KINGLAM0817的個人專頁

太太肚餓話想食燒烤即刻諗起位於元朗新店既烤魚工房如果講川式燒烤黎計暫時未搵到有一間能夠超越不過我地只會食串燒燒烤烤魚就真系麻麻，因為真係麻麻。反而燒烤好食！叫左燒鮑魚，台灣腸，燒粟米，燒魷魚，花甲，饅頭…查看更多

上次無意經過發現錢媽媽旁開左間新鋪見到有腸粉食，作為腸粉控一定唔會放過試今日收工終於一嘗美食果然無令我失望終於搵到間超滿意既腸粉。真系太好食啦，以後我食唔返點算啊呢間真心掂啊！石磨腸粉好有米香皮薄餡靚！最值得系佢個醬汁！真係真心正，佢啲醬汁用冬菇，乾蔥，蒜蓉煮過同腸粉好夾！上枱己經聞到香味噴鼻！我食左好多間腸粉，中！一系就腸粉好食，醬汁失敗！一系就醬汁好食，腸粉失敗！但呢間正華系將兩者優勢結合左！真心無敵！一家要翻食，同埋會變食堂…查看更多

池記湯底無麥奀香的濃麻油味，我+2元轉左竹升面，麵無鹼水味都彈牙同滑還可以，有比較下都是麥奀彈牙好食。雲吞較大粒，皮薄，餡料也很香，池記雲吞同麥奀雲吞不相上下，風味不一樣。值得一題池記辣椒油同辣醬都非常出色，特別是辣辣油非常香辣。還有份量比麥奀大，起碼唔會食兩啖就食完。…查看更多

話說尋日去沙頭角禾田喜山種植園諗住系果度玩完燒烤，但原來收17:30 好唔過引，所以就轉最近既大埔燒烤，其實大尾篤好多間都試過，但印象就麻麻。直至尋晚去到巴希雅海灣燒烤，我地系上OpenRice 到比佢個名吸引到的。一直揸車入到黎，除左導航唔準外，都好易搵到巴希雅，因為個導航話距離芭希雅仲有5分鐘先到，好彩我慢車周圍睇下。事前我亦打左電話黎問有冇車位好啦，入正題啦首先，芭希雅個停車場系非常非常之大的露天停車場，搵位絕對無問題，值得一讚入場前先排隊比錢，好似是178一個人，小童2-3歲唔收費，非常好，價錢系比其他任食燒烤貴小小，但後尾發覺佢系物超所值，可能質素對我黎講先系最重要個場好整齊，都幾大下，環境又幾好，仲可以遠眺望到海添，任食時間系3小時，如果真系食野梗系夠有突。佢系川式燒烤黎嫁上左個爐，要比開爐費50蚊，但個爐系重本原子炭，呢種炭有一個優點系用黎網燒系一流，因為唔會搶火，耐燒，火力均勻，而且比較難入貨，燒足3個鐘都唔駛換炭，對工作人員同埋顧客都好！現場有歌聽，有限量食物，如大蝦同成個沙煲既蜆，香蕉，菠蘿，香蕉燒完仲可以比工作人員𠝹開同加朱古力醬或焦糖，非常正既甜品食材方面，牛仔骨同羊肉真系不得了牛仔骨雪花好靚，燒到5-6成熟，加d小茴香（子賢粉」同辣粉羊肉系正宗川式，一串肉一串油膏，好香多士都用法包，重本雞肉腸，我懷疑是廚師腸，好似系又好似唔系，但真系又幾好味非常之好味食食下仲有抽獎環節同埋好多人黎慶祝生日氣氛好好食材方面應有盡有真系會再回頭同介紹朋友黎我系第一次開post食評論讚人的我對食系有要求嫁😂…查看更多