foodpinkypeach的個人專頁

今日同屋企人黎打邊爐，平時一齊想番深圳食，但係又夾唔到時間。沙田原來最近開左呢間內地火鍋，主打菇菌，唔洗突登番上去都食到土雞湯底真係好好飲，唔小心飲多咗幾碗，鮮甜得黎又好重菇香，入面已經有兩款牛肝菌，呢度都幾啱素食人士，可以食到好多款菇仲叫左千層肚、皮蛋等等，味道幾正宗，辣得好過癮。火腿炒飯覺得幾抵食，又炒得好靚不得不提服務好似內地一樣咁高質，店員會不停幫手加茶加湯，同埋會問你有咩需要，面帶笑容，香港打邊爐嘅服務被比較下去，呢到係會令我encore嘅舖頭晚市好多人食，一定要早啲係app拎位，唔洗等咁耐…查看更多

夏天咁熱成日都會想食冰🍧，本身想食我嘅愛店S冰屋但係太多人，而且咁啱行過條街有另一間都幾出名食甜品嘅舖頭都有冰食，呢邊排得比較快，咁就入左黎中伏☹️▪️你今日開心果味$148外型就幾靚，最頂有一件迷你甜牛角，不過就係淋嘅，估唔到啲冰超淡，唯一好味嘅係焦糖脆餅，個冰要食到中間先有幾粒開心果，完全大失所望！另外配一粒雪白mochi，口感軟糯▪️楊枝甘露冰$158朋友comment係同水冇分別，同樣好淡味，冰底有少少椰香，入面有芒果粒，不過偏酸，頂層有原條芒果肉，熱情果果凍就少到搵唔到。兩款冰都溶得好快，食左大半就變水佢同另一間銅鑼灣起家嘅冰屋相比味道真係差好遠，個間食完會想翻轉頭，呢間價錢仲要貴過另一間，冇下次…查看更多

拉麵台風係荃灣屹立左好多年，以前食過覺得好一般，相隔幾年再黎，諗住俾多次機會佢，感覺都係冇變～可以唔洗返轉頭😂首先一黎已經安排坐係廁所位，真係極近，背後一個身位都冇就已經係廁所，唔係懶得搵過間真係即刻走▪️魚介豬骨湯$78魚介湯幾濃稠，油份較多，放一陣個面就起咗一層膜，拉麵較粗身，都幾掛湯。叉燒夠大塊，偏厚身，但係好鞋，接近咬唔開👎🏻▪️伊台風$88蕃茄湯底，味道幾Fresh，有少少芝士碎係豚肉面，湯底ok▪️沾麵$83沾麵每日限量30碗，魚介湯好濃，同樣偏油，值得一提嘅係呢到麵量幾多，唔會唔夠飽因為廁所原因食到一半都已經冇晒胃口，真心建議舖頭唔好為咗坐多幾個人係咁近廁所整座位，廁所門又唔閂🤮間舖又殘，碗野又一般般，可能真係唔啱我口味，不可一，不可再，慎入‼️…查看更多

今日朋友嚟到呢間新開嘅茶樓，以前呢個位嘅茶樓好靜，最近終於轉左手，不過估唔到嘅係相隔咁近有一間海港，之後應該會由中染嗰邊轉嚟呢邊食，呢邊啲茶好飲啲，而且有蠟燭暖住啲茶，推介人蔘烏龍今次嚟都食咗唔少菜式，味道就同隔離嘅海港酒家差唔多，環境就好咗，啲茶亦都好飲啲素鵝外皮金黃香脆，熱辣辣，有啲冬菇、雲耳同埋蘿蔔絲喺入面，醬汁香濃避風塘魷魚鬚魷魚魚肉質軟腍，外層酥脆，鹹淡適中金磚豆腐呢度嘅豆腐，我每次都會嗌，因為真係炸得好食，粒粒都好細嫩，食唔停口價錢就比普通海港酒家相對貴少少，但係整體感覺都較高分，人流較多，需要較多時間等位…查看更多

估唔到元朗有間咁靚嘅泰菜😍超好打卡，一入到嚟就好似一個隱世秘境咁，有個庭院係外面，好多裝飾物，仲可以做婚禮場地💐▪️馬莎文咖哩牛坑腩配薄餅$178牛坑腩份量好足料，有成六至八件，而且大大件又炆得好腍。紅咖喱唔算太辣，帶椰汁香味，牛腩入味，薄餅偏乾身▪️泰式燒豬頸肉$128一上菜就已經聞到好香嘅炭火香氣，滿滿肉汁，食落爽口又juicy，配上酸辣汁，減低油膩感，overall 不錯▪️泰式椰青海鮮焗飯$168海鮮焗飯淡淡清甜椰子味，味道唔算好濃，搭配腰果同埋肉鬆ok，入面仲有蝦、魷魚同青口▪️蒜蓉包$36食咖哩多數我會配蒜蓉包，夠晒邪惡，估唔到蒜蓉包都有驚喜！外層香脆，蒜蓉牛油好足，配咖喱💯分▪️芒果糯米飯$68糯米飯有三色，整成一口飯團，上面仲加咗少少脆米，更加有口感，又靚又好食▪️芒果沙冰$68口感綿滑濃厚，充滿芒果香唔係睇人介紹都唔知呢度有間咁正嘅餐廳，環境舒服，感覺寫意，除咗位置比較偏離元朗市中心，食物冇嘢挑剔，可以喺度渡過一個悠閒嘅下午…查看更多

平時下午茶最愛嘅Italian Tomato竟然執咗🥺轉左一間日式咖啡店，之前喺黃埔AEON已經見過佢，但係就冇乜人氣，估唔到荃灣店新開咁多人Lunch時間所有漢堡都已經賣晒🙃想試都試唔到～所以揀咗拼盤🔅炸豬柳拼盤$89、炸蝦拼盤$89兩款都係沙律菜做底，另外配一塊牛油多士，首先已經細碟，所有嘢都唔係點需要廚藝，炸物亦都冇驚喜，$89黎講定價偏貴，唔係漢堡冇晒都唔會嗌🔅咖哩意粉$65意粉口感有少少似伊麵？！咖喱味非常濃郁，每一啖都比咖喱汁包住，不過食完有少少口渴🔅燒賣$10真係估佢唔到日式咖啡店竟然有港式燒賣，一於試一試佢😂味道出奇地OK，$10有5粒，燒賣口感好軟熟🔅蛋沙律$10得一個雪糕球咁細，味道係幾creamy，但係略為有啲貴🔅多士$10多士烘得幾脆，預先已經揀咗要士多啤梨果醬，嚟到已經搽好，正常～🔅豆乳咖啡$20、歐蕾咖啡$20兩款感覺都係差不多，歐蕾咖啡亦可以轉豆乳底，牛奶口感偏重，咖啡味淡，作為一間珈啡店，杯咖啡都唔掂，其他嘢亦都普通🫠整體嚟講價錢定價高咗一啲，所有嘢味道都好普通，快餐店質素，呢個價錢有更多好嘅選擇，試一次就算了，還返Italian Tomato俾我😐…查看更多

之前去開灣仔新鴻基已經留意到Grill Tajiyama，店面好日系，一直係收藏名單。最近新出左晚市半自助餐Semi Buffet Dinner，日式半自助餐好少見🤩一於試下！自助吧有沙律、冷盤、炸物、洋食料理、甜品等等，性價比極高Semi Buffet Dinner包咗餐湯、主食同埋飲品，另外任食自助吧，重點係無限時，可以食到飽～～～～～～～～～～～～～～～～～～～～～❣️自助吧美食▪️沙律🥗沙律有四款，雞肉凱撒沙律、煙鴨胸橙肉沙律、苦白菜合桃沙律同德國薯仔沙律，其中煙鴨胸橙肉沙律就比較受歡迎，沙律新鮮，調味剛好▪️洋食料理🍕除左有芝士通心粉、蕃茄肉丸之外，仲有Margherita Pizza，入面有芝士、羅勒同番茄醬，Pizza脆邊又香口▪️冷盤🧀西式冷盤有莎樂美腸、火雞片、辣肉腸、山羊奶芝士、車打芝士同布里芝士▪️炸物🍟炸物有炸薯條、日式炸雞同炸洋蔥圈，脆口唔油膩▪️鮮果🍉水果有西瓜、菠蘿同青提子，鮮甜多汁▪️甜品🍰甜品做得幾精緻，有藍莓芝士蛋糕、芒果啫喱蛋糕、熱情果mousse蛋糕，呢4款蛋糕都唔錯，可encore👍🏻另外仲有幾款甜品杯，例如Oreo忌廉、黑森林mousse，楊枝甘露等，好多款式～～～～～～～～～～～～～～～～～～～～～❣️主食▪️日本國產牛西冷扒🥩$399Size約半隻手掌咁大，厚切，牛扒5成熟，入面呈粉紅色，口感超軟嫩，入口即溶💕～！▪️法式千層焗薯🥔$189焗薯表面芝士烘到焦脆，薯仔切片焗，帶奶香忌廉味❣️餐湯🥣蔬菜湯味道酸甜，蕃茄味重❣️飲品🍹可揀咖啡、奶茶或檸茶…查看更多

呢條街又有新餐廳開左，係附近當然黎食個Lunch試下，荃灣都幾多泰菜，即刻黎個神仙打架🤣▪️香葉肉碎煎蛋飯套餐 $65肉碎超多，炒得好夠味，微辣，份量超大！夠兩個人食，加埋流心脆邊太陽蛋，不錯▪️生牛肉船麵$62牛肉黎到已經熟左，湯底濃郁，有炸豬皮做配料，建議快食，船麵較吸湯▪️泰式豬頸肉$78豬頸肉偏乾身，帶脆邊，灑上炸蒜，配酸辣汁食幾惹味香口▪️蝦餅 $38蝦餅爽口彈牙，外脆內軟，必食😋！▪️春卷$18見幾平所以試下，入面素菜為主，正正常常▪️芒果糯米飯$38午餐加$38就有芒果糯米飯，點可以唔試😆糯米飯口感軟糯，尤其紫米特別香甜，芒果亦都好啱季節，所以俾好高分▪️椰汁冰+$15▪️熱檸檬茶…查看更多