大股東的个人专页

再次令我體會到寧願北上，都唔會在港受氣地消費。呢間吧係我朋友介紹，亦係我第一次光顧，本應抱住可以知己良朋，痛快暢飲嘅心，但當我就到嘅時候，朋友打俾我問我想飲咩啤酒諗住幫我留定，但在電話中竟然從後傳來一把極刺耳嘅聲音，好似街邊小販在叫賣地講：「個個都咁樣留酒我哋唔使做生意啦！」嗰刻立即有股勁㷫嘅熱力從我腳底直升到到天靈蓋，本想叫我朋友即刻埋單走，但因為約好晒啲朋友唔想走嚟走去，所以算。去到以為高朋滿座爆晒場先會有種唔憂做嘅態度，點知原來得嗰三兩枱客，咁嘅格局啱晒去慣自修室嘅客，夠晒寧靜。其實啲職員如果可以婉轉啲、態度好啲咁向我哋講無得留酒，我哋絕對唔會強人所難，好多地方都唔可以留酒，要知道客人肯回頭再次幫襯，最大嘅誘因就係得到尊重，但呢間就⋯⋯⋯⋯完！…查看更多

昨晚朋友同我嚟呢間度食生日飯，叫完枝乳酸飲品同牛脷先見到呢張post可以免費，之後即刻問嗰個高高瘦瘦嘅男侍應可唔可以tag返，佢話唔得，之後再問佢點解我地落單時唔同我地講，佢竟然帶住輕佻嘅態度話應該我地自己睇到，佢無責任話俾我地知。…查看更多

食物味道都幾好味，尤其個越南咖哩雞配法包好香好好味，唯獨碗特別火車頭個湯不夠熱只係微暖，最差係啲侍應，成日企埋一邊傾計，無水又唔斟，想再嗌嘢食要叫好多次先有人應😤…查看更多

今晚去食海膽壽司，超難食，紫菜淋晒，海膽唔新鮮兼有怪味。三文魚壽司啲飯未夾超已散晒。海膽炒飯完全無海膽味，啲飯唔夠乾身仲要炒燶咗，仲差過酒樓啲楊洲炒飯。總之極差…查看更多