Choi_tammy的個人專頁

同同事一齊去食lunch 啲同事都食燒肉午餐 但長期糧尾嘅我緊係食啲最平㗎啦 見到餐廳新出咗啲平丼飯38蚊就有交易 仲連埋麵豉湯 睇落就好抵 本身都唔expect 38蚊唔會好好食 點知個丼飯嘅質素出乎意料嘅好食！我叫咗個芝士和牛漢堡扒丼 仲連埋隻蛋 好送到飯 而且質素唔似38蚊 係超值啊！！ 而且份量都好多 食晒全個會好飽 我就食唔晒啦見同枱嘅同事食燒肉都好似好正 下次都好想試下！感覺可以一星期去一次都ok！…查看更多

見到海港城新開咗間Fine Dining嘅中菜就同屋企人入咗去試下 環境裝修好靚 Staff啲服務態度都好好我哋叫咗杏汁花膠燉白肺湯 酒糟醉雞卷 脆炸韮菜鴨血 鹽酥脆皮雞 乾坤蒜脆米龍蝦球 同花圖炒飯杏汁花膠燉白肺湯 味道好濃郁 無腥味酒糟醉雞卷 酒味適中 而且都好入味脆炸韮菜鴨血 上菜個陣熱辣辣 好特別 係其他地方未食過炸鴨血 又幾好食鹽酥脆皮雞 唔會過老 雞肉好嫩滑 雞皮脆卜卜 好好食乾坤蒜脆米龍蝦球 好惹味 龍蝦同埋啲脆米一齊食好脆口花圖炒飯 入面有蝦仁 整體嚟講都好好食 以Fine Dining嚟講CP值高 鍾意打卡嘅朋友唔好錯過…查看更多

返工食Lunch去咗醬缸韓國料理，環境就還好，但午餐都好多選擇！我揀咗海鮮豆腐鍋 ($60)﹐上台個陣熱辣辣。個鍋都幾抵食，入面都足料，入面有兩隻蝦﹑兩隻蜆﹑少少魷魚，帶子﹑仲有大量豆腐同一隻蛋。味道係好食嘅，唔算太辣，好食！下次食Lunch都會再encore!…查看更多

係太子行過想買外賣返屋企食，諗住食辣嘢所以就行去兩姊妹涼皮，見到都多人等緊外賣。我就叫咗招牌兩姊妹涼皮(中辣)同椒麻雞(中辣)，因為我唔食荽茜同花生，所以都叫咗走荽茜，花生。等咗大概10分鐘就有得拎。平時食開譚仔中辣嘅我就覺得兩姊妹個中辣唔夠辣，可能下次要叫大辣先得。涼皮同平時食嘅好唔同，兩姊妹嘅涼皮係厚身啲，食落煙韌啲。同埋佢個調味係偏甜，唔會覺得好重口味。椒麻雞都唔錯，雞肉嫩滑，調味都足夠，仲有幾嚿青瓜墊底，但都唔係唔夠辣。同埋佢個份量少左啲，同屋企人share食兩嚿就無，唔係好值$52。除左價錢之外整體都唔錯，下次行過都會再買！…查看更多

前排係KCC搵野食發現有間應該係新開冇幾耐既日式火鍋店，我都幾鍾意試新野所以就入左去食。可能係新開冇乜人食，坐得都幾舒服又唔會好吵。湯底有四種，揀左香菇昆布湯同番茄豬骨湯，兩個都唔錯，昆布湯比較清淡，有少許鮮甜味；番茄湯比較濃郁，同埋有D偏鹹，不過兩個幾好味。要左幾份安格斯牛肉、澳洲牛肉同響鈴，份量算OK，不過牛肉質地唔係全部都咁好，有D好韌，不過都算係咁上下，大部分都算正常。買左隻淳茶舍話係減脂唔知有冇效，味道一般。大致都算正常過得去，得閒間唔中會再試多次。…查看更多

 一向都好鍾意食海鮮，只要夠新鮮同埋火候夠，絕對唔會難食。前排同friend行尖沙咀，行到天文臺圍附近發現呢間鋪可以燒海鮮，而且種類都算齊全，就一於試下。我地叫左蟹味甲羅燒，帆立貝，茶漬飯，龍蝦肉同龍蝦頭，仲有一份牛肉。甲羅燒低係蟹膏，份量很多；上面有蟹肉同蟹籽。但份量好少，但味道幾好。北寄貝會被剪成一小塊，方便入口，幾鮮甜唔會有腥味。茶漬飯就係把熱茶倒在飯菜上面，類似湯飯，但茶味道會比較淡，少少苦味，普普通通。龍蝦頭、龍蝦肉都幾好食，肉質結實，好肥美，一試難忘。但牛肉就完全唔掂，好韌，吞唔落去，有幾塊又冇事，質素參差不齊。…查看更多

想食下高級野，聽講呢間有高級和牛，於是就同friend一起黎食，試下和牛的質素。我地叫左個套餐（樁，Tsubaki），有前菜同季節魚刺身三款，和牛肉四款，海鮮，酒，湯，麵同埋甜品。仲叫左一份魚子醬香蔥吞拿魚腩脆脆（要另外加，套餐唔包）。個和牛有外側後腿肉，內側後腿肉同牛里脊肉等唔同部位，每個部位既牛肉味道都唔同，後腿肉比較結實，而其他則比較多油花，但總體黎講味道都唔差。蕎麥麵同海鮮等食物都一般般OK，味道正常。而個魚子醬吞拿魚腩真係好好味，魚子醬好鮮甜有陣海味，魚腩好嫩滑好好味。而且每款食物都會精心擺盤，好靚.…查看更多

地方窄變相座位少，但唔好食的話，我唔信LUNCH會KEEP住咁多人等位！依間泰瀛咪睇佢外表咁舊，真係成個LUNCHTIME都勁多人，附近咁多餐廳競爭咁激烈都可以KEEP住個勢真係唔簡單！豬頸肉炒公仔麵，睇就簡單，其他餐廳好多時都係菜/芽菜多過其他料，不過依到嘅豬頸肉含量真係唔少！個麵唔會炒得太咸，加埋紅、綠椒，成件事感覺上健康咗咁。個底都有唔少菜，加埋凍飲都唔過$60！各位佐敦街坊可以考慮下！…查看更多

夏天食真係熱咗啲，相信冬天食真係一流！砂窩噴住煙上枱，唔洗講都知一定熱辣辣！花膠當然唔會俾最靚嘅你，不過都唔係細細粒咁孤寒。雞預先醃定有味唔淡，而且唔會煲到老哂柴哂，湯嘅面層有雞油，代接佢碗嘢唔會凍得咁快配粉絲食唔會太油太膩，佢仲有米線、米粉之類選擇。不過份量嚟講男士就未必夠飽，我食就剛剛好！…查看更多

依到嘅漢堡扒真係無得輸！夠厚夠大件，仲要煎得靚！加埋炒蛋、腸仔，重點係佢地連side dish如牛角包都處理得好好好香牛油味，仲要夠脆夠熱所以真係一放假就落樓去佢地到食早餐有時good morning真係好簡單俾個靚早餐大家就夠啦…查看更多

真係無諗過叉燒包竟然有椰子味！成件事唔太夾之餘真係有啲怪不過其他點心就相當高水準而且六角形嘅點心籠真係幾特別！點心定炒粉麵都係出住煙咁上枱，夠哂熱辣辣，真係新鮮出籠！$175一個人，CP值不錯！…查看更多

各位社畜必食LUNCH一定包括燒味飯聽聞新強記係佐敦立足多年，係名店嘅level30蚊仲要包一碗是日靚湯真係良心價！燒味飯，通常大家食食下就會放棄啲白飯不過新強記嘅飯唔會搞到油哂都KEEP住清爽清爽加埋必備豉油，真係唔洗少飯都OK燒肉皮脆肉嫩，唔會甩皮甩骨，證明師傅燒得好、斬得妙燒鴨油香味夠惹味如果可以加埋薑蔥撈飯就好喇！靚湯全無味精，飲完唔怕頸渴，住佐敦或者係附近番工嘅朋友記得去幫襯下喇！…查看更多