flowerworld的個人專頁

一直都希望返工附近有間冰室可以有早餐下午茶食平時都有買開早餐 超大份最重要多選擇，多士都可以任選(奶醬/油占...)不過今次要推介個下午茶A-H,1-15任選一款 仲要連飲品 超抵食我就試左C+2, 熱檸水薯蓉係即叫即整，所以都等左20分鐘到🤣雞脾好入味 又大隻，其實食完隻雞脾已經飽左一大半🤭薯蓉份量都唔少，熱辣辣，芝士味濃！下午茶大件夾抵食下次會繼續試其他…查看更多

之前去荃灣必食的米線終於在大角咀開分店好感動呀 又多間新食堂今次叫左招牌炸魚餅米線魚餅好入味 有鮮味份量夠有4大舊食落啖啖肉 唔係魚膠但小心有小小魚骨仔 好新鮮米線份量依舊咁多每次都食唔晒因爲要留肚飲晒碗湯 哈哈重點！一定係講個湯底呢間小店標明 絕無味精鮮魚湯每次都一定飲晒全碗湯 飲完都唔口渴 因為真心無落味精呢間係我唯一連個湯都會飲清清地 好好味 岩晒想食清啖d 的你仲有碗湯仲會附送少量娃娃菜同豆卜顯得更健康下次要試下其他送先…查看更多

今天放工不太餓之輕食之前都係去開旺角店 印象比較暗同好逼相反 銅鑼灣店位置係橋底 光猛好多 卡位坐得又舒服今日叫左魚肉煎豆腐同熱豆腐花超快上菜😂魚肉煎豆腐 $16/4件人和必食，清清的味道但配上絕配的辣椒醬，好食呀熱豆腐花 $12超級滑 入口即溶 好耐無食過滑到咁的豆腐花我呢個糖怪當然少不免加多幾匙的紅糖仲有個怪習慣 要攪碎成碗豆腐花先食（懶理旁人奇異眼光）原來呢度有好多款豆腐花選擇下次想試芝麻糊豆腐花/紅豆沙豆腐花再試下鹵水豆腐先，(因為都聽到好多客人order)價錢合理 輕食之選…查看更多

以為銅鑼灣只能捱貴嘢食？未必未必今日就發掘到一間抵食午餐的地方漢和 大家一定對韓燒唔陌生啦但原來有勁多選擇的set lunch menu岩晒上班族呀入去時職員會問你食燒烤定set lunch環境寬敞 又有卡位坐枱上仲有熱茶今日叫左韓式雞肉飯有湯、伴菜（菠菜&泡菜）、一大碗飯醃好的雞肉超入味 配飯一流如果想額外加伴菜，都只係$5一碟另外我加$6要左杯熱水如果唔想要飲品 可以叫個豆腐花做甜品呢度set lunch大件夾抵食看來係我來緊新飯堂之一了…查看更多