試試吓的個人專頁

一直都想試吓添好運, 已經等D人氣退減D先嚟, 但個日天氣熱到抽筋又曬又無得坐; 仲要無冷氣企係到等咗成粒鐘先有2個位, 入到去D坐位又唔濶, 仲要搭枱食快餐咁, 跟住仲發現將order 紙好少選擇, 茶又無得揀, 咁辛苦係咪咁值得嚟呢?   答案係......值得.點解呢...: 古法糯米雞 : 隻雞唔係好大隻, 糯米唔會好乾又唔係又濕好林, 又唔會好多汁啱; 晒而家D又怕林又怕汁既人, 我自己就會鍾意濕多少少.  饀料味道唔錯, 唔會就D人就到淡晒,  但又唔會好咸, 饀料又唔會霉duck duck, 正呀.陳皮牛肉球 : 係舊式味道仲有芫茜香添, 係而家個D大酒家或者新式酒樓食唔到既. 好食.酥皮焗义燒飽 : 酥皮面鬆脆, 麵包牛油香又軟熟, 燒义仲係有肉青既半肥瘦梅頭爽口上肉, 怪不得攞到米之蓮啦.家鄉咸水角 : 新鮮, 外皮暖熱啱啱好, 好軟熟一咬就開, 中間D饀都係舊式味道, 但當然係配合現今既咸度. 好食.賽螃蟹春卷 : 食物温度都係咁好唔講喇.  比較新款一D既春卷, 外脆內碎, 比較易跌出嚟, 淡淡地.韮黃鮮虾腸 : 一睇已經知道一定好食, 因為晶瑩剔透, 而家唔係去酒店中餐廳已經好難見到, 以前一D舊區粥舖都會見到, 而家好似已經絶跡咗咁.  咬落去真係無得挑剔, 皮滑加饀料爽口, 豉油味道又啱啱好. 饀料D虾有虾味, 唔會比嘢"拿"到無晒味得個爽字.  好食. 之後仲去咗一次, 不過係下午5點幾先去, 唔洗等位, 哈...哈....., 食物依然保持水準, 唔會因為唔係早/茶市而失色或感到賣餘尾, 依然好食. 分別就在相機無得食, 我食晒 wa...ka..ka...a..…查看更多

好耐無去松家食放題, 最鍾意食呢到既甜虾, 於是就打電話book 枱, 即日打去都book 到happy hour 時間. 去到就通知, 無餃子同蟹粥變雞粥.  坐低就喇喇林叫甜虾刺身, 點知...好失望, 收到蝶嘢已經覺唔好樣, 食落就霉duck duck, 跟住叫咗換啦, 換到返嚟個樣都係咁上下樣衰, 侍應就話喇...已經換咗第二批比你地架喇, 如果都係唔得即係全部都唔得, 咁你地就唔好叫呢樣喇.  吓...咁唔通淨飲? 跟住叫咗其他 :牛油帶子 : un D 囉, 有牛油味.馬都背, 希露魚, 油甘魚 : ok.羊扒 : 件扒好瘦無肥肉, 所以幾 un 下又唔滑, 但無"蘇"味.枝豆 : 暖暖地, OK.帶子蟹糕壽司 : 舊飯OK, 帶子好"林"下一D都唔爽, 無牙去食都無問題.蒜蓉虾 : 蒜蓉味不錯, 係D肉"似"殼啫蟹子沙律 : 不過不失翠肉瓜 : 好食七味魷魚鬚 : 麻麻地三文魚鮫 : 一件OK, 一件又乾又鞋, 但好多肉.天婦羅虾芒果卷 : 唉...等咗好耐先嚟, 仲要內外都咁"林", 都唔知放咗係到幾耐.玻璃虾壽司 : 都係舊飯ok, 只虾係近白色多過半透明色而且又"林", 一D都唔玻璃.以前好鍾意呢間放題架, 又好食服務又好, 而家就少一間選擇咯.…查看更多

新舖開始無人排隊, 晚餐都係等10分鐘左右, 不過如果D侍應唔係掛住傾計既話可以再快D.  未坐底已經睇定食咩, 所以坐底後就想立即落order, 不過好唔容易先叫到個侍應埋嚟, 我地叫咗一個wasabi 牛柳同鯇魚腩煲餐, 餐茶叫咗奶茶, 不過...嚟咗奶水, 我地即刻叫佢換過, 佢送過兩杯過嚟就比說話我地聽, 佢話"公司規定係一"殼"奶". 但係你D茶既濃度啱先係配一"殼"奶架.  Wasabi 牛柳     味道唔錯, wasabi 味出又唔攻鼻, 只係牛柳較un啫.鯇魚腩煲    漏單, 要追先即刻補做又無簡單道歉, 又唔係人多, 又用晒系統都漏單 too bad.  送到埋嚟個樣就麻麻地扁扁咁, 好似一片片咁, 朋友話外皮仲有小小脆, 不過唔够汁, 乾咗D.  跟住隔離枱又叫咗呢個煲, 人地個個又無漏單, 又一件件靚仔好多架, 起碼D魚都高過個煲先啦. 服務方面, 年青人多, 笑容無乜, 禮貌就唔多覺, 成間嘢好似無皇管咁, 鍾意傾計就傾計, 叫又唔一定應你.  水吧就麻麻, 杯奶茶一睇就知奶水啦, 連個侍應聽到我話要換一杯合理既奶茶, 佢自己都唔好意思收返走.  廚房又麻麻, 漏單已經係唔啱, 補飛都無話補得好D, 整出嚟馬馬虎虎就算.  …查看更多

今日等登放假還亞爸心願去沙田食雞粥做午餐, 一行三人轉車又轉車終於去到, 坐底第一時間就叫咗一鍋"招牌雞粥", 之後再叫咗"棉花雞"同"鴨腳扎", 結果...招牌雞粥 $78/鍋粥底好棉, 好香, 無味精.  雞件有咸味, 好滑.  兩者分開食係好食既, 但夾埋之後就似係熱粥+燒味白切雞. 佢係用瓦煲上枱的, 但粥並無滾緊, 個煲耳亦唔熱, 絶對唔會燙親.棉花雞及鴨腳扎 (特點)兩樣都應該係即叫即蒸, 因為都等咗一段時間先有, 食落都好熱. 棉花雞既棉花係一片片既, 有D似豬皮, 哈... 鴨腳扎就...外面既腐竹有雪味, 鴨腳就唔够爽, 諗諗地, 而芋頭就唔够粉同唔够香.呢間嘢有兩樣嘢係好值得讚, 第一係服務, 非常殷勤同好醒, 只要你有小小"頭鱷鱷", 或者想鱷起頭, 佢地已經知道你想點, 好快咁行埋嚟.  比額外碗仔仲幫你用熱水洗埋, 攞上手既濕又暖. 你張枱放到一枱都係餐牌或者order紙, 佢就會走埋嚟執返好, 張枱繼續整齊.  第二係就係碟頭飯, 真係好大碟飯架, 所以我見食客好多都係男仕, 個個都係入嚟食碟頭飯.  我見到隔離枱個碟燒鴨/鵝飯, 我諗我要食兩餐先食得晒佢, 仲要兩餐都好飽添, 呢個幾錢就唔知, 但客飯好似係$36仲有湯跟添.  因為比人鬧成日都係相機食先, 所以都唔敢影相, 就係咁無相睇喇.…查看更多

今日plan好同屋企人去工展會, 之後去呢到打邊爐, 仲係朝早打定電話book 枱 21:00 添. 點知...原來係百無任飲任食火鍋, 一開始就叫 湯底 : 秘製粥底鍋 - 無 就轉咗粟米椰子鍋, 個鍋只係有粟米椰子加上湯而已, 無特別. 香茜牛肉滑, 脆肉鯇片, 即炸脆魚皮, 鮮冬菰, 油麥菜, 唐生菜, 點心, 香菊蜜 - 全部無貨, 游水海蝦 - 每人一只已經不會動的蝦, 不過頭尚未甩. 肥牛 : 每人一片, 唔係太肥. 涮鍋羊肉卷 : 只有羊肉片, 無卷既, 每人一片, 都唔係太肥, 有D so. 芝士腸 : 普通芝士腸 酸梅湯 : 嘈佢先有一樽淡而無味既酸梅湯($28+10%)21:40左右就將大排檔既醬料全部收走. 上菜嚟到呢到什麼都無就惟有同經理理論, 理論第一回合, 減收一個人錢, 即係幾佰蚊只有雪藏腸仔, 肥牛, 羊片同埋死蝦. 理論第二回合, 取消火鍋重新點小菜, 但係之前飲品照計數同加一.比餐牌我地揀, 我地揀咗一個套餐, 鍋燒班頭腩 - 魚炸過, 爆香蒜子, 唔會好鹹, 當肚餓時幾好食. 薑蔥炒蟹 - 落完order個知客又走埋嚟講, 唔好意思我地無蟹. 無蟹就唔好比個餐我揀啦. 跟住轉咗炒龍蝦, 蝦肉都爽口, 惟只鉗無扑開, 硬到咬唔開啫. 雲耳干雞絲海皇羹 - 其實係雲耳絲, 雞絲, 雪藏小蝦(揚州炒飯個D呢) 豉油打獻水. 我地再加一個褔建炒飯 - 呢個算係食得飽既嘢喇.10:30左右同我地講, 仲有無order要落, 我地師傅收工架喇. 大家成10:00先達成共試, 10:30就同我地講師傅收工. 唉.... 火鍋料有1/3無貨, 一開始就出聲啦, 咁我地咪考慮轉食小菜囉. 開始唔出聲, 無貨又唔出聲, 收錢就識出聲, 真係不可一, 不可再.…查看更多

銅鑼灣終於有返間漢和喇, 之前見佢摺咗都覺得有D可惜, 好在開返之後水準不變, 無變差, 但又無變更好喎. 食既嘢不論係生係熟既選擇都無咩變過, 生既都係豬 - 薄薄地, 有D鞋牛 - 係雪既, 不過唔um又無雪味, 又唔會好肥, 小小鹹, 幾好食, 我都攞咗2-3轉. 羊 - 小小SO啫, 好味.雞 - 生肉中最好食呢個, 甜甜地, 唔好夾大塊, 因為大塊唔好食, 細塊個 d 快熟好味d架.多春魚 - 無醃過腸仔 - 都係無醃過, 又唔係芝士腸.熟既有....人參湯 - 人參味好淡, 但有人參係裡面.豆腐花 - 呢個要食多碗, 因為滑過好多甜品舖.豆沙鍋餅 - 個心就好食, 個邊就硬d, 而且又少豆沙.雪糕 - 牛奶公司既, 只有呍呢嗱, 朱古力炒粉絲 - 唔會好油, 小小Q, 好食, 可以夾多小小.炸魚皮 - 應該係三文魚皮, 細塊D, 但好食同脆, 小小鹹. 豬腳薑 - 係酒樓食一碗成30幾, 係呢到食就無限量喇, 而且好有水準, 唔會好辣, 醋蛋有實有唔實, 正.韓式前菜 - 魚仔, 白菜仔, 同其他地方食個D都差唔多. 飲品 - 有豆漿同酸梅湯, 我只係飲咗豆漿, 偏甜一D.食晏就無三文魚刺身, 同牛仔骨. 但就可以食好耐, 11點半開始可以坐到4點都得, 唔洗限2個鐘, 可以慢慢煎又吹吓水, 我地就咁食咗幾個鐘. 如果唔食自助燒烤可以食套餐, 我見都好多人食, 一盤盤好似定食咁架. 至於服務呢...就...同以前都係一樣, 唔係成日有人理你, 一枱碟都無人收.…查看更多

自從係尖沙咀分店食過Tiramisu 格格多士併雪糕之後就好想食多次, 襯住係康怡就去食, 點知失望而回. 我地叫咗.... 上級羊扒意大利飯 - 本來羊扒order 7 乘熟, 嚟到係 9 乘幾, 不過唔韌. 個煎飯芝士味幾重, 同埋無平時食開個D意大利飯咁諗同咁濕, 不過唔太香脆, 但應該係香脆既. 榛子吉士格格多士併雪糕 - 本來想食Tiramisu 個款, 不過無呢個揀, 就揀咗榛子味, 但好失望格格多士好似食緊大粒裝西多士, 包心係白色有D 韌, D榛子醬係ok好味既. 尖沙咀個間做出嚟成粒都係外脆內軟, 絶對唔似西多士, 真係好好食. 同一集團, 但係康怡呢間就做唔到 .其實唔係話兩樣嘢唔好食, 不過同尖沙咀個邊相比; 就好容易食得出兩者分別. 我有同女經理講過, 後尾仲比咗Discount我添, 但係失望就係失望囉.…查看更多

今日"蚊"衫尾去到一間係旺區; 但又好唔起眼既酒店中菜廳, 原來佢係法國藍帶餐廳嚟架. 呢到地方唔大但環境好舒服, 人客唔多好寧靜, 最啱係傾生意, 一家大細做節, 做生日既地方. 我地食既係 "花龍蝦鮑魚宴", 連生果甜品一共有八道菜, 經理在上菜時都有簡單介紹. 菜式包括 : 金錢鳳肝帶子 : 它是以舊式的金錢雞轉變而成, 將肥膏改為帶子, 雞肝就用雞肝醬代替, 再加小小炸京蔥絲. 起初大家都你眼望我眼點食好呢? 跟住經理話一齊食, 咁好啦惟有好似食漢堡包咁食啦, 一食就...嘩...好好食呀, 京蔥香口, 甜甜地既帶子, 軟滑既叉燒, 而雞肝醬更係將所有材料融合的主要關鍵, 因為雞肝醬與其他材料好夾, 雖然幾款材料各具味道, 但係口中都可以好和諧. 而雞肝醬並無新鮮肝個種唔好既味, 即使唔鐘意食肝類既人都應該會覺得好食.花龍蝦鮑魚金必多湯 : 我覺得佢係一個既有薑蔥味又有鮮甜味, 幼滑既中式忌廉湯. 呢個湯令人有驚喜. 因為我地一般飲既中西湯都唔會有咁重既薑蔥味, 但係重得嚟你唔會覺得過份, 只會覺得薑蔥味係主角之一, 而且龍蝦都幾爽口.天白花菇伴七頭鮑魚 : 鮑魚是先燉4個鐘; 跟住再炆4個鐘而成. 而花菇同樣炆到好入味而且又厚身. 墊住鮑魚既係皇帝菜, 再加埋鮑魚汁一齊入口, 好食. 豆酥焗鱈魚球 : 它可以講係”我不好看, 但我很好吃”. 外邊包有焗得香口; 而口感好似黃金蝦外層般沙沙的台灣豆酥, 中間的魚肉白滑無骨. 但我覺得魚皮位最好食, 因為魚皮表層有點輕微香脆, 底則有點煙韌, 又被豆酥包住, 脆啦, 煙韌同好香豆酥味. 老實講三, 四佰可以食環境, 服務, 法國藍帶個名, 食物又龍蝦又鮑魚都真係幾低食, 如果識路印到張coupon就仲著數, 做冬同團年都唔錯, 因為係中餐廳, 所以裝修係好中式, 呢點屋企既長老應該無得投訴 有時係普通酒樓食一圍都收你4-5仟啦, 相對嚟講呢到低食好多囉.…查看更多

年尾到又係銷大假既時候, 所以就放假同家人去5星級酒店食中午自助餐, 點知...寒天飲雪水, 凍到入心頭. 全個自助餐只有西湯同灼粉麵檔係熱既, 其他都係凍食, 但3/12/2012 既天氣只有十幾度, 全餐幾乎食凍嘢, 真係點滴在心頭.個日有凍海鮮, 刺身, 冷面, 沙律, 凍肉(cold cut), 甜品, 雪糕, 最後就係名為熱葷的室温葷. 凍海鮮 - 約有3款, 凍蝦及青口不過不失, 紅色細龍蝦味道怪怪, 日式檔 - 甜蛋, 壽司, 三文魚刺身普通 沙律 - 天氣凍又無咩熱辣辣嘢食, 所以都無食過, 不過沙律醬的選擇眼看最少也有十款八款, 可能比熱食既選擇還要多. 凍肉 - 選擇多, 都有成十款八款, 不過無夾過, 因為唔想雪上加霜. 甜品 - 選擇好多, 惟熱一D紫米露係叫做好食. 雪糕 - 有四款選擇 熱食 - 包括 中湯 - 與燒味店送既例湯係一模一樣味的. 西湯 - 起初無放名牌, 只知係口感一粒粒既忌廉暖湯, 後期見到個煲竟然有熱煙出, 就裝多碗先見到個牌, 原來係椰菜花湯. 有一款唔知叫咩既羊肉片, 味道ok, 不過入口時係凍既. 菜心 - 長過手掌仲要成棵過, 好以食麵咁, 有一款黑蚊蚊既肉粒, 見到個時有D似豆豉排骨, 食落原來係雞粒, 不過唔覺得好食, 灼粉麵, 除咗係熱之外, 一切並無值得一提., 仲有炸雞扒配粟米汁, 廚房啱啱出個時即刻夾嚟食係暖既, 但個汁又結又凍, 寫吓寫吓我好似去咗茶餐廳咁.最後上餐茶熱咖啡, 家人都齊話即沖咖啡仲好味.係Openrice 擁有咁多 真係有道理架, 去之前無上嚟睇睇我真係失策. 點諗到係香港有幾間酒店, 而且仲頗有名既 5星級酒店餐廳會係咁樣先得架. …查看更多

大澳好出名既雞蛋仔舖實在太多人嗱, 所以退而求其次啦, 點知有D失望囉, 雖然佢都係炭燒, 但唔係特別好食, 又唔特別香口, 又食唔到炭香味, 只係特別 "lon", 我排第四, 我見到底底都係總有D "lon" . 我覺得如果真係無時間排出名個間既話, 可以揀其他嘢食. 其實佢唔係難食, 不過呢種貨色係市區大把有得食, 無需要係呢到食囉.…查看更多

行到去大澳出名賣雞蛋仔既舖, 發現有5-6個人排隊, 再向前望就發現有一個好得意既魷魚伯伯, 佢真係好鬼得意, 一路燒一路好似做 show咁, 為咗要睇佢趣緻既動作, 所以就排埋一份, 一路睇就一路影佢, 佢又好鐘意比你影, 真係啱晒. 影影吓終於到我嗱, 我叫咗$10/3只魷魚(食落都幾多), $20/黃花魚子(即係魚春). 魷魚燒好之後佢又會修吓, 跟住就剪成一小條方便食, 咁樣整小不免會有D"趙"口, 但ok 既, 個汁都幾好, 小小甜唔會太咸. 黃花魚子就好香, 唔"聲", 可能因為係晒乾再燒, 所以始終有D un un 地咁, 味道都幾特別, 不妨一試. 如果個汁可以有辣有唔辣咁比人揀, 燒好之後用個D魷魚絲轆; 轆吓D魷魚就更好喇. 如果D魷魚係轆過, 我諗我要買 $20 先夠.…查看更多

今日天氣好好就入大澳走一轉, 入到去見到有人係到炸沙翁, 嘩...正呀, 嗱嗱聲買返個食吓先, 食咗一啖...好好食呀, 熱辣辣又唔會好甜, 好香蛋味, 好正呀. 老實講而家係香港好難揾到沙翁買, 即使有最多都係輕微暖, 唔會有佢咁熱, 熱得嚟又唔會燙咀, 而且仲係睇住佢炸出嚟添, 真係新鮮不過都係賣 $6/個, 係市區點得呀! 所以真係唔可以唔食. …查看更多

星期日下午2 點先嚟到, 仲驚佢收咗市, 點知未收之餘仲有點心出, 正呀! 點解要嚟呢到食呢, 就係因為之前老豆帶我嚟食過一次就上咗引囉. 呢到既裝修除咗牆紙同地毯之外; 其他仍停留係80年代左右咁啦, 連侍應都係有返咁上下年幾.佢地無點心車, 無點心紙比你, 全部都要自己行出去大排檔到攞, 一行行大大細細既點心放係到等你去揀, 我地既鐵膽一定係山竹牛肉 - 好味又彈牙, 即使什麼大集團酒樓都遠不及佢地, 真係好好食架.鴨腳扎 - 成碟嘢最出色係件芋頭, 又香又粉既泥普芋正到不得了. 鴨腳又唔會諗 bed bed, 第一次係同人分, 但第二次要獨霸一件(即係食咗半碟).魚雲 - 我唔食魚都覺得佢好食, 仲第一次食咗一大片, 如果唔係比人食晒, 我仲想食多件添呀.蟹籽百花釀花膠 - 呢個又係好好食, 一碟有3大件(頂點), D花膠係比上湯喂過既, 但唔會霉 duck duck, 一次過只係放花膠入口, 成口full到講唔到嘢, 再食蟹籽百花爽口夾好味.之前亦曾經食過.... 馬拉糕 - 係舊式馬拉糕, 無而家D咁諗, 彈彈地又唔會好甜, 好食. 珍珠雞 - 呢款係新式做法, 有張白色紙係出面, 味道普通. 雞扎 - 味道普通, 因為大家都係扎, 所以一路食一路掛住D鴨腳扎. 义燒飽 - 呢個都係好食既, 不過好食既嘢太多, 唔係好夠位放佢.因為碟碟都有番咁上下, 所以兩個人最多只能放得落5-6碟點心, 當中仲要係無飽類同糯米類添. 之前都講過D侍應年幾有番咁上下, 所以全部都好有heart唔似D花靚, 枱面得一只吉碟都會埋嚟執走, 去到大排檔無你想要個款點心, 佢又會問你 "可唔可以等十五分鐘, 即刻蒸一碟出嚟比你", 如果係其他; 唔係剔點心紙既酒樓, 一定同你講買晒, 叫你揀過第二樣. 但環境既感覺, 侍應既行為或衛生始終都係停留係80年代, 要新款裝修, 靚靚厚身制服, 年輕貌美既侍應, 西裝骨骨既部長, 呢到就欠俸喇.…查看更多

今次係第二次嚟, 因為呢到只係比出面貴$30到; 但個質數就好好多. 就算係同佢同一集團既"松屋"比都要優勝, 從環境, 食物質素, 服務都相差好遠 呢間D侍應有禮貌, 又唔會漏單, 唔會等好耐或者催先出菜, 又唔會減數量, 地方坐得舒服又唔迫, 味道同食物質素高D, 而食客質素都高D, 無咁嘈.刺身 : 甜虾, 油甘魚, 帶子鮮甜, 劍魚, 希靈魚好味. 甜虾係有頭既, 我地每人都食咗20隻.芝麻雞亦 : 香口好食 牛脷 : 爽口, 厚度啱啱好, 厚厚地唔會好薄.羊架 : 嫩呀, 又唔會好大件.雞粥 : 味道唔錯, 唔會過"棉"而"泣"口.味噌湯 : 好味, 個味道同其他放題/迴轉/日本餐廳(e.g.和民...)個D幾唔同吓, 有機會不妨一試, 不過裡面只有紫菜同豆腐.蒜蓉虾 : 大隻, 蒜香虾爽天婦羅 : 南瓜同番薯好甜雪糕 : 最好食係菠蘿同紅豆, 但個日無菠蘿, 不過綠茶都好好食.飲品 : 荔枝味個款涷飲好味, 唔會好甜. 小貼示 - 當大家坐好後就有侍應問要唔要先上一個刺身併盤, 唔洗錢架, 等大家快D有得食. 人多就應佢要, 人少就唔好要, 因為併盤即係什麼刺身都比D你, 但人少要食得精D, 所以唔好要. - 差不多夠鐘前佢會比張大既order紙同未上既order列表你架, 咁就會知道仲有咩未到同方便剔 last order.…查看更多

今日行完書展就去呢到食下午茶, 坐底時係 17:05 得3-4枱客, 但服務就真係麻麻個麻麻, 食材又唔係好新鮮, 刺身係諗諗咁.我地劃完order紙, 個女侍應過到嚟攞完即走, 咩都無講, 笑容同多謝呢D禮貌就更加無, 又無覆 order , 但我地仲有D order 紙無既 order 要落. 要叫住佢先落到, 唉.... 跟住見佢將 order 交咗比第二個女侍應入機, 我見入機入得好快, 點知....發雞盲入錯兼入少咗, 我地要安康魚肝壽司就落錯安康魚肝軍艦, 軟腳蟹又睇唔到無落order, 到我地發現已經係40分鐘之後, 佢地兩去咗食飯. 點解會知? 因為等食個時不停見到男侍應, 男師傅同清潔亞姐攞住出面買既同自家制既飯盒走來走去, 仲要攞到上腰咁高, 好似無客人係到咁. 漏咗既軟腳蟹補單, 不但無追返快D, 仲要我地等咗20分鐘去追先有, 到埋單個時仲發現收多一碟安康魚肝軍艦, 又要等改單. 全程無人自動自覺加水, 人地2人坐4人枱就比個壺自己加, 局我地坐2人枱就唔比, 你想叫佢加咩, 佢地就聚企係裡面, 我地就坐近門口, 唯有等有嘢上枱先叫到加水, 真係好難揾到咁差既服務嗱.食物方面, 好老實帆立貝, 油甘魚都係諗既, 原條池魚都好D, 睇佢對眼就好新鮮. 而燒玉子(熱)只係比室温熱少少, 即係微温, 咁點叫熱呀.***唔敢再幫襯***…查看更多