小地瓜's Profile

裝修咗一排終於開啦，雖然地方比想像細好多，但都無阻礙我排長龍等位同食雞！！ 要讚下哩度嘅白飯比附近其他kfc店軟熟好多，汁又多！平時放假得閒落去買個tea二十幾蚊都好方便。而推出咗已有一排既軟雪糕好有香濃牛乳味，不過雪糕筒就唔好食，一啲都唔脆，如果可以改善下，咁杯$7雪糕就好值啦！同埋，呢間可能去貨快，食咗咁多次都未見過唔新鮮嘅鷄！…Read More

這夜約埋三五知己晚飯共聚後，再下一城找間甜品店繼續歡樂。我帶他們一行六人來了這間中式糖水店，店內雖已座無虛席，但為了要完滿我們的聚會，我們願意等⋯😊我向他們推介了我平時較多吃的品種；如腐竹白果薏米、桑寄生蓮子蛋茶、芝麻湖、蓮子紅豆沙、杏仁合桃露、薑汁燉奶、綠豆沙、薑汁蕃薯及咋喳等⋯⋯驟聽不過是普通的傳統糖水，但要讚的是能吃出真材實料又用心餚煮兼價錢合理！但其實以上每一款甜品都是我每天放工或隔日也會吃的，這裡的糖水都不會做得入口過甜，現正天時暑熱，吃過凍腐竹糖水夾著白果和薏米的香甜味，頓時覺得清潤透心涼，最吸引我是這裏的蓮子大粒又口感綿螎，好好味！芝麻湖香濃順滑，絕不是粉漿水溝出來的貨式，桑寄生茶的甘甜得來不會令你食到苦澀味道，杏仁合桃露和咋喳一樣有水準、吃到尾仍有果仁味存在，幼滑嘅燉奶中那濃烈薑汁味更是我最愛，而間中我又會吃碗紅綠兩溝，豆香清甜潤肺，潤腸香甜又有益嘅蕃薯更是我不二之選。唯獨對這裡有一點不滿的是，實在太細碗喇😫⋯⋯!姊妹們要懂得養顏之道，選擇吃中式的傳統糖水不失為一個由內至外既好方法。我們這次就在一個嘻嘻哈哈的笑聲中結束了聚會😍。…Read More

假日走進筲箕灣東大街搵食，真係處處人龍可見，衆所周知東大街又豈止一間粉麵店，但每趟想起食魚蛋粉，又真係情有獨鐘這一間。這天中午也和朋友一起加入等食大隊，艷陽高照🌞🌞，燙熱的空氣令人透不過氣，幸好等不夠三分鐘我們便可入坐。我通常會吃魚蛋粉和至愛嘅鮮油多，朋友叫了墨丸雲吞河，牛腩河、炸醬撈粗和炸魚皮。一碗一碗的放滿枱上，香味已隨著冷空氣撲鼻而來，我先喝一口玻璃樽裝的麥精開開胃，再把小量醋和數滴辣椒油加入魚蛋粉內，河粉幼滑溜口加埋酸辣香多重味覺的湯底，再咬埋軟軟彈彈嘅魚蛋，嘩😋真係我國偉大的麵食文化！簿脆香口的炸魚皮是吃湯河的最佳拍擋，不浸湯吃也一樣可口。朋友食嘅腩河不時傳來陣陣濃香味，因我介吃牛多年而未能親自一試，而墨丸有𡁻頭又有墨魚香味，雲呑涵肉有豬有蝦同胡椒辣香味十分配合，不是一般以大粒取勝的做法，而炸醬麵嘅肉絲不是乾身冇肉味那種，但覺得辣味偏甜。到差不多吃完時，我才叫了件鮮油多為我哋呢餐劃上完美的句號😊，不過件牛油可以再厚D大件D呢，就真係冇得彈啦👍🏻。炎炎夏日吃完了這滿足的午餐，要延續假日心情，我回家開冷氣煲劇就係消暑良方呢😉。…Read More

儘管你到台灣旅遊也未必有機會感受到台灣嘅校園風味,但喺呢座工廈𥚃的小課室,必定能令你憶起那些年的情懷,讓你被周圍的校園氣息包圍著！置身這裡好像進入了另一個時光⋯⋯,突然也想起柯震東和王大陸呀😇😇。這天,我們三人分別點了香酥雞扒,香酥排骨和蔴辣雞絲冷麵,再加一個鹵水拼盤,飲品配了凍美祿恐龍朱古力,凍冬瓜檸檬茶和熱萍果綠茶。原來台灣菜食雞扒和排骨是同一樣嘅,看似油然乾脆的賣相,但入口也香口肉嫩,配着灑上黑芝麻的白飯,算是不過不失,而朋友吃的冷麵,嫩滑嘅雞絲混在辣度適中嘅醬汁中,加埋一注冷麵同吃,吃出清涼可口中一點刺激感,不錯！每份餐還有碟三式小配菜,有我喜愛的辣味大荳芽,額外讓人感受到一種平實不華。我覺得最有驚喜的是我那杯凍冬瓜檸檬茶,很好飲,甘甜中帶少少酸又夠凍,令我從此對冬瓜茶改觀咗😊,好適宜在這個炙熱的天氣飮之,而萍果綠茶也加上新鮮的萍果粒,好健康啊,至於那杯凍朱古力,特色在於有一小杯美祿朱古力粉另上,讓你可隨喜地灑在杯中,小玩意吧！這餐我們吃得很愜意,消費合理之餘又可以邊吃邊看著每件的陳設佈置,每角落都找到驚喜,值得去一試的。…Read More

上班一族嘅我哋要用四五十元食餐晏，都想食得滿意為自己充充電，但有時去着D質素差嘅，食完嘥咗個quota之餘又唔like,有D仲一定冇下次。但最近我會為一粥麵嘅菜飯套餐encore再encore，套餐有三款選擇：豬扒、黑醋豬軟骨和燻魚。我嘅至愛係豬扒菜飯，整份套餐有三至四塊豬扒，一小碟肉碎茄子，一碗菜飯再加一杯飲品，份量又恰到好處，豬扒賣相看到已令人垂涎，急不及待想咬一口，外層微脆內軟不油膩的感覺，入口肉汁香味四溢，肉香加飯嫩在口腔內咀嚼混和着，這就是滋味，而茄子的軟熟度剛剛好，伴着肉碎入口，即時豐富了味蕾，再啜一啖冰鎮奶茶，咁呢個午餐已做到滿足咗基本嘅要求，還有似吃住家飯的感覺😀！而黑醋豬軟骨正為這個炎夏的一個好選擇，豬軟骨軟軟稔稔中又帶著酸甜的醋味，吃着醒胃又味美。另外嘅燻魚，小妹雖還未試過，但也見旁邊左近很多人吃，下次時間充裕我一定會試埋。用這個價錢吃到有菜、有肉有飯嘅午餐，真心覺得不錯，好滿足喔😄！…Read More

有時我捨近取遠都要去華星食個滿足自己嘅靚早餐，為自己一天有個好開始😊。我醒晨之選嘅組合就是多士、太陽蛋、火腿通心粉和不能或缺的凍奶茶。吓！咁普通週圍都食到啦⋯⋯正正就是那麼普通，但他們都做得那麼不馬虎。陣陣牛油香的多士入口時仍是外脆內軟的，再將濃香湯底的腿通灑滿胡椒粉一啖一啖的送入口，還有色澤光亮的太陽蛋，那蛋香完全覆蓋著口腔內，加埋香滑冰凍的奶茶，嘩！我怎能抗拒這一份簡單的幸福感呢！食量如不大的你，可以跟個朋友加杯飲品一齊開心share一個早餐呢😊！…Read More