orororenji的個人專頁

☆ 驚安燒肉商店尖沙咀金馬倫道48號中國保險大廈3樓C號舖相信呢到性價比高應該好多朋友仔都知，而家午市同宵夜時段仲有驚安優惠59折😳生啤又有買一送一，真係好抵呀😍午市時段：12-4pm宵夜時段：9:30pm後入座✦ 原條⁠手切牛舌 (半條)半條都已經咁長，仲要切得勁靚，牛舌愛好者點可以唔叫，仲有店員哥哥好細心咁幫手燒，燒得好靚，食落有咬口又唔會好油膩，正正🫶🏾✦ 和牛友三角油花好靚😍油脂分布平均，入口即溶。✦ 和牛壽喜燒 配黑松露蛋黃醬店員即席將和牛燒到5成熟，再配上黑松露蛋黃壽喜燒汁，嫩滑好味🤤完美嘅組合呀！✦ 蝴蝶切和牛牛頸脊每塊都好大片好厚，肉味同油脂比例好平均，食到好享受🥰✦ ⁠封門柳肉味濃，相對油脂少，但更深得我心😆✦ 紫菜月見飯滿滿嘅紫菜，加埋個蛋黃，撈埋本身有醬汁嘅飯，真係好正好好味😋✦ Sapporo生啤冰凍啤酒買一送一，有乜可能唔叫🍻…查看更多

☆ 蘇三甜蜜銅鑼灣加路連山道15號地舖呢到環境懷舊，但甜品一啲都唔老土🤭✦ 蘇三茅台朱古力布丁第一次黎到點都要叫d招牌野試下😏布丁質地幾滑，朱古力味好濃同時茅台味都好出，2個味夾得黎又唔會話有一邊搶咗風頭，幾好😋✦ 黑芝麻芒果冰蘇 配小丸子、糖蔥、芒果蓉黑芝麻味好濃郁，刨冰好綿入口即溶，雪糕係豆腐味配埋一齊食好夾好好味，最得意係有糖蔥，脆脆咁撈埋一齊食，又多層口感😋✦ 大四喜雪燕、桃膠、芋圓、芒果、仙草、椰汁雪泥外賣咗個甜品返屋企比媽咪食，包裝都係一樣跟返隊形😆雪燕桃膠好養顏，芋圓好煙韌，整體唔會太甜，都好味🤤…查看更多

☆ 阿閒泰銅鑼灣告士打道280號世貿中心4樓L4-06號舖✦ 泰式生蝦刺身食泰國野唔可以唔叫生蝦刺身呢，肉質彈牙，搭配泰式醬汁，酸酸辣辣咁好味😋✦ 脆炸軟殼蟹米紙卷配牛油果醬 (3件)呢個米紙卷外軟內脆，軟殼蟹同牛油果醬好夾，做開胃前菜真心唔錯。✦ 棕櫚糖炭燒三黃雞半隻呢隻炭燒雞色澤金黃，外脆內嫩，棕櫚糖嘅香甜味令雞肉更添風味，另外仲有腰果合桃同燒菠蘿配埋一齊食，來得黎又有幾種口感🤤✦ 泰式醉貓炒黑毛豬肉手工卷粉手工卷粉好得意，有少少似食炒腸粉嘅感覺，黑毛豬肉質好嫩，整體調味又唔會太over👍🏾✦ 鳳梨清新特調好清新，果香四溢，解膩一流嘅飲品。✦ 泰式鴛鴦冰D冰係奶茶冰同咖啡冰，唔洗驚會愈飲愈淡，好聰明嘅做法😆之前食過K11分店已經覺得唔錯，食次繼續當自己飛咗轉泰國，都好滿足，服務好環境舒服又開揚🥰…查看更多

☆ 六六六六火鍋天后永興街21號地舖天氣涼就想打下邊爐，真係無揀錯😏一坐低已經有開胃前菜食，老闆熱情好客又友善，一有空檔就會同食客傾計，好耐無去過人情味滿滿嘅餐廳，係唔錯呀🥰✦ 沙嗲 酸菜白肉 鴛鴦鍋 沙嗲濃郁得黎唔會覺得愈食愈咸，酸菜白肉好夠味 本身仲好多料係入面，個人好鍾意沙嗲😋✦ 極品安格斯牛小排(小)師傅刀工好，蝴蝶刀法切肉，食落有口感得黎又嫩，肉味又濃，呢個一定要叫！✦ 即叫即包自家餃子拼盤鳥巢咁好得意，口味分別有3款，雲吞 水餃 韭菜餃，3款都皮薄餡靚好好食，不過小朋友先做選擇，我緊係食晒😏✦ 手打鮮蝦滑一上枱已經見到好足料，爽口彈牙又鮮味，好味！✦ 黑豚肉薄薄一片唔洗驚好難熟，肉質細膩多汁，正正！✦ 即炸響鈴卷脆卜卜好好食！秒速沾d湯黎食仲正🤤✦ 紅薯寬粉唔知道個酸菜白肉鍋入面有薯粉另外又叫左，不過唔緊要😆因為好味！Q彈嘅口感加埋d湯真係好正！PS: 佢地嘅自家製酸梅湯同桂花糕都好好味！…查看更多

☆ 𝙁𝙡𝙖𝙢𝙚𝙨觀塘鴻圖道51號Two Sky Parc地下1號舖✦ 夏威夷薄餅睇唔睇到幾拉絲🤤批底好鬆脆好食！雖然意大利人討厭呢樣野，但我覺得Pizza有菠蘿係幾好食嘅🤣✦ 避風塘雞翼香口脆卜卜，但keep到juicy，飲酒食一流🤭✦ 紅酒燴牛面肉草菇扁意粉牛面肉好軟淋，扁意粉軟硬適中，人面仲有好多菇片好足料。✦ 黑松露薯條松露味唔算好重，但係薯條熱辣辣都好好食。✦ 牛油烤蔬菜食菜健康啊！🙂‍↕️✦ Flames Lemonade (Mocktail)微酸好解渴，好飲！✦ Tropical Punch (Mocktail)莓味重，不過甜左少少。環境氛圍好舒服，有室外位置，又有外籍駐場歌手，收工黎飲杯野或者慶祝都好岩，聽住歌Chill下真心一流👍🏾…查看更多

☆ 𝘾𝙖𝙨𝙖𝙢𝙞𝙜𝙤𝙨銅鑼灣駱克道487-489號駱克駅3樓✦ 西班牙海鮮飯成日都覺得西班牙海鮮飯充滿色彩好吸引，海鮮鮮味十足，飯嘅口感帶濕潤，加埋檸檬汁酸酸咁再提升左成個味道🙂‍↕️✦ 慢煮加利西亞式八爪魚腳八爪魚肉質鮮嫩有彈性，外層形成一層微脆嘅口感，而入面就保持住嫩滑，好味😋✦ 香煎紐西蘭比目魚柳魚柳好大舊又啖啖肉，食落一條骨都無呀🥹配左香濃蝦汁增加鮮味，唔錯。✦ 香煎北海道帶子帶子好大粒好厚身，完全無overcook，上面配左墨汁蒜香蛋黃醬同櫻花蝦乾，食落鮮甜，作為前菜係一流！✦ 西班牙薯仔蛋餅雖然睇落好似好簡單咁，但係食落唔簡單，外層微微焦脆，入面夾住炒過薯仔同洋蔥絲，口感豐富，調味都岩岩好。✦ Red Sangria食西班牙野一定要叫😉…查看更多

☆ 寿司の神元朗馬田路20-30B安寧大廈地下7號舖✦ Lunch Omakase 🍴水雲醋 - 酸酸咁好開胃黑松露茶碗蒸 - 配料好多蛋又滑北海道帆立貝 - 鮮甜😋兵庫縣真蠔 鰹魚 - 魚味重 鱈魚白子 - 食落creamy 配左辣椒絲少少辣辣地新鮮銀鱈魚 - 油分重炙燒過 口感爽口鮟鱇魚乾 - 油脂味比較重 汁煮方法食落甜甜地秋刀魚 - 肉質實淨醬油漬赤身 - 黏厚啲有少少啫喱口感黑鯥魚 - 深海魚所以油份比較重中拖羅 - 嫩滑蛇腹拖羅 - 成條吞拿魚最肥嘅位置 熟成過好鮮味腦天 - 吞拿魚天靈蓋 好滑身 入口即溶咁🤤馬糞海膽 - 鮮甜紫海膽 - 清甜回甘 海膽味動甜蝦 - 甜蝦打一打膠質重d 再配蝦膏醬鍋巴 幾重口感好好食！😋麵豉湯焙茶布甸 - 好好味！！布甸好滑 焙茶味出！！係完美嘅句號。🥹我呢隻市區嘅熊貓好少去大西北，有機會入去行下緊係要揀間人氣店試下，呢到lunch omakase $880一位 全15品！質素對住佢價錢，師傅每一樣食物都有講解下，又會同食客溝通，都係好好嘅體驗🥰…查看更多

☆ 𝙋𝙞𝙘𝙞將軍澳澳南海岸唐賢街33號CAPRI Place地下G17號舖10月橙仔誕開始緊係要食好啲，知道Pici出左期間限定松露野食緊係即刻衝去試下😋先講下呢個Season menu嘅食物先🍂🍝Truffle Short Rib Tagliolini鮮刨松露紅酒牛小排細扁麵見到d松露就開心！香香的🥰牛肉軟淋淋好好味，麵質就唔洗講啦，Pici嘅麵不嬲都好食🤭🥩Truffle Beef Tartare黑松露牛肉他他好鮮嘅感覺，滿滿嘅松露，撈埋蛋黃增加濕潤感，同埋我將佢配左餐包一齊食都好食喎😆🥔Gnocchi Truffle & Asparagus松露蘆荀馬鈴薯丸子Gnocchi係由意大利傳統食物，由薯仔同麵粉整成，食落QQ煙韌，真係可以話係鬼佬薯粉，本身一上枱已經覺得好香松露同芝士味，真係簡單得黎又好食😋🌰Chestnut Tiramisu秋栗提拉米蘇面頭嘅係栗子碎，下面都係平時tiramisu咁，不過成個感覺即刻秋天左😆🧀Chef’s Selection Cold Cut巴馬火腿、沙樂美腸、開心果羊奶芝士食西餐就會想叫下黎食，正常發揮嘅。🦀 Chitarra King Crab皇帝蟹肉黑細麵好食🥹鍾意食蟹嘅話一定要叫！好香濃又有蟹嘅鮮味，意粉掛汁好正正😋🥛Panna Cotta 意式奶凍奶凍好滑溜，配左雜莓醬即刻覺得係0負擔嘅甜品😆本身餐廳嗰個位置係比較清幽，所以去到呢度好有一種離開咗香港嘅感覺，同埋有半室外位，呢啲涼涼地嘅天氣去就最舒服😌…查看更多

☆ 𝙕𝙚𝙣𝙜銅鑼灣登龍街18號V Point 30樓Bookmark左Zeng好耐 成日都想黎試，見到出咗新menu，$498 12款食物free flow，除左free flow嘅食物每人仲有2隻法國生蠔 ，加$100就可以轉做任食，咁吸引即刻走黎試下🤭✦ 5 Years Anniversary Free Flow Fine DiningZeng‘s 招牌前菜拼盤 (花雕醉鮑魚、板壓壽司)煙燻日式咖哩羊肉伴無花果芥末柚子胡椒烤乳豬七味麵豉醬燒雞香辣花膠元貝炒意粉海蝦意大利飯招牌海鮮拼盤封門柳 配馬拉巴黑胡椒汁沖繩黑糖燒乳鴿 伴檸檬香草花椒油鴨胸 伴櫻桃蘇梅醬麵豉青檸蜜糖煎鱈魚特色時令蔬菜大廚特色精選 (當日係粟米湯)🍹Sweet Dream🍹花見真心真心性價比高，講下d食物先，封門柳出色 肉味濃又軟淋，乳豬脆卜卜，鱈魚夠嫩滑，炒意粉夠乾身 食落有少少麻辣咁 好惹味😋全部食物都好ok，另外叫左2杯cocktail同mocktail都又靚又好飲。服務好，環境更加不在話下，開揚海景又有室外位，所以性價比咁高有乜可能唔黎試下😆咁岩我去個日仲睇到無人機表演，真開心🥰…查看更多

☆ 人生有限杯.串燒店銅鑼灣登龍街28號永光中心15樓呢到嘅串燒用價錢劃分，平嘅話$10串已經有，生啤仲要買一送一，真係好岩同朋友黎chill下🍻⬇️以下係我叫嘅野食 (排名不分先後😆)椒鹽燒雞皮串香燒翠玉瓜港式蜜糖牛油栗米鹽燒荔枝卷燒鮮雞腎老油條釀墨魚滑爆芝士免治雞肉棒 (配日本蛋)鹽燒牛舌芯黑松露豚肉蘆筍卷蒜蓉菜脯燒茄子鹽燒和牛牛小排流心蛋蟹籽薯仔沙律咖哩牛舌菠蘿包生啤太多野想食都唔知點揀好，所以一叫就叫到成枱係🤣講下d特別野先，見到老油條個名咁得意就試吓，油炸鬼包住墨魚滑，又脆又彈牙再點埋個酸酸meme嘅醬，值得一試呀🙂‍↕️另外咖哩牛舌菠蘿包都一定要試下，烘過嘅菠蘿包，入面夾左大大塊牛舌再加燶邊流心蛋，再配埋咖哩，咸+甜+微辣3種味道衝擊味蕾，係有趣嘅🤓至於雞腎 雞皮 牛舌芯呢啲食串燒就一定要叫，但食咁多肉當然要食下蔬菜，除咗翠玉瓜 粟米，沙律都係不錯嘅選擇，而呢到嘅燒茄子都好味，用左辣菜脯勁惹味，最後加埋食串燒必飲嘅生啤，真係大滿足！…查看更多

☆ 𝙏𝙖𝙣𝙪𝙠𝙞 𝙄𝙣𝙣𝙤v𝙖𝙩𝙞𝙤𝙣尖沙咀梳士巴利道3號星光行誠品生活2樓L201-203號舖三爺嘅Cafe開到去尖沙咀，係誠品入面好方便仲要有海景睇，緊係去試下啦😉環境舒服，有好多狸貓好得意，店員服務都好好tim🥰✦ 韓式烤五花腩泡菜溫泉蛋卡邦尼烏冬烏冬好掛汁，顏色好靚好大碟，泡菜微微辣配烏冬咁整好得意。✦ 吉列厚切豬扒溫泉蛋蓋飯吉列豬扒脆卜卜，睇落唔係好大碗但食起嚟原來都好多😌✦ 抹茶紅豆CROFFLE配抹茶雪糕好精緻，擺盤好靚，食起黎唔會好甜。✦ 青瓜湯力咖啡少爺話 有一種敷緊青瓜面膜飲咖啡嘅感覺🤣✦ TROPICAL LEMONDE好清新，酸酸甜甜咁，仲要係我最鍾意嘅橙色🧡…查看更多

☆ 𝙍𝙞𝙜𝙝𝙩𝙎𝙞𝙙𝙚𝙐𝙥中環蘇豪卑利街53號地舖呢度新開無耐成日都想黎試下，環境好chill，有陣美式復古味🪩如果係中環收工間中上黎飲下cocktail都幾爽🕺🏼✦ Baby Got Back Ribs外層香脆肉質嫩滑，d肉輕輕一切已經可以骨肉分離拆出黎，醬汁嘅調味都係剛剛好，無論搭配薯條定沙律都係fit。✦ Crab Cake Disc出面脆卜卜，一切開就見到入面充滿鮮味蟹肉🦀，作為前菜真係正。✦ Buffalo Blues雞翼脆脆，點埋個blue cheese醬咸香得黎又辣，飲酒食一流。✦ The Colonel’s Sandwich勁大舊炸雞但係好多肉汁好Juicy，個包包都好好食，牛油香得黎又軟熟，配埋個番薯條真係大滿足🤤✦ Philly Cheesesteak傻架d牛肉多到跌出嚟啦🤣仲要好多芝士，好彩sides dish除左番薯條 薯條之外仲可以揀沙律，即刻覺得無咁邪惡😈✦ Peaches ‘n’ Cream新鮮焗起熱辣辣，好多桃肉食落好清新唔會好漏，再加埋雪糕，今次真係捧住個肚腩走🤣✦ Chocolate Mousse CakeMousse好滑，朱古力味濃得黎又唔會太甜，果然飯後係要有甜味先圓美🧡✦ Retro Sour✦ Plum Highball#rightsideuphk #中環 #centralhk #ribs #buffalowings #中環美食 #crabcakes #香港餐廳 #美食 #香港美食 #手機食先 #相機食先 #yummy #yummyfood #delicious #lifestyle #foodphotos #hkfood #美食日記 #foodblogger #hkfoodblogger #hkfoodie #foodporn #foodlover #foodiehk #hongkongfood #topcitybiteshk #hongkong…查看更多

☆ 安平燒肉將軍澳唐賢街9號PopCorn 2樓PopFood 4號舖✦ 澳洲M5和牛吃到飽安平性價比高真係食極唔厭，今次仲有夢王誕，所以即刻去食下(๑˃̵ᴗ˂̵)安平大家都好熟，等我講下夢王誕先，套餐會一人送一隻夢王蛋，可以揀生蛋/溫泉蛋，我揀左溫泉蛋，仲用黎配左安平櫻花蝦拌飯，食過安平嘅都知呢個飯有海苔、櫻花蝦、秘製滷水汁同葱，完全跟自己口味而整，好似我呢啲唔食葱嘅人就可以唔落葱，真係好flexible，想講隻溫泉蛋撈埋落去真係完全level up，大家試下就知有幾正XD另外都仲有d夢王誕限定食物，例如夢王月見牛、起司夢王蛋，月見牛撈完之後就可以放落爐整熟，食落好嫩滑又有牛味，奢侈嘅我仲將佢放埋落安平飯到變牛丼，真係好l正(〃ω〃)至於其他嘅食物都係繼續keep住有質素，無論係肉類定熟食都Good Good。…查看更多

話說我每年都會周圍搵下有咩榴槤蛋糕可以試下，呢一間係一定要介紹嘅蛋糕店，真心不得了！一打開個盒已經勁香，除左頂頂滿滿嘅榴槤果蓉，切開入面都有好多榴槤肉，然後戚風蛋糕空氣感重，食落好軟淋淋，整個蛋糕都唔會好甜，再加上有奶蓋嘅點綴，真心高質，有冇比心機整其實真係食得出，同埋價錢都真係好合理，大推！除左榴槤蛋糕我仲試過香蕉Tiramisu，同埋訂過散水餅(戚風麻糬三文治)，全部都又靚又好味，真心好高質！…查看更多

☆ 𝘽𝙞𝙡𝙡𝙤𝙬大埔大埔滘紅林路2號白鷺湖互動中心地下B號舖先睇食後感♡ 翻新左之後一直想黎，真心我幾鍾意呢到，環境好舒服好開揚，望住白鷺湖然後間中又有火車經過，有種遠離煩囂嘅感覺，呢啲季節6點左右過到去仲可以日夜景色都睇到，而且除咗室內位置之外都有可以帶寵物嘅室外位置，慢慢食下野飲下野認真唔錯架(〃ω〃)✦ 白酒煮大蜆D蜆好大隻肥嘟嘟，好味食落好鮮味。✦ 香煎帶子 • 磯燒鮑魚配西瓜鮑魚好彈牙，帶子厚身又鮮甜，配西瓜好清新，第一次試咁樣嘅組合好得意。✦ 燒黑鱈魚 • 鴻喜菇 • 鰹魚湯鱈魚大大舊，無乜骨啖啖肉咁好正，配左個清清地嘅鰹魚湯，魚味再提升左。✦ 炒什錦蘑菇叫左個Side dish，好香邪惡牛油味，鍾意食菇嘅我表示咁樣普通炒已經好好味。✦ Billow’s Tiramisu食落幾滑幾好食，落埋試管仔d咖啡酒就更加香。✦ Tropical SpritzerMango • White Peach • Kiwi • Soda✦ Rose Wine Adele Vino, Rosato, Italy…查看更多