emmacoffee的個人專頁

今日去Yoho Mall 行街，lunch 見到呢間梳乎厘幾吸引，等左一陣就入得，之後叫左： 石板街梳乎厘 ~梳乎厘即叫即整，等左15分鐘就熱辣辣上檯，一定要即食，一碟有三件梳乎厘，夠晒鬆軟，蛋味香濃， 配上朱古力漿、mousse、杏仁、曲奇同棉花糖等材料夠晒豐富 漢堡扒全日早餐～滿滿一整碟，漢堡扒好juicy配搭煎蛋、煙肉🥓、法式吐司、煙三文魚、炒磨菇、沙律菜、車厘茄同埋牛油果🥑等等，吐司外酥內鬆軟，充滿蛋香 傳統卡邦尼意粉~意粉煙煙韌韌有嚼口每條沾上汁，份量多非常Creamy 熱烏龍茶～茶味香濃，解膩一流呢間食物擺盤精緻，餐廳裝修主打日本木系文青風格有室外座位，響商場3/F環境寬敞寫意，店員服務態度好，西鐵站樓上交通夠方便！…查看更多

凍凍地又係時候打邊爐，依家湊湊火鍋響元朗YohoMix都有分店，豆腐鴨血無限添加👍食完吾夠喉仲送鴨血可以帶返屋企食添😋揀咗駌鴦鍋，「台式麻辣鍋」湯底，內有鴨血豆腐無限添加，另一邊湯底「椰子雞鍋」，湯底清甜滋潤🥰 配料叫左：可愛企鵝丸~人氣之選，外型生鬼可愛，食落Q彈😋美國特選級牛肩胛~肉味香濃😋活撈蚵仔、白鱔片~好新鮮😋千絲牛百葉~同麻辣湯好夾好惹味😋油麥菜~青嫩爽脆大紅袍珍珠奶茶~茶味醇厚😋抹茶開心椰~抹茶口感香醇😋 ❣️自助吧除左醬料款式特別多外，仲有生果、前菜、小食同埋滷肉飯，附送解膩沙冰同埋甜品紅豆豆花布丁😁 ❣️呢間台式火鍋裝修雅緻，座位舒適，空間感十足，商場又有泊車優惠，依家火鍋單點仲送寶寶餐（價值$128） ，約埋朋友嚟打邊爐食得開心又方便。…查看更多

去Yoho 食飯，見到呢間大閘蟹有油煎、熟醉煮法幾特別 ❣️即叫即蒸$138/隻～依家最啱時間食蟹公，好鮮甜，白膏夠香又黏口，拆蟹工具齊備，食完隨即奉上薑茶暖下胃，相當貼心🥰❣️熟醉大閘蟹$138/隻~凍食，以花雕酒醉配方浸泡，酒香滲透入蟹，每一啖蟹黃蟹膏入口回味甘甜，好鮮味😋 ❣️黃金荷葉包$76～肉絲同洋蔥炒得香嫩多汁，荷葉包外層炸得香脆，必食推介😋👍 ❣️鮑魚辣椒小炒肉$158～鮑魚、五花肉配青椒辣爆到香口惹味，醒胃小菜😍 ❣️興化炒米粉$118～米粉炒得乾身，以鮮蝦、蟶子、蜆等新鮮食材，加埋瘦肉、冬菇、蝦米、瑤柱、豆卜、花生、紫菜，花生等多種配料，口感豐富😁 ❣️餐廳響形點一期2樓，除咗地道風味福建菜，入面環境寬敞舒適，一坐低店員隨即奉上熱野生菊花茶及前菜，服務有禮，家庭聚會好地方。…查看更多

九龍灣牧羊少年咖啡館，響正德福廣場戲院對面，睇戲前入去食飯先好方便。一入門口餐廳環境設計寬敞舒適，用餐區文青風格，氣氛典雅，晚上放工可以約同事入去飲杯輕鬆下🥰 ❣️餐牌菜式選擇種類多，我地叫左(You & Me Set)二人套餐$428，已經包括小食、主菜同兩杯飲品及兩個雪糕甜品(加錢仲可以轉其他特色刮甜品) 好彈性，怪不得平日都坐滿😁 ❣️小食：照燒汁煎乾蒜美國牛柳粒~估吾到小食份量超多，牛味濃好香蒜味😋 ❣️主菜：鹽麴燒比目魚伴烤澳洲西蘭花, 普羅旺斯燉菜~比目魚經過鹽麴醃製，外皮煎得香脆，肉質細嫩及帶魚油香😋 ❣️意粉：蒜香牛肉碎松露醬雜菇意大利粉~意粉煮得Q彈，香濃松露及蒜香味增添層次感😋
飲品：水果茶(凍) & 黃金蕎麥茶(熱) 甜品：Haagen-Dazs 曲奇味雪糕杯（兩杯）我就+$58轉焙茶心太軟配雪糕，即叫即焗的，焙茶蛋糕焗得外脆內軟，切開勁流心，焙茶味香醇軟滑😋…查看更多

呢度主打燒鳥串燒，有雞的不同稀有部位，雞頸皮、雞冠、雞尾、雞掌肉、雞腳筋、提燈等每日限量供應😊 我地好好彩，今次食到幾款刁鑽部位，店長介紹師傅要好花心機處理，調味講究，火喉要控制得好，先可以保留到雞嘅原味道，依家終於明點解吾係度度有得食刁鑽部位😋 ❣️雞掌肉$58 / 串~一隻雞腳亦只有一塊小雞掌心肉燒至外層焦脆有嚼勁😋❣️提燈$88 / 串~為提升口感師傅加埋雞肝同雞肉，口感更加豐富😊❣️雞尾$38 / 串~一隻雞得一粒，燒到外脆，趁熱食，原來吾核突，仲好好味😋❣️雞心$38 / 串~經師傅細心處理過先燒，新鮮製作，食落仲唔會有腥味😋 ❣️雞頸皮$58 / 串~口感香脆，入口油香到位❣️燒手羽中$38 / 串~師傅將手羽先醃製過後烤制，焦香味十足，必食推介❣️燒日本螢光烏賊 $ 38/串~第一次試食燒做法，味道帶點鹹香😋
❣️燒味噌雞腿肉$ 48/串~師傅用上自家發酵的塩麴，雞腿肉嫩滑🥰 ❣️煙燻雞肉丸$ 68~打卡一流賣相滿分，一打開用櫻桃木煙燻過，香氣撲鼻，雞肉棒師傅用上秋田煙燻蘿蔔粒，雞肉爽彈配埋日本蛋黃一齊食，好滋味🥰
❣️一口串燒、一啖酒，呢度有各類型嘅日本酒，有專業唎酒師專業推介，我地試左三款清酒，大七箕輪門純米大吟釀較易入口，另外仲有奧能登之白菊x風之森純米大吟釀原創同奧能登之白菊x風之森純米大吟釀合作，女仔都啱飲🍶 ❤️除左串燒正，前菜同自家製甜品都出色🥰 ❣️藁燒鰹魚$88~以稻草和炭火慢慢炙烤出來，效果出色😋❣️半熟蛋伴薯仔沙律$68~薯仔蓉撈左明太子，配流心蛋，日式和風料理幾特別👍❣️慢煮山椒鶏胸肉 $ 88～肉質嫩滑，以山椒醬汁，伴上生洋蔥一齊食，充滿層次感😋 ❣️黑啤爆谷雪糕 $ 48~真係食到有啤酒味同爆谷香😊

❣️玫瑰柚子雪葩 $ 48~夠清新充滿柚子清香😋 ❤️餐廳主打日式串燒，響尖沙咀食飯去商場反而太多人又迫，呢度地點勝在旺中帶靜，入面好似居酒屋甘，地方吾算大但座位闊落仲有卡位，坐得舒適，串燒係即叫即燒，可以一邊飲酒傾計，店員態度有禮，服務態度同食物質素高。 …查看更多

牛魔王生日，滿足佢要求去食燒肉，之前食過一次，最鐘意係一大盤蔬菜沙律可以refill，店員服務好又坐得舒服，乾淨企理，食完無陣油煙味🥰 ❣️名物！菠蘿漬鑽石和牛胸腹肉 ($288)~ 原個菠蘿同大大塊和牛胸腹肉，朋友話呢個係必叫，原件菠蘿酸甜多汁，牛胸腹肉味香濃， 肉汁豐富😋 ❣️龍蝦尾(2隻）$258~龍蝦尾啖啖肉，用左特調嘅蒜茸醬再用蒜蓉同埋牛油，口感彈牙😊 ❣️黑毛和牛壽喜燒 (2件) $268~黑毛和牛肉味濃郁，油脂充足，熱火輕燙和牛再配上蛋汁 口感軟嫩入口即溶， 配埋一口飯 ，超好吃🥰 ❣️一口牛三食$128~牛肉味濃郁😋❣️特選燒牛肉飯$168~飯面鋪滿燒牛肉，燒完既牛肉油脂好香，配埋生蛋拌飯，食完依個飯，真係好滿足🥳❣️菠蘿梳打$36~好fresh 用黎解膩真係一流😊…查看更多

呢間燒肉店環境坐得舒服，空間感十足仲有戶外座位，店員服務態度有禮。餐牌選擇多，前菜任食、燒烤方面有牛、豬、海鮮都用上優質食材，燒肉質素高😋❣️一坐低就送上醃蘿蔔、芝士粟米和泡菜、涼拌豆芽菠菜、芝麻蓮藕片、薯仔蓉，全部都可以免費追加😊❣️棉花糖壽喜燒和牛西冷~脹卜卜棉花糖，賣相吸引， 由店員慢慢淋上壽喜燒汁， 瞬間即融，壽喜燒醬汁鹹甜適中，和牛西冷雪花均勻，入口即溶，撈埋蛋汁包住一嚿小飯團食口感嫩滑😋 ❣️最上等牛肋骨~原條牛助骨份量十足😊❣️大蝦~店員幫手燒，吾怕燒過龍，燒到剛剛好，肉質爽口彈牙😋
❣️韓式炸雞（半份）~ 原味炸雞外脆內嫩😋

❣️泡菜五花肉煲~熱辣辣成鍋上檯，入面有原條五花肉、泡菜、豆腐及芽菜，五花肉店員會幫手剪開細細件，層次分明啖啖肉， 泡菜湯底濃郁，夠醒胃配白飯一流😋❣️一人一杯菠蘿同提子梳打~清新解膩😊 ❣️呢間燒肉店開響旺角T.O.P 5樓，抽風做得好好，食完都無陣油煙味，上菜速度快，最正冇限時間行完街約朋友食飯傾計啱曬😊 …查看更多

呢間台式火鍋依家做緊開幕五周年120分鐘套餐加$40升級有無限時優惠，4人以上仲有得送手切prime grade嘅牛頸脊
❣️店內環境乾淨整潔，空間感十足，卡座位坐得舒服，店員服務態度有禮。我地揀左第二級別牛肉套餐，湯底有成20款，有辣有吾辣，今次試下藥膳養生花膠雞鍋湯底，用料十足，電話QR code落單，上菜速度快全晚無漏單。飲品選擇多，多款自家制泡茶同各式冷熱飲品自己拎😋 ❣️餐前小吃鹽酥雞花枝丸炸得酥脆❣️自助吧已有齊多款打邊爐配料，調味醬料多種選擇😋
❣️除左4款肉必食外，其他火鍋配料(牛柏葉、大腸、木耳、鮮淮山、帆立貝、炸魚皮）選擇好多有丸類、菜類、餃類，海鮮有蜆、白鱔片、脆肉鯇、海蝦等，鮮甜美味😋 ❣️牛頸脊、安格斯肥牛，味道濃郁仲有西班牙無激素豬肉片😍 ❣️丸類有炸蝦丸、爆漿金莎丸(鹹蛋黃) 、墨魚丸夠彈牙👍 ❣️最後真係食到好飽，一人一杯Movenpick 朱古力雪糕做甜品😍 …查看更多

放工近近地去德福呢間濟州燒肉食堂，入面環境舒適，卡位闊落， 坐得舒服！一坐底店員已經主動送上多款前菜，有芽菜、泡菜、醃蘿蔔、生菜，仲有爐邊泡菜蛋同芝士栗米係任添的 全份花卷五花肉~賣相靚紅白相間豬五花肉，脂肪分佈均勻，燒至微微焦香後仍保留豐富肉汁，肉味濃郁蘋果梨汁雞肉~醃味後帶點甜味，雞肉嫩滑辣炒年糕~黏軟彈牙，辣辣地幾惹味大牛骨~大大條牛骨上檯，以秘製醬汁醃製，醃得好入味，牛味濃郁，入口肉質鮮嫩 柑橘梳打、濟州特飲～送燒肉一流呢度食物份量足，服務人員態度好，上菜速度快，又主動幫手燒肉，非常貼心，食完都冇油煙味，韓式燒烤餐廳呢間都算係好食又抵食，CP值高，好啱朋友聚會…查看更多

今晚同朋友去尖沙咀食飯，去咗呢間主打川菜烤魚，入面有4種魚揀，每種不同價格，自選口味有9款，不同辣度可以揀😀 揀左海爐魚配爆醬鳳梨香辣豆花同bb辣，烤魚肉質厚實細嫩，鳳梨鋪晒響面，酸酸甜甜醒胃多汁，配秘製醬汁同多款配料，洋蔥、寬粉、豆花、豆芽菜、木耳、萵筍等，全部索曬d汁好入味😍 鴨血+豆花~豆花好滑嫩，忍吾住叫多份，同埋食辣野吾少得既鴨血，一碟8件切到一磚磚，配埋杯龍鳳檸樂 呢度除左烤魚，仲有雞煲同串燒，午市仲有客飯套餐選擇，位置方便😋 …查看更多

銅鑼灣呢間韓式居酒屋，餐廳設計簡約韓風， 座位舒適，空間感十足，坐得舒服，卡位設計有小布簾別具風格，小小私人空間可以放心傾❤️ 點左ᴅᴀᴛᴇ ᴡɪᴛʜ ᴋᴏʀᴇᴀɴ sᴇᴛ ❣️一坐低已經奉上多款開胃前菜，雖然呢度吾係任添，但主菜份量十足，食太多前菜會食吾晒其他菜式😋 ❣️首爾蒸餃~韓國傳統風味，以豬肉泡菜做餡料😁 ❣️醬油帶子配紫菜~陣陣醬油味帶出帶子嘅鮮味配搭埋紫菜更加鮮甜😍

❣️醬油蝦~四隻醬油蝦大大隻一啖咬落去勁彈牙😍 ❣️辣韓國五花肉~五花肉燒到香口，用生菜包住食，減少油膩感☺️ ❣️首爾牛肉鍋~食到一半，店員先上菜好貼心，仲會幫手燒，牛肉味濃肉質滑嫩，鍋邊有好多種菇吸晒牛肉汁精華😋 ❣️海鮮煎蔥餅~煎得金黃酥脆，份量同餡料十足，餅面鋪滿香以小銀魚，口感豐富😋 ❣️韓式甜辣炸雞~外層脆入邊肉嫩多汁，啖啖肉😋 🍸雞尾酒~SNOWING NIGHT 同THE NIGHT BEGINS，配以燒酒、鳳梨汁，酸甜果香…查看更多

泰式火鍋即夾新鮮活蝦120分鐘放題❣️有8款特色湯底可選擇😊超過6款不同豬牛羊揀同多款小食都係任食😍 ❣️我地揀左冬陰功湯底，濃濃椰香味加上香茅、香葉，吾會好辣但胃醒，配埋新鮮活蝦，蝦肉爽口彈牙，提升鮮味，仲任食牛小排👍😍 ❣️自助吧~有多款打邊爐配料，調味醬料多種選擇😊 ❣️熟食區~全隻海南雞、配黃油飯炒蝦粉絲、辣炒肉碎、咖喱等都有，另外泰式串燒雞、串燒豬、炸蝦餅、炸豬皮、炸蝦片、炸雞寶、榴槤炸彈等任點任食😍 ❣️甜品吧~泡芙、朱古力班尼、時令水果、雪條、雪糕、三款泰式奶茶，另外仲可自己調配各款珍多冰😋 ❣️班蘭千層糕同椰汁西米糕係即製😍好似我甘鐘意食椰汁西米糕要留意，呢兩款係30分鐘出一次，拎吾到就要等下轉🥰😋 ❣️呢間性價比同誠意十足，地方寬敞，地點方便，服務態度佳，上菜快同冇漏單😀 …查看更多

呢間餐廳佈置得充滿日本風情，天花掛上日本燈籠，店內有大魚缸，食磯燒海鮮，即點即燒😍 ❤️除咗磯燒，仲有刺身、壽司、漬物、燒物、料理等選擇，啤酒、清酒樣樣有，有我至鐘意螢光魷魚、海膽、銀雪魚西京燒、壽司 ❣️雲丹刺身~頭盤先黎開胃海膽，味道鮮甜唔腥好Creamy❣️蟹味噌甲羅燒~由店員即席烹調，煮嘅時候已經聞到陣陣蟹香， 燒過既蟹膏味道超濃郁， 粒粒既蟹籽好有咬口加埋蟹肉絲，口感超豐富 ❣️銀雪魚西京燒~燒到剛剛好夠肉質嫩滑😍 ❣️土佐豆腐~豆腐炸得外脆內裏嫩滑😍 ❣️炸池魚仔~細細條炸得夠香口，兩款小食送生啤同菠蘿燒酎😚 ❣️帆立貝壽司、油甘魚壽司 呢度以純樸木色為主調， 面積雖然不大，但食材新鮮，食物質素高，服務態度好，交通方便，仲有包廂座位，方便一班人聚會慶祝生日😊…查看更多

Lunch同同事行上去德福廣場，經過Terrace in seaside，見有位就入座，呢間有室內同室外可選擇，我地揀室外，開揚冇甘局促，坐低即刻落單叫嘢食  ❣️燒醬油黑毛豬白切肉紫蘇拌飯~飯有少少辣幾惹味，黑毛豬白切肉啖啖肉香😊 ❣️Seaside Brunch ~材料豐富有煙三文、雞蛋、火腿、窩夫、牛油果、希臘乳酪配沙律菜，開胃醒神😋❣️清甜柑橘窩夫~窩夫鬆軟夠蛋香，柑橘帶啲酸酸甜甜，配合埋橘汁漬和忌廉，好Fresh😋❣️士多啤梨慕絲~加落窩夫上面食，啖啖士多啤梨香😍❣️是有咖啡的忌廉朱古力~上面鋪滿朱古力片而且夠冰凍，鐘意飲Mocha嘅一定要試吓😋❣️濟州柑橘乳酪~濟州柑橘汁加乳酪，酸甜且帶清新感😊 …查看更多

任食120分燒肉放題除咗燒肉係主角，榴槤控必食推介，榴蓮炸彈，一咬落去飄來榴蓮之香勁流心唧晒出嚟，encore 再encore ❣️佐賀燒肉谷燒肉套餐款式多，我地今次揀左120分鐘Lv3澳洲和牛海鮮放題 ，可以食到120多款食物，餐廳依家做緊痛風海鮮祭， 每枱送極上海鮮拼盤一份，套餐加$38清酒、Sapporo生啤任飲😍 ❣️自助區仲有多款小食、日式料理、前菜、甜品同飲品，仲有軟雪糕機，有配料比你DIY添😍 ❣️熟食·炸物款款都有水準。QR code落單，熱辣辣上檯，鹽味枝豆、吉列炸蝦、花魚一夜干、炸雞、炸芝士年糕球、燒香蕉朱古力綿花糖、焦糖甘薯。另外，紅豆鯛魚燒、泡芙放喺燒爐上面燒下，外脆內軟效果, 好好味😋 ❣️極上海鮮拼盤~多款海鮮包括虎蝦、蟶子、鮑魚、帆立貝、日本蠔、牙帶魚、白鱔，全部都好鮮味😍 ❣️梯級燒肉拼盤~一共有8款牛肉，澳洲和牛特上牛肋肉、澳洲和牛上級牛胸腹肉、美國和牛肩胛肉、美國牛胸腹肉、牛舌、特選牛小排、穀飼牛板腱、牛肩里肌肉等，款款都好正，油脂感豐富，食完再追加😋 ❣️當然除了和牛亦有其他肉類，厚燒牛舌、炭火赤燒雞，連香草羊架都有😋😍
❣️煙燻壼漬封門柳~整條用醬油醃好，肉質軟腍，牛味較重，肉味濃郁😄 ❣️食物真係好多選擇，呢度座位闊落，卡位坐得舒服，上菜速度快，員工有禮，食物用材新鮮，最後食埋軟雪糕飽晒😋…查看更多