元朗為食貓's Profile

係觀塘，愈來愈多西餐進駐。自從公司搬左去觀塘，食西餐既次數亦頻密左好多。今日去左一間新開既西餐，環境好舒適，新張期間仲要有八五折。餐湯係洋蔥湯，好味，餐包亦很好！但餐包係飲完個湯先上，稍微遜色，如果次序可以編排下會好啲。:)到主菜，我叫左個龍脷三文魚卷，上碟很有心機，值得一讚！至於味道...條龍脷居然未煮熟，切落去仲係透明的。有時食物未夠或過左火候，一啲都唔出奇，最慘係開聲同個女仔講條魚唔熟，唔好意思都無聲，只是"er".....所以我只有說聲算啦。基本上，餐廳格局，食物質素都ok ge. 只要係呢啲細節位做好啲，應該會更好:)…Read More

自從公司搬左去觀塘，發現工廈西餐真系臥虎藏龍，高質素既上樓西餐愈開愈多 :) ，今日去左一間比較隱閉既山姆大叔。大叔係橫巷入面，如果唔係有地址真是唔知原來樓上有飯開 一上到去，地方很闊落，可能還是最近新開，最賺錢既中午飯時間居然無乜人。 坐低時侍應就話我地知fb check-in 有八折，咁大折扣，梗係做啦，折左之後好抵食 我自己試左today special 黑松露巴馬火腿意粉, 意粉軟硬適中.但黑松露味好淡, 但整體黎講算好食. 上菜時, 有個感覺如果碟邊有少少點綴品,賣相會更吸引.同事試. 聽說好creamy, 又大碟, 好好味.另一個同事就點紅酒燴豬軟骨飯, 說可以encore. 他仲大讚 , 返到公司後他仲推介俾其他人呢 咖啡跟餐要加$10. 但為左咁可愛既熊熊, 味道又唔差, 都值得呢.  …Read More

之前一月見網上團購有鯉魚門海鮮餐, $168 十道菜諗住好抵, 咪約埋其他海鮮精一齊諗住食下吹下水, 點知結果係十道氣多過十道菜本身諗住鯉魚門咁遠, 搵個星期五諗住唔使趕住番屋企第二朝又番工咁辛苦, 所以一早打電話頂枱, 預約既時候已經好唔明白, 點解book 左唔可以取消同改時間. 仲有兩個月既時間都唔可以??(未免太霸道了:(. 咁無計啦, 團購都買了, 都要book 架啦. 所以就訂左一個星期五. 團購時又無講明乜時間可以用, 打電話時先知只可以 6-8:30pm, 8:30-11:00pm. 放工根本無可能6點去到鯉魚門, 咪揀左後面個時段囉. 一行人8:10分到達,疑似老板女既店面話未夠鐘, 要我地八點半先可以到. 咁咪行下先囉. 8:25分折返, 仍然無得入座, 門口仲多幾班都應該係團購既食客. 問,疑似老板女安排入座, 佢又忙到唔多理你, 咁即係點? 大家一齊企晒係門口等, 問左好多轉都無結果, 開始忟忟地. 再問之下先叫做答左門口個張會安排我地坐. 但佢又唔催人走. 好啦無計啦, 等到9:10分, 門口張枱終於肯起身了, 我地諗住等左成個鐘終於有得坐低了.. 點知,疑似老板女忽然又話呢張要俾另一班人, 要我地等門口另一張枱, 兩張枱係一樣大, 而佢地只係多我地一個人. 明明我地等左成個鐘, 點解仲要我地等? 更加火 我地加門口等緊既其他食客都開始火晒, 態度勁差!!差唔多9:20分, 門口另一張枱終於肯起身.,疑似老板女自己出黎執枱. 唔睇由自可, 一睇, 簡直唔想睇亦唔想相信, ,疑似老板女掃走晒枱面人地食完既蝦蚧殼, 用塊枱布好求其咁抹一抹張枱就安排我地坐低, 枱面張膠枱布唔諗住換.......我地一行人簡直唔敢相信點可以咁唔衛生??? 個刻未食已經無晒胃口, 大排檔膠枱布啫. 唔係咁呀???? 若你話環保? 我情願你唔好用, 直接用枱面抹乾淨好過. 但你又唔係, 仲要俾我地睇住人地之前食淨個D 殼......係咁處置, 真嘔心. 我地好强烈咁抗議之下, 有個侍應拎左另一張花過世界地圖既膠枱布出黎舖左係枱面. 仲要話平日唔係咁, 星期一至四會好好多, 但我地唔會信囉. 如果唔係團購俾左$$ , 我地一早過海鮮街食飽飽起得身走添喇.實在太汚糟, 大夥兒莫講話相機, 連電話都唔想擺枱面. 所以一張相都無映低. 我地自己仲要用濕紙巾抹個枱面, 餐具抺幾遍先夠膽用. 仍未有得開餐, 一路聽到的就係其他食客既各種投訴. 差唔多9:45分, 終於開始上第一道菜:椒鹽瀨尿蝦 - 超細隻, 又無膏. 唔夠入味:(豉油皇中蝦 - 中蝦得一半, 夾雜左其他蝦仔(白癡都知佢唔係中蝦). 無乜豉皇味. :( 最奇既係...上多兩個餸之後個侍應無拿拿拎多幾隻大大細細既蝦出黎倒番落黎. 仲要話之前俾少左. 都唔知係唔係人地食剩.....鮑魚仔 - 好似無用過調味料, 豉油都無. 淡過食粥:(辣酒花螺 - 細粒到呢, 差啲搵唔到肉:(糯米飯 - 白雪雪無啲顏色, 但出奇地幾好味避風塘抄蟹 - 唔似避風塘. 只係辣蟹, 仲要又係細細隻:(效外油菜 - 上大陸食肆都未有咁令立立. 超多油:(清蒸魚 - 幾好味, 夠滑,蒸到剛好離骨, 係全晚最好既一道菜清湯龍蝦伊面底 - 蝦係熱的, 面係冷的...仲要梗繃繃:(魚湯 - 味道尚可 總括黎講, 雖然係團購價, 但都無可能咁唔掂之外. 咁既服務同衛生. 我諗莫講話我, 我都一定唔會俾我啲好朋友幫襯呢間金利來.…Read More

元朗既日本料理愈來愈多, 但專門食拉面既無乜幾多間. 對呢間舖頭有印象係因為係對面馬路行過時睇個舖名睇左好耐都唔太睇得出佢個字係寫乜, 返黎係openrice查一查先知係個焰字. 之後亦無刻意留意呢間舖頭. 年初二, 出外搵食想食日本野, 十居其九舖頭都唔開, 行過教育路, 焰亦一樣新春休市. 所以今日見已經年初八, 食評對佢評價又唔差, 咪去睇下使唔使等位囉. 未行到見一大班人係門口, 嚇一嚇. 咁多人既? 原來係等隔離酒泉, 係唔使等位下, 係bar 位坐低, 因為之前已係openrice 睇到佢有乜食, 所以都唔使點諗就點餐了~~~點了焰拉面 $58 赤焰 $68 配節日套餐 (加$20) 落單唔夠三分鐘, 汽水, 沙律同糖心蛋速速送達. 好快~~~. 但唔單止配料快, 連正餐都快, 第一張相我未映完, 都未拎起筷子, 碗拉面都跟住上埋, 呢樣我感覺扣分了 :(快唔係唔好, 但前菜都無時間食就已經上左主打, 都唔知照食前菜先定食左正餐先結果為左避免碗面涼得快, 唯有食左面先食番配菜......主打焰拉面. 大大塊日式义燒, 望落去邊邊肥肥地, 但食落口一啲都唔覺, 仲要超美味. 湯底濃郁, 真的如餐牌寫既感覺一口又一口既骨膠原 味付玉子. 上網睇之前食評好流心的, 但我呢隻......略為熟, 唔夠糖芯. 感覺無乜特別, 好多地方做得好過佢:(套餐沙律, 加入芝麻醬, 菜都新鮮, 值得一讚:)總括而言. 以後又多一間食店開飯了~~…Read More

難得路過北角, 正係度諗可以有乜食, 忽然見幾個易拉架同上面吸引既圖片, 即刻上openrice search 下睇下有無料到. 但點知搵唔到, 差啲仲以為自己手機出左問題. 再細看下發現原來係新開張試業緊. 難怪未有資料. 咁我地要俾機會人, 又要俾機會自己去試新野 , 見人唔太多, 最緊要係佢試業期間有 $1蚊片皮鴨丫麻. 咪攞飛仔等下lor. 舖面唔算大亦唔算細, 等左一陣已經有得入坐. 一坐低, 可能新舖關係, 感覺有啲混亂既感覺, 叫個侍應, 淨係見佢地行黎行去但又唔多有時間服侍你. 但亦因新舖試業, 可以原諒.終於搵到張menu, 價錢唔太貴亦非平民價. 一般京滬菜價, 但它沒有加一服務費, 加番一分. 我地人少少兩個人, 最終叫左幾樣野: 2份$1蚊片皮鴨, 鍋貼, 小籠飽, 北京炸醬面 同豆角燒茄子:) $1蚊片皮鴨 只有一片, 有齊配料, 都算是有誠意. 但食落無乜驚喜. 鳥巢素鍋貼, Menu 上面明明係寫住係 8 只, 但上單時唔知點解變左 6只, 但都無同佢計較了, 素菜餡食落幾好, 唔會太肥膩. 餃上面的鳥巢脆卜卜, 但一啲都唔覺佢好油:) 灌湯小籠飽; 都算皮薄餡靚, 但略兼佢唔夠"灌湯" . 以一般小籠飽就算OK, 以灌湯黎講就......到喉唔到肺. 老北京炸醬面, 剛上菜時, 簡直眼都突埋, 一隻小湯碗裝住一碗炸醬面, 感覺好似係雲吞面食個啲, 呢碗野要成$68, 覺得超有問題. 覺得連$38都唔值. 搵左個侍應問, 佢都覺得好似怪怪咁, 即刻幫我拎左入去check. 最後, 碗面換過個碟上, 感覺份量多左, 大體左, 先覺得俾咁既錢無被呃既感覺. 但講真, 除左呢樣, 呢個炸醬面味道都算唔差, 幾好味架, 喊淡適中. 其實值得一試.豆角燒茄子; 略為普通的一道菜, 味濃. 望落好油但食落都OK.總括黎講, 其實呢間舖仔雖然係橫街, 但食物唔差, 附近又無同類型野, 可以為開飯之選. …Read More

平安夜, 痴線夜. 四圍都係人, 無訂位食飯, 想搵間比較好既食店, 比想像中難:(九龍灣牛角於十一月尾新開張, 之前唔係香港食過, 覺得佢都幾抵食, 所以難得平安夜都想去食下.下午五點多到達德福二期, 已經成個商場係人, 點知一去到牛角門口, 已經O 晒咀. 人龍已經出現左一個蛇餅. 見佢5-6點係清潔時間, 估都應該可以排下, 於是就係度排等佢6點鐘開門. 因為四處都係人, 忽然要搵第二間食店, 相信都好困難. 等到6點半才排到門口, 結果原來都入唔到, 攞飛仔再等過, 入左去既第一Round人, 至少都一個小時先食完, 所以唯有攞左飛就係商場逛逛等時間結果到左八點多先入到去坐底. 牛角入面既格局同之前和民差唔多, 都係好暗. 唔知係咪真係太忙既關係, 無乜人招呼, 連茶都無杯. 更遑論有人理了.因為無人得閒理, 於是乎用之前係門口攞個張傳單畫圓圈, 遞俾個侍應落單再叫佢倒茶. 結果叫左: 王樣豆腐, 牛角沙律, 牛油帶子, 上級牛肋肉, 特上和牛牛肋肉, 腹胸肉, 豬頸肉, 溫泉蛋, 王樣腹胸肉, 月見牛肋肉, 香草芝士雞肉同銅鑼燒. <-- 基本上除左牛舌同內臟無叫之外, 大部份肉類都叫晒.王樣豆腐: 豆腐"鞋鞋" 地, 百福豆腐都仲滑過佢, 不過值得一讚, 個調味料微辣, 而豆腐入面有個糖芯蛋黃, 搭配都幾特別牛角沙律: 烚蛋, 蕃茄,著蓉絲,青瓜架生菜, 無乜特別, 好乾身, 份量又少, 可以唔叫.塩味牛油帶子:侍應拎左個凍既鐵板黎放底, 乜都無講就走左去, 根本唔知佢係要我地自己整. 之後, 我地未整, 居然有另一個侍應走埋黎問我地仲要唔要個鐵板, 個鐵板咁乾淨同D 生帶子仲係度, 睇都知我地仲要啦, 好奇怪,D 服務麻麻地.上級牛肋肉, 腹胸肉, 王樣腹胸肉, 肉質魚嫩, 有唔同醬汁揀, 好味道特上和牛牛肋肉, 全個menu 最值錢個個, 不過真係物超所值, 好嫩滑, 入口同其他個幾種有好明顯分別豬頸肉:味道都唔差, 不過每條都好"瘦", 燒落有D 好窮既咁覺香草芝士雞肉: 感覺好似唔伴芝士醬好味D :)甜品雲呢拿/抺茶銅鑼燒: 估佢唔好咁好味, 經過燒, 外皮脆脆, 內裡仍然是涼口既冰淇淋同紅豆, 好特別, 好味道…Read More

元朗好少車仔麵檔, 見難得開左一間, 所以走去試, 以前去建業街, 多數都係去隔離氹仔, 因為呢條街始終係"屈"左入去, 所以如果唔係真係搵食, 基本上都好少行入去.去到門口, 一開心, 老闆好有禮貌地招呼, 感覺良好.:)坐低叫左一個招牌鴛鴦撈麵, 揀左三樣餸 - 雞亦尖, 生菜同埋魚蛋., 但可惜原來雞亦尖無晒, 唯有轉雞中亦. 豉油汁加少少棘汁, 配埋粗, 幼麵, 好好味, 雞中亦都煮到洽到好處, 好入味.另外叫左一個小的咖喱魷魚, 棘度適中, 亦是精選惟一覺得唔太好既, 就係佢以一間車仔麵檔黎講, 餸款, 菜款不是太多, 可能我平時食慣公司附近個間, 款式多好多,有少少要求la, 尤其係菜, 香港人少食菜, 多一兩款揀會好D.…Read More

晏晏地行過見日出茶太無乜人, 心諗買杯野消左暑, 咁岩又見利強記無人, 所以就買左一抵雞蛋仔, 先前係屯門個間食過, 好脆口好好味, 諗住佢擺得個名出黎應該都唔會差, 點知...得個脆字,淡到乜味道都無, 好失望~~~…Read More

sweet coffee 已不是我第一次光顧, 每次光顧, 除了等既時間比較耐, 食物用料同質始終如一.最近去的一次, 是食lunch, 午飯時間比晚飯時間無咁多人等位, 好快就有得坐低暖心既牛角飽, 忌廉湯仍然香濃, 好味道是次點了肉醬意粉同牛扒意粉肉醬意粉賣相ok :) + 味道夾雜香濃既蓄茄味, 意粉焗身唔乾, 比起其他西餐廳, 佢實在好味好多牛扒意粉, 牛扒大大件, 肉汁又夠多, 唔會煎得太熟:) …Read More

偶有行過見到易拉架上面燒豬肋骨幅相, 已經好想去試下, 但耐何未嘗試, 昨天終於試了, 但感覺唔係太好, 除了人多, 上菜慢, 出黎既食物亦未如理想.平時吃晚飯, 除了西餐cafe 類等既時間比較耐, 一般一個小時都可以上晒所有菜式. 但昨天, 足足用了兩個幾小時先上最後一道菜, 每個小食上菜時間, 至少相隔十五分鐘, 觀望四周, 張張枱都是呆等.:(燒雞泡魚乾好味之作, 燒出雞泡魚乾之味, 搭配蜜糖, 口感一流, 但可惜漏了附上沙律醬, 扣了一點點分.燒豆卜脆中帶軟既口感, 好好味:) 燒雞翼勁燒過左火位, 食落有燒燶左既感覺, 同D 芝麻一D 都唔match, 其實此乃我第二次叫燒雞翼, 原本以為上一次失手, 原來根本唔係. 呢D 質素, 自家屋企用烤箱焗都好味過佢.芝士翠肉瓜味道唔差, 不過芝士配翠肉瓜都係唔係好match, 芝士味蓋過左翠肉瓜既味道:(燒茄子原條燒茄子,蒜味加葱味一大堆, 味濃搭夠:)香棘魷魚一味好似七味粉,棘椒粉係上面, 最閉就係, 等左兩粒鐘先上既菜係唔熱既.:(招牌菜豬肋骨上菜既時候, 第一感覺又係--> 燒得咁燶既? 食落都無乜特別, 只係有少少蜜糖同好少既香草係上面燒, 又一簡單之作. :(除了食物, 服務亦一般, 禮貌是有的, 但其他就欠佳, 例如你無水, 唔叫是唔識加, even 隔離枱剛剛加完, 都唔會望下其他人有無需要, 枱仔細細, 理應執枱要有一定次數, 但成枱擺晒食完既碟, 都唔太識處理先, 感覺有點兒差:(…Read More

悶悶地匿係屋企唔願出街, 記起最近收過一張傳單 - Mr Big, 所以上佢個網睇下有乜食, 望下個Menu, 唔貴喎, 又好似好多野食, 所以決定叫外賣.睇個website, 好想食佢主打既炸雞, 但又想食燒排骨, 所以取捨下只好叫後者.叫左個輕鬆套餐 + 燒排骨, 從打電話個刻到收貨只係不到半小時既時間, 食物送到既時候仲係熱棘棘, 唔錯唔錯.輕鬆套餐 = 1個普通size pizza + 1 個意粉 + 兩個湯 or 兩個汽水 or 一份蒜茸飽Pizza - + $$ 要左個四四六六, 即半個唔同口味, 揀左火棘墨西哥 + 巨人遊世界. 火棘墨西哥- D 棘椒好惹味, 仲有双重芝士, 交集埋一齊, "正" 巨人遊世界- 基本上都好好味, 有D 似pizza hut既至尊, 口味豐富,但相比之下, 味道較墨西哥遜色左, 因為食完火棘墨西哥, 無論刺激感 + 芝士口感都簡單左.意粉 - 海鮮闊條面, 濃郁忌廉味 + 數量唔少既蜆肉同蟹柳, 好滿足香草燒排骨 - 估唔到有咁大件, 切件計, 有六件, 仲有薯角伴底, 感覺好抵食.總括黎講,咁既價錢可以食到OK 有水準既pizza, 可以重溫le~~…Read More

今年生日, 走訪左幾間唔同菜式既中,西,意,法,...日餐廰, 覺得呢間法國餐真係唔差, 所以雖然過左一排, 都上番openrice 留番個食評.是日booked 左位食晏仔, 店面雖小, 但不斷有walkin 客入黎, 証明裝修未必是客人到訪的主因. 但本人覺得呢個價錢...如果氣氛再好一點, 會好好多.點菜到埋單, 由一點食到成三點, 廚師果然慢工出細貨, 所以如果肚餓, 只有餓住肚皮等.點了蜜桃豬扒 同羊架 跟餐( +$60 變相有湯,面包,甜品同餐飲), 所以我想一般人都會跟餐.- 蜜桃豬扒, 好味, 蜜桃好香, 上面塊酥皮好脆, 豬扒好淋, 幾樣野加埋洽到好處.- 是日餐湯 - 原本想試佢個南瓜湯, 但可惜因南瓜唔當造, 所以變左甘荀湯, 不過一樣好good.- 甜品跟皇帝批 - 有D 似萍菓批, 但比佢鬆脆, 熱食, 唔太甜,好味.- 羊架 - 因本身唔食羊, 朋友說無酥味, 值得一試- 洋蔥湯 - 味道濃郁, 好和洋蔥味- 千層糕 - 法式招牌甜品 上面加了拖肥, 一次幾層咁食, 好特別.各方面黎講, 食物好好味, 如果上菜唔係咁慢同環境唔係咁普通餐廰feel會好好多…Read More

之前路過大坑渠見到一個好光猛既招牌, 過去望下原來係一間拉麵舖, 番屋企上網search 下, 食評又唔差喎, 所以今日唔知食乜既時候咪走去試下. 攞紙仔等位, 要等成廿幾張枱, 因為佢得八個吧位同門口兩張圓枱. 就離開打個轉. 半小時有多後番轉頭, 見仲有幾張no. 所以停落黎等位. 見佢個吧位其中六個位子都無人, 心想快有位, 但門口小姐一路唔叫飛, 咪走過去問佢點解有位唔叫飛, 佢話佢地係要hold 一hold 枱, 真係唔明唔放人入去坐, 唔怪之得門口咁多人等位la, 佢呢招都有D 過份, 係門口等好過癮咩?再問之後終於可以入坐, 就試左佢個叉燒拉麵, 岩手拉麵同沖繩餃子.- 叉燒拉麵 - 叉燒幾好味, 又大塊, 湯底夠濃, 但個拉麵就一般, 好多地方既拉麵質數都好過佢.- 岩手拉麵 - 豬軟骨好淋, 但D 肥牛就一般.- 沖繩餃子 - 賣相幾特別, 似pizza 既餃子, 外脆入軟, 但入口一D 都唔似餃子, 因為好少好少 既餃子, 外脆入軟, 但入口一D 都唔似餃子, 因為D餡少得出奇總括黎講, 未試過可以試下, 大眾價錢, 但要咁等位同食D 咁上緊質數既拉麵, 去附近福福好過.…Read More