meanfa的個人專頁

叫外賣又唔係平過堂食，等外賣嗰陣完全唔畀你坐喺度等，但係明明有好多吉位，起碼有四五張吉枱，都要趕我哋出去！好喇，企喺門口入面等都唔比，一定要企喺門口出面，大熱天時三四十度，入面又唔係人多！同佢理論話其實我個餐冇平到，點解唔畀坐喺度等，完全唔識轉彎！咁我話，如果而家即刻話堂食咪可以喺度坐囉？！佢唔知係聽唔明，定扮聽唔明，依然同一句說話就係，話外賣所以冇得坐。食物質素好一般，又唔係平，咁嘅服務態度，真係搵鬼幫襯。附近今日發現已經有四間執咗笠，應該他朝君體也相同！…查看更多

住鄉下嘅我，山長水遠專登揸車去食呢間餐廳試下，點知食到一肚氣。話說我哋叫左幾碟野，其中一碟係羊肉雲吞(Lamb Ravioli),點知侍應落錯咗, 送咗第二碟黎，但由於兩碟嘢個樣其實都好似，我哋食咗幾嚿發現冇羊肉，於是同經理講， 佢見我哋已經食咗黎錯嗰碟，居然白眼我地，然後話，咁仲使唔使換吖， 個樣好晦氣 、好唔願意、好似我哋呃咗佢原先黎錯嗰碟咁嘅樣。 大佬呀， 兩碟嘢個樣咁似，燈光又昏暗 ，食咗幾啖先知黎錯係好正常，仲有佢本身嗰啲份量少得可憐，食咗幾啖就好似成碟食完咁…… 搞到我哋好似食咗好多咁……之後喺佢 晦氣 嘅情況之下，終於都換返碟羊肉雲吞畀我哋。 好喇戲肉嚟喇， 經理放低咗碟羊肉雲吞之後， 佢居然話你下次落單，要讀清楚係ravioli(雲吞),否則侍應會落錯, 我哋話我哋已經指住個餐牌, 話要羊(lamb)呢個㗎喇喎 , 心諗指住餐牌講keywords 好正常吧,正常人點菜都唔會講complete sentence 啩，你估返學咩 , 況且成版pasta都只係得一碟有羊！點知個經理繼續駁嘴 ，堅持話我哋下次要講番話要ravioli, 如果唔係侍應可能會落錯 。 然後我哋搭番佢，應該唔會有下次㗎喇……其實呢個時候，我哋全枱人終於恍然大悟， 原來個經理最後講咁耐，都係想串我哋唔識英文……經討論之後我哋覺得下次食飯要帶埋90年代畢業嗰張大學證書出嚟， 証明我地係識字嘅。其實二百幾蚊碟嘢，黎錯咗，講句唔好意思換番咪算囉 ， 碟嘢手板咁大 ，成本根本好平，最貴咪啲租。 去大家落or茶餐廳食碟碟頭飯, 黎錯咗都要換啦， 而哩間仲係element嘅貴夾唔飽高級餐廳 喎。 講番食物質素, 成晚最抵食嘅係 生蠔, 雖然細細隻 但係 味道都ok , 個parma ham pizza都幾好食, 最差係pasta類 貴夾唔飽兼味道一般。 不過點都好，咁受氣一定冇下次 ， 貼錢買難受。 怪唔得知假日夜晚都得咁少枱客啦………查看更多

見佢有半自助lunch， 諗住畀次機會佢試下，點知難食到嘔，真係 好難揾間難食得過呢間嘢， 基於環保夾硬食咗幾啖 . 塊豬肋骨完全 似 蔗渣 , 切都切唔開。 我發誓 絕對一世唔會再幫襯 ! 下等食材、九流烹調技巧、亦唔新鮮 ，如果想見識咩嘢係超級難就過嚟啦. 我呢啲懶人，唔係受咗重大 刺激 都唔會寫食評 ！ 塊鱈魚，冇豬 肋骨 咁難食，但係都係超下等水平，大家樂同大快活都絕對好食過佢多多聲。 半自助款式少之餘，又唔好食，全部係平價嘢。 今日應該當衰，完全冇食神！…查看更多

之前係哩度嘅常客，但近來似乎轉咗手，新老闆態度極為惡劣。除咗經常不停鬧員工之外，竟然喺我哋剛食完嘢約5分鐘後，惡老闆對我們說:「你哋啲野黎齊未，黎齊就好走喇喎，有好多人等緊㗎。」隔咗三分鐘後，佢見我哋仲未走，竟然企喺我哋張枱前面义住條腰怒啤我哋！但當時門口鬼影都無隻，並且有幾張咭枱。而我地由此至終都只係食咗小於一個鐘！食物方面，之前係好地地嘅，自從新老闆轉手後，食物已經冇以前咁新鮮。而且可能因為管理不善，好多點心都話賣晒。我同朋友食完之後，話過以後寧願食屎都唔會再幫襯！…查看更多

作為元朗人，想食燒味，上黎睇咗食評尊登過去買。買咗盒义鵝飯，义燒尚可，燒鹅得層皮食得入口。啲肉硬到我咬唔入，我當然唔會生吞，為有掉咗佢。話好味嘅食評，口味比較特別，又或者係我口味特別啩。真係接受唔倒囉！其實去到嘅時候，晚上peak hour 也只有少貓一、二枱，我已覺得心知不妙，心裡面寒一寒，但本住實驗精神，即管試一試。最後結果真係……一次都嚴多！！！！…查看更多

之前都幫襯過crema , 已發現 Latte 很好飲. 而最近因本人嘅公司由香港區搬咗去九龍區, 於是幫襯多咗. 平時我飲星巴克只會叫細杯, 但crema嘅Latte 味道很岩我, 所以我居然飲得落大杯! 作為一個經常拉肚子嘅人, 相信此店應該係用靚豆、靚奶, 否則我的肚子必定會告訴我. 加上我見到有顧客買咖啡豆, 並且有很多老外幫襯, 相信我嘅肚子應該冇錯. 價錢方面我覺得set 得算平, 看來此店老闆對經濟不太敏感, 否則通漲咁勁黎講算好抵食. 希望此食評佢地唔好睇...否則加價就唔好啦!食物味道ok, 黎得都好快. 如果多d款色就會好d, 因可幫襯密d當飯堂.…查看更多

我驚讚得太勁lunch多人就唔好啦!但好嘅餐廳都係要表揚一下.首先豬扒同牛扒都好好味.Both 用料同厨藝都係上上之選加埋個價錢就真真超值.基本上係set平咗.可能因為位置鋪租平掛.講真唔係openrice , 我冇可能揾倒哩間野囉!商業大厦三樓喎, 点經過呀!服務方面, 大家講到好差, 攪到我好有心理準備.点知我又覺得服務ok喎.環境又幾好又坐得闊, 兼有音樂聽,情調唔錯.絕對可以做我日常飯堂.…查看更多

咁都有十隻笑臉零隻哭臉?!咁我應該開番間!牛扒又咸又味精.報時訊號一响,家陣係5:15pm, 我1:15pm食lunch, 條舌重有强烈味精嘅味道.飲咗好多水都勁口乾!服務方面, 個經理似乎冇當我係客, 佢叫我個性, 但我感覺佢似叫緊監犯.…查看更多

今次係我一生人第一次寫食評. 而原動力係來自哩餐飯對我好大打擊!哩間野就算唔係成世食過最難食都肯定係十年內食過最難食嘅一間.一黎見到d包凍冰冰已經心知不妙!點知連湯都凍嘅.熱係好基本嘛!之後黎salad, 咸到哩! 完全食唔到.最經典係所謂厨師推介嘅肉眼扒,居然當豬扒咁整, 用搥仔dup過! 超難食!見佢裝修幾靚點知係金玉其外....如果有人覺得好食, 就應該冇野佢会覺得難食.俗語有云:「屎唔嗅都覺得好食」…查看更多