lovefoodleung的個人專頁

對於旺角嘅Cafe印象只有貴同唔好食，只係同朋友搵個地方聚同玩Board Game先會去今日，我朋友話呢間Cafe唔錯，坐得舒服又有好東西食，就跟咗佢去我哋叫咗Party Set 2人餐，份量多到驚人首先每人有個餐湯，係薯仔忌廉湯，好夠熱好好飲唔會太杰太稀！配埋超香脆蒜蓉包真係一流！主食方面，我哋叫咗意茄辣肉腸意粉，我欣賞佢個醬唔會用假嘅茄汁整！味道好好！我哋亦都叫咗蒜蓉牛油焗什菌，好好食啊，超級香口！佢仲配咗啲沙律菜比我哋！朋友叫咗青蘋果沙冰，好大杯，偏甜，所以要襯冰未溶飲曬佢。而我就叫咗薑味Latte 有驚喜，好香嘅薑味同咖啡夾得好好，又唔會太甜呢度坐得好舒服，又可以好輕鬆咁同朋友傾偈，會再介紹其他朋友嚟！…查看更多

朋友喺鰂魚涌返工，我今日有day Off，所以就陪佢食個早餐。佢話呢頭好多餐廳，呢間係佢其中一間最鍾意嘅雖然佢係台式餐廳，但係提供港式嘅早餐，價錢一啲都唔貴，我叫咗一個五香肉丁出前一丁，配太陽蛋奶多，凍奶茶。朋友就叫咗個農場雞扒米粉，配餐蛋牛油麵包，熱奶茶。咁大份量加埋都唔洗100蚊！我非常滿意呢碗熱辣辣嘅五香肉丁麵，佢仲加咗少少蒜片非常之香口！肉丁同麵嘅份量都唔少，非常抵食。味道唔會話太咸，調味啱啱好。凍奶茶似返台式奶茶嘅味道！ 我鍾意佢夠大杯！天氣咁熱飲好爽朋友個農場雞扒米粉都唔錯㗎！雞扒超級大塊，米粉仲要好多，食完早餐唔洗食午餐啦啲嘢食咁大份，價錢真係好抵！搞到我都想得閒就過嚟食個早餐！…查看更多

新開嘅馬戲團主題餐廳，環境好靚好新。7點半去到已經全餐廳都滿曬人，好彩有訂位😄Menu好多唔同野食，前菜我揀咗芝士焗大啡菇，入面饟咗田螺，煙肉，洋蔥。調味啱啱好，亦都好惹味。我好鍾意佢加咗田螺，好有口感，係一個新嘅嘗試。今次我選咗香煎原條龍利，配檸檬牛油汁。條魚煎得香口，而且又鎖得住肉汁，唔會好乾。檸檬牛油汁好夾個魚，因為汁係另上，所以份量自己想落幾多就幾多。飲品叫咗Passion fruit Lime Soda，好岩夏日飲！非常fresh，用料亦好足料，真係有粒粒熱情果。亦都叫咗Fresh Strawberry Beetroot Smoothie，好清甜好飲，無諗過士多啤梨同紅菜頭可以咁夾！甜品叫咗個梳孚里奄列，需時30分鐘，所以食到咁上下就要叫！超級大份又好食，2個人share岩岩好！ 蛋香味好足！依家餐廳仲做緊promotion，like 社交平台 page可以免費有杯Dirty Purple Yam Latte! 超正啊!…查看更多

Weekend拍拖想食好西，又想行吓尖沙咀附近商場，就揀咗亞士厘道原來星期六呢度唔多人，見餐廳都唔洗等位就入去了叫咗兩個主食 兩杯特飲先嚟每人一碗麵豉湯，入面好足料，有三文魚肉，非常好飲嚟到第一個主菜 活燒鰻魚定食，個玉子都好正，有饅魚肉㗎！ 而主食鰻魚魚肉好滑，無乜骨。我覺得個汁調得好好，唔會太多太咸，而且杰度都啱啱好，令成個飯昇華咗第二個主食係侍應推介嘅西班牙海鮮焗飯 睇相都知足料！而且海鮮大且鮮味重！ 我覺得青口同蝦都好好食 蝦爽口肉質好好叫埋個菠蘿特飲 好多果肉，幾Fresh幾好飲 有埋d薄荷葉，夏天飲好啱一定會推介朋友嚟！…查看更多

見有幾個網站都有介紹呢間新開嘅意大利餐廳所以今日專程同男朋友嚟朝聖位於新嘅商業大廈3樓，一啲都唔難搵，而且係新裝修，感覺更加好餐廳做緊唔同嘅Offer 368有兩枝酒抵到爛！但2個人又飲唔到咁多，唯有等下次同朋友聚會再嚟 (希望Offer仲係度)飲唔到2枝姐， 2杯都ok嘅叫咗紅酒 Shiraz 白酒 Chardonnay. 兩個都唔錯㗎 男朋友話覺得白酒可以再酸啲就Perfect前菜我哋叫咗 Tuna Carpaccio, Grilled Humboldt Giant Squid 同埋 Warm Jumbo Asparagus + Lentils3樣都好好食啊！Squid雖然唔係爽口，但食落好滑，調味又唔會太濃蓋過鮮味蘆荀都相當有驚喜，從來無諗過配Goat Cheese係咁夾主菜叫咗Seafood Bouillabaisse 同埋 Brandt Beef Tri Tip Steak 海鮮略嫌份量少，但好食搭救 龍蝦汁唔假而且味道好好，亦食得出海鮮相當新鮮牛扒就一啲都唔孤寒，非常大份肉質鮮嫩，又幫手切埋，非常方便 食完主菜，叫多2個甜品 Sicilian Cannoli超級好食啊！開心果味夠出兩個甜品都唔會太甜太漏 好啱香港人口味得知除咗Dinner, 餐廳亦主打Brunch 下次一定要試吓！…查看更多

講起堅果奶，我都係去旅行後先識呢樣嘢。香港依家都開始有products, 但手調飲品或咖啡店就少d會用個日同朋友行過，覺得裝修幾靚，而且用我好耐無飲嘅堅果奶！ 即刻一人一杯試試佢真係好多款，睇到眼花撩亂。個日我哋放假，所以就無叫咖啡。我呢個熱愛朱古力同伯爵茶梗係叫咗大熱伯爵朱古力堅果奶蓋茶伯爵茶非常之香，朱古力奶蓋亦都唔少！濃濃嘅朱古力奶蓋配上淡香嘅伯爵茶，超級好飲啊朋友叫咗香蕉燕麥堅果奶，都超級有驚喜啊！香蕉味係真嘅，唔假！就算加咗燕麥都飲落非常之滑 以後我又多個選擇啦~…查看更多

男朋友今天帶了我來海旁這間日式小店，雖然要行過嚟，但都幾靜。無乜人嘈住拍拖都開心啲。先叫個前菜煙薰鮭魚乾~ 份量都唔少架，同埋唔算好鹹同好硬！覺得幾好食，送酒一流啊。而呢間日式小店主打串燒，所以一定要食。多春魚大條又唔腥！ 同埋無痴底，超級好味道雞腎都唔差㗎，口感一流，少少咸男朋友本身都唔食秋葵，但佢試咗啲啲都話呢度燒得好食流心鵪鶉蛋係一定要叫！好正啊個芯整得極度好食其實就唔止叫咁少，但呢幾款都係我極度推介嘅！我都會再去食！…查看更多

呢間餐廳啱啱開係我屋企附近，所以就同阿媽過嚟試吓佢。一入去覺得好又喺日本食拉麵嘅feel裝修得唔錯，侍應姐姐亦都好有禮貌！我叫了辛味拉麵叉燒肥瘦均勻，湯底辣得黎清甜，拉麵彈牙好味道仲有蘆筍添亦都無乜味精，食完唔會好口渴。我叫了個Cold pressed pear juice都幾清甜。其實呢度都有酒飲 但同啊媽食就廢事了。啊媽叫了白雞湯沾麵。佢話個湯勁好飲，唔會太咸，好清香。個麵都做得好彈牙。佢話蘋果汁都好好飲！平靚正，又近屋企，會再幫襯！…查看更多

今日男朋友帶我食好嘢佢話竟然未去到日本旅行，不如去食日本嘢。咁我梗係無所謂啦，港女最鍾意食日本菜！銅鑼灣係人來人往，鋪頭係後面，相對寧靜。 店鋪裝修相當日風 入到黎好有返鄉下感覺！除了主餐牌，仲有時日精選前菜先黎個唐揚八爪魚，即叫即炸，炸粉不會太厚，外脆內嫩溫泉蛋天婦羅相當有驚喜 食個陣諗唔明個蛋黃點樣可以係炸完後都係流心！一個字，正！黎到當然要食食磯燒！烏賊爽口新鮮，蟹蓋蟹膏味夠曬濃再黎刀貝，店員好細心幫我地燒，唔洗怕過熟or過生。刀貝鮮味重，無沙，好味道！蒲燒饅魚，北海道炒飯都唔錯㗎。饅魚個汁不會太流，食得出饅魚鮮味，又無乜骨，幾好。北海道炒飯都好足料，又香口。雖然已經好飽，但都盡力食。總括，好食到下次要帶啊媽食。…查看更多

同男朋友行行下街，見到呢間珍珠奶茶，平時飲開嘅都飲過晒啦，不如試吓新野啦！呢度都幾多唔同珍珠口味！唔會黎黎去去都黑糖珍珠。呢排天氣都凍，我叫咗熱飲，桂花珍珠奶綠 超驚喜der~ 叫咗少甜，所以唔會甜到糖尿，珍珠有淡淡桂花香，同奶綠好夾 覺得幾清香好味道！男朋友叫凍嘅烏龍奶茶加黑芝麻珍珠！ 睇落啲珍珠無咁圓 但食落好重黑芝麻味，超香啊！ 鍾意芝麻香嘅一定好鍾意烏龍奶茶不會太苦而且好香 (呢個自創配搭都幾好飲)希望會係港島開返啲店，等我地平時都買到 …查看更多

今日同舊同學聚舊，食完餐晚飯，佢地話不如飲返杯。其實我好驚佢帶我落啲唔正經嘅，但佢地叫我唔洗驚，就的咗我過黎。門面以為好大間 (去到諗起倫敦啲bar)，入到去先知係鏡嘅效果。其實內在環境唔大，但反而幾有氣氛到咗叫野飲了 我先飲杯Mocktail打吓底 (聽朝要返工唔敢入太多)我揀咗Green with Envy真係好綠 味道很Fresh 我幾鍾意佢果味夠重，帶少少薄荷清香，勁正！ (想飲Mocktail我會推薦呢個喔！) 之後忍唔到了，要試吓酒。我叫咗Yuzu Funny (因為有我最愛嘅Whisky 做Base正ah!) 都有好香柚子味 Nice 寫咁多食評，好似第一次寫酒吧 但真心無介紹咗嘅~…查看更多

大坑不嬲多嘢食就係人都知嫁啦，今日同朋友一齊嚟試吓依間西餐。座位闊落舒適，同埋裏面都幾啱，感覺同情侶黎都唔錯！其實係朋友同我講呢度有極抵生蠔set食抵到爛 每人一杯酒加2隻生蠔生蠔肥美厚肉，食落鮮甜唔腥，配埋白酒一流 勁幸福啊咁還掂都係，就食埋個dinner啦，傾多陣計嘛食物都幾多選擇㗎，唔好以為得酒飲啊叫咗西班牙蝦做前菜好似睇表演咁啊蝦好新鮮，對比平時食嘅仲大隻啲加埋脆脆相當爽口第一次咁食啊，原來蝦膏配脆脆係咁正我地仲叫咗個沙律 非常清新，配搭得好好(我最鍾意佢有無花果)到主菜啦omg 呢個係我全晚最驚喜嘅食物！係黑魚子海膽意粉！佢成個汁都海膽blend出黎超級鮮甜啊！加埋黑魚子真係無得頂牛扒大大份又肉質嫩！唔洗任何調味已經贏咗 兩個主菜我地都勁滿意啊我地一開始飲咗酒，依家乖乖飲mocktail算 berry加乳酪係我叫嘅，覺得不錯！酸酸甜甜好開胃！食完先見到呢度有free flow package 下次的男朋友黎任盡佢先！…查看更多

不嬲我就鍾意食辣野嘅,今次我就係為咗訓練下我男朋友食辣，所以帶佢嚟食西環呢間川菜。其實我自己都係第一次嚟,但之前見到朋友係社交平台分享左呢度嘅香鍋,覺得超級吸引,所以就帶咗佢黎食。講真我覺得呢度嘅餐牌選擇唔算好多，主要都係以香鍋為招牌！所以，我哋都冇乜叫其他嘢食反而係香鍋配菜嗰度揀多咗啲咁我哋喺涼菜方面就揀咗個涼拌土豆絲啦！我地叫了辣嘅佢唔會太辣不過！同埋唔會太重口味，而啲土豆絲好爽口，份量唔少，兩個人好夠食香港人鍾意食魚香茄子就一定㗎啦 配香噴噴白飯一流啊 原來川菜嘅魚香茄子後會比起我哋一般食嘅算啲，我自己都覺得幾特別嘅一樣都係咁香口架！不過呢就可能會重口味多少少啦！黎到最期待嘅香鍋我哋呢個香鍋就揀咗肥牛，蓮藕，寬粉，鵪鶉蛋同大腸我覺得呢我哋揀嘅配料都唔錯架，我自己最鍾意呢就係鵪鶉蛋同埋大腸鍾意嘅原因係因為佢哋都會表面都脆的，所以配埋辣好正！要注意嘅事其實我哋已經帶咗小辣，但我自己都覺得佢係比較偏辣所以如果唔食得辣嘅朋友又想試嘅可能要叫佢非常非常小辣！…查看更多

又係同男朋友食好野嘅時候 今次嚟到銅鑼灣柏靈頓酒店地下嘅日本菜店Firebird 正值晚市peak hour店入面已經坐滿人 我地冇book位 好好彩咁等咗15分鐘就可以入座Menu種類琳琅滿目 搞到我都唔知叫咩先好雖然佢地冇happy hour但酒類飲品比起出面黎講一d都唔貴 男朋友就決定叫個whiskey highball ginger ale底 夏日炎炎飲非常解渴我就叫咗oreo smoothie 出乎意料地唔係好甜 亦有好濃郁嘅奶味 nice choice!!對比起和牛 我更加係三文魚愛好者 所以今日我地點嘅菜可以話係「三文魚三食」首先係刺身三品盛合 有三文魚蝦同帶子 一字記之曰：鮮！ 肉質實淨唔在講 味道亦相當鮮甜 我開心到差啲夾曬兩舊三文魚 第二道菜就係鹽燒三文魚腩值得一讚嘅係所有野都恰到好處 魚腩燒到外面金香入面滑嫩 鹽調味亦啱啱好唔會蓋過三文魚鮮味 蘿蔔蓉同檸檬汁就任君歡喜啦 我個人就鍾意原汁原味我哋仲叫咗三文魚茶漬飯佢個湯有微微味噌味唔會太濃 飯嘅水份量控制亦都幾好 令到佢即使浸咗係個湯一陣都唔會淋曬 唔錯最後當然要醫埋個甜品胃啦 佢兩款甜品都非常有新鮮感綠茶雪糕配以番薯茸同番薯條做底 另一個則係裝係罌仔度嘅芒果雪葩 作為綠茶愛好者嘅我幾buy呢個配搭 蕃薯嘅甜同綠茶嘅微微苦澀味夾得幾好芒果雪葩都係好fresh的 只不過...雪葩本身硬ge質感令到我地流曬口水時又畢唔到 可能用個闊身容器裝會好點呢…查看更多

今日放工同friend去太古行街買野 行到攰攰地諗住搵野食點知周圍都要排長龍 見到呢間只係要排兩張 就拿拿聲等啦Dinner set 價錢都算合理 我叫咗個西冷牛扒($188) 朋友就叫咗豬扒配蘋果燒汁($165)餐湯係好耐冇見過嘅周打魚湯佢個忌廉啱啱好唔會遮咗周打魚個鮮味 最緊要係佢入面食到魚肉 感覺超爽我地仲另外叫咗個小食試下 牛油果配蟹肉個感覺都幾新鮮開胃 但可能佢太多唔同材料 一畢落去會好易散 食個陣會比較麻煩 不過唔緊要啦黎食野梗係味道行先啦到主菜首先係我嘅牛扒一切開就知道牛質鮮嫩唔會橡筋 再加上佢舊肉靚 整到五成熟後唔洗太多醬汁調味 就咁食已經好滿足朋友點嘅豬扒睇到去都好似好正咁 塊肉十分厚身 煎出黎亦唔會好鞋咁我偷咗佢一啖試下 真係唔似平時食開嘅豬扒 佢整得好嫩好滑似質感似豬柳多啲 配曬個甜甜地嘅蘋果燒汁 perfect match! 女仔食野又點少得甜品呢 佢地dessert menu都算多選擇有起碼6-7款揀  我地兩個都係雪糕愛好者 分別點咗蘋果批配雪糕同朱古力心太軟黎到兩個賣相都一流 好大份一啲都唔寒酸蘋果批面頭焗得脆之餘入面嘅蘋果蓉又唔太甜 即刻令罪惡感下降一千倍至於心太軟就有好多流心 食唔曬用伴碟生果點黎食都幾正…查看更多