yuko.w的个人专页

係馬鞍山經過見到間食湖南菜，餐廳名叫村里村外，好似好有feel咁🤭所以決定入去試一試🤤環境乾淨簡單，帶有些小中式風格，不錯👍🏼坐底就有玄米茶飲，清清地，幾好飲🤤我地本身冇咩idea食咩，所以叫老闆推介左幾個餸，全部都可以叫小辣❤️串燒（羊肉/雞肉）$108孜然味勁香🤤雞肉好嫩滑羊肉一啲都唔騷，好惹味👍🏼❤️明爐燒魚伴蝦碌 $288入面勁多配料，有薯仔，豆皮，青瓜，蝦，鴨血等等…全部都勁入味，勁大份😍❤️酸湯蒜蓉牛肉$138老闆極力推介👍🏼👍🏼👍🏼老闆推介食法：一舊牛加酸湯再加蒜，一次過放落口食😂好出色🤤難以形容既感覺牛肉又係超級好食，係用安格斯牛肩肉，高質素👍🏼👍🏼👍🏼我都極力推薦⭐️⭐️⭐️❤️香菜魚皮$68呢個都極力推薦🤤🤤食唔停口，魚皮好爽脆味道酸辣調配得好好，辣得好過癮🤤食完好想再食😂❤️酸蘿蔔炆雞$158本身對呢樣餸冇咩興趣，但老闆推介，所以就試一試佢😂但點知原來都係勁好味，雞超級滑，好入味，第一次食酸蘿蔔，原來係咁夾，值得一試🤤總結：估唔到馬鞍山都有間咁正既湖南菜🤤下次要叫多幾個一齊食，可以食多啲款式，而且價錢非常合理，唔太貴，最重要係好好食啊😍…查看更多

Happy Friday 食完飯諗住食埋糖水，見到有新開既糖水～仲有開心果糖水做招牌，所以試一試佢～個裝修好有文青感覺，鋪頭細細～ 20:30黎到出面已經好多人排隊😨叫左個開心果露，食完一啲都唔開心🫤🫤🫤一啲都唔好味，仲話係招牌🤧接受唔到，太杰😮‍💨Hkd$48呢個楊枝甘露仲大獲😵‍💫hkd$46未食過咁難食既楊枝甘露，點解咁簡單都可以咁難食？完全成碗野得奶味，勁多既奶，冇芒果味，啲芒果得幾粒😮‍💨啲西米仲要結到一舊舊咁樣，呢碗唔止失色咁簡單，簡直係失敗😮‍💨呢2碗糖水完全唔值呢個價錢，唔會再去食🫤2碗剩係食左小小就已經唔想食🥲…查看更多

平時我對越南菜既印象都係撈檬，生牛肉河之類，所以平時唔會簡越南菜食😂直到我發現左呢間越南越餐廳，見到佢既相已經好想試下，happy Friday 係OpenRice book19:00，上到去唔係太多人，店舖唔太大，但都坐滿晒，裝修好有特式😂坐低左手機自己落單～❤️Shake shake 雞軟骨 $52上菜時好似M記啲薯條咁，倒啲辣粉落去shake ~Shake完倒返碟上面，份量都好多，大大粒，味道唔錯～❤️南越蟹肉醬配脆球餅 $68我鐘意呢個啊😍將啲蟹肉塞落個波波到食，好似印度其中一個菜式😂好新奇又好味，加埋青瓜，好清新🤤❤️烤雞肉串$35呢個就冇咩特別，但個醬就好好味😂點晒啲醬黎食🤤❤️烤牛肉串 $42❤️火龍芒芒蝦仁配脆蝦片 $58食完唔係好記得個味道😂唔太出眾，但個蝦片好脆，上菜要即刻食，唔係好快林左😂❤️越南惹味粟米條 $48我既最愛😍好好食啊，唔好睇佢好似得粟米好似好單調，其實佢脆脆地，又酸酸甜甜，唔知佢用左咩醬呢🤔自己食多碟都仲得😂❤️Tear of Mermaid $48(無酒精） 有酒精+$10由藍柑橘，荔枝，梳打調配而成既tear of mermaid,個名好似好靚咁，仲有個波波，個樣都好飲好靚咁，不過好快就爆左😂佢唔係得個名同埋得個樣，仲好好飲😂❤️香蕉薄餅 $48甜品係另一個胃，呢個香蕉薄餅點解可以咁出色😍個餅底脆之餘，仲有勁多香蕉，分開左4舊，每份都有一大堆香蕉，落重料先收得$48，好抵啊😍總結：我地2個女仔食，唔好睇全部都係小食，其實都好飽，好彩冇叫粉😂唔係會食唔晒😂呢間越南菜創新又好食，價錢又適中～下次再試埋其他野食～出色😍😍…查看更多

朝早係上水打完波就去聯和墟搵豐富既早餐食👀路過西西里，見到個餐牌都好似幾吸引，所以去試試佢😋十點幾已經好多人食早餐，不過唔洗等位～鋪頭細細但環境舒適，不錯香煎蒜香豬扒$42（蒜香豬扒，牛油多士，煎焗流心蛋，煙肉，麻醬沙律菜）❤️好豐富既早餐😍朝早食呢左呢個會好有活力😂❤️豬扒好大塊，隻蛋煎得岩岩好，係流心架😍❤️多士烘左，加左牛油，不過唔夠熱，可惜沙律菜好新鮮😋香煎牛扒早餐$52❤️塊牛扒超級大塊😂好多汁，唔會乾❤️餐包一杯餐飲～我叫左阿華田，都好出色😂好濃，好夠味，又唔會太甜🤤+$6 有火腿濃湯通粉（呢個通粉濃到睇落去以為係忌廉湯😂）當然食落去冇忌廉咁濃😂但好好味啊😋估唔到聯和墟有咁好食既早餐😍…查看更多

好耐之前經過見到616燒肉酒場既裝修，比佢深深吸引住，好似好有特色咁，今日終於黎試一試食物係咪一樣咁有特色😂係OpenRice book到18:45，可以有85折，可惜，因為我趕唔切準時18:45去到，遲左5分鐘，所以冇左個85折🥲🥲🥲門面：日式裝修風格，好有特色，令到我好想試下佢啲燒肉😍餐廳內在環境： 同樣日式裝修，店員著既都係日式服裝，枱唔係好多，鋪頭細細地，略厭坐得唔係好舒服，因為下面個爐位同張枱差唔多大，坐入小小已經頂住對腳，全程都係要打側身坐，避開個爐位🤷🏼‍♀️好辛苦點餐：用iPad點餐，可惜食物總類不多☹️雞泡魚干 $38呢個雞泡魚干好出色，燒之前，店員有提我地要反多啲，因為好易燶，好細心😍呢個真係好好味，味道適中，點埋沙律醬一齊食👍🏼👍🏼👍🏼正燒完就係咁既樣～👍🏼👍🏼👍🏼和牛六點盛 $398🐂日和牛肩肉🐂日和三角肉（呢2款肉，店員推介食左先）🐂澳和肉眼上蓋🐂牛腹肉🐂牛肋肉🐂日和牛條（呢2款包菜食）Um…睇佢個樣好似好出色咁，咁食起上黎冇咩特別😂擺左落口，好似舊舊都差唔多咁😂爐上面個網成日都痴住啲肉，但又唔見有油/豬皮油提供，差唔多舊舊肉都會痴網🥲 👍🏼燒到咁上下，可以向店員提出換網～和牛舌三點盛 $168呢個牛舌出色，成條舌係齊到😂👍🏼爽口，又夠味溫泉蛋丼 $38烤肉配溫泉蛋飯，一大埋紫菜係上面，再加埋個秘製醬汁，酸酸地，不錯，幾好食👍🏼由6:50入坐，8:30就要交枱，大概個半鐘左右，呢個個環境似係一大班朋友飲酒傾計食燒肉，如果一大班人食，傾下計，飲下酒，應該已經唔夠時間😂唔知多人既話係咪都一樣食一個半小時呢😂裝修環境係幾吸引，但燒肉就一般，試過一次就好了，2人連加1，食左$706，每人$353，以上既食物未去到好飽，剛剛好～食完一出到黎勁大陣燒肉味😂如果可以無味就好了😂因為我食過有一間食完係一啲燒烤味都冇架～…查看更多

見到OpenRice 差唔多全部都好評，lunch過黎試一試，就係海港城對面，非常易搵👍🏼餐廳比較細，好似一眼就睇晒，有間房仔，坐位唔多 好彩可以即刻入座，唔洗等位，因為坐底左一陣，就聽到出面話冇位要等一等👀入面裝修非常日式風格，好多有趣既小擺設，頭頂仲有幾條好生猛既錦鋰😍仲有好多達摩👀自動掃code落單，order左幾次都唔比我落，最後都搵職員幫手👀每個餐都有既前菜，麵豉湯，茶碗蒸，飲品⭐️茶碗蒸味道都幾好食，需然冇咩料係入面，但勝在夠滑👍🏼⭐️飲品得熱檸茶/檸水唔洗加錢，其他都要加$8⭐️特上壽司8貫.迷你牛肉烏冬定食 $158-烏冬略厭味道唔夠濃，勝在夠彈牙，細細碗，份量都ok-特上壽司8貫,睇落去啲色水好似唔係好吸引，但其實啲魚生好新鮮👍🏼好好味，海膽甜，最緊要冇異味，因為其他餐廳既海膽好容易出事😂唯一唔好既就係，點解冇薑片🥲太失望，仲要我2個朋友都有，就係我冇🥲我問職員拎返啲薑片，等到我差唔多食完都未有，我就禁鐘仔問佢，都冇人黎，隔左陣再禁都冇黎，係隔離枱禁鐘仔埋單先入黎，我問佢啲薑片未黎，佢先答我啲薑片貨未返到，冇晒😨😨😨最基本既薑片都冇，太失望🥲⭐️北海丼定食$158呢個係朋友食既，食左佢小小，海膽都係鮮甜，冇異味，好食，其他刺身都好新鮮，唯獨個飯底唔夠醋味⭐️火炙海鮮丼定食$98份量都算多，但就冇咩特別，呢個有薑片😂總括：其實都算係不錯，刺身新鮮，價錢都ok,食物種類多，有好多選擇，仲要lunch免加1😍可以慳返幾廿蚊😂下次可以試埋晚餐，好似都好吸引😍…查看更多

期待已久既十三姨鵝肝飯今日終於比我食到啦😍今日lunch12:40去到唔洗等位，店鋪細細地，坐左一陣就已經滿坐，出面仲排緊隊，好彩早左黎，唔係係出面熱死😂裝修環境偏向中式風格，枱與枱之前比較迫，但可以接受～餐牌總類都算多，但我係因為鵝肝飯而黎，所以2話不說就點個老闆娘鵝肝煎蛋撈飯😋😋😋一入到去首先有兜彩色蝦片做餐前小食，略厭唔夠脆，好似放耐左小小，不過無所謂，都係過下口癮😂今日既主角🥰老闆娘鵝肝煎蛋撈飯😍$128呢個真係好出色，份量多之餘，味道的確出色 撈埋蔥，菜圃，乾蔥 大陽蛋，再加埋佢地既秘制豉油，成個飯立即升華左另一個層次🥹🥹🥹4件鵝肝又大件，誠意推薦👍🏼👍🏼👍🏼蜂蜜蘋果茶🍎好彩有呢杯飲品解一解膩😂飲品不錯，仲有果肉總結：食到後尾其實好濟😂好飽，下次會繼續去😂試埋其他食物，因為今日既鵝肝飯比較膩，會隔一排先再食呢個飯，但真係好好食😍大家食鵝肝既話可以一試😋加埋1，每人$140左右～…查看更多

平時係馬鞍山已經食到唔知食咩好，終於有新野，行過見到即刻排隊食～等左5分鍾左右，就安排左坐高枱，餐廳既裝修都幾吸引，餐牌既食物都幾吸引，因為馬鞍山市中心冇韓國菜，所以新奇左小小😆海軍部隊麵$78蜆/蝦/八爪魚/青口/帆立貝/韓式年糕/泡菜/菠菜/芝士/京蔥/辛辣麵材料都幾多，味道算唔錯，不太特別，辣味夠溫泉蛋豚肉石頭鍋珍珠飯$68豚肉比較小，味道都係唔錯，可以接受，無乜特別😂但味道可以再濃味啲～小食：韓式八爪魚$18味道唔夠濃，味道一般，可以過下口癮蜜桃梳打+檸檬柚子梳打每個餐+$8就可以配特飲檸檬柚子梳打都幾難飲😂好似咩味都冇得好勁既檸檬味😂蜜桃梳打冇特別總結：其實價錢都算平，而且食物都ok,下次會再去試其他食物的～…查看更多

之前係ig見到有優惠叫一支白酒/紅酒+$50就有一打生蠔，抱住黎試試既心態黎到位置其實有啲難搵，好隱蔽，要行條類似後巷樓梯試去，之後有個大閘，成個環境比啲樓包圍住，其實有啲恐怖😨餐廳地下好似有啲濕濕淰淰既感覺，整體唔係太舒服因為我地2個人食，飲唔到1支白酒，所以我地決定都係散叫美國中碼生蠔$18@1不錯，鮮甜，味道比較淡，肉身比較爽口愛爾蘭生蠔$48@1蠔肉大啲，鮮甜，味道濃小小，但我食左一粒係臭既，食蠔好小食到臭，第一次食到🤢各叫左半打鵝肝多士$148我地影左幾張相凍左😂所以冇咁好食，冇乜鵝肝味巴馬火腿凱撒沙律 $128呢個唯一最好食既野😂調味岩岩好，每塊沙律菜都有味澳洲草飼黑安格斯嫩肩里$288其實呢個牛都唔差，叫左5成熟，真係比到5成，但佢果條筋真係搞唔點，切又辛苦，食又辛苦，味道係唔錯的，不怕筋的可以一試😂白酒可以叫一杯$48未去到要再去食多次，食一次，試過就好了～最後每人要五百幾蚊，不太抵🥲…查看更多

係OpenRice 搵附近有啲咩食，發現到中港中心開左間新既居酒屋😍見到餐牌既價錢都好合理，決定去試一試😍中港中心最高層，一入到去已經比佢既環境吸引，景觀開揚，成個環境好舒服好靜❤️全場得我地一枱客，可能新開唔太多人知，大家可以一試，極力推薦👍🏼👍🏼👍🏼午市套餐😋價錢合理，OpenRice訂枱仲有9折👏🏼👏🏼👏🏼前菜⭐️醃製蒜頭🧄（好特別，好好食，未試過呢種食法❤️）⭐️牛蒡芝麻沙律菜🥗麵豉湯唐揚炸雞定食炸雞好脆，好滑，一啲都唔厚粉，唔乾，食左都唔覺得熱氣😋隔離既沙律菜唔知點解都好出色😂好甜，點埋沙律醬勁好食😂佢果杯可樂，仲要加塊檸檬🍋，zero就加青檸，好小見到有餐廳會咁做，比個like👍🏼仲有支飲管😹佢係紙飲管，飲左好耐都未林😂我見其他餐廳既紙飲管好快林晒😂我地3個人，叫左3個唐揚炸雞set,最後埋單$211（每人約$70），好抵啊😍即刻book埋第2日試下佢地既串燒😂…查看更多

海港城Coupon仲有3日就到期，星期日中午諗住博一博walk-in ,因為之前walk-in 仲2次都唔成功🥲好彩今次13:10last 1枱可以入座，如果唔係要等到2:30，比我地叫左最後一隻鴨，唔係要等1粒鍾😨茶芥-每位$20（桂花茶）會跳舞的烤鴨💃🏼 $638有3種食法鴨胸皮加爆炸糖加藍莓醬，好特別，藍莓醬可以減淡鴨胸皮的油膩感，再加上爆炸糖的衝擊，感覺很新鮮有趣，值得一試鴨胸肉，我認為是最好吃的部位，皮脆肉嫩，加上芥末醬，另一番感受鴨腿肉，傳統包薄餅食法，亦有2種食法1）青瓜條，京蔥絲，甜麵醬2）洋蔥，山楂條，藍莓醬 （食法新穎，但係藍莓醬味道比較出，一起食掩蓋了鴨肉味）個人比較喜歡傳統食法（包青瓜條，京蔥絲，甜麵醬）好好味😋4個人食，好快清晒😍四川水煮魚$428叫左桂花魚，好出色既水煮魚，份量多之餘，仲要勁滑，唔止魚好食，連配菜都好好食（入而有芽菜，萵筍，薯粉…）好入味，唔好睇佢好肉紅噹噹咁，其實唔係好辣，100%推介，食到個個都想繼續食😍 正啊，仲叫左個白飯送飯食，一流😍$20荷香鮑汁雞粒燜飯$148原以為會好細兜，原來份量都好足夠4個人食，真係有鮑魚粒架😍飯粒粒分明，而且好入味如果唔係有coupon $200-100,原價其實都有啲貴😂所以而加減左，好抵食😂而且服務非常好👍🏼有善有禮貌❤️環境靚，望住個海食😍可惜個地下有啲油😂可以注意一下最後埋單$1445，用左coupon $945(4個人）好滿足😋😋😋…查看更多

Kiki麵既蟹黃油拌麵一直係我心目中都佔有一個位置，今日突然掛住蟹黃油拌麵，所以再去K11食，唉，佢一上個餐黎，已經覺得好唔同，令我極度失望，點解可以失咁多水準？比起我幾個月前食，真係差天共地😔以$148套餐既價錢黎講係絕對唔值😥蟹黃稀到好似溝左好多水，完全同之前濃郁既蟹黃差好遠，食左半碗已經唔想食😥可一不可再涼拌皮蛋豆腐既醬汁勁咸😮‍💨熱古早冬瓜茶-正常味道總結：唔會再去😮‍💨仲等我咁期待😮‍💨…查看更多

見到沙田新開左間烤肉，緊係要試一試佢😍星期六諗住好多人，所以6:00就去左食唔洗等，即時入座90分鐘第一次黎食，所以叫左2人餐既Omakase ,$398-1位再加1。首先黎左個沙律先+前菜4款牛肉（板腱牛排，黑毛和牛（呢2款超好食），特上牛胸腹肉，和牛赤身）大蝦2隻（唔爽口，有啲梅）+牛舌+豬石頭鍋飯最後甜品（杏仁布甸（因為本身唔鐘意杏仁味，所以麻麻地+雲呢拿糯米糍）開始上菜果時心諗2人餐點解得咁小既，好似好唔抵咁🥲其實黑毛和牛肉食落去真係好好食😋2位埋單$875因為90分鍾用餐，個飯唔夠時間食，個工作人員問都冇問過仲要唔要就將其他垃圾放入個飯到收走左🥲…查看更多

今日Happy Friday ,諗住食好啲，去到發現原店應該係裝修緊，門口轉左係隔離鋪位入，細過原店一半左右，拎飛等左10分鐘左右就入得去～之前都黎過幾次食lunch啲壽司都好新鮮，但今次明顯失左水準，有點失望🥲叫左個set lunch ,跟餐既麵豉湯👎🏼👎🏼👎🏼好咸☹️咸到苦，飲左幾淡飲唔到落去拖羅/油甘魚/甜蝦/帶子壽司都新鮮，味道口感都唔錯，唯獨軍艦既紫菜好飲放左好耐，（林）晒，咬唔斷，食得好唔方便☹️咬唔斷既紫菜😞手卷塊紫菜仲要痴住墊底果塊葉😖一扯，塊紫菜就穿左窿😖…查看更多

同同事lunch time去試一試亞士厘既日本餐廳😍食過幾間lunch Omakase ,覺得呢間既Omakase性價比十分好😋$450就可以食到，而且食物質素非常滿意😍推介👍🏼👍🏼👍🏼❤️前菜-沙律❤️茶碗蒸😋好滑❤️鮫鰈現金枯啫喱 （夾埋一齊食好清新😋）❤️螢光墨魚+墨魚咀（勁爽，好新鮮）+檸檬汁海❤️蠔🦪好清甜😋❤️牡丹蝦配火炙蝦膏😋出色😍❤️大拖羅😍❤️海膽 😋$450真係好抵食，仲有咁多野食🥹食到好飽😋😋😋…查看更多