Calvin Ng is Me的個人專頁

心血來想食一個日本lunch ,上網睇咗好多間，都揀唔到食邊間，把心一橫，不如去食公司附近既KyotoJoe啦，種類又多價錢又okay, 而且又就到朋友見客時間，所以就決定去食。未夠12點已經去到準備安排入座，人龍都唔算長，好快就被安排卡位。座位寬鬆，最緊要係要食一個好食嘅午餐。刺身嘅種類有好多款選擇，非常新鮮，帶子好大隻，而且好鮮甜。除咗一般嘅刺身選擇之外，重有深海池魚添，肥大肉厚。最欣賞係劍魚腩，同埋油甘魚刺身，兩款都油脂分佈平均。熟食方面，beef Sriracha係個人心水選擇。另外手捲，以為係迷你size，點知原來係好大件，食咗兩件已經覺得好飽啦。食完刺身，即刻好想飲番杯野，呢度除咗有日本飲品之外，竟然重有好多有特式既mocktail，真係有啲意外，相當唔錯！此外，服務員嘅態度非常好，經常有耐性地回答隔離枱嘅問題，友善有禮！…查看更多