KaylieMak's Profile

豐信餃子相信大家都聽過，我每隔一排就會幫襯，每次飯點時間都一定大排長籠。但都無阻我想食佢嘅心！🥟香菇鮮肉餃併芫茜鮮肉湯餃7隻 $47★★★★☆其中最出名嘅椰子海帶鮮豬骨湯，次次叫湯餃都會飲哂呢碗湯！一入座已經有好幾款餃子售罄，最想食嘅西洋菜、椰菜都冇哂！香菇鮮肉餃皮薄肉餡好爽彈，菇味好香，配湯一流；芫茜餃真係睇人口味，我自己係芫茜控覺得超級之香，芫茜味超級突出，食落係大滿足！🥟紫菜鮮肉餃併麻辣白菜煎餃 10隻 $79★★★★☆除左煎餃我仲加左$17蚊加埋個金沙餃！真係超級邪惡，每隻餃子香脆仲鋪滿哂咸蛋黃，咸香又沙沙嘅口感，好正！叫到呢個時間已冇咩餃子選擇，紫菜超爆餡，煎都幾夾，我最鍾意加埋佢個辣菜脯一齊食，超惹味。麻辣第一次試就出奇地好鍾意，有麻辣香(偏向大陸風味)，但唔會太辣，一般人絕對接受到！🌟涼拌皮蛋 $22★★★★☆呢個係我每次黎都必叫嘅小食，皮蛋汁係甜口嘅醋汁，食落係超級開胃！佢仲配埋個醃薑，呢個又係我Favourite，單食配餃子、配皮蛋都得，解膩一流！🌟秘汁金錢展 $40★★★★☆呢個金錢展好厚實有一定口感，食落去札實但唔韌，佢已經滷得好入味。一碟都有6-7片，絕對有驚喜！🌟羅漢果金草茶 $12★★★★☆呢個價錢有一大枝真係好抵飲，加上食煎餃考慮到熱氣呢個問題，呢款就有清熱效果，完美。總結：每款餃子都好食，湯同煎各有特色，最好兩樣叫齊！建議大家早Ｄ食，因為8點左右已經得番1-2款餃子。…Read More

由屏山得一間自家店食到而家本店轉埋地址都間中會幫襯，只食天水圍店，皆因其他店嘅食物水準完全唔達標，但天水圍店就維持到個質素。🔶雞翼煎蛋肉眼筋冬陰公米線 $57 💫 8.5/10湯底勁濃郁酸辣酸辣，勁開胃，加埋香草，重口味人士必愛！肉眼筋好特別，有咬口之餘幾香口，份量仲要勁多，幾抵食。雞翼2隻用鹵水鹵完好入味，但雞肉都勁嫩滑。橙黃色大大隻太陽蛋，拮爆佢食撈麵食一流！🔶皮蛋莞茜豬潤牛肉米線 $60 💫 7/10以前一直食開呢個，而家食又覺得個湯底不及以前咁濃郁，但係足料，有成2隻皮蛋份量，豬潤同牛肉都勁多，牛肉幾嫩。🔶蕃茄豬扒豬潤牛肉出前一丁 $60 💫 8.5/10蕃茄湯底係好濃稠個種，飲落有厚度，會帶D蕃茄粒/蓉，酸甜酸甜，配出前一丁真係超配！豬扒超抵食必點，香煎2大塊，煎到好焦香又軟腍，唔係鞋口乾爭爭。豬潤都幾大塊，偏爽口唔算太粉，冇腥味，厚身得黎有口感，好食！🔶芝士咸牛肉蛋豬仔包 $24 💫 9/10大家記得要叫大火，即係烘燶底，個豬仔包會特別香脆。入面夾住半溶芝士加咸牛肉同半流心蛋，超級完美嘅配搭，真係必點！比起招牌波蘿包，我更愛呢個！🌟總括：星期六日預左要排隊，仲要係講緊起碼半個鐘，但對於住附近既我黎講間中就會想食。咸牛肉芝士包真係好正必叫，食得辣就叫冬陰公湯底，餸要點豬扒、雞翼、豬潤。…Read More

咁啱平日放假經過路經呢間越南CAFÉ，入面裝修好靚，真係有秒回峴港感覺！Non越南話解做草帽，呢樣野真係最Signature！今次同朋友除左叫左D早餐，仲叫左個PHO share食！🔶越式安格斯牛肉湯河粉 $108因為只叫一碗Share，額外再叫左牛𦟌、生牛肉，一次過食嘅幾款餸！餸菜好足料，牛𦟌炆得超級軟腍，入口即化咁制，生牛、安格斯牛肉都唔錯，肥瘦分佈OK！湯底偏向清新帶D牛肉香，飲落好舒服！🔶牛油果煙三文魚牛角包 、半份越式五花腩法包 $58平日會有幾款早餐提供，本身想叫個Yogurt Bowl，但咁啱當日供應唔到。即叫即整，牛角包、法包上枱都係熱辣辣。牛油果、煙三文魚呢個配搭真係冇得輸，食落輕盈冇負擔！法包個肝醬幾特別，同之前食過嘅味道有D唔同，但都係好食，個包好脆！🔶Coconut Affogato/Snow Lemon Smoothie  +購 $34飲品本身大約6X/杯，但呢個早餐就可以加購價，所以一定要叫！一開始打算叫蛋咖啡，但見到椰子雪糕咖啡真係忍唔住！睇到好靚，冰凍咖啡＋熱濃咖啡，雪糕中溫左咖啡苦味，我會話呢個更似係一個甜品！呢外個杯檸檬Smoothie都好正，甜度剛好，有D HERBS清新，檸檬酸甜，超解渴又Refreshing，夏天飲真係透心涼！🌟總結：環境好靚，絕對可以打卡，過黎飲杯野食下甜品！…Read More

其實一直都唔知壽司郎旗下有居酒屋系列，純粹見到佢有個身份證優惠-$50就諗住順便食。佢就係食物擺盆靚啲、環境坐得舒服。8點幾食完都見門外一大班人排隊！🍣並玉盛合 $93💫 7/10整體覺得普通，冇話好WOW，係比壽司郎質素好D嘅，但係咪咁大差別就唔係！一共7件壽司，壽司飯散Ｄ已調味，帶子甜嘅，三文魚、吞拿魚都唔錯！🍱原條海鰻海鮮丼 $148💫 7.5/10上枱都覺得好唔錯，海鰻有輕輕燒過下，油脂剛好又幾甜，好食！明顯刺身會比叫盛合大件同肥美。三文魚腩幾油潤，甜蝦還好唔夠鮮甜。吞拿魚中等，帶子、海膽、三文魚子都合格。但佢原來個底係提高左，傻位好少，好快到底。如果細食/女仔還好，男人應該唔夠食。🍜乾海老蜆肉拌烏冬 $38 💫 8/10雖然係普通野，但出黎鳥冬個味道、口感都唔錯，好多蝦仔撈埋都幾正，仲有十幾隻蜆仔，冇沙幾鮮甜都飽滿，呢個價錢幾抵食。總結：我個人更比較喜歡壽事郎，款式種類更多。原條海鰻海鮮丼好食但份較細，呢個價錢以丼飯黎講預期會飽肚。 …Read More

週六同朋友做完運動路經見到入去一試，入面空間唔大，大約只有6張2人枱，繁忙時段大多需要等位！🥯Classic All Day Breakfast $98★★★★☆幾豐盛，食材望落去新鮮特別係沙律菜！明治牛乳炒蛋好嫩滑，有奶香，可配蒜香多士食。但蒜香多士就普通左D，通常我都會好期待個麵包/Bagel。仲有其他食材：牛油菇、火腿、日式豬肉腸、薯餅、茄汁豆。整體都係好食，份量唔錯！🍝鮮茄辣肉醬蝦仁意粉 $88★★★★☆有3大隻去殼去腸，超級爽彈！鮮茄辣肉醬都幾濃郁惹味，撈埋個意粉，食到後期都有點辣，唔錯。☕️Coconut Americano $45 / Americano $3★★★☆☆叫完野食叫飲品可減$10，呢到咖啡偏向清啖D，絕對唔係香濃派。反而如果係想清爽，椰青水美式咖啡都幾好，有解渴但唔會過甜。總結：食物選擇方面唔多，意粉都係得2款，但味道算唔錯，咖啡就冇特別。經過唔等位可以一試。…Read More

聽人講左呢間店好耐，大圍店地方較細，長期排隊，真係次次去到都卻步。而家開左銅鑼灣分店，大間D之外平日唔洗排隊。🍜好頭好尾 $120 💫 7.5/10有牛面肉、牛尾、牛舌，幾款肉特別係牛面肉都炆得好軟腍入味，個軟腍程度有D似煲湯牛肉咁。湯底幾濃郁，有牛香，似係老火湯。但呢個湯底偏清，個人認為配麵唔夠味。但飲落似健康養生，無添加咁。🍜海龍皇湯 $146 💫 8/10蟹肉、海蝦、魷魚、帶子、蠔，有好幾款海鮮，幾豐盛。湯底幾鮮美清甜，飲得出有用蝦殼、蝦頭去熬煮。飲完都唔會口渴，配陽春麵都幾夾。🍴泡椒鳳爪 $57 💫 7/10鳳爪帶骨，唔算好腍，偏爽口。唔算太辣，正常發揮。🍴意大利黑醋蒜香海蜇頭 $65 💫 6/10小食黎到真係好細份，唔太划算，大家叫主食就好。醬汁偏酸，海蜇頭比較散，但都爽脆。🌟總結：見咁多人推薦，可能太有期待感，食落覺得還好。唔係唔好食，但未令到我好驚艷！…Read More

咁熱天氣真係要食番D冰涼嘅甜品去降溫！平日 8點幾銅鑼灣店都滿座，等左一陣就入得！🍵伯爵奶茶味配白玉冰 $110 💫 9.5/10好大一份，3個人食剛剛好！雪花冰好綿密，幾濃伯爵味，但唔會太甜。入口即溶，上面有啲白玉，煙煙韌韌，幾有咬口，唔會凍到硬哂一舊！中間入面仲會有D奶凍，變相食落更有口感、豐富！真係好快食哂，又唔膩！🍰日本柚子芝士蛋糕 $46 💫 6/10因為有低銷又食唔到多一份冰，所以最後叫左個蛋糕。呢個就真係冇咩特別，十分普通。大家都係叫番雪花冰，唔夠低銷可以加D配料！總結：食完覺得太正，下次要再食埋其他口味，加上而家天氣咁熱，消暑一流…Read More

元朗國出名多野食，但唔算多韓國菜，好幾間韓國野都係正鳳攸南街，今次就試左呢間新野！標榜為香港第一間韓國刀削麵，真係要過黎試下佢咩料！餐牌主打都係唔同類型刀削麵，少量小食。另外一定要提佢地個泡菜，自家醃，味道好清爽偏甜口，餸餃子、水冷麵都好正，好食到添左2次！🍜牛骨湯刀削麵 $78💫 8.5/10份量十足，超大碗。刀削麵有驚喜，望落闊少少厚身，食落真係超有口感，好食！湯底濃白，飲落都好濃牛香，有D厚度，但唔會膩！大約有4-5塊牛展，分佈有筋有肉，口感超Q彈有咬口，一路咬一路有牛肉香！🍜水冷麵 $88💫 9/10天氣咁熱又焗，最啱食番個清涼水冷麵，入面湯底都仲有D湯製成冰塊，一路食到尾都仲係咁冰涼！撈埋醋、芥末，配埋青瓜絲、醃蘿蔔絲蛋絲，更加之清爽！🥟三拼餃子 $68 💫 8/10一大份有3款餃子，細個隻就係偏甜口D，外皮QQ地。大大隻個兩款一個係香辣粉絲、另一款就係菜+粉絲。餡料足，撈勻哂肉餡，單食都夠味道。…Read More

同朋友做完運動，唔想食D咁油膩嘅野但又要攝取多D蛋白質，俾我地搵到呢間食Poke Bowl，Set Bowl 全部有哂卡路里顯示，想減肥都可以睇住好計數！入面唔大，餐牌都幾多元，就算唔食刺身都仲有熟食選擇！✅I am Greedy $158 💫8/10懶人之選，完全唔需要諗配搭，咩都有D！最緊要係佢有齊三文魚、吞拿魚、蝦，仲有我最愛蟹籽同埋蟹柳沙律！佢食落真係超豐盛，配菜仲有雞蛋絲、青瓜、枝豆，真係肉、菜有齊！佢個醬油仲係自製，食落似日本醬油+柴魚醬油，同埋應該係煮過更香！所有撈埋就算食到一半都唔覺膩，仲係好Fresh！我就叫左飯，真係超大碗，感覺有2碗飯，細食D嘅可以叫(飯+沙律菜)！主角三文魚、吞拿魚都夠新鮮，蝦食落幾爽彈！✅自選夏威夷蓋飯 $165💫8.5/10呢個就自選左D其他野食，有八爪魚、牛腱肉，配料揀左紫洋蔥、泡菜、雜錦香菇，另外加左蟹籽、一隻溫泉蛋！醬汁就簡左芥末乳酪沙律汁！另外仲配埋日本飯素、木魚絲。雖然聽落唔算夾，但食落好滿足！超級推薦牛腱肉，炆得勁入味軟腍，有肉有彈牙半透明筋位，正！八爪魚幾彈牙，唔會霉！隻溫泉蛋熟度剛剛好，撈飯＋泡菜都勁正！🌟總結：大碗餸菜份量大，配料選擇多，咩口味都有齊，夏日清涼輕盈之選！…Read More

每日街市新鮮蝦熬製濃底，唔落一粒鹽，真材實料！鮮蝦仲要已經剝哂蝦殼，啱哂我呢D懶又為食嘅人。每次放隻經過都大排長籠，咁啱平曰2點排左5分鐘就入得，超幸運！🦐醬油蝦濃湯麵 $118 💫9/10呢個價錢，呢個質素係超哂班！上枱仲會淋一圈蝦油，令到個蝦味更突出！第一啖湯，真係完完全全係蝦，仲有好多櫻花蝦，超鮮，飲落唔會覺得膩，忍唔住Keep住狂飲，難怪見到好多人都飲到清碗！拉麵還好，我覺得佢係配角，最出色都係個湯，下次會想試埋刀削麵！去殼蝦有3大隻，蝦頭有膏，蝦身食落啖啖肉真係好爽，夠哂爽彈。🌊是日精選海鮮蟶子 $38 💫10/10每日唔同，可以向店員查詢。蟶子超肥美大大一條，入口係勁勁勁鮮嫩帶DD爽甜，大大條食落真係巨爽！醬酒味道剛好，唔會蓋過海鮮本身鮮味，有提鮮作用！食完馬上叫埋蠔黎食！🌊醬油生蠔 $38💫9/10生蠔兩大隻，好飽滿白雪雪，入口三個字大滿足！生蠔鮮甜，一D腥味都冇！食完其實想再叫埋個鮑魚食，但真係有D食唔落，唯有留番下次！🌟總結：鍾意食蝦嘅一定唔可以錯過，湯底絕對令人回味三分！另外一定要點佢地海鮮，唔洗諗，可叫哂！…Read More

之前去開Panda Hotel上面飲茶見到呢間川菜野食，出面已聞到勁香，環境又唔錯！今次就同屋企人一齊去試，座位闊落，坐得幾舒服。不過最吸引都係見到佢有個晚市優惠三寶套餐！$328包埋個魚，仲有一款涼菜、一個小菜！我望餐牌本身個酸菜都呢個$328價錢，而家即係買一送多二個餸！老壇酸菜魚💫8/10叫左小辣，滿滿一盆。主食魚片幾滑溜又厚肉，唔腥！不過第一次食叫小辣有D太保守，啱唔食得辣朋友仔，下次要叫中辣更惹味！除左魚片，仲有薯粉、萵荀、酸菜、娃娃菜 ，食完大滿足！72度慢烤樟茶鴨 $138💫8.5/10因為其他菜式全部都係辣菜，屋企人頂唔順，所以就叫半隻鴨試下佢！上枱賣相超靚仔勁有食慾，完全唔似百幾蚊貨仔。半邊鴨都幾有肉，唔會得骨。鴨肉比較結實有咬肉，但唔會韌！脾位好食酸辣魚皮💫8/10又係一道配飯一流涼菜，魚皮爽脆Q彈，有埋青瓜絲唔同配料一啖食，超滿足。酸辣味剛好，唔會太嗆喉，加上冰冰涼涼，啱哂夏天食。小炒黃牛肉💫9/10有鑊氣，以為只有青、红尖椒，但估唔到佢落左勁多香菜，而我係香菜愛好者，真係忍唔住一食再食！不過呢個真係有越食越辣！牛肉嫩滑入味，唔係好大舊咁，似係手切牛肉。可以講係咸鮮酸辣，超開胃餸飯，叫呢道菜一定要叫碗白飯！…Read More

元朗食肉餅，一定會諗起老地方。佢真係超級之多款式(幾十款)，有傳統、創新、暗黑類，黑松露、芒果、榴槤等等，超乎你想像！最緊要係佢有埋泊車位置，所以比較方便！🔷馬拉盞章魚煎肉餅飯 $54💫8/10佢地嘅肉餅即叫即煎，出黎超級香口！呢個口味勁惹味，加埋章魚粒有D咬口，個肉餅又唔會乾爭爭。超級之好餸飯！🔷黑松露鮮蝦香菜煎肉餅飯 $72💫7/10本身係想叫黑松露牛肝菌芝士個款，但原來已經唔再出。呢個都好食，黑松露味有，但唔算好突出。鮮蝦切成粒粒，但唔算超爽脆，但我欣賞個芫茜味，估唔到同黑松露都幾夾。呢款口味可以一試。🌟總結：太多款式，每次黎都叫唔同口味，試極都未試哂。住附近真係可以一試。…Read More

做完運動經過見到唔洗排隊，入面唔多位置，木系裝潢。窗邊位置仲有少少陽光照射入黎，好舒服！🔶A Big Breakfast $138 💫8/10超級豐盛，份量啱哂2個女仔Share！有牛角窩夫、黑松露炒蛋、牛油果、大啡菇、沙律、芝士蕃茄、腸仔、煙三文魚。每樣野食都好味，夠新鮮即整。牛角窩夫外脆內軟，QQ地幾好食！🔶早晨熱香餅 $58💫8/10本身以為只係得熱香餅，黎到又有沙律、煙肉、炒蛋，好豐盛，兩塊熱香餅就係M記同款，口感都係軟腍有楓糖漿，整體都幾好食！🔶Hot Honey Latte $44💫7.5/10呢杯好飲，奶同咖啡比例，飲落好絲滑，有蜜糖味但唔會太甜。有埋桂花花瓣點綴，睇得又飲得。🔶Organffee $58 💫4/10橙啡幾靘成個Presentation，撈勻之後完全飲唔到咖啡味，只係飲到橙汁，仲要係新奇士橙汁。呢個價錢完全唔抵飲。🌟總結：野食味道好唔錯，環境舒服，絕對係同朋友黎Chill下嘅好地方。…Read More

本身想食萬發，但因為開年好多人排隊，馬上轉陣去左呢間。格式好似酒樓咁，都係叫餸食飯！🔷一品燒雞(半隻) $138 💫7.5/10雞肉夠滑身，脆皮夠哂香口，加埋隻雞都算半肥，食落有油香、雞味。🔷風味蒜香骨 $88 💫6.5/10排骨夠腍，一咬都離骨，炸到剛好唔會太乾。但蒜香味唔夠，入面D肉係完全冇咩味。🔷椒鹽炸粟米 $58 💫9/10呢個又係出奇地好食，粟米好甜香脆，咬落去爆汁，炸完灑埋椒鹽，咸甜咸甜，正！🔷懷舊蝦多士(4件) $88 💫8/10必叫之一菜式，真係唔係太多地方有得食。蝦爽脆，加上甜脆口嘅多士，再加埋沙律醬，好食！🔷椒鹽鮮魷$108 💫8/10呢個好味道，炸漿夠哂薄脆，咬落去魷魚幾爽脆唔會霉，加埋椒鹽好惹味！份量都好多，抵食。🔷金銀蛋白菜仔 $82 💫7/10呢個正常，普通一個菜湯，金銀蛋唔算出味。🔷白灼花螺 $148 💫6/10冇咩太特別，某幾粒仲有啲腥，一定要點埋佢個辣醬，餸酒食。🌟總結：味道唔差，價錢合理，岩哂成班人食飯，食物選擇多，一定搵到啱食。…Read More

唔係講笑幾時都見佢排緊隊，即使平日食完9點鐘出面都仲有人等位。入面位置唔大，裝飾幾復古 Café！ 🍛濃厚芝士肉醬蛋包飯 $108 💫7.5/10呢個應該都係呢到皇牌之一。芝士其實係蛋上面嘅芝士絲，本身預期會係好多好濃拉絲個種，少失望。蛋包飯夠嫩滑有蛋香，撈埋肉醬都幾惹味。🍛紅酒燉牛肋條 $88 💫7.5/10紅酒醬汁味道冇想像中咁濃郁，但餸飯都可以。牛肋條炆得好軟腍，咬落去腍得黎仲保笛少少口感，仲要幾重牛肉香，啖啖肉，滿足。🍛奶油味噌野菜燉雞腿肉 $82 💫7/10雞腿肉應該有煎完再炆煮，但都係好嫩滑。醬汁食落似白汁，反而冇食到有味噌味道。整體味道都唔錯。🍮焦糖雞蛋布丁 $52 💫8/10呢個好食，食落個蛋香味道勁突出，焦糖味道剛好唔會蓋過。布丁口感幾札實，如果可以嫩滑D會更好。🍰抹茶巴克斯芝士蛋糕 $55 💫6/10呢個甜品失望，口感超結實，入口都唔會化，抹茶味道唔突出。最後3個人都食唔哂。總結：味道偏向清啖D，但整體都係唔錯。不過因為多人等位，60分鐘用餐時間一到便要走，唔算係一個聚會好地方。…Read More