嘅配菜，薯仔，番薯，茄子，南瓜，西蘭花，粟米芯，每樣各一小片加半隻熟蛋天婦羅炸蝦湯咖哩烏冬$128 椰子湯底+$6呢個湯好似加咗好多水嘅喇沙湯咁，但就食唔到咖哩應有嘅香料味，比椰子味蓋過咗天婦羅炸蝦幾脆，但外皮太厚，蝦得手指尾咁細而且肉質好實脆皮雞腿肉串湯咖哩飯 $88 另加舞茸2件 蓮藕片2件 $24 蓮藕片炸過幾香口，至於湯底都係好稀，咖哩味好淡，雞肉背面仲燒濃咗澳洲和牛肩胛湯咖哩 $138個湯同雞腿個碗係一樣，淡和牛好薄，無牛味，呢個價錢出面會有更好嘅選擇 總括 試一次就夠了，普普通通，同日本食過嘅湯咖哩實在差太遠啦，無比較無失望😂同呢到有加一服務費，但感受唔到有任何服務，同店舖係商場電梯位所以會好嘈。…查看更多