carrrrrrt的個人專頁

話說經常搭車經過CHICKEN MAN, 都心思思想去睇下有咩食終於有一日, 男朋友話應該好似英國個隻Nando’s咁掛真係好懷念個種滋味呀...於是就有日去左食晚飯weekday的晚飯時間, 竟然無人...真係幾驚中伏....坐低拎左menu睇下, 有2人餐, 250都ok抵喎二人餐包括:湯x2薯類x2烤雞x1甜品x2以下係我地既選擇:chicken soup, broccoli soupmashed potato, dauphinois potato澳洲走地雞bread pudding, apple crumble店員好細心咁提我地, 如果我地叫dauphinois potato可能會好飽我男朋友係大胃王, 又點會食唔晒呢嘿所以我地就照哩個組合店方仲好有誠意地話送個salad比我地...所以我地有個free caesar salad! Regular size,好感動:3chicken soup: homemade的味道, 無味精. 用料充足. 就是我以前在英國的家的味道~~~brocolli soup: 也不錯, 幼滑, 可以再濃味一點caesar salad: 好味, d菜好新鮮smashed potato: 有牛油香. 幼滑得來有薯仔碎, 好好食!!!!!!!dauphinois potato: 香濃芝士配薯仔. 一樣好有家的感覺! 以前我homestay都會整哩味薯仔. 真係好懷念. 不過對於好多香港人黎講, 就應該會幾滯下. 因為份量都唔細. 所以個店員講得岩架. 如果叫左哩味薯仔, 可以唔使再點都ok烤雞: 一個字:正! 醃得好入味! 因為係浸響醃料入面5.6個鐘呢. 係店主媽媽既recepie. 雞胸鞋左少少, 但其他部份的確好juicy~ 我敢講好食過uk大部份餐廳!!!唔使點sauce都好夠味.雞份量偏大. 一定夠食. 女仔既話可能3, 4個人分都夠.甜品: 不得不提, 個apple crumble係咁多年黎我食過最好味既!!!!!!!! Crumble好有牛油香味, 好鬆化. 蘋果好甜又香. 真係令我留低好深印象. 同下面食評d相乾憎憎既look唔係咁一樣. 同埋大份d.我會因為哩個crumble而再去chicken man ~><真係好回味. 喜歡crumble的你真係唔可以錯過. 真係好好食!bread pudding就普通啦.如果你好懷念英國既味道, 一定要黎the chicken man.佢仲好味過你響英國食過個d! XD希望會有多D人欣賞the chicken man. …查看更多

如意的蛋糕, 早就想試試, 不過價錢唔平今次4個人慶祝生日, 買個細既蛋糕都ok, 於是就響如意買左個1磅既芒果mousse蛋糕. ($288)佢外表望落膠膠地, 未食之前的確怕得個靚字, 味道唔好.但食落並唔係咁既一回事呢!mango mousse 算幼滑, 而且味道恰到好處, 有淡淡奶香, 唔會過甜, 有清新既芒果味最緊要係一d都唔膩! 再加想裝飾(+桃花)並唔係糖霜而係dark chocolate! 哩樣真係好驚喜, 又唔會蓋過mango mousse既味道真係一流!我自己唔鐘意太甜. 哩個蛋糕味道真係岩岩好. 老人家, 上年紀既壽星應該都唔會鐘意咁甜. 可以試下哩個味道呢.再加上成個裝飾都好靚, 特別係d中文字, 好秀麗!…查看更多

每次搭車經過都見到金興無論係咩時段都咁多人今次終於的起心肝黎試啦!7點半左右去到, 大概等左3個字就有位~場內氣氛好好, 熱鬧非常!搞到自己都high埋 ! haha2個人食左以下菜式:炒薄殼韭菜豬紅鹵水鵝片先講鵝片($80):鹵水汁好味, 不過鵝肉就比較普通, 都唔錯既韭菜豬紅($30):無乜特別(其實唔expect會有咩特別....), 不過韭菜份量都唔少炒薄殼($60):3個字: 好好食!其實我同我朋友都未食過薄殼, 所以黎試下薄殼肉都係貝殼肉咁味啦, 但正既係個汁, 食落同食白酒煮青口隻汁差唔多味. 有d驚喜薄殼細細粒吮吮下好過癮 !由於我地得2個人, 所以食左好耐!. 個道都有大概4個細飯碗咁多(有相位證).好滿足呀!以後想食白酒青口就可以黎哩道搵薄殼做代替品啦! 而且價錢一d都唔貴!至於有唔少comment話哩道比較污糟,但我覺得ok, 接受到喎, 唔係太污糟姐 !尚算企理呀同埋服務員都幾友善, 我朋友洗筷子個時倒轉左1隻黎洗, 有位哥哥都話返比我朋友聽同幫佢調返!好有人情味呀ha!下次黎要再食薄殼同試其他野2個人真係叫唔到太多~~…查看更多

今日早收工, 趕得切黎食魚湯米線 (哩道早收工嘛~)對上1次黎都差唔多半年前了叫左碗魚滑米線(正常size)魚滑一樣咁好味, 份量一樣咁足但唔知點解魚湯味淡過上次, 得淡淡魚湯味+胡椒味.....唔知係今係咁岩係咁, 定本身已經變得變淡味左?好味既魚湯真係好難搵, 希望下次黎食既時候, 水準可以上返啦 .…查看更多

因為朋友推介, 咁就黎試下感覺有d中伏....因為覺得野食普通, 個價唔值!我地叫左個煙蠔意粉 同一個雞扒蕃茄辣長通餐個雞扒餐係中伏, 唔係唔好食....係超普通...1個餐$5x...個湯係粉開出黎, 個甜品件cheese cake真係攝牙la都唔夠.....舊雞扒係就咁煎既雪雞扒ja ma...真係唔係好滿意佢主打係平又好味..但我覺得$5x都唔值...但個煙蠔意粉就好d, 佢寫就寫叫白汁. 但食得出應該係chipotle sauce~好重脂肪的.哩個係個汁好味既...其他料就普通啦再講個餐廳環境真係唔多好雖然我真係唔多介意個環境...但...所有野夾埋就真係唔多掂................唔會特登再去…查看更多

話說今日同個鄉下仔去睇下九龍寨城, 順便睇下附近有乜好食一講起九龍城就梗係諗起泰國菜啦,上openrice做足功課, 就決定黎泰之選啦(唔擺相啦反正其他人d相影得靚過我~hoho)上菜都好快下, 叫左無耐 (5 mins左右) d送就開始黎, 唔使10分鐘就黎晒1. 胡椒蝦片雖然要計$10, 不過隻蝦片幾惹味架. 同鄉下仔2個食下食下就食晒成兜2. 冬陰功湯叫左個細既, 2個人share剛剛好幾好味播我覺得係今餐最好味既一道菜飲落去飲得出有層次感首先覺得酸酸地好開胃, 接住落黎就係香料既香味, 跟住就黎個短暫的辣浸辣味好快就散, 唔會留響個口太耐好鐘意啊, 基本上唔識食太辣的我倆都飲得到 . 另外我鐘意既一樣野就係哩隻湯係唔覺有咩椰奶味...我自己唔鐘意椰奶浸味不過好似話正宗既泰國冬陰功湯係唔會落椰奶的3. 燒豬頸肉本身道豬頸肉都夠鹹. 如果點太多汁反而會蓋過左肉味肉邊邊烤得有點香脆, 唔錯唔錯. 同埋有時豬頸肉燒得唔好真係好油膩, 哩道的無咁既情況~~4. 飛天通菜個碟就細但其實份量都好多下架, 唔可以睇小!其實就類似係蒜容炒通菜~唔錯不過無乜特別5. 炒金邊粉有d失望, 因為我覺得個金邊粉唔係好夠味, 得少少甜少少酸. 同一般炒粉無乜分別...食開個隻係比較多酸甜汁, 哩道既金邊粉望落就應該唔係好多汁唔特別...建議可以試其他野食侍應姐姐們服務態度ok, 個別既姐姐開心d~~不過無乜問題呀, service唔錯ga個冬陰功真係好正呀~~~本身其實好想食咖哩蟹. 奈何得2個人食得哩樣就食唔到個樣下次一定會試下個咖哩蟹~或者係咖哩海鮮包…查看更多

價錢不算非常便宜, 但食物質素好, 也算正宗.服務亦非常好.份量也不算少. 誠意推介比想試地中海菜同埋響大尾督踩完車的朋友 !話說自從同朋友去完地中海之後一直都好掛住地中海既美食尤其是係烤肉同海鮮所以想響香港搵返地中海風味回味下!上openrice search地中海菜..好多都唔算正宗望落只係意大利/法國菜終於比我地search到Portofino! 見有烤骨所以有機會就黎試試!去到7點半左右, 得一檯客唔使等位我地點左3樣野頭盤: 豐富芝士蜆肉麵包小草蘑菇屋 ($68)個名好得意, 但英文只係clam stuffed mushroom其實就係釀左4種芝士同蜆肉既炸菇好滿意! 蜆肉好鮮味!!!!而蜆, 芝士同菇既味亦好夾, 食落唔肥膩, 芝士仲好煙韌~估唔到個頭盤會咁好味..已經對餐廳印象超好!主菜1. Bouillabaisse (馬賽魚湯)($9X)本來我地點哩個魚湯之外仲想點另一個蜆湯但細心的老闆娘話我地知其實2個湯都差唔多, 所以我地剩係試Bouillabaisse .這個版本的Bouillabaisse是有蕃茄味的~但更重要的是有海鮮的鮮味 !好鮮味! 食得出海鮮料都係新鮮貨我同我朋友都好滿意!比起響馬賽飲過的Bouillabaisse 都唔輸蝕呀!2. 恐龍骨 ($138)是秘制醬燒豬肋骨~~~~希臘同Cyprus既燒烤肉都令我一試難忘, 所以我對哩個恐龍骨都抱有好高期望架~相影得一pat野咁...但2個人每人都分到大概3條肋骨既份量哇, 果然唔錯! 唔係話有咩特色, 不過燒得唔錯!唔會話好乾順帶一提, 跟ribs的薯皮味道易唔錯, 岩岩新鮮出黎個陣更正!!唔會一pat野咁唔好睇我地好似叫咁少野. 食完Ｒibs我真係好飽啦, 我個位大胃王朋友都係!!正當我地抖緊個陣...侍應姐姐竟然送上一碟咖啡mousse蛋糕+雪糕係送架~~~真係飽到食唔落都繼續! 個蛋糕唔錯服務:老闆娘同侍應們都好有禮貌, 笑面迎人服務態度超好~~~~~~~~~~又會幫我地換碟好有誠意既餐廳價錢:唔使收加一: $274 for 2比起響soho食個d貴夾唔飽既高級餐廳..哩餐叫做抵!而且食物質素好!!! 值回票價本身對portofino好大期望, 而最後亦不失所望!不枉我地專情入黎大埔食!!見佢晚市都唔係話好多人, 真係戥佢地唔抵!!咁好既食物, 咁好既質素, 好應該有多d客人幫襯至係可能個價錢又唔係話超平啦..但想試地中海菜既朋友一定要黎食下應該遲下仲會繼續黎, 不過實在太遠啦!ps:我地咁樣散叫同叫 a la carte($9x-16x)差唔多價錢而 a la carte既款式就比較大眾化無咁地中海. …查看更多

真係好嬲...被不誠實既宣傳方法呃左...就咁睇個poster點都睇唔到邊道有寫最低消費4隻大字...真相: 原來係勁蠱惑地卷左去後面唔show出黎但寫左最低消費, 都無話最低消費係幾多錢姐!感覺自己真係好一條水魚...講真, 食夠 $60, 如果係值回票價的, ok我食但食物質素麻麻, 侍應態度又唔好, 哩$120真係食唔落!!!!!!!!!!!!!!!!!!!諗住食個宵夜都比人搵笨!話說個晚同bf晚飯之前食左野, 唔係好餓, 所以就想搵半價日式宵夜食下本來去開個間好多人排, 於是就周圍響銅鑼灣行下睇下...見到哩間東京出面個易拉架個海報...話9.30喪飲喪食半價, 問樓下reception係咪壽司卷物真係半價, 佢話係, 咪試下囉點左1客8件壽司圈, 1碟三文魚壽司同1碟三文魚子壽司質素好普通啦...算中下, 但半價都還可以既食完都飽飽地, 諗住埋單點知...個男經理黑口黑面咁話: 「你地知唔知有最低消費?你地無睇到出面呀?」我同我bf當堂打左個突....無人話過比我地知, 響檯上同menu上都無提過!我同我bf諗住系我地自己豬, 睇唔到門口個poster有寫掛...咁就算啦, 佢話我地2個人仲爭 $60(半價後個數), 因為最低消費係$60/head....（哩個時候, 坐我地後面既2個女客人聽到我地既對話, 都嚇左嚇...佢地到唔知有最低消費！）到最後我地食夠每人差唔多＄６０就算啦，　當自己豬埋單既時候機竟然多左＄１１．．．原來nuts要$10, 再加一= $11...真係好耐好耐無比人收nuts錢啦...除左去飲茶之外...以家既日式餐廳原來仲有nuts哩樣野....咁食到一肚氣走個時諗住睇返張poster究竟係寫d乜啦...大家留意啦...去圖!!!!就咁睇個poster點都睇唔到邊道有寫最低消費4隻大字...真相: 原來係勁蠱惑地卷左去後面唔show出黎但寫左最低消費, 都無話最低消費係幾多錢姐!感覺自己真係好一條水魚...講真, 食夠 $60, 如果係值回票價的, ok我食但食物質素麻麻, 侍應態度又唔好, 哩$120真係食唔落!!!!!!!!!!!!!!!!!!!諗住食個宵夜都比人搵笨!黑店!唔誠實! 以後都唔會在去! 哩個故事教訓我地貪便宜之前要問清楚諗清楚先!…查看更多

話說本來男友約左朋友出黎, 點知朋友黎唔到, 我又口痕想食日本野, 上openrice search下e, 原來哩間濤係日本餐廳, 平時渣車經過剩係覺得佢好神秘但唔知係咩黎...見d評價ok, 就試下啦以下就係我同我男友對食物的評價10分為滿分1) 帶子刺身 ($90):爆分食落去第1啖: 哇...好好味...再食落去:真係超鮮甜!!!!!!!!!!!平時我男友食野大大啖咁食野既, 但哩個帶子佢都細細嘴嚼真係好鮮甜...系我第1次領略到咩叫鮮甜...食個陣不停讚...食完依然不停回味2.) 和牛牛面肉($98) 7分係用好濃既汁燜既牛面肉食落個感覺d肉幾淋, 筋就入口即溶...好食就好食啦不過有d似食緊爽d既牛筋腩...我地都唔識形容以哩個價錢, 雖然系好味, 但感覺上有d唔抵. 下次黎會試其他野3) 立魚湯烏冬 ($7x) 9分我係湯精...哩個魚湯真係好好味呀!!!!好鮮味乳白色的魚湯真系引死人....烏冬當然好吃, 有點煙韌, 很好咬如果有其他"食送"送個烏冬可能會惹味d, 但就咁齋湯烏冬就可以品嚐到魚湯既鮮!4) 鵝肝海膽炒飯($8x): 9.5分炒飯好好吃, 海膽炒得好均勻, 鵝干煎得超香, 入口即溶, 成口充滿鵝干味, 份量都好夠, 如果海膽味更濃會好d服務:唔錯, 會自動斟茶, 無乜特別總結: 價錢雖唔算平, 但比起某些連鎖日式餐廳其實價錢相差不多比多少少就可以食更好味既食物, 何樂而不為呢?哩間餐廳真係幾有驚喜響道住左咁耐, 估唔到有間水準唔錯的日本餐廳!…查看更多