JOANSS的個人專頁

我喜歡食泰國菜，所以過開嚟荃灣就試呢間，食物美味，上菜快，餐廳裝修還有點特色，唯一就是要限時，不適合一大班人聚會，因為肯定會食得比較急趕，但對於我4人聚會就完全無問題，今次無叫飲品同甜食，但主菜嚟講我好滿意，相信會再去。…查看更多

一坐低已經見餐具有頭髮， 諗住可能有人行出行入跌落去啫，自己撥咗去就算啦，點之後叫咗個花膠雞湯底，而雞係另上嘅，但雞底又有條頭髮，相片都可以見到，全枱人見到都即時無晒胃口，食物可以， 蟶子新鮮，牛拼盤每樣都比較細片， 豬可以，菜份量比較少， 帶子餃比較硬，所以價格算係略有點貴， 唯一驚喜嘅就係豆腐花， 有特色，而且啤酒做緊優惠，加一蚊有2升。對愛飲酒人士嚟講絕對抵飲，但其他飲品單叫就略貴，所以整體嚟講應該無下次。…查看更多

因為原本訂咗位嘅餐廳突然停電，見呢間評價好似唔錯，就諗住試下........未入座已經叫你個半鐘還枱，我認為唔夠時間食，店員就話個半鐘平啲，不過最後我地都決定比多少少食2個鐘，但食物質素好一般，雞煲少辣完全無辣味，職員放低雞煲攪幾吓乜都無講就走開咗，轉頭另一個職員埋嚟話我地唔可以開大火，話會燶會痴底，但我地樓根本無掂過個爐，全晚落咗3次單，只有第一次送齊，其餘兩次叫牛肉，兩次都無嚟，同職員講完，話會補送，結果都係無送嚟，當晚全場無滿座，2小時一夠鐘職員即刻話夠鐘，然後企係你枱邊等你，食緊個舊粟米都要放低，真係沒下次！…查看更多

一到步就上每人一板海膽刺身，很鮮很好味，而其他食物都不錯，亦有海膽選擇，上菜快，亦沒有漏單情況 ，進餐時間都很充足，環境衛生舒適，跟其他限時2小時的放題沒得比，可以再吃的…查看更多

當晚係朋友聚會，每次點10樣嘢可以只嚟3-4樣，漏單喺非常非常之嚴重! 完全食唔飽嘅放題!! 而且飲品不會refill, 坐位比較狹窄，衛生環境一般，肯定不會再去! 每人$差不多$300，食唔飽，很失望的一餐…查看更多

喺東京麵包餅食買咗早餐幾年，感覺越嚟越差！啲阿姐一路分麵包一路講嘢又唔帶口罩，全部麵包都沾滿口水花，已經睇見唔想食！！ 今日仲要買咗一份好離譜的三文治！三文治睇落有豐富餡料，但原來番茄只有番茄皮連少許肉，仲要有心放喺三文治邊，依家番茄好貴咩？賺錢還賺錢唔好咁無良！！真係以後唔會再幫襯！！呢種手法真係不知所謂！！…查看更多

嚟晒大譜！我未見過三文治塊蕃茄係得條邊囉！簡直無良商店 ！啲阿姐平時分麵包就一路分一路講嘢，啲口水花就周圍飛，完全無衛生可言！起初覺得佢比美X啲麵包來講佢無咁空心，但幫襯左一排發現原來都唔好得幾多，決定以後唔會再幫襯東京麵包餅食！！…查看更多